ဆာ​လံ 99:7 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁷ ကိုယ်တော်​သည် သူ​တို့​ကို မိုးတိမ်​တိုင်​ထဲမှ မြွက်ဆို​တော်မူ​၏​။ သူ​တို့​သည် ကိုယ်တော်​၏ သက်သေခံချက်​များ​ကို​လည်းကောင်း​၊ သူ​တို့​အား ကိုယ်တော်​ပေး​တော်မူ​သော ပြဋ္ဌာန်းချက်​ကို​လည်းကောင်း စောင့်ထိန်း​ကြ​၏​။

Common Language Bible

⁷ သူ​တို့​အား​ကိုယ်​တော်​သည်​မိုး​တိမ်​တိုက်​ထဲ​က မိန့်​မှာ​တော်​မူ​၏။ သူ​တို့​သည်​လည်း​ကိုယ်​တော်​ပေး​တော်​မူ​သော တ​ရား​တော်​နှင့်​ပ​ညတ်​တော်​တို့​ကို လိုက်​နာ​စောင့်​ထိန်း​ကြ​၏။

Garrad Bible

⁷ သက် သေ ခံ တော် မူ ချက် နှင့် ထုံး ဖွဲ့ တော် မူ ချက် များ ကို စောင့် ထိန်း ကြ ရာ၊ တိမ် တိုက် ထဲ က ဗျာ ဒိတ် ပေး တော် မူ ၏။

Judson Bible

⁷ သူ​တို့​အား မိုး​တိမ်​တိုင်​ထဲ​က မိန့်​တော်​မူ၏။ သူ​တို့​သည်​လည်း၊ သက်​သေ​ခံ​တော်​မူ​ချက်​များ​ကို​လည်း​ကောင်း၊ စီ​ရင်​ထုံး​ဖွဲ့​တော်​မူ​ချက်​များ​ကို​လည်း​ကောင်း စောင့်​ရှောက်​ကြ၏။

ဆာ​လံ 99:7 Referencias Cruzadas

ဆာ​လံ 105:28

ကိုယ်တော်​သည် အမှောင်​ကို​စေလွှတ်​၍ ထို​ပြည်​ကို မှောင်မည်း​စေ​တော်မူ​၏​။ ထို​သူ​တို့​သည် ကိုယ်တော်​၏​အမိန့်​တော်​ကို ဖီဆန်​ခဲ့​ကြ​သည်​မ​ဟုတ်​လော​။

ထွက်​မြောက် 19:9

ထာဝရဘုရား​က မောရှေ​အား “​သင်​နှင့်​ငါ​ပြော​သော​စကား​ကို လူ​တို့​ကြား​၍ သင့်​ကို အစဉ်အမြဲ​ယုံ​ကြ​စေရန် ငါ​သည် သင့်​ထံသို့​မိုးတိမ်​တိုက်​ဖြင့်​ကြွလာ​မည်​”​ဟု မိန့်​တော်မူ​၏​။ မောရှေ​သည်​လည်း လူ​တို့​၏​စကား​များ​ကို ထာဝရဘုရား​ထံ ကြားလျှောက်​လေ​၏​။

ထွက်​မြောက် 33:9

မောရှေ​သည် တဲ​တော်​ထဲသို့​ဝင်သွား​သောအခါ မိုးတိမ်​တိုင်​သည်​ဆင်းလာ​၍ တဲ​တော်​အဝင်ဝ​၌ တည်​နေ​၏​။ ထို့နောက် ထာဝရဘုရား​သည် မောရှေ​နှင့်​စကားပြော​တော်မူ​၏​။

ထွက်​မြောက် 40:16

မောရှေ​သည် မိမိ​အား ထာဝရဘုရား​မိန့်မှာ​တော်မူ​သမျှ​အတိုင်း တစ်သဝေမတိမ်း ပြု​လေ​၏​။

သုတ္တံကျမ်း။ 28:9

တစ်စုံတစ်ဦး​သည် ပညတ်တရား​ကို​နာယူနာခံ​ခြင်း​မ​ရှိ​လျှင် သူ​၏​ဆုတောင်းချက်​သည်ပင် စက်ဆုပ်ရွံရှာဖွယ်​ဖြစ်​၏​။

တော​လည် 12:5

ထာဝရဘုရား​သည်​လည်း မိုးတိမ်​တိုင်​အားဖြင့် ကြွဆင်း​၍ တဲ​တော်​အဝင်ဝ​၌​ရပ်​လျက် အာရုန်​နှင့်​မိရိအံ​ကို​ခေါ်​သဖြင့် သူ​တို့​နှစ်ဦးစလုံး ရှေ့​တော်​သို့​လာ​ကြ​၏​။

တော​လည် 16:15

ထိုအခါ မောရှေ​သည် အလွန်​အမျက်ထွက်​၍ ထာဝရဘုရား​အား “​ထို​သူ​တို့​၏​ဘောဇဉ်ပူဇော်သက္ကာ​ကို လှည့်ကြည့်​တော်​မ​မူ​ပါ​နှင့်​။ အကျွန်ုပ်​သည် သူ​တို့​ထံမှ မြည်း​တစ်​ကောင်​ကို​မျှ မ​ယူ​ခဲ့​ဖူး​ပါ​။ သူ​တို့​ထဲမှ​တစ်စုံတစ်ယောက်​ကို​မျှ အန္တရာယ်​မ​ပြု​ခဲ့​ဖူး​ပါ​”​ဟု လျှောက်​လေ​၏​။

တ​ရား​ဟော 33:9

သူ​တို့​သည် ကိုယ်တော်​၏​စကား​တော်​ကို​လိုက်နာ​၍ ကိုယ်တော်​၏​ပဋိညာဉ်​ကို​စောင့်ထိန်း​သောကြောင့် ကိုယ့်​မိဘ​ကို​ပင်လျှင် ‘သူ​တို့​ကို ငါ​ဂရု​မ​စိုက်’​ဟု ဆို​၏​။ မိမိ​ညီအစ်ကို​ကို​လည်း အသိအမှတ်​မ​ပြု​၊ မိမိ​သားသမီး​တို့​ကို​လည်း မသိကျိုးကျွန်​ပြု​၏​။

တ​ရား​ဟော 4:5

သင်​တို့​ဝင်ရောက်​သိမ်းပိုက်​နေထိုင်​မည့်​ပြည်​၌ သင်​တို့​လိုက်နာ​ရ​မည့် ပြဋ္ဌာန်းချက်​နှင့် စီရင်ထုံးဖွဲ့ချက်​တို့​ကို ငါ့​အား ငါ​၏​ဘုရားသခင်​ထာဝရဘုရား​မိန့်မှာ​ထား​သည့်​အတိုင်း သင်​တို့​အား ငါ​သွန်သင်​ပေး​ပြီ​။

ဟေ​ဗြဲ 3:2

မောရှေ​သည် ဘုရားသခင်​၏​အိမ်​တော်​တစ်ခုလုံး​အပေါ်​သစ္စာရှိ​သကဲ့သို့ ယေရှု​သည်​လည်း မိမိ​ကို​ခန့်ထား​သော​ဘုရားသခင်​အပေါ်​သစ္စာရှိ​တော်မူ​၏။