ထွက်​မြောက် 3:15 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁵ တစ်ဖန် ဘုရားသခင်​က မောရှေ​အား “​သင်​သည် အစ္စရေး​အမျိုးသား​တို့​အား ‘​သင်​တို့​ဘိုးဘေး​တို့​၏​ဘုရား​၊ အာဗြဟံ​၏​ဘုရား​၊ ဣဇက်​၏​ဘုရား​၊ ယာကုပ်​၏​ဘုရား​တည်းဟူသော ထာဝရဘုရား​သည် ငါ့​ကို သင်​တို့​ထံသို့ စေလွှတ်​တော်မူ​ပြီ​။ ဤ​နာမ​သည် ငါ​၏​ထာဝရ​နာမ​ဖြစ်​၏​။ မျိုးဆက်​အစဉ်အဆက် သိမှတ်​ရ​မည့် ငါ​၏​နာမ​ဖြစ်​၏’​ဟု ပြော​ရ​မည်​။

Common Language Bible

¹⁵ တစ်​ဖန်​ထာ​ဝ​ရ​ဘု​ရား​က​မော​ရှေ​အား``သင် တို့​ဘိုး​ဘေး​တို့​၏​ထာ​ဝ​ရ​ဘု​ရား၊ အာ​ဗြ​ဟံ ၏​ဘု​ရား၊ ဣ​ဇာက်​၏​ဘု​ရား၊ ယာ​ကုပ်​၏​ဘု​ရား တည်း​ဟူ​သော​ထာ​ဝ​ရ​ဘု​ရား​သည် သင်​တို့ ထံ​သို့​ငါ့​အား​စေ​လွှတ်​တော်​မူ​သည်​ဟု ဣ​သ​ရေ​လ​အ​မျိုး​သား​တို့​အား​ပြော​ရ မည်။ ဤ​နာ​မ​သည်​ထာ​ဝ​စဉ်​ငါ​၏​နာ​မ ဖြစ်​၏။ နောင်​လူ​မျိုး​အ​ဆက်​ဆက်​တို့​သည် ထို​နာ​မ​ဖြင့်​ငါ့​အား​သိ​ကြ​လိမ့်​မည်။-

Garrad Bible

¹⁵ တစ် ဖန် မော ရှေ အား ဘု ရား သ ခင် မိန့် တော် မူ သည် မှာ၊ သင် တို့ ဘိုး ဘေး များ၏ ဘု ရား သ ခင်၊ အာ ဗြ ဟံ၏ ဘု ရား၊ ဣ ဇာက် ၏ ဘု ရား၊ ယာ ကုပ်၏ ဘု ရား တည်း ဟူ သော ထာ ဝ ရ ဘု ရား သည် သင် တို့ ရှိ ရာ သို့ ငါ့ ကို စေ လွှတ် တော် မူ ပြီ ဟု ဣ သ ရေ လ အ မျိုး သား တို့ အား ကြား ပြော ရ မည်။ ထို အ မည် ကား၊ ကာ လ အ စဉ် ငါ့ အ မည်၊ လူ မျိုး အ ဆက် ဆက် ငါ့ဘွဲ့ နာ မ ဖြစ် ၏။

Judson Bible

¹⁵ တစ်​ဖန်​ဘု​ရား​သ​ခင်​က၊ သင်​တို့​ဘိုး​ဘေး​များ၏​ဘု​ရား​သ​ခင်၊ အာ​ဗြ​ဟံ၏​ဘု​ရား၊ ဣ​ဇာက်၏​ဘု​ရား၊ ယာ​ကုပ်၏​ဘု​ရား​တည်း​ဟူ​သော​ထာ​ဝ​ရ​ဘု​ရား​သည်၊ ငါ့​ကို သင်​တို့​ရှိ​ရာ​သို့​စေ​လွှတ်​တော်​မူ​ပြီ​ဟု ဣ​သ​ရေ​လ​အ​မျိုး​သား​တို့​အား ပြော​ရ​မည်။ ထို​အ​မည်​သည် အ​စဉ်​ငါ့​အ​မည်​ဖြစ်၏။ လူ​မျိုး​အ​စဉ်​အ​ဆက်​မ​ပြတ် ငါ့​ဘွဲ့​နာ​မ​ဖြစ်၏။

ထွက်​မြောက် 3:15 Referencias Cruzadas

ကမ္ဘာ​ဦး 24:12

“​အို အကျွန်ုပ်​သခင်​အာဗြဟံ​၏​ဘုရားသခင်​ထာဝရဘုရား​၊ ယနေ့ အကျွန်ုပ်​၏​အမှု​ကို အထမြောက်​အောင်မြင်​စေ​၍ အကျွန်ုပ်​၏​သခင်​အာဗြဟံ​အား မေတ္တာကရုဏာ​ကို​ပြ​တော်မူ​ပါ​။

၁ ရာ​ချုပ် 16:16

ဤသည်ကား အာဗြဟံ​နှင့် ဖွဲ့​ခဲ့​သော​ပဋိညာဉ်​၊ ဣဇက်​၌​ထား​ခဲ့​သော​ကတိ​တော် ဖြစ်​၏​။

၁ ရာ​ချုပ် 29:18

အကျွန်ုပ်​တို့​၏​ဘိုးဘေး​များ​ဖြစ်​သော အာဗြဟံ​၊ ဣဇက်​၊ အစ္စရေး​တို့​၏​ဘုရားသခင်​ထာဝရဘုရား​၊ ကိုယ်တော့်​လူမျိုး​တော်​တို့​၏​စိတ်နှလုံး​အကြံအစည်​များ​၊ စိတ်ဆန္ဒ​များ​ကို ယခု​ကဲ့သို့​အစဉ်အမြဲ​ဖြစ်​စေရန် စောင့်ထိန်း​ပေး​တော်မူ​ပါ​။ ကိုယ်တော့်​အဖို့ စိတ်နှလုံး​အသင့်ရှိ​သော​သူ​များ ဖြစ်​စေ​တော်မူ​ပါ​။

၂ ရာ​ချုပ် 28:9

ရှမာရိ​မြို့​၌ ဩဒက်​အမည်​ရှိ​သော​ထာဝရဘုရား​၏​ပရောဖက်​တစ်​ပါး ရှိ​၏​။ သူ​သည် ရှမာရိ​မြို့​သို့​ပြန်လာ​သော​စစ်သည်​ဗိုလ်ခြေ​တို့​ကို ထွက်ကြို​ပြီး “​သင်​တို့​ဘိုးဘေး​တို့​၏​ဘုရားသခင်​ထာဝရဘုရား​သည် ယုဒ​အမျိုး​ကို အမျက်​ထွက်​၍ သူ​တို့​ကို သင်​တို့​၏​လက်​သို့​အပ်​တော်မူ​သည်​ကို သင်​တို့​သည် မိုး​ထိ​အောင်​အမျက်​ထွက်​၍ သူ​တို့​ကို​သတ်ဖြတ်​လေ​ပြီ​။

ဆာ​လံ 102:12

သို့သော် အို ထာဝရဘုရား​၊ ကိုယ်တော်​သည် အစဉ်အမြဲ​စိုးစံ​တော်မူ​၏​။ ကိုယ်တော်​၏​ဂုဏ်​သတင်း​သည် မျိုးဆက်​အစဉ်အဆက်​တည်​ပါ​၏​။

ဆာ​လံ 102:13

ကိုယ်တော်​သည် ထ​၍ ဇိအုန်​ကို သနားစုံမက်​တော်မူ​လိမ့်မည်​။ အကြောင်းမူကား ဇိအုန်​ကို​သနား​ရ​မည့်​အချိန်​ဖြစ်​၏​။ သတ်မှတ်​ထား​သော​အချိန်​သည်​လည်း ရောက်လာ​ပြီ​ဖြစ်​၏​။

ဆာ​လံ 135:13

အို ထာဝရဘုရား​၊ ကိုယ်တော်​၏​နာမ​တော်​သည် အစဉ်အမြဲ​တည်​ပါ​၏​။ အို ထာဝရဘုရား​၊ ကိုယ်တော်​၏​ဂုဏ်​သတင်း​သည် မျိုးဆက်​အစဉ်အဆက်​တည်​ပါ​၏​။

ဆာ​လံ 30:4

ထာဝရဘုရား​၏​သန့်ရှင်း​သူ​တို့​၊ ကိုယ်တော်​ကို သီဆိုချီးမွမ်း​ကြ​လော့​။ ကိုယ်တော်​၏​သန့်ရှင်း​သော​နာမ​တော်​အတွက် ကိုယ်တော်​၏​ကျေးဇူးတော်​ကို​ချီးမွမ်း​ကြ​လော့​။

ဆာ​လံ 30:5

အကြောင်းမူကား ကိုယ်တော်​၏​အမျက်​တော်​သည် ခဏသာ​ဖြစ်​၏​။ ကိုယ်တော်​၏​ကျေးဇူး​တော်​မူကား တစ်သက်လုံး​တည်​၏​။ နေဝင်ချိန်​၌ ငိုကြွေးခြင်း​သည် လာ​၍​တည်းခို​သော်လည်း နံနက်အချိန်​၌ ရွှင်လန်း​စွာ​ကြွေးကြော်​ခြင်း​သည် ရောက်လာ​၏​။

ဆာ​လံ 68:5

ဖတဆိုး​တို့​၏​ဖခင်​၊ မုဆိုးမ​တို့​အတွက်​တရားစီရင်​ပေး​သော​အရှင်​မှာ မိမိ​၏​သန့်ရှင်း​သော​ကိန်းဝပ်​ရာ​အရပ်​၌ ရှိ​တော်မူ​သော ဘုရားသခင်​ပေတည်း​။

ဆာ​လံ 72:17

သူ​၏​နာမ​သည် အစဉ်အမြဲ​တည်​ပါစေသော​။ နေ​သည်​တည်​နေ​သရွေ့ သူ​၏​နာမ​သည် ဆက်၍​တည်​ပါစေသော​။ လူ​တို့​သည် သူ့​အားဖြင့် ကောင်းချီးမင်္ဂလာ​ခံစား​ရ​၍ လူမျိုး​အပေါင်း​တို့​သည် သူ့​ကို​မင်္ဂလာ​ရှိ​သူ​ဟု ခေါ်​ကြ​ပါစေသော​။

ဆာ​လံ 72:19

ကိုယ်တော်​၏​ဘုန်းကြီး​သော​နာမ​တော်​သည် အစဉ်အမြဲ​မင်္ဂလာရှိ​တော်မူ​ပါစေသော​။ ကမ္ဘာမြေ​တစ်ခွင်လုံး​သည် ကိုယ်တော်​၏​ဘုန်းအသရေ​တော်​နှင့်​ပြည့်​ပါစေသော​။ အာမင်​နှင့်​အာမင်​။

ထွက်​မြောက် 15:2

ထာဝရဘုရား​သည် ငါ​၏​အစွမ်းသတ္တိ​၊ ငါ​ကျူးဧရာ​တေးသီချင်း​၊ ငါ့​ကို​ကယ်တင်​သော​အရှင် ဖြစ်​တော်မူ​၏​။ ငါ​၏​ဘုရား​ဖြစ်​တော်မူ​သော ကိုယ်တော်​အား ငါ​ချီးမွမ်း​မည်​။ ငါ့​အဖ​၏​ဘုရား​ဖြစ်​တော်မူ​သော​ကိုယ်တော်​အား ငါ​ချီးမြှောက်​မည်​။

ထွက်​မြောက် 15:3

ထာဝရဘုရား​သည် စစ်သူရဲ​ဖြစ်​တော်မူ​၏​။ နာမ​တော်​ကား ထာဝရဘုရား​ပေတည်း​။

ထွက်​မြောက် 3:13

ထိုအခါ မောရှေ​က ဘုရားသခင်​အား “​အကျွန်ုပ်​သည် အစ္စရေး​အမျိုးသား​တို့​ထံသို့​သွား​၍ ‘​သင်​တို့​ဘိုးဘေး​တို့​၏​ဘုရားသခင်​သည် ငါ့​ကို သင်​တို့​ထံသို့​စေလွှတ်​တော်မူ​၏​’​ဟု ဆို​၍ သူ​တို့​က​လည်း ‘​ထို​ဘုရား​၏​နာမ​တော်​ကား မည်သို့​နည်း​’​ဟု ပြန်မေး​လျှင် အကျွန်ုပ်​သည် သူ​တို့​ကို မည်သို့​ပြန်ဖြေ​ရ​မည်နည်း​”​ဟု လျှောက်​လေ​၏​။

ထွက်​မြောက် 3:6

တစ်ဖန် ဘုရားသခင်​က “​ငါ​သည် သင့်​ဖခင်​၏​ဘုရား​၊ အာဗြဟံ​၏​ဘုရား​၊ ဣဇက်​၏​ဘုရား​၊ ယာကုပ်​၏​ဘုရား​ဖြစ်​၏​”​ဟု မိန့်​တော်မူ​၏​။ မောရှေ​သည် ဘုရားသခင်​ကို​မကြည့်ဝံ့​သဖြင့် မိမိ​မျက်နှာ​ကို ဖုံးကွယ်​ထား​လေ​၏​။

ထွက်​မြောက် 4:1

မောရှေ​က​လည်း “​သူ​တို့​သည် အကျွန်ုပ်​ကို​မ​ယုံ​၊ အကျွန်ုပ်​၏​စကား​ကို​လည်း​နား​မ​ထောင်​ဘဲ ‘​ထာဝရဘုရား​သည် သင့်​အား ကိုယ်​ထင်ရှားပြ​တော်​မ​မူ​’​ဟူ၍ ပြောဆို​ကြ​ပါ​လိမ့်မည်​”​ဟု ပြန်လျှောက်​လေ​၏​။

ထွက်​မြောက် 4:5

ထာဝရဘုရား​က “ဤ​အမှု​ကို​ထောက်​၍ သူ​တို့​ဘိုးဘေး​တို့​၏​ဘုရား​၊ အာဗြဟံ​၏​ဘုရား​၊ ဣဇက်​၏​ဘုရား​၊ ယာကုပ်​၏​ဘုရား​တည်းဟူသော ထာဝရဘုရား​သည် သင့်​အား ကိုယ်​ထင်ရှားပြ​တော်မူ​ကြောင်း သူ​တို့​ယုံ​ကြ​လိမ့်မည်​”​ဟု မိန့်​တော်မူ​၏​။

ထွက်​မြောက် 6:2

တစ်ဖန် ဘုရားသခင်​က မောရှေ​အား “​ငါ​သည် ထာဝရဘုရား​ဖြစ်​၏​။

သုတ္တံကျမ်း။ 18:10

ထာဝရဘုရား​၏​နာမ​တော်​သည် ခိုင်ခံ့​သော​ရဲတိုက်​ဖြစ်​၏​။ ဖြောင့်မတ်​သော​သူ​သည် ထို​ရဲတိုက်​သို့​ပြေးဝင်​၍ လုံခြုံ​စွာ​နေ​ရ​၏​။

ဟေ​ရှာ​ယ 26:8

အို ထာဝရဘုရား​၊ ကိုယ်တော်​၏​တရား​လမ်း​၌ ကိုယ်တော်​ကို အကျွန်ုပ်​တို့​စောင့်မျှော်​ကြ​ပါ​၏​။ ကိုယ်တော်​၏​နာမ​တော်​၊ ကိုယ်တော်​ပြု​တော်မူ​သော အမှတ်ရစရာ​ကို ကျွန်ုပ်​တို့​၏​စိတ်ဝိညာဉ် တောင့်တ​ပါ​၏​။

ဟေ​ရှာ​ယ 42:8

ငါ​သည် ထာဝရဘုရား​ဖြစ်​၏​။ ထို​နာမ​သည် ငါ​၏​နာမ​ဖြစ်​၏​။ ငါ​၏​ဘုန်းအသရေ​ကို အခြား​သော​သူ​အား​လည်းကောင်း​၊ ငါ​ခံထိုက်​သော​ချီးမွမ်း​ခြင်း​ကို ရုပ်တုဆင်းတု​တို့​အား​လည်းကောင်း ငါ​မ​ပေး​။

ဟေ​ရှာ​ယ 63:12

ဘုန်းကြီး​သော​လက်ရုံး​တော်​ကို မောရှေ​၏​လက်ယာ​လက်​နှင့်အတူ ရှိ​စေ​သော​သူ​၊ နာမ​တော်​အစဉ်​ထင်ရှား​စေရန် သူ​တို့​ရှေ့​တွင် ရေ​ကို​ခွဲ​သော​သူ​၊

ဟေ​ရှာ​ယ 9:6

အကြောင်းမူကား သူငယ်​သည် ငါ​တို့​အဖို့ ဖွားမြင်​တော်မူ​ပြီ​။ ငါ​တို့​အား သား​ကို​ပေး​တော်မူ​ပြီ​။ သူ​၏​ပခုံး​ပေါ်၌ အာဏာစက်​ရှိ​လိမ့်မည်​။ နာမ​တော်​ကို အံ့ဩဖွယ်​၊ တိုင်ပင်ဖက်​၊ တန်ခိုးကြီး​သော​ဘုရားသခင်​၊ ထာဝရ​အဖ​၊ ငြိမ်သက်​ခြင်း​အရှင်​ဟု ခေါ်ဝေါ်​ကြ​လိမ့်မည်​။

ယေ​ရ​မိ 33:2

“ကမ္ဘာမြေကြီး​ကို ဖန်ဆင်း​တော်မူ​သော​ထာဝရဘုရား​၊ ပုံဖော်​ဖြစ်တည်​စေ​တော်မူ​သော​ထာဝရဘုရား​၊ ယေဟောဝါ​အမည်​ရှိ​သော ထာဝရဘုရား​က

ဒံ​ယေ​လ 2:23

အို ဘိုးဘေး​တို့​၏​ဘုရားသခင်​၊ ကိုယ်တော်​၏​ကျေးဇူး​တော်​ကို ချီးမွမ်း​ပါ​၏​။ ကိုယ်တော့်​ကို ချီးမွမ်းထောမနာ​ပြု​ပါ​၏​။ ကိုယ်တော်​သည် အကျွန်ုပ်​အား ဉာဏ်ပညာ​နှင့် အစွမ်းတန်ခိုး​ကို​ပေး​၍ အကျွန်ုပ်​တောင်းလျှောက်​သော​အရာ​ကို ဖွင့်ပြ​တော်မူ​ပြီ​။ အကျွန်ုပ်​တို့​အား ရှင်ဘုရင်​၏​အိပ်မက်​ကို သိ​စေ​တော်မူ​ပါ​ပြီ​”​ဟူ၍ ချီးမွမ်း​မြွက်ဆို​လေ​၏​။

ဟော​ရှေ 12:5

ထာဝရဘုရား​သည် ကောင်းကင်​ဗိုလ်ခြေ​အရှင်​ဘုရားသခင် ဖြစ်​တော်မူ​၏​။ နာမ​တော်​သည် ထာဝရဘုရား ဖြစ်​၏​။

ဟော​ရှေ 12:6

သင်​သည် သင်​၏​ဘုရားသခင်​ထံသို့ ပြန်လှည့်​လာ​လော့​။ ကရုဏာတရား​၊ ဖြောင့်မတ်​ခြင်း​တရား​တို့​ကို စောင့်ထိန်း​လော့​။ သင်​၏​ဘုရားသခင်​ကို အစဉ်​စောင့်မျှော်​လော့​။

ဝတ်​ပြု 24:11

ထို​အစ္စရေး​အမျိုးသမီး​၏​သား​သည် နာမ​တော်​ကို​စော်ကားပြောဆို​လျက် ကျိန်ဆဲ​သောကြောင့် သူ့​ကို မောရှေ​ထံသို့​ခေါ်လာ​ကြ​၏​။ သူ့​မိခင်​၏​အမည်​မှာ ရှေလောမိတ်​ဖြစ်ပြီး ဒန်​အမျိုးအနွယ်​မှ ဒိဗရိ​၏​သမီး​ဖြစ်​၏​။

မိက္ခာ 4:5

လူမျိုး​အပေါင်း​တို့​သည် မိမိ​တို့​ဘုရား​များ​၏​နာမ​၌ အသီးသီး​လိုက်လျှောက်​ကြ​လိမ့်မည်​။ ငါ​တို့​မူကား ငါ​တို့​၏​ဘုရားသခင် ထာဝရဘုရား​နာမ​တော်​၌ ကာလ​အစဉ်အဆက်​လိုက်လျှောက်​ကြ​မည်​။

မာ​လ​ခိ 3:6

“အကယ်စင်စစ် ငါ​သည် ထာဝရဘုရား​ဖြစ်​၏​။ ပြောင်းလဲ​ခြင်း မ​ရှိ​။ ထို့ကြောင့် ယာကုပ်​သားမြေး​တို့​၊ သင်​တို့​သည် ပျက်စီး​ခြင်း​သို့​မ​ရောက်​ရ​ကြ​။

တမန်တော်ဝတ္ထု 3:13

အာဗြဟံ​၏​ဘုရား၊ ဣဇက်​၏​ဘုရား၊ ယာကုပ်​၏​ဘုရား၊ ငါ​တို့​ဘိုးဘေး​များ​၏​ဘုရား​သည် မိမိ​အမှုဆောင်​ယေရှု​၏​ဘုန်း​တော်​ကို ထင်ရှား​စေ​တော်မူ​ပြီ။ သင်​တို့​သည် ထို​အရှင်​ကို ဖမ်းဆီး​အပ်နှံ​၍ သူ့​ကို​လွှတ်​ပေး​မည်​ဟု​ဆုံးဖြတ်​ထား​သော​ပိလတ်​မင်း​ရှေ့၌ ငြင်းပယ်​ကြ​၏။

တမန်တော်ဝတ္ထု 7:32

‘ငါ​သည် သင့်​ဘိုးဘေး​တို့​၏​ဘုရား၊ အာဗြဟံ၊ ဣဇက်၊ ယာကုပ်​တို့​၏​ဘုရား​ဖြစ်​၏’​ဟူ၍ ထာဝရ​ဘုရား​၏​အသံ​တော်​ထွက်ပေါ်​လာ​၏။ ထိုအခါ မောရှေ​သည် တုန်လှုပ်​လျက် မ​ကြည့်​ဝံ့​ဘဲ​နေ​၏။

တ​ရား​ဟော 1:11

သင်​တို့​ဘိုးဘေး​တို့​၏​ဘုရားသခင်​ထာဝရဘုရား​သည် သင်​တို့​ကို အဆ​တစ်ထောင်​တိုးပွား​စေ​တော်မူ​ပါစေသော​။ ကတိထား​တော်မူ​သည့်​အတိုင်း သင်​တို့​ကို​ကောင်းချီးပေး​တော်မူ​ပါစေသော​။

တ​ရား​ဟော 1:35

‘​ထို​ပြည်​ကို သင်​တို့​ဘိုးဘေး​တို့​အား​ပေး​မည်​ဟု ငါ​ကျိန်ဆို​ခဲ့​သော်လည်း ထို​သာယာဝပြော​သော​ပြည်​ကို ဆိုးညစ်​သော​မျိုးဆက်​ဖြစ်​သည့် ဤ​လူ​တို့​တစ်ယောက်မျှ​မြင်​ရ​လိမ့်မည်​မ​ဟုတ်​။

တ​ရား​ဟော 4:1

အို အစ္စရေး​လူမျိုး​တို့​၊ သင်​တို့​အား သင်​တို့​ဘိုးဘေး​တို့​၏​ဘုရားသခင်​ထာဝရဘုရား​ပေး​တော်မူ​သော​ပြည်​သို့ သင်​တို့​သည် အသက်ချမ်းသာ​ရာ​ရ​၍ ဝင်ရောက်​ပိုင်ဆိုင်​ရ​မည့်​အကြောင်း သင်​တို့​လိုက်နာ​ရ​မည့် ငါ​သွန်သင်​သော ပြဋ္ဌာန်းချက်​နှင့်​စီရင်ထုံးဖွဲ့ချက်​တို့​ကို နားထောင်​ကြ​လော့​။

ဟေ​ဗြဲ 11:16

သို့သော် အမှန်​အားဖြင့် သူ​တို့​သည် အထက်​ကောင်းကင်​အရပ်​၌​ရှိ​သည့်​ပြည်​တည်းဟူသော သာ၍​မြတ်​သော​ပြည်​ကို အလွန်​တောင့်တ​နေ​ကြ​၏။ ထို့ကြောင့် ဘုရားသခင်​သည် သူ​တို့​၏​ဘုရား​ဟု​ခေါ်ဝေါ်​ခြင်း​ခံရ​သည်​ကို ရှက်​တော်​မ​မူ။ အကြောင်းမူကား ကိုယ်တော်​သည် သူ​တို့​အတွက် မြို့​တော်​ကို​ပြင်ဆင်​ထား​တော်မူ​၏။

ဟေ​ဗြဲ 13:8

ယေရှု​ခရစ်တော်​သည် မနေ့၊ ယနေ့​နှင့် နောင်​ကာလ​အစဉ်အဆက် ပြောင်းလဲ​ခြင်း​မ​ရှိ။