ထွက်​မြောက် 23:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ မဟုတ်မမှန်​သော​သတင်း​ကို​မ​ဖြန့်​ရ​။ ဆိုးယုတ်​သော​သူ​နှင့်​ပေါင်း​၍ မတရား​သော​သက်သေ မ​ထွက်ဆို​ရ​။

Common Language Bible

¹ ``သင်​တို့​သည်​မ​ဟုတ်​မ​မှန်​သော​သ​တင်း ကို​မ​လွှင့်​နှင့်။ အ​ပြစ်​ကူး​လွန်​သူ​ဘက်​မှ မ​တ​ရား​သက်​သေ​မ​ခံ​နှင့်။-

Garrad Bible

¹ သိမ် ဖျင်း သော သ တင်း စ ကား ကို မ ပြော ကြား နှင့်။ မ တ ရား သက် သေ အ ဖြစ် သို့ ရောက် ရန် လူ ဆိုး ကို လက် မ ဆက် နှင့်။

Judson Bible

¹ သင်​သည် မှား​သော​သ​တင်း​စ​ကား​ကို မ​ကြား​မ​ပြော​ရ။ မ​တ​ရား​သော​သူ​တို့​နှင့် ဝိုင်း​ညီ၍ မ​မှန်​သော​သက်​သေ​ကို​မ​ခံ​ရ။

ထွက်​မြောက် 23:1 Referencias Cruzadas

ကမ္ဘာ​ဦး 39:17

ထို​စကား​အတိုင်း​ပင် သခင်​အား “​အကျွန်ုပ်​တို့​ထံသို့ သခင်​ခေါ်လာ​ခဲ့​သော ဤ​ဟေဗြဲ​ကျွန်​သည် ကျွန်မ​ထံသို့​ဝင်လာ​၍ ကျွန်မ​ကို စော်ကား​ပါ​ပြီ​။

၂ ရာ 16:3

ထိုအခါ ရှင်ဘုရင်​က “​သင့်​သခင်​၏​သား​ကား အဘယ်မှာ​နည်း​”​ဟု မေး​လျှင် ဇိဘ​က “ ‘​အစ္စရေး​အမျိုးအနွယ်​တို့​သည် ငါ့​ခမည်းတော်​၏​နိုင်ငံ​ကို ငါ့​အား ပြန်ပေး​ကောင်း​ပေး​လိမ့်မည်’​ဟု ဆို​၍ ဂျေရုဆလင်​မြို့​တွင် နေ​ခဲ့​ပါ​၏”​ဟု ရှင်ဘုရင်​အား လျှောက်တင်​၏​။

၂ ရာ 19:27

ထို့ပြင် အကျွန်ုပ်​၏​သခင် အရှင်မင်းကြီး​ထံ ကျွန်တော်မျိုး​ကို ကုန်းချော​ခဲ့​ပါ​သေး​၏​။ အကျွန်ုပ်​၏​သခင် အရှင်မင်းကြီး​၊ အရှင်​သည် ဘုရားသခင်​၏​ကောင်းကင်တမန်​ကဲ့သို့​ဖြစ်​ပါ​သည်​။ အရှင်​အလိုရှိ​သည့်​အတိုင်း ပြု​တော်မူ​ပါ​။

ဆာ​လံ 101:5

မိမိ​၏​အိမ်နီးချင်း​ကို ကွယ်ရာ​တွင် မတရား​စွပ်စွဲ​ပြောဆို​သော​သူ​ကို အကျွန်ုပ်​ဖယ်ရှားသုတ်သင်​ပါ​မည်​။ ဘဝင်မြင့်​သော​မျက်နှာ​နှင့် မော်ကြွား​သော​စိတ်နှလုံး​ရှိ​သူ​ကို အကျွန်ုပ်​သည်းခံ​မည်​မ​ဟုတ်​ပါ​။

ဆာ​လံ 120:3

အို လိမ်လည်ကောက်ကျစ်​သော​လျှာ​၊ ကိုယ်တော်​သည် သင့်​ကို မည်သို့​ပြု​မည်နည်း​၊ သင့်​ကို မည်သည့်​အရာ​ဖြင့် ထပ်၍​ဒဏ်ခတ်​မည်နည်း​ဟူမူကား

ဆာ​လံ 15:3

မိမိ​နှုတ်​ဖြင့်​အတင်းပြောဆို​ခြင်း​မ​ပြု​သော​သူ​၊ မိမိ​၏​အိမ်နီးချင်း​အပေါ်​မကောင်းမှု​ကို​မ​ပြု​သော​သူ​၊ မိမိ​ဝန်းကျင်​၌​ရှိ​သော​သူ​ကို ကဲ့ရဲ့ပြစ်တင်​ခြင်း​မ​ပြု​သော​သူ​၊

ဆာ​လံ 27:12

အကျွန်ုပ်​၏​ရန်သူ​တို့​အလို​အတိုင်း​ပြု​ကြ​စေရန် အကျွန်ုပ်​ကို​အပ်​တော်​မ​မူ​ပါ​နှင့်​။ အကြောင်းမူကား မုသား​သက်သေ​တို့​သည် အကျွန်ုပ်​တစ်ဖက်​၌​ထ​ကြ​လျက် ရက်စက်ကြမ်းကြုတ်​သော​စကား​ကို တရစပ်​ပြောဆို​ကြ​ပါ​၏​။

ဆာ​လံ 35:11

ရက်စက်ကြမ်းကြုတ်​သော​သက်သေ​တို့​သည် ထ​ကြ​၍ ငါ​မ​သိ​သော​အရာ​များ​ကို ငါ့​အား​မေးမြန်း​ကြ​၏​။

ထွက်​မြောက် 20:16

သင်​၏​အိမ်နီးချင်း​ကို​ဆန့်ကျင်​၍ မမှန်​သော​သက်သေ​မ​ထွက်ဆို​ရ​။

ထွက်​မြောက် 23:7

ဆိုးယုတ်​သော​သူ​ကို ဖြောင့်မတ်​သည်​ဟု ငါ​စီရင်​မည်​မ​ဟုတ်​။ သို့ဖြစ်၍ မဟုတ်မမှန်​သော​အမှုအရာ​ကို ဝေးဝေးရှောင်​ရ​မည်​။ အပြစ်မဲ့​သော​သူ​၊ ဖြောင့်မတ်​သော​သူ​ကို မ​သတ်​ရ​။

သုတ္တံကျမ်း။ 10:18

မုန်းတီး​ခြင်း​ကို​ဖုံးကွယ်​ထား​သော​သူ​၌ မုသား​နှုတ်ခမ်း​ရှိ​၏​။ အသရေပျက်​စေ​သော​စကား​ကို ဖြန့်​သူ​သည် မိုက်မဲ​သော​သူ​ဖြစ်​၏​။

သုတ္တံကျမ်း။ 12:17

ဖြောင့်မတ်​စွာ​ပြောဆို​သော​သူ​သည် သစ္စာစကား​ကို​ထွက်ဆို​တတ်​၏​။ မုသား​သက်သေ​မူကား လိမ်လည်လှည့်ဖြား​သော​စကား​ကို​ထွက်ဆို​တတ်​၏​။

သုတ္တံကျမ်း။ 14:5

သစ္စာရှိ​သော​သက်သေ​သည် လိမ်လည်​ခြင်း​မ​ပြု​။ မုသား​သက်သေ​မူကား လိမ်လည်​ထွက်ဆို​တတ်​၏​။

သုတ္တံကျမ်း။ 17:4

ဆိုးညစ်​သော​အမှု​ကို​ပြု​သော​သူ​သည် ယုတ်ညံ့​သော​စကား​ကို အာရုံစိုက်​နားထောင်​တတ်​၏​။ မုသား​ပြောဆို​သော​သူ​သည်​လည်း ယုတ်မာစဉ်းလဲ​သော​စကား​ကို စူးစိုက်​နားထောင်​တတ်​၏​။

သုတ္တံကျမ်း။ 19:28

ဆိုးညစ်​သော​သက်သေ​သည် တရားမျှတမှု​ကို ပြက်ရယ်​ပြု​တတ်​၏​။ ဆိုးယုတ်​သော​သူ​တို့​၏​နှုတ်​သည်​လည်း အပြစ်ဒုစရိုက်​ကို ဝါးမျို​တတ်​၏​။

သုတ္တံကျမ်း။ 19:5

မုသား​သက်သေ​သည် အပြစ်ဒဏ်​နှင့်​ကင်းလွတ်​လိမ့်မည်​မ​ဟုတ်​။ လိမ်လည်​ထွက်ဆို​သော​သူ​သည်​လည်း လွတ်မြောက်​လိမ့်မည်​မ​ဟုတ်​။

သုတ္တံကျမ်း။ 19:9

မုသား​သက်သေ​သည် အပြစ်ဒဏ်​နှင့်​ကင်းလွတ်​လိမ့်မည်​မ​ဟုတ်​။ လိမ်လည်​ထွက်ဆို​သော​သူ​သည်​လည်း ပျက်စီး​ရ​လိမ့်မည်​။

သုတ္တံကျမ်း။ 21:28

လိမ်လည်​သော​သက်သေ​သည် ပျက်စီး​သွား​လိမ့်မည်​။ ကိုယ်တိုင်​ကြား​ရ​သော​သူ​မူကား အစဉ်​ပြောဆို​နေ​လိမ့်မည်​။

သုတ္တံကျမ်း။ 24:28

အကြောင်းမရှိ​ဘဲ သင်​၏​အိမ်နီးချင်း​ကို​ဆန့်ကျင်​၍ သက်သေ​မ​ထွက်ဆို​နှင့်​။ သင်​၏​နှုတ်ခမ်း​ဖြင့် မ​လှည့်စား​နှင့်​။

သုတ္တံကျမ်း။ 25:18

မိမိ​၏​အိမ်နီးချင်း​တစ်ဖက်​၌ မုသား​သက်သေ​ထွက်ဆို​သော​သူ​သည် တင်းပုတ်​၊ ဓား​၊ ချွန်ထက်​သော​မြား​နှင့်​တူ​၏​။

သုတ္တံကျမ်း။ 25:23

မြောက်​လေ​သည် မိုး​ကို​ဖြစ်ပေါ်​စေ​တတ်​၏​။ အတင်းပြော​သော​လျှာ​သည်​လည်း ဒေါသ​မျက်နှာထား​ကို ဖြစ်ပေါ်​စေ​တတ်​၏​။

သုတ္တံကျမ်း။ 6:19

လိမ်လည်​ထွက်ဆို​သော​မုသား​သက်သေ​နှင့် ညီအစ်ကို​တို့​ကြား​၌ အငြင်းပွားမှု​များ​ဖြစ်ပွား​စေ​သော သူ​တို့​ဖြစ်​ကြ​၏​။

ယေ​ရ​မိ 20:10

အကြောင်းမူကား လူ​အများ​တို့​က “​ပတ်ပတ်လည်​၌ ကြောက်လန့်စရာ​ရှိ​၏​။ သတင်းပို့​ကြ​စို့​။ ငါ​တို့​သတင်းပို့​ကြ​စို့​”​ဟူ၍ တီးတိုးပြောသံ​ကို​သာ ငါ​ကြား​ရ​၏​။ အကျွန်ုပ်​၏​မိတ်ဆွေရင်းချာ​အပေါင်း​တို့​လည်း အကျွန်ုပ်​ပြိုလဲ​သည်​ကို စောင့်ကြည့်​၍ “​သူ့​ကို လှည့်စား​၍ ရ​ကောင်း​ရ​နိုင်​လိမ့်မည်​။ သူ့​ကို အနိုင်ယူ​မည်​။ လက်တုံ့ပြန်​မည်​”​ဟု ဆို​ကြ​၏​။

ဝတ်​ပြု 19:11

မ​ခိုး​ရ​။ မ​လိမ်ညာ​ရ​။ သူတစ်ပါး​ကို မ​လှည့်စား​ရ​။

ဝတ်​ပြု 19:16

သင်​၏​လူမျိုး​တို့​တွင် လှည့်လည်​၍ သူတစ်ပါး​အသရေပျက်​အောင် မ​ပြော​ရ​။ သင်​၏​အိမ်နီးချင်း​ကို အသက်အန္တရာယ်​ဖြစ်​အောင် မ​ပြု​ရ​။ ငါ​သည် ထာဝရဘုရား​ဖြစ်​၏​။

မဿဲ 19:18

ထို​သူ​က​လည်း “မည်သည့်​ပညတ်တော်​များ​နည်း”​ဟု မေးလျှောက်​ပြန်​သော် ယေရှု​က“လူ​မ​သတ်​ရ။ အိမ်ထောင်ရေး​ဖောက်ပြန်​မှု​ကို မ​ကျူးလွန်​ရ။ မ​ခိုးယူ​ရ။ မမှန်​သော​သက်သေ​ထွက်ဆို​ခြင်း​မ​ပြု​ရ။

လုကာ 19:8

ဇက္ခဲ​သည်​ရပ်​လျက် “သခင်​ဘုရား၊ အကျွန်ုပ်​၏​ဥစ္စာ​ပစ္စည်း​တစ်ဝက်​ကို ဆင်းရဲသား​တို့​အား​ပေး​ပါ​မည်။ ထို့ပြင် တစ်စုံတစ်ဦး​ထံမှ တစ်စုံတစ်ရာ​ကို မတရား​တောင်းခံ​ထား​သည်​ဆိုလျှင် လေးဆ​ပြန်​ပေး​ပါ​မည်”​ဟု သခင်​ဘုရား​အား​လျှောက်​လေ​၏။

လုကာ 3:14

စစ်မှုထမ်း​များ​သည်​လည်း “အကျွန်ုပ်​တို့​သည် မည်သို့​ပြု​ရ​မည်နည်း”​ဟု မေး​ကြ​လျှင် ယောဟန်​က “သူတစ်ပါး​ထံမှ ငွေ​ညှစ်ယူ​ခြင်း၊ မတရား​တောင်းခံ​ခြင်း မ​ပြု​ကြ​နှင့်။ မိမိ​တို့​ရ​သော​လခ​နှင့် ရောင့်ရဲ​ကြ​လော့”​ဟု ပြန်ပြော​လေ​၏။

ရှင်ယောဟန် 7:51

“ငါ​တို့​၏​ပညတ်​တရား​သည် လူ​တစ်​ဦး​ကို သူ့​ထံမှ ဦးစွာ​ကြားနာ​ခြင်း​မ​ရှိ၊ သူ​ပြု​နေ​သော​အမှုအရာ​ကို​လည်း​မ​သိ​ဘဲ စီရင်​ပါ​မည်​လော”​ဟု ဆို​လျှင်

ရော​မ 3:8

“ကောင်းကျိုး​သက်ရောက်​စေရန် မကောင်း​သော​အမှု​ကို ပြု​ကြ​ကုန်စို့”​ဟု ဆို​၍​မ​ရ​နိုင်​သလော။ လူ​အချို့​တို့​က ထိုကဲ့သို့​ငါ​တို့​ပြောဆို​နေ​သည်​ဟု​ဆို​လျက် ငါ​တို့​ကို စော်ကား​ပြောဆို​ကြ​၏။ ထို​သူ​တို့​သည် ပြစ်ဒဏ်​စီရင်​ခြင်း​ကို ခံထိုက်​ကြ​၏။

ဧ​ဖက် 4:25

ထို့ကြောင့် မုသား​စကား​ကို​ဖယ်ရှား​၍ သင်​တို့​တစ်ဦးစီ​သည် မိမိ​ဝန်းကျင်​၌​ရှိ​သော​သူ​အား မှန်​သော​စကား​ကို​ပြော​ကြ​လော့။ အကြောင်းမူကား ငါ​တို့​သည် တစ်ဦး​နှင့်​တစ်ဦး ကိုယ်အင်္ဂါ​ချင်း​များ​ဖြစ်​ကြ​၏။

တ​ရား​ဟော 5:20

သင်​၏​အိမ်နီးချင်း​တစ်ဖက်​၌ မမှန်​သော​သက်သေ​မ​ထွက်ဆို​ရ​။

၂ တိ 3:3

ကြင်နာစိတ်​ကင်းမဲ့​သော​သူ၊ ရန်ငြိုး​ဖွဲ့​သော​သူ၊ ကုန်းချော​တတ်​သော​သူ၊ မိမိ​စိတ်​ကို​မချုပ်တည်း​နိုင်​သော​သူ၊ ကြမ်းကြုတ်​သော​သူ၊ ကောင်း​သော​အမှု​ကို​မုန်း​သော​သူ၊

၁ ပေ 3:16

သို့သော် နူးညံ့​သိမ်မွေ့​သော​စိတ်၊ ကြောက်ရွံ့​ရိုသေ​သော​စိတ်​နှင့် ကြည်လင်​သော​အသိစိတ်​တို့​ဖြင့် ဖြေရှင်း​ပြောဆို​ကြ​လော့။ သို့ပြုလျှင် ခရစ်တော်​၌​ရှိ​သည့် သင်​တို့​၏​ကောင်း​သော​အသက်ရှင်​နေထိုင်​မှု​ကို ကဲ့ရဲ့​ရှုတ်ချ​သော​သူ​တို့​သည် သင်​တို့​ကို ပုတ်ခတ်​ပြောဆို​သည့်​အတွက် အရှက်ရ​ကြ​လိမ့်မည်။

ဗျာ​ဒိတ် 12:10

ထို့နောက် ကောင်းကင်​မှ​ကျယ်လောင်​သော​အသံ​က “ငါ​တို့​ဘုရားသခင်​၏​ကယ်တင်​ခြင်း၊ တန်ခိုး​တော်၊ နိုင်ငံ​တော်​နှင့် ကိုယ်တော်​၏​ခရစ်တော်​၌​ရှိ​သော​အာဏာစက်​တို့​သည် ယခု​ပေါ်ထွန်း​လေ​ပြီ။ အကြောင်းမူကား ငါ​တို့​၏​ညီအစ်ကို​များ​ကို​စွပ်စွဲ​သော​သူ​တည်းဟူသော ငါ​တို့​ဘုရားသခင်​၏​ရှေ့​တော်​၌ နေ့​ရော​ည​ပါ သူ​တို့​ကို​စွပ်စွဲ​သော​သူ​သည် ပစ်ချ​ခြင်း​ခံရ​လေ​ပြီ။