တမန်တော်ဝတ္ထု 3:17 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁷ သို့ဖြစ်၍ ညီအစ်ကို​တို့၊ သင်​တို့​သည် သင်​တို့​၏​အကြီးအကဲ​များ​နည်းတူ မသိနားမလည်​သောကြောင့် ထိုသို့​ပြု​ခဲ့​ကြ​သည်​ကို ငါ​သိ​၏။

Common Language Bible

¹⁷ ``ညီ​အစ်​ကို​တို့၊ သင်​တို့​သည်​မိ​မိ​တို့​၏​ခေါင်း ဆောင်​များ​နည်း​တူ မိ​မိ​တို့​ပြု​သော​အ​မှု​ကို မ​သိ​နား​မ​လည်​ဘဲ​ပြု​ကြ​ကြောင်း​ကို​ငါ သိ​၏။-

Garrad Bible

¹⁷ ယ ခု မှာ ညီ အစ် ကို တို့၊ အ ရာ ရှိ များ နှင့် သင် တို့ သည် ဉာဏ် မ မှီ သော ကြောင့် ထို သို့ ပြု ကြ ကြောင်း ငါ သိ၏။

Judson Bible

¹⁷ ယ​ခု​လည်း ညီ​အစ်​ကို​တို့၊ သင်​တို့​မှ​စ၍ အ​စိုး​ရ​သော​သူ​တို့​သည် မ​သိ​ဘဲ​လျက် ထို​သို့​ပြု​ကြ​သည်​ကို ငါ​သိ၏။-

ခေတ်သစ်​မြန်မာ သမ္မာကျမ်း

¹⁷ ညီအစ်ကိုတို့… သင်တို့​၏​အာဏာပိုင်များ ပြုခဲ့ကြသည့်​နည်းတူ သင်တို့​သည် မသိ​နားမလည်ဘဲ​ပြုကြသည်​ကို ကျွန်ုပ်​သိပါ၏။

တမန်တော်ဝတ္ထု 3:17 Referencias Cruzadas

ကမ္ဘာ​ဦး 21:26

အဘိမလက်​မင်းကြီး​က​လည်း “​ဤ​အမှု​ကို မည်သူ​ပြု​သည်​ကို ငါ​မ​သိ​။ သင်​သည်​လည်း ငါ့​ကို​မ​ပြော​။ ငါ​သည်​လည်း ယနေ့​တိုင်အောင် မ​ကြား​”​ဟု ဆို​၏​။

ကမ္ဘာ​ဦး 39:8

ယောသပ်​သည် ငြင်းဆန်​၍ သူ့​သခင်​၏​မယား​အား “​အကျွန်ုပ်​၏​သခင်​သည် အိမ်​၌​ရှိ​သော​အရာ​တို့​ကို​မ​သိ​မ​မှတ်​ပါ​။ သူ​၌​ရှိသမျှ​သော​အရာ​တို့​ကို အကျွန်ုပ်​လက်​သို့​အပ်​ပါ​ပြီ​။

ကမ္ဘာ​ဦး 44:15

ယောသပ်​က သူ​တို့​အား “​သင်​တို့​ပြု​သော​ဤ​အမှု​ကား မည်သို့​နည်း​။ ငါ​ကဲ့သို့သော​လူ​သည် နိမိတ်ဖတ်​တတ်​ကြောင်း​ကို သင်​တို့​မ​သိ​ကြ​သလော​”​ဟု ဆို​လေ​၏​။

ထွက်​မြောက် 32:1

မောရှေ​သည် တောင်​ပေါ်မှ​မ​ဆင်းလာ​သေး​ဘဲ ကြန့်ကြာ​နေ​သည်​ကို လူ​တို့​သိ​သောအခါ အာရုန်​ထံသို့​စုရုံး​လာ​၍ “​ထ​ပါ​။ ငါ​တို့​ရှေ့​မှ​ကြွ​မည့်​ဘုရား​ကို ငါ​တို့​အဖို့ လုပ်ပေး​ပါ​။ အီဂျစ်​ပြည်​မှ ငါ​တို့​ကို ထုတ်ဆောင်​လာ​သော ထို​မောရှေ​ဆို​သူ​၌ မည်သို့​ဖြစ်​သည်​ကို ငါ​တို့​မ​သိ​ပါ​”​ဟု ဆို​ကြ​၏​။

တော​လည် 22:6

ဤ​လူမျိုး​သည် အကျွန်ုပ်​ထက်​အင်အားကြီး​သောကြောင့် ယခု​လာ​၍ အကျွန်ုပ်​အတွက် သူ​တို့​ကို ကျိန်ဆဲ​ပါ​လော့​။ အကျွန်ုပ်​သည် သူ​တို့​ကို​တိုက်ခိုက်​၍ ဤ​ပြည်​ထဲမှ နှင်ထုတ်​နိုင်​ကောင်း​နှင်ထုတ်​နိုင်​လိမ့်မည်​။ သင်​ကောင်းချီးပေး​သော​သူ​သည် ကောင်းချီးခံစား​ရ​၍ သင်​ကျိန်ဆဲ​သော​သူ​သည် ကျိန်ဆဲ​ခြင်း​ခံရ​သည်​ကို အကျွန်ုပ်​သိ​၏​”​ဟု ဆင့်ဆို​စေ​၏​။

လုကာ 23:13

ပိလတ်​မင်း​သည် ယဇ်ပုရောဟိတ်​အကြီးအကဲ​များ၊ အုပ်ချုပ်သူ​များ​နှင့် လူ​များ​ကို စုဝေး​စေ​၍

လုကာ 23:34

ထိုအခါ ယေရှု​က“အို အဖ၊ သူ​တို့​သည် မိမိ​တို့​ပြု​နေ​သော​အမှု​ကို မ​သိ​ကြ​သည်​ဖြစ်၍ သူ​တို့​ကို​ခွင့်လွှတ်​တော်မူ​ပါ”​ဟု မြွက်ဆို​တော်မူ​၏။ သူ​တို့​သည် ကိုယ်တော်​၏​အဝတ်​တော်​များ​ကို မဲ​ချ​၍​ခွဲဝေ​ကြ​၏။

ရှင်ယောဟန် 15:21

သို့ရာတွင် သူ​တို့​သည် ငါ့​ကို​စေလွှတ်​တော်မူ​သော​အရှင်​ကို မ​သိ​ကြ​သဖြင့် ငါ​၏​နာမ​ကြောင့် သင်​တို့​အပေါ် ထို​အမှုအရာ​အားလုံး​တို့​ကို ပြု​ကြ​လိမ့်မည်။

ရှင်ယောဟန် 16:3

သူ​တို့​သည် ခမည်းတော်​ကို​လည်းကောင်း၊ ငါ့​ကို​လည်းကောင်း မ​သိ​သောကြောင့် ထိုသို့​ပြု​ကြ​လိမ့်မည်။

ရှင်ယောဟန် 7:52

သူ​တို့​က “သင်​သည်​လည်း ဂါလိလဲ​နယ်သား​ဖြစ်​သလော။ ဂါလိလဲ​နယ်​မှ ပရောဖက် မ​ပေါ်ထွန်း​ကြောင်း​ကို စူးစမ်း​လေ့လာ​၍ သိမှတ်​လော့”​ဟု ဆို​ကြ​၏။

တမန်တော်ဝတ္ထု 13:27

ဂျေရုဆလင်​မြို့​တွင်​နေထိုင်​သော​သူ​များ​နှင့် သူ​တို့​၏​အကြီးအကဲ​များ​သည် ထို​အရှင်​ကို​လည်းကောင်း၊ ဥပုသ်နေ့​တိုင်း​ဖတ်ကြား​သည့် ပရောဖက်​တို့​၏​စကား​ကို​လည်းကောင်း မ​သိ​နား​မ​လည်​ကြ​၍ ထို​အရှင်​ကို ပြစ်ဒဏ်​စီရင်​ခြင်း​အားဖြင့် ထို​စကား​တို့​ကို ပြည့်စုံ​စေ​ကြ​၏။

တမန်တော်ဝတ္ထု 22:5

ဤ​အကြောင်း​နှင့်​ပတ်သက်၍ ယဇ်ပုရောဟိတ်​မင်း​နှင့် လူကြီး​အဖွဲ့ဝင်​အပေါင်း​တို့​သည် အကျွန်ုပ်​အတွက် သက်သေခံ​ပေး​နိုင်​ပါ​သည်။ အကျွန်ုပ်​သည် သူ​တို့​ထံမှ ဒမတ်စကပ်​မြို့​ရှိ​ညီအစ်ကို​များ​ထံသို့ ရေးသား​သည့်​စာ​များ​ကို​ယူ​လျက် ထို​အရပ်​၌​ရှိ​သော သူ​တို့​ကို​လည်း ချည်နှောင်​၍ ဂျေရုဆလင်​မြို့​သို့ ခေါ်ဆောင်​လာ​ကာ ပြစ်ဒဏ်​ပေး​ရန်​အတွက် ထို​မြို့​သို့ ထွက်သွား​ခဲ့​ပါ​သည်။

တမန်တော်ဝတ္ထု 26:9

အမှန်စင်စစ် အကျွန်ုပ်​ကိုယ်တိုင်​သည်​လည်း နာဇရက်​မြို့သား​ယေရှု​၏​နာမ​တော်​အား ဆန့်ကျင်​သည့်​အမှု​များစွာ​တို့​ကို​ပြု​ရ​မည်​ဟု​ထင်မှတ်​၍

တမန်တော်ဝတ္ထု 28:21

ထိုအခါ သူ​တို့​က “ငါ​တို့​သည် ယုဒ​ပြည်​မှ သင့်​အကြောင်း​ရေး​ပို့​သော​စာ​များ​ကို မ​ရရှိ​ခဲ့​ကြ​ပါ။ ထို​ပြည်​မှ​ရောက်လာ​သော ညီအစ်ကို​တို့​တွင်​လည်း သင်​နှင့်​ပတ်သက်​သည့် မကောင်း​သော​အရာ​တစ်စုံတစ်ခု​ကို သတင်းပို့​သော​သူ​၊ သို့မဟုတ် ပြောဆို​သော​သူ​တစ်ယောက်​မျှ​မ​ရှိ​ပါ။

တမန်တော်ဝတ္ထု 7:40

အာရုန်​အား ‘ငါ​တို့​ကို အီဂျစ်​ပြည်​မှ​ထုတ်ဆောင်​ခဲ့​သော ထို​မောရှေ​သည် မည်သို့​ဖြစ်သွား​သည်​ကို ငါ​တို့​မ​သိ​ကြ​သည်​ဖြစ်၍ ငါ​တို့​ရှေ့မှ​ကြွသွား​မည့်​ဘုရား​များ​ကို ငါ​တို့​အတွက်​ပြုလုပ်​ပေး​ပါ’​ဟု တောင်းဆို​ကြ​၏။

ရော​မ 11:2

ဘုရားသခင်​သည် သိ​ထား​နှင့်​တော်မူ​သော မိမိ​၏​လူမျိုး​တော်​ကို ပစ်ပယ်​တော်​မ​မူ။ ပရောဖက်​ဧလိယ​က အစ္စရေး​လူမျိုး​ကို ဘုရားသခင်​ထံ တိုင်ကြား​သောအခါ ကျမ်းစာ​၌ ထို​အကြောင်း​နှင့်​ပတ်သက်၍ မည်သို့​ဆို​ထား​သည်​ကို သင်​တို့​မ​သိ​ကြ​သလော။

၁ ကော 2:8

ဤ​လောက​ကို​အုပ်ချုပ်​သူ​များ​တွင် မည်သူ​က​မျှ ထို​ဉာဏ်ပညာ​ကို​မ​သိ​ချေ။ သူ​တို့​သိ​ခဲ့​လျှင်​မူကား ဘုန်း​အသရေ​နှင့်​ပြည့်စုံ​တော်မူ​သော​သခင်​ကို လက်ဝါးကပ်တိုင်​ပေါ်​၌​တင်​ခဲ့​ကြ​မည်​မ​ဟုတ်။

၂ ကော 3:14

ထို​သူ​တို့​၏​စိတ်နှလုံး​သည် မာကျော​လျက်​ရှိ​၍ ယနေ့​တိုင်အောင် ပဋိညာဉ်​ဟောင်း​ကို​ဖတ်​သောအခါ ထို​မျက်နှာလွှား​သည် ဖယ်ရှား​ခြင်း​မ​ခံရ​ဘဲ ရှိ​နေ​သေး​၏။ အဘယ်ကြောင့်​ဆိုသော် ခရစ်တော်​အားဖြင့်​သာ ထို​မျက်နှာလွှား​ကို ဖယ်ရှား​နိုင်​၏။

ဧ​ဖက် 4:18

ထို​သူ​တို့​သည် မိမိ​တို့​စိတ်နှလုံး​မာကျော​မှု​နှင့် သူ​တို့​ထဲ၌​ရှိ​သည့် မသိနားမလည်​မှု​တို့​ကြောင့် အသိဉာဏ်​အမှောင်​ဖုံး​၍ ဘုရားသခင်​၏​အသက်​နှင့်​ကင်းကွာ​လျက်​ရှိ​ကြ​၏။

ဖိ​လိပ္ပိ 1:22

သို့သော် ဤ​ကိုယ်ခန္ဓာ​၌ ဆက်၍​အသက်ရှင်​လျှင် ငါ​သည် အကျိုး​ရှိ​သော​အမှု​ကို​လုပ်ဆောင်​နိုင်​၏။ ထိုအခါ မည်သည့်​အရာ​ရွေးချယ်​ရ​မည်​ကို ငါ​မ​သိ။

၁ တိ 1:13

ငါ​သည် ယခင်​က စော်ကား​ပြောဆို​သော​သူ၊ ညှဉ်းဆဲ​သော​သူ၊ မိုက်ရိုင်း​သော​သူ​ဖြစ်​ခဲ့​သော်လည်း ယုံကြည်​ခြင်း​မ​ရှိ​စဉ် မ​သိ​နား​မ​လည်​ဘဲ ထိုသို့​ပြု​ခဲ့​သည်​ဖြစ်၍ ကရုဏာ​တော်​ကို​ခံစား​ရ​၏။