တ​ရား​ဟော 8:7 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁷ သင်​၏​ဘုရားသခင်​ထာဝရဘုရား​သည် သာယာဝပြော​သော​ပြည်​ဖြစ်​သည့် ချိုင့်ဝှမ်း​၊ တောင်ကုန်း​တို့​ထဲမှ စီးထွက်​လာ​သည့် စမ်းချောင်း​၊ စမ်းရေတွင်း​၊ စိမ့်စမ်းရေ​တို့​နှင့်​ပြည့်​သော​ပြည်​၊

Common Language Bible

⁷ သင်​တို့​၏​ဘု​ရား​သ​ခင်​ထာ​ဝ​ရ​ဘု​ရား​သည် သင်​တို့​ကို​အစာ​ရေ​စာ​ပေါ​ကြွယ်​ဝ​သော​ပြည် သို့​ပို့​ဆောင်​လျက်​ရှိ​တော်​မူ​၏။ ထို​ပြည်​ရှိ​ချိုင့် ဝှမ်း​နှင့်​တောင်​ကုန်း​များ​တွင် မြစ်​များ၊ စမ်း​ပေါက် များ၊ မြေ​အောက်​စမ်း​များ​စီး​ထွက်​လျက်​ရှိ​လေ သည်။-

Garrad Bible

⁷ သင် တို့ ဘု ရား သ ခင် ထာ ဝ ရ ဘု ရား သည် ကောင်း မွန် သော ပြည်၊ လွင် ပြင်၊ တောင် ရိုး များ မှ ထွက် စီး ရာ ချောင်း ရေ၊ စမ်း ရေ၊ စိမ့် ရေ များ နှင့် ပြည့် စုံ သော ပြည်၊

Judson Bible

⁷ အ​ကြောင်း​မူ​ကား၊ သင်၏ ဘု​ရား​သ​ခင်​ထာ​ဝ​ရ​ဘု​ရား​သည် ကောင်း​သော​ပြည်၊ ချိုင့်​ထဲ၊ တောင်​ထဲ​က​ပေါက်​သော​မြစ်၊ ချောင်း၊ စမ်း​ရေ​တွင်း၊ ရေ​ကန်​များ​နှင့် ပြည့်​စုံ​သော​ပြည်၊

တ​ရား​ဟော 8:7 Referencias Cruzadas

ကမ္ဘာ​ဦး 49:11

သူ​၏​မြည်း​ကို စပျစ်ပင်​၌​ချည်​ထား​၏​။ သူ့​မြည်းမ​၏​သား​ကို အကောင်းဆုံးစပျစ်ပင်​၌​ချည်​ထား​၏​။ သူ​၏​အဝတ်တန်ဆာ​ကို စပျစ်ဝိုင်​ဖြင့် လျှော်​၏​။ သူ​၏​ဝတ်ရုံ​ကို စပျစ်​သွေး​ဖြင့် လျှော်​၏​။

၄ ရာ 18:32

သင်​တို့ အသက်​မ​သေ ရှင်ကျန်​နေ​မည့်​အကြောင်း ငါ​သည် လာ​၍ သင်​တို့​ပြည်​ကဲ့သို့ ကောက်ပဲသီးနှံ​နှင့် စပျစ်ဝိုင်​အသစ်​ထွက်​သော​ပြည်​၊ အစားအစာ​နှင့် စပျစ်ခြံ​ပေါများ​သော​ပြည်​၊ သံလွင်​ဆီ​နှင့် ပျားရည်​ရှိ​ရာ​ပြည်​သို့ သင်​တို့​ကို ခေါ်ဆောင်​သွား​မည်​။ ဟေဇကိ​က ထာဝရဘုရား​သည် ငါ​တို့​ကို​ကယ်နုတ်​တော်မူ​မည်​ဟု ဆို​လျက် လှည့်စား​သည်​ကို မ​ခံ​ကြ​နှင့်​။

ဆာ​လံ 104:10

ကိုယ်တော်​သည် လျှိုမြောင်​များ​ထဲ၌ စမ်းရေ​တို့​ကို​ထွက်​စေ​တော်မူ​၍ တောင်​များ​ကြား​၌ စီးဆင်း​ကြ​ပါ​၏​။

ဆာ​လံ 106:24

တစ်ဖန် သူ​တို့​သည် ကိုယ်တော်​၏​ကတိ​တော်​ကို မ​ယုံ​၊ သာယာ​သော​ပြည်​ကို အလေးမထား​ဘဲ

ထွက်​မြောက် 3:8

ထို့ကြောင့် အီဂျစ်​လူမျိုး​တို့​လက်​မှ သူ​တို့​ကို​ကယ်နုတ်​၍ သူ​တို့​ကို အီဂျစ်​ပြည်​မှ​ထုတ်ဆောင်​ပြီး ခါနာန်​လူမျိုး​၊ ဟိတ္တိ​လူမျိုး​၊ အာမောရိ​လူမျိုး​၊ ဖေရဇိ​လူမျိုး​၊ ဟိဝိ​လူမျိုး ယေဗုသိ​လူမျိုး တို့​နေထိုင်​ရာ​အရပ်​ဖြစ်​သည့် ကောင်းမွန်​ကျယ်ဝန်း​သော​ပြည်​၊ နို့​နှင့်​ပျားရည်​စီး​သော​ပြည်​သို့ ပို့ဆောင်​ရန် ငါ​ကြွလာ​ပြီ​။

ဟေ​ရှာ​ယ 36:17

နောက်မှ ငါ​လာ​၍ သင်​တို့​ပြည်​ကဲ့သို့ ကောက်ပဲသီးနှံ​နှင့် စပျစ်ဝိုင်​အသစ်​ထွက်​သော​ပြည်​၊ အစားအစာ​နှင့် စပျစ်ခြံ​ပေါများ​သော​ပြည်​သို့ သင်​တို့​ကို ငါ​ခေါ်ဆောင်​သွား​မည်​။

ဟေ​ရှာ​ယ 5:1

ငါ​ချစ်​သော​သူ​အတွက် သူ​၏​စပျစ်ခြံ​ကို​ရည်စူး​၍ မေတ္တာ​သီချင်း​ကို ငါ​သီဆို​မည်​။ မြေဆီမြေနှစ်​ကောင်း​သော​တောင်ကုန်း​ပေါ်တွင် ငါ​ချစ်​သော​သူ​၏​စပျစ်ခြံ​ရှိ​၏​။

ယေ​ရ​မိ 2:7

ကောင်း​သော​အသီးအနှံ​တို့​ကို စား​ရ​မည့်​အကြောင်း သင်​တို့​အား သီးနှံ​ဖြစ်ထွန်း​သော​ပြည်​သို့ ငါ​ခေါ်ဆောင်​လာ​၏​။ သို့သော် သင်​တို့​ရောက်လာ​၍ ငါ့​ပြည်​ကို​ညစ်ညူး​စေ​ကြ​၏​။ အမွေ​ပြည်​ကို စက်ဆုပ်ရွံရှာဖွယ် ဖြစ်စေ​ကြ​၏​။

ယေ​ဇ​ကျေ​လ 17:5

ထို​ပြည်​မှ မျိုးစေ့​အချို့​ကို​ယူ​ပြီး ရေ​ဝ​သော​မြေ​ပေါ်မှာ စိုက်​ထား​သော​မိုးမခပင်​ကဲ့သို့ မြေဩဇာ​ကောင်း​သော​မြေ​တွင် စိုက်​ထား​၏​။

ယေ​ဇ​ကျေ​လ 20:6

ထို​နေ့​တွင်ပင် သူ​တို့​ကို အီဂျစ်​ပြည်​မှ​ထုတ်ဆောင်​ပြီး ပြည်​တကာ​တို့​ထက် သာယာဝပြော​သော​ပြည်​၊ သူ​တို့​အဖို့ ရွေးချယ်​ထား​သော ‘နို့​နှင့်​ပျားရည်​စီး​သော​ပြည်’​သို့ ပို့ဆောင်​ပေး​မည်​ဟု ကတိသစ္စာ​ပြု​ခဲ့​၏​။

တ​ရား​ဟော 8:6

သင်​၏​ဘုရားသခင်​ထာဝရဘုရား​၏​လမ်း​တော်​သို့​လိုက်​၍ ကိုယ်တော်​ကို​ကြောက်ရွံ့​မည့်​အကြောင်း ကိုယ်တော်​၏​ပညတ်တော်​များ​ကို စောင့်ထိန်း​ရ​မည်​။

တ​ရား​ဟော 8:8

ဂျုံ​၊ မုယော​၊ စပျစ်ပင်​၊ သဖန်းပင်​၊ သလဲပင်​တို့​နှင့်​ပြည့်​သော​ပြည်​၊ သံလွင်​ဆီ​၊ ပျားရည်​တို့​နှင့်​ပြည့်​သော​ပြည်​၊

သူ​ကြီး 18:10

သင်​တို့​ရောက်သွား​သောအခါ ကျယ်ဝန်း​သော​ပြည်​နှင့် စိတ်အေးလက်အေး​နေထိုင်​သော​လူ​တို့​ကို တွေ့​ရ​လိမ့်မည်​။ ဘုရားသခင်​သည် လိုလေသေး​မ​ရှိ ပြီးပြည့်စုံ​သော​ထို​ပြည်​ကြီး​ကို သင်​တို့​လက်​သို့ အပ်​တော်မူ​ပြီ​”​ဟု ပြန်ပြော​ကြ​၏​။