ထွက်​မြောက် 12:42 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴² ထို​ည​သည် အီဂျစ်​ပြည်​မှ သူ​တို့​ကို​ထုတ်ဆောင်​ရန် ထာဝရဘုရား​စောင့်စား​ခဲ့​သော​ည​ဖြစ်​၏​။ ထို​ည​သည် အစ္စရေး​အမျိုးသား​အပေါင်း​တို့ မျိုးဆက်​အစဉ်အဆက်​ထာဝရဘုရား​အဖို့ စောင့်ထိန်း​ရ​သော​ည​ဖြစ်​၏​။

Common Language Bible

⁴² ထို​နေ့​ည​သည်​ထာ​ဝ​ရ​ဘု​ရား​က​သူ​တို့ ကို​အီ​ဂျစ်​ပြည်​မှ​ထုတ်​ဆောင်​ရန်​စောင့်​ကြပ် ကြည့်​ရှု​သော​ည​ဖြစ်​၏။ သို့​ဖြစ်​၍​ဣ​သ​ရေ​လ အ​မျိုး​အ​စဉ်​အ​ဆက်​တို့​သည် ထို​ည​ကို ထာ​ဝ​ရ​ဘု​ရား​ထုတ်​ဆောင်​တော်​မူ​ရာ​ည အ​ထိမ်း​အ​မှတ်​ပွဲ​တော်​အ​ဖြစ်​နှစ်​စဉ် ကျင်း​ပ​ကြ​လေ​သည်။

Garrad Bible

⁴² အိ ဂျစ် ပြည် မှ ထုတ် ဆောင် တော် မူ သည့် အ တွက် ထို ညဉ့် သည် ထာ ဝ ရ ဘု ရား ကို ရည် မှတ်၍ စောင့် ရ သော ညဉ့် ဣ သ ရေ လ အ မျိုး သား တို့ အ စဉ် အ ဆက် မ ပြတ် ထာ ဝ ရ ဘု ရား ကို ရည် မှတ်၍ စောင့် ရ သော ညဉ့် ဖြစ် သ တည်း။

Judson Bible

⁴² အဲ​ဂု​တ္တု​ပြည်​မှ နုတ်​ဆောင်​တော်​မူ​သော​အ​တွက်​ကြောင့်၊ ထို​နေ့​ည​ကို အ​ထူး​သ​ဖြင့် ထာ​ဝ​ရ​ဘု​ရား၌​စောင့်​စ​ရာ​ကောင်း၏။ ဣ​သ​ရေ​လ​အ​မျိုး​သား​တို့၏ အ​မျိုး​အ​စဉ်​အ​ဆက်​မ​ပြတ် စောင့်​ရ​သော ထာ​ဝ​ရ​ဘု​ရား၏​ည​ကား၊ ဤ​သည်​ည​ပေ​တည်း။

ထွက်​မြောက် 12:42 Referencias Cruzadas

ဆာ​လံ 136:11

ကိုယ်တော်​သည် အစ္စရေး​လူမျိုး​ကို ထို​သူ​တို့​အထဲ​မှ ထုတ်ဆောင်​တော်မူ​၏​။ အကြောင်းမူကား ကိုယ်တော်​၏​မေတ္တာကရုဏာ​တော်​သည် အစဉ်အမြဲ​တည်​၏​။

ထွက်​မြောက် 12:14

ဤ​နေ့​သည် သင်​တို့​အတွက် အောက်မေ့ဖွယ်​နေ့​ဖြစ်​၏​။ ဤ​နေ့​တွင် ထာဝရဘုရား​အဖို့ ပွဲတော်​ကျင်းပ​ရ​မည်​။ ထို​ပွဲတော်​ကို အစဉ်အမြဲ​လိုက်နာ​ရ​မည့်​ပြဋ္ဌာန်းချက်​အဖြစ် သင်​တို့​၏​မျိုးဆက်​အစဉ်အဆက် ကျင်းပ​ရ​မည်​။

ထွက်​မြောက် 13:10

သို့ဖြစ်၍ နှစ်စဉ်နှစ်တိုင်း ဤ​ပြဋ္ဌာန်းချက်​ကို သတ်မှတ်​ထား​သော​အချိန်​၌ သင်​တို့​စောင့်ထိန်း​ရ​မည်​။

ထွက်​မြောက် 13:3

ထို့နောက် မောရှေ​က အစ္စရေး​လူမျိုး​တို့​အား “​ကျွန်ခံရာ​အိမ်​အီဂျစ်​ပြည်​မှ သင်​တို့​ထွက်လာ​သော ဤ​နေ့ရက်​ကို အောက်မေ့​လော့​။ အကြောင်းမူကား ထာဝရဘုရား​သည် အားကြီး​သော​လက်​တော်​ဖြင့် သင်​တို့​ကို ဤ​အရပ်​မှ ထုတ်ဆောင်​တော်မူ​ခဲ့​၏​။ တဆေးပါသောမုန့်​ကို​မ​စား​ရ​။

ထွက်​မြောက် 34:18

တဆေးမဲ့မုန့်​ပွဲတော်​ကို စောင့်ထိန်း​ရ​မည်​။ အဗိဗ​လ​၌ အီဂျစ်​ပြည်​မှ သင်​ထွက်လာ​သည်​ဖြစ်၍ သင့်​အား​ငါ​မိန့်မှာ​ထား​သည့်​အတိုင်း သတ်မှတ်​ထား​သော​အချိန်​၊ အဗိဗ​လ​၌ ခုနစ်​ရက်​ပတ်လုံး တဆေးမဲ့မုန့်​ကို​စား​ရ​မည်​။