တ​ရား​ဟော 8:8 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁸ ဂျုံ​၊ မုယော​၊ စပျစ်ပင်​၊ သဖန်းပင်​၊ သလဲပင်​တို့​နှင့်​ပြည့်​သော​ပြည်​၊ သံလွင်​ဆီ​၊ ပျားရည်​တို့​နှင့်​ပြည့်​သော​ပြည်​၊

Common Language Bible

⁸ ထို​ပြည်​တွင်​ဂျုံ၊ မု​ယော​စ​ပါး၊ စ​ပျစ်​သီး၊ သ​ဖန်း သီး၊ သ​လဲ​သီး၊ သံ​လွင်​သီး၊ ပျား​ရည်​စ​သည်​တို့ ပေါ​များ​သည်။-

Garrad Bible

⁸ ဂျုံ စ ပါး၊ မု ယော စ ပါး၊ စ ပျစ်၊ သ ဖန်း၊ သ လဲ ပင် များ နှင့် ပြည့် စုံ သော ပြည်၊ သံ လွင် သီး၊ ပျား ရည် နှင့် ပြည့် စုံ သော ပြည်၊

Judson Bible

⁸ ဂျုံ၊ မု​ယော၊ စ​ပျစ်​ပင်၊ သင်္ဘော​သ​ဖန်း​ပင်၊ သ​လဲ​ပင်​နှင့် ပြည့်​စုံ​သော​ပြည်၊ သံ​လွင်​ဆီ၊ ပျား​ရည်​နှင့်​ပြည့်​စုံ​သော​ပြည်၊

တ​ရား​ဟော 8:8 Referencias Cruzadas

ကမ္ဘာ​ဦး 49:11

သူ​၏​မြည်း​ကို စပျစ်ပင်​၌​ချည်​ထား​၏​။ သူ့​မြည်းမ​၏​သား​ကို အကောင်းဆုံးစပျစ်ပင်​၌​ချည်​ထား​၏​။ သူ​၏​အဝတ်တန်ဆာ​ကို စပျစ်ဝိုင်​ဖြင့် လျှော်​၏​။ သူ​၏​ဝတ်ရုံ​ကို စပျစ်​သွေး​ဖြင့် လျှော်​၏​။

၂ ရာ 4:6

ရေခပ်​နှင့်​ဗာနာ ညီအစ်ကို​နှစ်​ဦး​သည် ဂျုံစပါး​ယူ​သူ​အယောင်ဆောင်​ပြီး အိမ်​အတွင်းခန်း​သို့​ဝင်​ကာ ဣရှဗောရှက်​မင်းကြီး​၏​ဝမ်း​ကို ထိုး​ပြီးလျှင် ထွက်ပြေး​သွား​ကြ​၏​။

၃ ရာ 5:11

ရှောလမုန်​မင်းကြီး​သည်​လည်း ဟိရံ​မင်းကြီး​၏​နန်းတွင်းသူ​နန်းတွင်းသား​တို့ စားစရာ​အဖို့ ဂျုံ​ကောရ​နှစ်သောင်း​နှင့် ကြိတ်​ထား​သော​သံလွင်ဆီ ကောရ​နှစ်ဆယ်​ကို ပေး​၏​။ ထိုသို့ ရှောလမုန်​မင်းကြီး​သည် ဟိရံ​မင်းကြီး​အဖို့ နှစ်စဉ်​ပြု​ပေး​လေ​၏​။

၄ ရာ 18:32

သင်​တို့ အသက်​မ​သေ ရှင်ကျန်​နေ​မည့်​အကြောင်း ငါ​သည် လာ​၍ သင်​တို့​ပြည်​ကဲ့သို့ ကောက်ပဲသီးနှံ​နှင့် စပျစ်ဝိုင်​အသစ်​ထွက်​သော​ပြည်​၊ အစားအစာ​နှင့် စပျစ်ခြံ​ပေါများ​သော​ပြည်​၊ သံလွင်​ဆီ​နှင့် ပျားရည်​ရှိ​ရာ​ပြည်​သို့ သင်​တို့​ကို ခေါ်ဆောင်​သွား​မည်​။ ဟေဇကိ​က ထာဝရဘုရား​သည် ငါ​တို့​ကို​ကယ်နုတ်​တော်မူ​မည်​ဟု ဆို​လျက် လှည့်စား​သည်​ကို မ​ခံ​ကြ​နှင့်​။

ဆာ​လံ 147:14

ကိုယ်တော်​သည် သင်​၏​နယ်နိမိတ်​ထဲ၌ ငြိမ်းချမ်းမှု​ရှိ​စေ​၍ အကောင်းဆုံး​သော​ဂျုံဆန်​ဖြင့် သင့်​ကို​ဝပြော​စေ​တော်မူ​၏​။

ဆာ​လံ 81:16

အစ္စရေး​လူမျိုး​ကို​ကား အကောင်းဆုံး​သော​ဂျုံဆန်​ဖြင့် ကိုယ်တော်​ကျွေးမွေး​တော်မူ​လိမ့်မည်​။ “​ငါ​သည် ကျောက်ဆောင်​မှ​ထွက်​သော​ပျားရည်​ဖြင့် သင့်​ကို​ဝပြော​စေ​မည်​။​”

ဟေ​ရှာ​ယ 7:23

ထို​နေ့ရက်​၌ စပျစ်ပင်​တစ်ထောင်​ပါရှိ​သော တစ်ထောင်​တန်​စပျစ်ခြံ​တိုင်း​သည် ချုံတော​၊ ဆူးတော​များ​ဖြစ်သွား​လိမ့်မည်​။

ယေ​ရ​မိ 2:7

ကောင်း​သော​အသီးအနှံ​တို့​ကို စား​ရ​မည့်​အကြောင်း သင်​တို့​အား သီးနှံ​ဖြစ်ထွန်း​သော​ပြည်​သို့ ငါ​ခေါ်ဆောင်​လာ​၏​။ သို့သော် သင်​တို့​ရောက်လာ​၍ ငါ့​ပြည်​ကို​ညစ်ညူး​စေ​ကြ​၏​။ အမွေ​ပြည်​ကို စက်ဆုပ်ရွံရှာဖွယ် ဖြစ်စေ​ကြ​၏​။

ယေ​ရ​မိ 5:17

ထို​လူမျိုး​သည် သင်​၏​အသီးအနှံ​၊ အစားအစာ​တို့​ကို ဝါးမျို​လိမ့်မည်​။ သင်​၏​သားသမီး​တို့​ကို​လည်း ဝါးမျို​လိမ့်မည်​။ သင်​၏​သိုးအုပ်​၊ နွားအုပ်​တို့​ကို​လည်း ဝါးမျို​လိမ့်မည်​။ သင်​၏​စပျစ်ပင်​၊ သင်္ဘောသဖန်းပင်​တို့​ကို​လည်း ဝါးမျို​လိမ့်မည်​။ သင်​ကိုးစား​သော​သင်​၏​ခံတပ်​မြို့​များ​ကို​ပါ​မ​ချန် ဓားလက်နက်​ဖြင့်​ဖျက်ဆီး​လိမ့်မည်”​ဟု မိန့်​တော်မူ​၏​။

ယေ​ဇ​ကျေ​လ 27:17

ယုဒ​ပြည်​၊ အစ္စရေး​ပြည်​တို့​သည်​လည်း သင်​နှင့်​ကုန်သွယ်​ကြ​၏​။ သင့်​ကုန်စည်​တို့​ကို မိန္နိတ်​မြို့​မှ​ထွက်​သော ဂျုံ​၊ မုန့်​၊ ပျားရည်​၊ ဆီ​၊ လိမ်းဆေး စသည်​တို့​နှင့် လဲလှယ်​ကြ​၏​။

ဟော​ရှေ 2:22

မြေကြီး​သည် ဆန်စပါး​၊ စပျစ်ဝိုင်​အသစ်​၊ ဆီ​တို့​ကို ထူး​လိမ့်မည်​။ ထို​အရာ​တို့​သည်​လည်း ယေဇရေလ​ကို ထူး​လိမ့်မည်​။

ဟော​ရှေ 2:8

သူ့​အား ကောက်ပဲသီးနှံ​၊ စပျစ်ဝိုင်​အသစ်​၊ ဆီ​တို့​ကို​ပေး​သော​သူ​မှာ ငါ​ဖြစ်ကြောင်း​၊ ဗာလ​ဘုရား​ကို​ပူဇော်​သော​ရွှေ​ငွေ​တို့​ကို တိုးပွား​စေ​သူ​မှာ ငါ​ဖြစ်ကြောင်း သူ​မ​သိ​။

မိက္ခာ 4:4

လူ​တို့​သည် မိမိ​တို့​၏​စပျစ်ပင်​၊ သဖန်းပင်​တို့​အောက်​တွင် ထိုင်​ကြ​လိမ့်မည်​။ သူ​တို့​ကို ခြိမ်းခြောက်​မည့်​သူ တစ်ယောက်​မျှ​ရှိ​မည်​မ​ဟုတ်​။ ထိုသို့ ကောင်းကင်​ဗိုလ်ခြေ​အရှင်​ထာဝရဘုရား နှုတ်မြွက်​တော်မူ​ပြီ​။

ဟ​ဗက္ကုတ် 3:17

သဖန်းပင် မ​ပွင့်​၊ စပျစ်ပင် မ​သီး​၊ သံလွင်ပင်​လည်း မ​ဖြစ်ထွန်း​၊ လယ်ယာ​သီးနှံ​လည်း မ​ထွက်​၊ သိုး​ခြံ​မှ သိုး​ပြတ်​၍ တင်းကုပ်​များ​၌ နွား​တစ်​ကောင်​မျှ​မ​ရှိ​သော်လည်း

တော​လည် 13:23

သူ​တို့​သည် ဧရှကောလ​ချိုင့်ဝှမ်း​သို့​ရောက်​သောအခါ ထို​အရပ်​မှ စပျစ်သီး​အပြွတ်လိုက်​ပါ​သော​စပျစ်ခိုင်​တစ်​ခိုင်​ကို အကိုင်း​နှင့်တကွ​ခုတ်ယူ​၍ သလဲသီး​၊ သဖန်းသီး​အချို့​တို့​နှင့်အတူ ထမ်းပိုး​ဖြင့် လူ​နှစ်​ယောက်​ထမ်းလာ​ကြ​၏​။

ရှင်ယောဟန် 6:13

တပည့်​တော်​တို့​သည်​လည်း ကောက်သိမ်း​ကြ​ရာ လူ​တို့​စား​ခဲ့​သော​မုယော​မုန့်​ငါး​လုံး​မှ ကြွင်းကျန်​သည့်​အကျိုးအပဲ့​များ​ကို တစ်ဆယ့်နှစ်​တောင်း​အပြည့်​ရ​ကြ​၏။

ရှင်ယောဟန် 6:9

“ဤ​နေရာ​တွင် မုယော​မုန့်​ငါး​လုံး​နှင့်​ငါး​နှစ်​ကောင်​ပါ​သော သူငယ်​တစ်​ယောက်​ရှိ​ပါ​၏။ သို့သော် ဤမျှလောက်​များပြား​သော​သူ​တို့​အတွက် ထို​မုန့်​နှင့်​ငါး​တို့​သည် မည်သို့​အကျိုးထူး​မည်နည်း”​ဟု လျှောက်​လေ​၏။

တ​ရား​ဟော 32:13

ကိုယ်တော်​သည် သူ့​ကို မြေကြီး​ပေါ်ရှိ မြင့်ရာအရပ်​တို့​၌​နေရာ​ချထား​၍ သူ​သည် လယ်ယာ​သီးနှံ​ကို​စား​ရ​၏​။ ကိုယ်တော်​သည် သူ့​ကို ကျောက်တောင်​ထဲမှ​ပျားရည်​ဖြင့်​လည်းကောင်း​၊ မီးခတ်​ကျောက်ဆောင်​ထဲမှ​ဆီ​ဖြင့်​လည်းကောင်း​၊

တ​ရား​ဟော 32:14

နွား​မှ​ရ​သော​ထောပတ်​၊ သိုး​မှ​ရ​သော​သိုး​နို့​၊ သိုးသငယ်​အဆီ​၊ ဗာရှန်​ပြည်​သိုးထီး​၊ ဆိတ်ထီး​နှင့်တကွ အကောင်းဆုံး​ဂျုံ​ဖြင့်​လည်းကောင်း ကျွေးမွေး​တော်မူ​၏​။ စပျစ်​သွေး​တည်းဟူသော​ဝိုင်နီ​ကို​လည်း သောက်​ရ​၏​။

တ​ရား​ဟော 6:3

အို အစ္စရေး​လူမျိုး​၊ နားထောင်​လော့​။ ပညတ်တော်​တို့​ကို လိုက်နာ​စောင့်ထိန်း​လော့​။ သို့ပြုလျှင် သင့်​အား သင့်​ဘိုးဘေး​တို့​၏​ဘုရားသခင်​ထာဝရဘုရား​ကတိထား​တော်မူ​သည့်​အတိုင်း နို့​နှင့်​ပျားရည်​စီး​သော​ပြည်​၌ သင်​သည်​ကောင်းစား​၍ အလွန်​တိုးပွား​လိမ့်မည်​။

တ​ရား​ဟော 8:7

သင်​၏​ဘုရားသခင်​ထာဝရဘုရား​သည် သာယာဝပြော​သော​ပြည်​ဖြစ်​သည့် ချိုင့်ဝှမ်း​၊ တောင်ကုန်း​တို့​ထဲမှ စီးထွက်​လာ​သည့် စမ်းချောင်း​၊ စမ်းရေတွင်း​၊ စိမ့်စမ်းရေ​တို့​နှင့်​ပြည့်​သော​ပြည်​၊

တ​ရား​ဟော 8:9

အစားအစာ​ခေါင်းပါး​ခြင်း​မ​ရှိ​ဘဲ ဝလင်​စွာ​စား​ရ​၍ မည်သည့်​အရာ​မျှ​ချို့တဲ့​ခြင်း​မ​ရှိ​သော​ပြည်​၊ သံရိုင်း​ထွက်​သော​ပြည်​၊ တောင်​များ​ထဲမှ ကြေးနီ​ကို​တူးဖော်​ရရှိ​သည့်​ပြည်​သို့ သင့်​ကို​ပို့ဆောင်​တော်မူ​၏​။