ဆာ​လံ 8:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

³ ကိုယ်တော်​၏​လက်ချောင်း​တို့​ဖြင့်​ပြု​တော်မူ​သော ကိုယ်တော်​၏​ကောင်းကင်​ကို​လည်းကောင်း​၊ ကိုယ်တော်​တည်​တော်မူ​သော လ​နှင့်​ကြယ်​များ​ကို​လည်းကောင်း အကျွန်ုပ်​ကြည့်ရှုဆင်ခြင်​သောအခါ

Common Language Bible

³ ကိုယ်​တော်​ရှင်​ဖန်​ဆင်း​တော်​မူ​သော မိုး​ကောင်း​ကင်​ကို​လည်း​ကောင်း၊ စီ​မံ​ထား​ရှိ​တော်​မူ​သော လ​နှင့်​ကြယ်​တာ​ရာ​များ​ကို​လည်း​ကောင်း ကျွန်​တော်​မျိုး​တွေ့​မြင်​ရ​ပါ​၏။

Garrad Bible

³ လက် တော် နှင့် စီ ရင် တော် မူ သည့် ကောင်း ကင် ကို လည်း ကောင်း၊ စီ မံ ထား တော် မူ သည့် လ နှင့် ကြယ် နက္ခတ် များ ကို လည်း ကောင်း၊ အ ကျွန်ုပ် ဆင် ခြင် သော်၊

Judson Bible

³ လက်​ညှိုး​တော်​အ​လုပ်​တည်း​ဟူ​သော ကိုယ်​တော်၏​မိုး​ကောင်း​ကင်​ကို​လည်း​ကောင်း၊ ပြင်​ဆင်​တော်​မူ​သော​လ​နှင့် ကြယ်​များ​ကို​လည်း​ကောင်း၊ အ​ကျွန်ုပ်​ဆင်​ခြင်​သော်၊

ဆာ​လံ 8:3 Referencias Cruzadas

ကမ္ဘာ​ဦး 1:1

အစအဦး​၌ဘုရားသခင်​သည် ကောင်းကင်​နှင့်​မြေကြီး​ကို ဖန်ဆင်း​တော်မူ​၏​။

ယောဘဝတ္တု။ 22:12

ဘုရားသခင်​သည် အမြင့်ဆုံး​မိုးကောင်းကင်​တွင် စံမြန်း​တော်မူ​သည်​မ​ဟုတ်​လော​။ အမြင့်ဆုံး​သော​ကြယ်​များ​သည်​လည်း မည်မျှပင်​မြင့်​လှ​သည်​ကို ကြည့်​ပါ​လော့​။

ယောဘဝတ္တု။ 25:3

ကိုယ်တော်​၏​စစ်သည်​တော်​များ​ကို ရေတွက်​နိုင်​သလော​။ ကိုယ်တော့်​ထံမှ​အလင်း​တော်​ကို မ​ခံယူ​ရ​သူ ရှိ​သလော​။

ယောဘဝတ္တု။ 25:5

ကိုယ်တော့်​ရှေ့​တွင် လ​သည်​ပင် တောက်ပ​သည်​မ​ဟုတ်​။ ကြယ်​များ​လည်း စင်ကြယ်​သည်​မ​ဟုတ်​။

ယောဘဝတ္တု။ 36:24

ကိုယ်တော်​ပြု​သော​အမှု​တော်​အကြောင်း​ကို လူ​တို့​သီဆိုချီးမွမ်း​ကြ​၏​။ သင်​လည်း သီဆို​ချီးမွမ်း​ဖို့ သတိရ​ပါ​။

ဆာ​လံ 104:19

ကိုယ်တော်​သည် အချိန်အခါ​များ​အတွက် လ​ကို​ဖန်ဆင်း​တော်မူ​၏​။ နေ​သည် မိမိ​ဝင်​ရ​မည့်​အချိန်​ကို​သိ​၏​။

ဆာ​လံ 111:2

ထာဝရဘုရား​ပြု​တော်မူ​သော​အမှု​တို့​သည် ကြီးမြတ်​လှ​ပေ​၏​။ ထို​အမှု​တို့​ကို နှစ်သက်​သော​သူ​အပေါင်း​တို့​သည် ၎င်း​တို့​ကို ရှာဖွေ​လေ့လာ​ကြ​၏​။

ဆာ​လံ 148:3

နေ​နှင့်​လ​တို့​၊ ကိုယ်တော်​ကို ချီးမွမ်း​ကြ​လော့​။ တောက်ပ​သော​ကြယ်​အပေါင်း​တို့​၊ ကိုယ်တော်​ကို​ချီးမွမ်း​ကြ​လော့​။

ဆာ​လံ 19:1

ကောင်းကင်​သည် ဘုရားသခင်​၏ ဘုန်းအသရေ​တော်​ကို​ပြောကြား​၍ မိုးမျက်နှာကြက်​သည် ကိုယ်တော်​၏​လက်​တော်​ဖြင့် ပြုလုပ်​သော​အရာ​ကို​ဖော်ပြ​၏​။

ဆာ​လံ 33:6

ကောင်းကင်​သည် ထာဝရဘုရား​၏ နှုတ်ကပတ်တော်​အားဖြင့်​လည်းကောင်း​၊ ကောင်းကင်တန်ဆာ​ရှိသမျှ​တို့​သည် နှုတ်​တော်​မှ​ထွက်သက်လေ​အားဖြင့်​လည်းကောင်း ဖန်ဆင်း​ခြင်း​ခံရ​၏​။

ဆာ​လံ 89:11

ကောင်းကင်​ကို ကိုယ်တော်​ပိုင်​တော်မူ​၏​။ မြေကြီး​ကို​လည်း ကိုယ်တော်​ပိုင်​တော်မူ​၏​။ ကမ္ဘာလောက​နှင့် ၎င်း​၌​ရှိသမျှ​သော​အရာ​တို့​ကို ကိုယ်တော်​တည်​တော်မူ​၏​။

ထွက်​မြောက် 31:18

ဤသို့ သိနာ​တောင်​ပေါ်၌ ဘုရားသခင်​သည် မောရှေ​အား မိန့်ဆို​တော်မူ​ပြီးနောက် လက်ချောင်း​တော်​ဖြင့် အက္ခရာတင်​ထား​သော​သက်သေခံချက်​ကျောက်ပြား​နှစ်​ချပ်​ကို သူ့​အား ပေးအပ်​တော်မူ​၏​။

ထွက်​မြောက် 8:19

ထိုအခါ နတ်ဝိဇ္ဇာဆရာ​တို့​က ဖာရော​မင်းကြီး​အား “​ဤ​အမှု​သည် ဘုရားသခင်​ပြု​တော်မူ​သော​အမှု​ဖြစ်​၏​”​ဟု လျှောက်​ကြ​၏​။ သို့သော် ထာဝရဘုရား​မိန့်ဆို​တော်မူ​ခဲ့​သည့်​အတိုင်း ဖာရော​မင်းကြီး​၏​စိတ်နှလုံး​သည် မာကျော​လျက် သူ​တို့​၏​စကား​ကို​နား​မ​ထောင်​ဘဲ​နေ​၏​။

လုကာ 11:20

သို့ရာတွင် ငါ​သည် ဘုရားသခင်​၏​လက်ညှိုး​တော်​အားဖြင့် နတ်ဆိုး​တို့​ကို​နှင်ထုတ်​သည်​ဆိုလျှင် ဘုရားသခင်​၏​နိုင်ငံ​တော်​သည် သင်​တို့​ထံ​ရောက်ရှိ​လေ​ပြီ။

ရော​မ 1:20

တစ်နည်း​အားဖြင့် ကမ္ဘာ​လောက​ကို​ဖန်ဆင်း​တော်မူ​ချိန်​မှစ၍ ဘုရားသခင်​၏​မ​မြင်ရ​သော​ဂုဏ်​အင်္ဂါ​များ​တည်းဟူသော ကိုယ်တော်​၏​ထာဝရ​တန်ခိုး​တော်​နှင့် ဘုရား​ဖြစ်​တော်မူ​ခြင်း​တို့​သည် ဖန်ဆင်း​တော်မူ​သော​အရာ​များ​အားဖြင့် ရှင်းလင်း​စွာ​သိ​နိုင်​သည်​ဖြစ်၍ သူ​တို့​သည် ဆင်ခြေ​ပေး​၍​မ​ရ​နိုင်​ကြ။

တ​ရား​ဟော 4:19

မိုးကောင်းကင်​သို့​မျှော်ကြည့်​၍ နေ​၊ လ​၊ ကြယ်​စသော ကောင်းကင်​တန်ဆာ​ရှိသမျှ​တို့​ကို​မြင်​သောအခါ သင်​တို့​သည် သွေးဆောင်​ခံရ​၍ မိုးကောင်းကင်​တစ်ပြင်လုံး​အောက်​ရှိ လူမျိုး​အပေါင်း​တို့​အား သင်​တို့​၏​ဘုရားသခင်​ထာဝရဘုရား စီရင်​ပေး​ထား​သော​ထို​အရာ​တို့​ကို မ​ပျပ်ဝပ်​မ​ကိုးကွယ်​ရ​။