တ​ရား​ဟော 32:29 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁹ သူ​တို့​သည် ဉာဏ်ပညာရှိ​လျှင် ဤ​အမှု​ကို​နားလည်​ကြ​လိမ့်မည်​။ သူ​တို့​၏​နိဂုံး​ကို​ဆင်ခြင်​မိ​ကြ​လိမ့်မည်​။

Common Language Bible

²⁹ သူ​တို့​သည်​မည်​သည့်​အ​ကြောင်း​ကြောင့် စစ်​ရှုံး​ရ​သည်​ကို​မ​သိ​ကြ။ ဖြစ်​ပျက်​သည့်​အ​ကြောင်း​အ​ရာ​ကို​လည်း နား​မ​လည်​နိုင်​ကြ။

Garrad Bible

²⁹ ဉာဏ် ပ ညာ မ ကင်း လျှင်၊ ထို အ ခြင်း အ ရာ ကို နား လည်၍ အ ကျိုး အ ပြစ် ကို လည်း မြော် မြင် ခဲ့ ကြ လေ ပြီ။

Judson Bible

²⁹ ပ​ညာ​ကို​ရ၍ ဤ​အ​မှု​ကို နား​လည်​ကြ​ပါ​စေ​သော။ နောက်​ဆုံး​ကာ​လ၌ အ​ဘယ်​သို့​ဖြစ်​မည်​ကို ဆင်​ခြင်​ကြ​ပါ​စေ​သော​ဟု မိန့်​တော်​မူ၏။

တ​ရား​ဟော 32:29 Referencias Cruzadas

ဆာ​လံ 107:15

ကိုယ်တော်​၏​မေတ္တာကရုဏာ​တော်​နှင့် လူသား​တို့​၌​ပြု​တော်မူ​သော ကိုယ်တော်​၏​အံ့ဖွယ်​သော​အမှု​များ​အတွက် သူ​တို့​သည် ထာဝရဘုရား​၏​ကျေးဇူးတော်​ကို ချီးမွမ်း​ကြ​ပါစေ​။

ဆာ​လံ 107:43

မည်သူ​သည် ပညာရှိ​ဖြစ်​သနည်း​။ ထို​သူ​သည် ဤ​အမှုအရာ​တို့​ကို​မှတ်သားဆင်ခြင်​၍ ထာဝရဘုရား​၏​မေတ္တာကရုဏာ​တော်​ကို နားလည်​ပါစေ​။

ဆာ​လံ 81:13

ငါ့​လူမျိုး​တော်​သည် ငါ့​စကား​ကို​နားထောင်​၍ အစ္စရေး​လူမျိုး​သည် ငါ​၏​လမ်း​အတိုင်း​လျှောက်လှမ်း​ခဲ့​လျှင်

ဆာ​လံ 90:12

အကျွန်ုပ်​တို့​သည် ဉာဏ်ပညာ​နှင့်​ပြည့်စုံ​သော စိတ်နှလုံး​ရှိ​လာ​မည့်​အကြောင်း အကျွန်ုပ်​တို့​၏ နေ့ရက်​များ​ကို မှန်ကန်​စွာ​ရေတွက်​နိုင်​ရန် သွန်သင်​တော်မူ​ပါ​။

ဟေ​ရှာ​ယ 10:3

စစ်ကြောစီရင်​ရာ​နေ့​၊ ဝေး​သော​အရပ်​မှ​ဖျက်ဆီး​ခြင်း​ဘေး ရောက်လာ​သော​နေ့​၌ သင်​တို့​မည်သို့​ပြု​ကြ​မည်နည်း​။ မည်သူ့​ထံ​ပြေး​၍ အကူအညီ​တောင်း​ကြ​မည်နည်း​။ သင်​တို့​၏​စည်းစိမ်ဥစ္စာ​များ​ကို မည်သည့်​နေရာ​၌​ထားခဲ့​ကြ​မည်နည်း​။

ဟေ​ရှာ​ယ 42:23

သင်​တို့​တွင် မည်သူ​သည် ဤ​အကြောင်းအရာ​ကို စူးစိုက်​နားထောင်​မည်နည်း​။ နောင်ကာလ​တွင် မည်သူ​သည် အာရုံစိုက်​နားထောင်​၍ ကြား​လိမ့်​မည်နည်း​။

ဟေ​ရှာ​ယ 47:7

သင်​က “​ငါ​သည် သခင်မ ထာဝစဉ်​ဖြစ်​နေ​မည်​”​ဟု ဆို​လျက် ဤ​အရာ​တို့​ကို​နှလုံး​မ​သွင်း​၊ အဆုံး​ကို​လည်း မ​အောက်မေ့​။

ယေ​ရ​မိ 17:11

ခါငှက်​သည် မိမိ​မ​ဥ​သော​ဥ​ကို​ဝပ်​သကဲ့သို့ မတရား​သော​သူ​သည် ဓနဥစ္စာ​သိုမှီး​တတ်​၏​။ သို့သော်လည်း သူ​သည် သက်တမ်း​တစ်ဝက်​၌ပင် မိမိ​ဓနဥစ္စာ​ကို စွန့်ထား​ခဲ့​ရ​၍ အဆုံး​၌ မိုက်မဲ​သော​သူ​ဖြစ်သွား​လိမ့်မည်”​ဟု မိန့်​တော်မူ​၏​။

ယေ​ရ​မိ 5:31

ပရောဖက်​တို့​သည် မဟုတ်မမှန်​ပရောဖက်ပြု​ကြ​၏​။ ယဇ်ပုရောဟိတ်​တို့​သည်​လည်း မိမိ​တို့​သဘော​အတိုင်း အုပ်ချုပ်​ကြ​၏​။ ထိုသို့သော​အမှုအရာ​တို့​ကို ငါ့​လူမျိုး​တော်​သည် နှစ်သက်​ကြ​၏​။ အဆုံး​၌ သင်​တို့ မည်သို့​ပြု​ကြ​မည်နည်း​။

မြည်​တမ်း​စ​ကား 1:9

သူ​၏​အညစ်အကြေး​သည် သူ့​အဝတ်​၌​စွန်း​နေ​ပြီ​။ သူ​၏​နိဂုံး​ကို သူ​မ​ဆင်ခြင်​မိ​ခဲ့​။ သူ​သည် အံ့ဩဖွယ်​ပြိုလဲ​သွား​လေ​ပြီ​။ သူ့​ကို နှစ်သိမ့်​ပေး​မည့်​သူ​လည်း​မ​ရှိ​။ အို ထာဝရဘုရား​၊ ရန်သူ​တို့​သည် အကျွန်ုပ်​ကို အောင်နိုင်​ကြ​ပြီ​။ အကျွန်ုပ်​ခံရ​သော ဆင်းရဲဒုက္ခ​ကို ကြည့်ရှု​တော်မူ​ပါ​။

ဟော​ရှေ 14:9

မည်သူ​သည် ပညာရှိ​သနည်း​၊ သူ​သည် ထို​အရာ​တို့​ကို နားလည်​ပါစေ​။ မည်သူ​သည် ပိုင်းခြား​သိမြင်​နိုင်​သနည်း​၊ သူ​သည် ထို​အရာ​တို့​ကို သိနားလည်​ပါစေ​။ ထာဝရဘုရား​၏​နည်းလမ်း​တော်​သည် ဖြောင့်မတ်​သည်​ဖြစ်၍ ဖြောင့်မတ်​သော​သူ​တို့​သည် ထို​လမ်း​တော်​၌ လိုက်လျှောက်​ကြ​လိမ့်မည်​။ မတရား​သော​သူ​တို့​မူကား ထို​လမ်း​တော်​တွင် ခလုတ်တိုက်​လဲကျ​ကြ​လိမ့်မည်​။

ဟ္ဂဲ 2:18

ယနေ့​မှစ၍ သင်​တို့ နှလုံးသွင်း​ဆင်ခြင်​ကြ​လော့​။ ထာဝရဘုရား​၏​ဗိမာန်​တော်​ကို အုတ်မြစ်ချ​သော​နေ့​၊ နဝမ​လ နှစ်ဆယ့်​လေး​ရက်​နေ့​မှစ၍ သင်​တို့ နှလုံးသွင်း​ဆင်ခြင်​ကြ​လော့​။

လုကာ 12:20

သို့သော် ဘုရားသခင်​သည် ထို​သူ​အား ‘အချင်း​လူမိုက်၊ ဤ​ည​၌​ပင် သင့်​ဝိညာဉ်​ကို သင့်​ထံမှ​ရုပ်သိမ်း​ကြ​လိမ့်မည်။ သို့ဖြစ်လျှင် သင်​ပြင်ဆင်​ထား​သော​အရာ​များ​သည် မည်သူ့​ဥစ္စာ​ဖြစ်​လိမ့်မည်​နည်း’​ဟု မိန့်​တော်မူ​၏။

တ​ရား​ဟော 31:29

အကြောင်းမူကား ငါ​သေ​ပြီးလျှင် သင်​တို့​သည် လုံးလုံး​ဖောက်ပြန်​၍ ငါ​မှာကြား​ထား​သော​လမ်း​မှ​လွှဲသွား​ကြ​မည်​ကို​လည်းကောင်း​၊ နောင်​ကာလ​၌ သင်​တို့​သည် သင်​တို့​လက်​ဖြင့်​လုပ်​သော​အရာ​အားဖြင့် ထာဝရဘုရား​၏​အမျက်​တော်​ကို​နှိုးဆော်​၍ ကိုယ်တော်​၏​မျက်မှောက်​တော်​၌ မကောင်း​သော​အမှု​ကို​ပြု​ကြ​သဖြင့် သင်​တို့​အပေါ် ဘေးအန္တရာယ်​ကျရောက်​မည်​ကို​လည်းကောင်း ငါ​သိ​၏​”​ဟု ပြောကြား​လေ​၏​။

တ​ရား​ဟော 5:29

ငါ့​ကို​ကြောက်ရွံ့​၍ ငါ​၏​ပညတ်တော်​အလုံးစုံ​ကို အစဉ်အမြဲ​စောင့်ထိန်း​မည့်​စိတ်သဘော သူ​တို့​၌ ရှိ​မည်​ဆိုလျှင် သူ​တို့​နှင့်​သူ​တို့​၏​သားမြေး​တို့​သည် အစဉ်​ကောင်းစား​လိမ့်မည်​။