တော​လည် 20:13 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹³ ထာဝရဘုရား​အား အစ္စရေး​အမျိုးသား​တို့ ရန်တွေ့​သော​နေရာ​ကို မေရိဘ​စမ်းရေ​ဟု​ခေါ်​၏​။ ထာဝရဘုရား​သည် မိမိ​သန့်ရှင်း​ခြင်း​ကို သူ​တို့​အား ထို​နေရာ​တွင် ပြ​တော်မူ​၏​။

Common Language Bible

¹³ မေ​ရိ​ဘ​အ​ရပ်​ကား ဣ​သ​ရေ​လ​အ​မျိုး​သား တို့​ထာ​ဝ​ရ​ဘု​ရား​အား​ညည်း​တွား​သော၊ ထာ​ဝ​ရ ဘုရား​က​မိ​မိ​သည် ထာ​ဝ​ရ​ဘု​ရား​ဖြစ်​တော်​မူ ကြောင်း​ကို​ပြ​သော​အ​ရပ်​ဖြစ်​သ​တည်း။

Garrad Bible

¹³ ထာ ဝ ရ ဘု ရား အား ဣ သ ရေ လ အ မျိုး သား တို့ ရန် ပြု ကြ သည် ကို အ စွဲ ပြု၍ မေ ရိ ဘ ရေ ဟု ခေါ် ဝေါ် ကြ သ တည်း။ ထာ ဝ ရ ဘု ရား လည်း ၎င်း တို့ ရှေ့ သီး သန့် ခြင်း ကို ခံ တော် မူ ၏။

Judson Bible

¹³ ဣ​သ​ရေ​လ​အ​မျိုး​သား​တို့​သည် ထာ​ဝ​ရ​ဘု​ရား​ကို ဆန့်​ကျင်​ဘက်​ပြု​သော်​လည်း၊ သူ​တို့​တွင် ရို​သေ​လေး​မြတ်​ခြင်း​ကို ခံ​တော်​မူ​သော​ကြောင့်၊ ထို​ရေ​သည် မေ​ရိ​ဘ​ရေ​ဖြစ်​သ​တည်း။

တော​လည် 20:13 Referencias Cruzadas

ဆာ​လံ 81:7

သင်​သည် ဆင်းရဲဒုက္ခ​ထဲမှ​ခေါ်​သောအခါ သင့်​ကို​ငါ​ကယ်မ​ခဲ့​၏​။ မမြင်​နိုင်​သော​မိုးချုန်းသံ​ကြားမှ သင့်​ကို​ငါ​ထူး​ခဲ့​၏​။ မေရိဘ​စမ်းရေ​အနား​တွင် သင့်​ကို ငါ​စစ်ဆေး​ခဲ့​၏​။(​စေလာ)

ဆာ​လံ 81:8

အို ငါ့​လူမျိုး​တော်​၊ နားထောင်​လော့​။ ငါ​သည် သင့်​ကို​သတိပေး​မည်​။ အို အစ္စရေး​လူမျိုး​၊ သင့်​အား ငါ့​စကား​ကို​နားထောင်​စေ​လို​၏​။

ဆာ​လံ 95:8

မေရိဘ​အရပ်​၌​ကဲ့သို့​လည်းကောင်း​၊ တောကန္တာရ​ရှိ မဿာ​အရပ်​၌​ရှိ​စဉ်က​ကဲ့သို့​လည်းကောင်း သင်​တို့​၏​စိတ်နှလုံး​ကို မ​မာကျော​စေ​ကြ​နှင့်​။

ထွက်​မြောက် 17:7

အစ္စရေး​အမျိုးသား​တို့​သည် မောရှေ​အား ရန်တွေ့​ကြ​သောကြောင့်​လည်းကောင်း​၊ “​ထာဝရဘုရား​သည် ငါ​တို့​၌​ရှိ​သလော​၊ မ​ရှိ​သလော​”​ဟု ဆို​လျက် ထာဝရဘုရား​အား အကဲစမ်း​ကြ​သောကြောင့်​လည်းကောင်း ထို​အရပ်​၏​အမည်​ကို မဿာ ဟူ၍​လည်းကောင်း​၊ မေရိဘ ဟူ၍​လည်းကောင်း ခေါ်​လေ​၏​။

ဟေ​ရှာ​ယ 5:16

ကောင်းကင်​ဗိုလ်ခြေ​အရှင်​ထာဝရဘုရား​မူကား တရားမျှတ​ခြင်း​ကြောင့် ချီးမြှောက်​ခြင်း​ခံရ​မည်​။ သန့်ရှင်း​သော​အရှင်​သည် မိမိ​သန့်ရှင်း​တော်မူ​ကြောင်း​ကို ဖြောင့်မတ်​ခြင်း​အားဖြင့် ထင်ရှား​စေ​တော်မူ​မည်​။

ယေ​ဇ​ကျေ​လ 20:41

သင်​တို့​ကို လူမျိုး​တကာ​တို့​ထံမှ ထုတ်ဆောင်​လာ​၍ ကွဲလွင့်​ရာ​အရပ်ရပ်​မှ ပြန်လည်​စုစည်း​သောအခါ ငါ​သည် သင်​တို့​ကို မွှေးကြိုင်​သော​ရနံ့​အဖြစ် လက်ခံ​မည်​။ ငါ​သည် သန့်ရှင်း​သော​ဘုရား​ဖြစ်ကြောင်း​ကို လူမျိုးခြား​တို့​ရှေ့​တွင် ငါ​ထင်ရှား​ပြ​မည်​။

ယေ​ဇ​ကျေ​လ 36:23

ဘုရားရှင်​ထာဝရဘုရား​က ‘သင်​တို့​သည် လူမျိုးခြား​တို့​အလယ်​တွင် ငါ့​နာမ​ကို​ရှုတ်ချ​သဖြင့် လူမျိုးခြား​တို့​အလယ်​တွင် အရှုတ်ချ​ခံ​ခဲ့​ရ​သည့် ကြီးမြတ်​သော​ငါ့​နာမ​ကို ငါ​သန့်ရှင်း​စေ​မည်​။ ထိုသို့ သင်​တို့​အားဖြင့် ထို​သူ​တို့​ရှေ့​တွင် ငါ​သန့်ရှင်း​ကြောင်း ထင်ရှား​စေ​သောအခါ ငါ​သည် ထာဝရဘုရား​ဖြစ်ကြောင်း​ကို လူမျိုးတကာ​တို့ သိ​ကြ​လိမ့်မည်’​ဟု မိန့်​တော်မူ​၏​။

ယေ​ဇ​ကျေ​လ 38:16

မိုးတိမ်​သည် မြေပြင်​ကို​လွှမ်းမိုး​သကဲ့သို့ သင်​သည် ငါ့​လူမျိုး​တော်​အစ္စရေး​တို့​ကို​တိုက်ခိုက်​ရန် စစ်ချီ​လာ​မည်​။ အို ဂေါဂ​မင်းကြီး​၊ နောင်​ကာလ​တွင် ငါ​၏​ပြည်​တော်​ကို တိုက်ခိုက်​ရန် သင့်​ကို ငါ​စစ်ချီ​စေ​၍ ငါ​သန့်ရှင်း​ကြောင်း​ကို သင့်​အားဖြင့် လူမျိုးတကာ​တို့​ရှေ့​တွင် ထင်ရှား​စေ​သောအခါ သူ​တို့​သည် ငါ့​ကို​သိ​ကြ​လိမ့်မည်’​ဟု မိန့်​တော်မူ​၏​။

တ​ရား​ဟော 32:51

အကြောင်းမှာ သင်​တို့​သည် ဇိန​တောကန္တာရ​၊ ကာဒေရှ​အရပ်​ရှိ မေရိဘ​စမ်းရေ​နား အစ္စရေး​အမျိုးသား​တို့​ရှေ့မှောက်​တွင် ငါ့​ကို​ပြစ်မှား​၍ ငါ​သန့်ရှင်း​ကြောင်း​ကို အစ္စရေး​အမျိုးသား​တို့​အလယ်​၌ အသိအမှတ်​မ​ပြု​ကြ​သောကြောင့် ဖြစ်​၏​။

တ​ရား​ဟော 33:8

လေဝိ​အမျိုး​ကို​ကား​၊ ကိုယ်တော်​၏​သုမိမ်​နှင့်​ဥရိမ်​သည် မဿာ​အရပ်​၌ ကိုယ်တော်​စမ်းသပ်​သော​၊ မေရိဘ​စမ်းရေ​နား​၌ ကိုယ်တော်​ရန်တွေ့​သော ကိုယ်တော်​၏​သန့်ရှင်း​သူ​တို့​နှင့်အတူ​ရှိ​ပါစေသော​။