တ​ရား​ဟော 32:46 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴⁶ “​ယနေ့ သင်​တို့​အား ငါ​သတိပေး​သော​စကား​ရှိသမျှ​တို့​ကို နှလုံးသွင်း​ကြ​လော့​။ ဤ​တရား​စကား​ရှိသမျှ​တို့​ကို လိုက်နာ​စောင့်ထိန်း​မည့်​အကြောင်း သင်​တို့​၏​သားသမီး​တို့​ကို မှာကြား​ကြ​လော့​။

Common Language Bible

⁴⁶ ``သင်​တို့​အား​ငါ​ယ​နေ့​ပေး​သ​မျှ​သော​ပညတ် တို့​ကို​စောင့်​ထိန်း​ကြ​လော့။ သင်​တို့​၏​သား​သ​မီး တို့​သည်​လည်း ဘု​ရား​သ​ခင်​၏​ပ​ညတ်​ရှိ​သ​မျှ ကို တစ်​သ​ဝေ​မ​တိမ်း​လိုက်​လျှောက်​စေ​ရန်​သွန် သင်​လော့။-

Garrad Bible

⁴⁶ ဤ ပ ညတ် တ ရား အ ချက် ချက် ကို စောင့် ရှောက် လိုက် နာ ကြ ရ စေ ခြင်း ငှါ၊ သား မြေး တို့ အား သင် တို့ မှာ ထား ရ မည့် ယ နေ့ ငါ သက် သေ ခံ သ မျှ ကို နှ လုံး သွင်း ကြ လော့။

Judson Bible

⁴⁶ သင်​တို့​အား ယ​နေ့​ငါ​သက်​သေ​ခံ​သ​မျှ​သော စ​ကား​တို့​ကို နှ​လုံး​သွင်း​ကြ​လော့။ သင်​တို့​သား​သ​မီး​တို့​သည် ဤ​ပ​ညတ်​တ​ရား စ​ကား​တော်​အ​လုံး​စုံ​တို့​ကို စောင့်​ရှောက်​စေ​ခြင်း​ငှာ၊ သူ​တို့​အား ထပ်​ဆင့်၍ မှာ​ထား​ရ​ကြ​မည်။

တ​ရား​ဟော 32:46 Referencias Cruzadas

၁ ရာ​ချုပ် 22:19

ယခု သင်​တို့​သည် စိတ်နှလုံး​အကြွင်းမဲ့​၊ စိတ်ဝိညာဉ်​ပါ​လျက် သင်​တို့​၏​ဘုရားသခင်​ထာဝရဘုရား​ကို ရှာ​ကြ​လော့​။ ထ​၍ ထာဝရဘုရား​အဖို့​သန့်ရှင်းရာဌာန​ကို တည်ဆောက်​ကြ​လော့​။ သို့မှ ထာဝရဘုရား​၏​ပဋိညာဉ်​သေတ္တာ​တော်​၊ ဘုရားသခင်​အဖို့ သန့်ရှင်း​သော​အသုံးအဆောင်​များ​ကို ထာဝရဘုရား​၏​နာမ​တော်​တည်​ဖို့​ဆောက်လုပ်​ထား​သော​အိမ်​တော်​ထဲတွင် ထားရှိ​နိုင်​မည်​”​ဟု မိန့်မှာ​လေ​၏​။

ဆာ​လံ 78:5

အကြောင်းမူကား ကိုယ်တော်​သည် သက်သေခံချက်​ကို ယာကုပ်​၌​တည်​စေ​၍ တရားတော်​ကို အစ္စရေး​၌​ထား​တော်မူ​၏​။ ၎င်း​တို့​ကို သားသမီး​များ​အား​သင်ကြား​ပေး​ရန် ငါ​တို့​၏​ဘိုးဘေး​တို့​ကို မိန့်မှာ​တော်မူ​၏​။

သုတ္တံကျမ်း။ 12:28

ဖြောင့်မတ်​သော​လမ်း​၌​အသက်ရှင်​ခြင်း​ရှိ​၍ ထို​လမ်းခရီး​တစ်လျှောက်​၌ သေ​ခြင်း​မ​ရှိ​။

ယေ​ဇ​ကျေ​လ 40:4

ထို​သူ​က ငါ့​အား “​အချင်း​လူသား​၊ မျက်စိ​ဖွင့်​၊ နားစွင့်​ပြီး ငါ​ပြ​မည့်​အရာ​အားလုံး​ကို နှလုံးသွင်း​မှတ်ကျုံး​လော့​။ ဤ​အရာ​တို့​ကို သင့်​အား​ငါ​ပြသ​ရန် သင့်​ကို ဤ​နေရာ​သို့ ခေါ်ဆောင်​လာ​ခြင်း​ဖြစ်​၏​။ သင်​မြင်​သမျှ​သော​အရာ​တို့​ကို အစ္စရေး​လူမျိုး​တို့​အား ပြန်လည်​ပြောပြ​လော့”​ဟု မြွက်ဆို​၏​။

ယေ​ဇ​ကျေ​လ 44:5

ထိုအခါ ထာဝရဘုရား​က ငါ့​အား “​အချင်း​လူသား​၊ ငါ​မိန့်ဆို​ထား​သော ထာဝရဘုရား​၏​အိမ်​တော်​ဆိုင်ရာ ပြဋ္ဌာန်းချက်​၊ ပညတ်ချက် အလုံးစုံ​တို့​ကို သင့်​မျက်စိ​ဖြင့် ကြည့်​လော့​။ နား​ဖြင့် နားထောင်​လော့​။ စိတ်နှလုံး​ဖြင့် မှတ်ကျုံး​လော့​။ အိမ်​တော်​အဝင်ပေါက်​၊ သန့်ရှင်းရာဌာန​အထွက်ပေါက်​တို့​ကို သေချာ​စွာ​မှတ်သား​လော့​။

အာ​မုတ် 5:4

ထာဝရဘုရား​က အစ္စရေး​အမျိုးအနွယ်​အား “အသက်ချမ်းသာ​ရာ​ရ​မည့်​အကြောင်း ငါ့​ကို​ရှာ​ကြ​လော့​။

လုကာ 9:44

“ဤ​စကား​များ​ကို သင်​တို့​နား​ထဲ၌ စွဲမြဲ​စေ​ကြ​လော့။ လူ့သား​သည် လူ​တို့​၏​လက်​သို့ အပ်နှံ​ခြင်း​ခံရ​တော့မည်”​ဟု မိန့်​တော်မူ​၏။

တ​ရား​ဟော 11:18

သို့ဖြစ်၍ ငါ​ဆင့်ဆို​သော ဤ​နှုတ်ကပတ်တော်​တို့​ကို သင်​တို့​၏​စိတ်နှလုံး​ထဲ၌​လည်းကောင်း​၊ သင်​တို့​၏​စိတ်ဝိညာဉ်​ထဲ၌​လည်းကောင်း သွင်း​ထား​ရ​မည်​။ သင်​တို့​၏​လက်​၌ အမှတ်လက္ခဏာ​အဖြစ် ချည်​ထား​ရ​မည်​။ သင်​တို့​၏​မျက်မှောင်​၌ အမှတ်သင်္ကေတ​အဖြစ် ရှိ​စေ​ရ​မည်​။

တ​ရား​ဟော 11:19

သင်​တို့​၏​သားသမီး​တို့​အား သင်ကြား​ပေး​ရ​မည်​။ သင်​သည် အိမ်​၌​နေ​သည်​ဖြစ်စေ​၊ လမ်း​လျှောက်​နေ​သည်​ဖြစ်စေ​၊ အိပ်​နေ​သည်​ဖြစ်စေ​၊ ထ​လျက်​နေ​သည်​ဖြစ်စေ ပြောကြား​ရ​မည်​။

တ​ရား​ဟော 32:45

မောရှေ​သည် အစ္စရေး​လူမျိုး​အပေါင်း​တို့​အား ဤ​သီချင်း​စာသား​ရှိသမျှ​တို့​ကို မြွက်ဆို​ပြ​ပြီး​နောက်

တ​ရား​ဟော 4:6

လိုက်နာ​စောင့်ထိန်း​ကြ​လော့​။ သို့ပြုလျှင် ဤ​ပြဋ္ဌာန်းချက်​ရှိသမျှ​ကို​ကြားသိ​သော​လူမျိုး​ရှေ့​၌ သင်​တို့​သည်​ဉာဏ်ပညာ​ရှိ​သူ​၊ အမြော်အမြင်​ရှိ​သူ​ဟု ထင်ရှား​လိမ့်မည်​။ သူ​တို့​က​လည်း ‘​အကယ်စင်စစ် ဤ​လူမျိုး​သည် ပညာရှိ​သော​၊ အမြော်အမြင်​ရှိ​သော​လူမျိုး​ကြီး​ဖြစ်​၏​’​ဟု ဆို​ကြ​လိမ့်မည်​။

တ​ရား​ဟော 4:9

သင်​တို့​သတိပြု​ကြ​လော့​။ သင်​တို့​မျက်စိ​ဖြင့်​တွေ့မြင်​ခဲ့​ရ​သော​အမှုအရာ​များ​ကို သင်​တို့​မ​မေ့လျော့​စေရန်​နှင့် သင်​တို့​အသက်ရှင်​သမျှ​ကာလ​ပတ်လုံး သင်​တို့​စိတ်နှလုံး​လမ်း​မ​လွဲ​စေရန် သင်​တို့​၏​စိတ်​ကို​အထူး​စောင့်ထိန်း​လော့​။ သင်​တို့​၏​သား​မြေး​တို့​ကို​လည်း ပြောပြ​ကြ​လော့​။

ဟေ​ဗြဲ 2:1

ထို့ကြောင့် ငါ​တို့​သည် လွဲချော်​မ​သွား​ကြ​စေရန် ကြား​ရ​သော​အရာ​တို့​ကို အထူး​အာရုံစိုက်​ကြ​ရ​မည်။