ဆာ​လံ 68:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ ဘုရားသခင်​ထ​တော်မူ​သောအခါ ကိုယ်တော်​၏​ရန်သူ​တို့​သည် ကွဲလွင့်​သွား​ကြ​လိမ့်မည်​။ ကိုယ်တော်​ကို​မုန်း​သော​သူ​တို့​သည် ကိုယ်တော်​၏​ရှေ့​မှ​ထွက်ပြေး​ကြ​လိမ့်မည်​။

Common Language Bible

¹ ဘု​ရား​သ​ခင်​သည်​ထ​တော်​မူ​၍​ကိုယ်​တော်​၏ ရန်​သူ​များ​ကို​ကွဲ​လွင့်​စေ​တော်​မူ​၏။ ကိုယ်​တော်​ကို​မုန်း​သော​သူ​တို့​သည်​အ​ရေး​နိမ့်​၍ ထွက်​ပြေး​ကြ​၏။

Garrad Bible

¹ ဘု ရား သ ခင် ထ တော် မူ သော်၊ ကိုယ် တော် အား ရန် ပြု သူ တို့ ကွယ် လွင့် လျက်၊ မုန်း ထား သူ တို့ လည်း မျက် မှောက် တော် မှ ဆုတ် ပြေး ရ ကြ ၏။

Judson Bible

¹ ဘု​ရား​သ​ခင်​ထ​တော်​မူ၍၊ ရန်​သူ​တို့​သည် အ​ရပ်​ရပ်​သို့ ကွဲ​ပြား​ကြ​ပါ​စေ​သော။ ဘု​ရား​သ​ခင်​ကို မုန်း​သော​သူ​တို့​သည် အ​ထံ​တော်​က ပြေး​ကြ​ပါ​စေ​သော။

ဆာ​လံ 68:1 Referencias Cruzadas

၂ ရာ​ချုပ် 6:41

အို ဘုရားသခင်​ထာဝရဘုရား​၊ ကိုယ်တော်​နှင့် ကိုယ်တော်​၏​အစွမ်းတန်ခိုး​တည်​ရာ​သေတ္တာ​တော်​နှင့်အတူ စံ​တော်မူ​ရာ​နေရာ​သို့ ကြွ​တော်မူ​ပါ​။ အို ဘုရားသခင်​ထာဝရဘုရား​၊ ယဇ်ပုရောဟိတ်​တို့​သည် ကယ်တင်​ခြင်း​တန်ဆာ​ကို​ဝတ်ဆင်​၍ ကိုယ်တော်​၏​သန့်ရှင်း​သူ​တို့​သည်​လည်း ကိုယ်တော်​၏​ကောင်းမြတ်​ခြင်း​၌ ဝမ်းမြောက်​ကြ​ပါစေသော​။

ဆာ​လံ 21:8

ကိုယ်တော်​၏​လက်​တော်​သည် ကိုယ်တော်​၏​ရန်သူ​ရှိသမျှ​တို့​အပေါ် ကျရောက်​လိမ့်မည်​။ ကိုယ်တော်​၏​လက်ယာ​လက်​တော်​သည် ကိုယ်တော့်​ကို​မုန်း​သော​သူ​တို့​အပေါ် ကျရောက်​လိမ့်မည်​။

ဆာ​လံ 44:26

ထ​တော်မူ​ပါ​။ အကျွန်ုပ်​တို့​ကို ကူညီမစ​တော်မူ​ပါ​။ ကိုယ်တော်​၏​မေတ္တာကရုဏာ​တော်​ကို​ထောက်၍ အကျွန်ုပ်​တို့​ကို ရွေးနုတ်ကယ်တင်​တော်မူ​ပါ​။

ဆာ​လံ 59:11

ထို​သူ​တို့​ကို​သတ်​တော်​မ​မူ​ပါ​နှင့်​။ သတ်​လျှင် အကျွန်ုပ်​၏​လူမျိုး​တို့​သည် မေ့လျော့​ကြ​ပါ​လိမ့်မည်​။ ကိုယ်တော်​၏​တန်ခိုး​တော်​အားဖြင့် သူ​တို့​ကို​လှည့်လည်​သွားလာ​စေ​တော်မူ​ပါ​။ အကျွန်ုပ်​တို့​၏​ဒိုင်းလွှား​ဖြစ်​တော်မူ​သော​ဘုရားရှင်​၊ သူ​တို့​ကို​နိမ့်ကျ​စေ​တော်မူ​ပါ​။

ဆာ​လံ 68:14

အနန္တတန်ခိုးရှင်​သည် ရှင်ဘုရင်​တို့​ကို ထို​အရပ်​တွင် ကွဲလွင့်​စေ​တော်မူ​သောအခါ ဇာလမုန်​တောင်​ပေါ်၌​နှင်းပွင့်​ကျ​လေ​၏​။

ဆာ​လံ 68:30

ကျူတော​သားရဲတိရစ္ဆာန်​နှင့် လူမျိုး​နွားသငယ်​များ​အလယ်​ရှိ နွားလား​အုပ်ကြီး​တို့​ကို ဆုံးမ​တော်မူ​ပါ​။ ငွေ​ချောင်း​များ​ရှိ​သော​သူ​ကို ခြေ​ဖြင့်​နင်းချေ​လျက် စစ်မက်​ကို​နှစ်သက်​သော​လူမျိုး​တို့​ကို ကစဥ့်ကလျား​ဖြစ်​စေ​တော်မူ​ပါ​။

ဆာ​လံ 89:10

ကိုယ်တော်​သည် ရာဟပ်​ကို အသေကောင်​ကဲ့သို့ ချေမှုန်း​တော်မူ​၏​။ ကိုယ်တော်​၏​တန်ခိုးကြီး​သော​လက်ရုံး​တော်​ဖြင့် ကိုယ်တော်​၏​ရန်သူ​တို့​ကို ဖရိုဖရဲ​ဖြစ်စေ​တော်မူ​၏​။

ထွက်​မြောက် 20:5

ထို​အရာ​တို့​ကို မ​ပျပ်ဝပ်​မ​ကိုးကွယ်​ရ​။ အကြောင်းမူကား သင်​၏​ဘုရားသခင် ငါ​ထာဝရဘုရား​သည် သဝန်တို​တတ်​သော​ဘုရား​၊ ငါ့​ကို​မုန်း​သော​သူ​တို့​၏​မျိုးဆက် တတိယ​အဆက်​၊ စတုတ္ထ​အဆက်​တိုင်အောင် ဖခင်​တို့​၏​အပြစ်​အတွက် သားမြေး​တို့​ကို ဒဏ်ခတ်​သော​ဘုရား​၊

ဟေ​ရှာ​ယ 33:3

မြည်ဟိန်း​သော​အသံ​တော်​ကြောင့် လူ​တို့​ထွက်ပြေး​ကြ​၏​။ ကိုယ်တော်​ထ​တော်မူ​သောအခါ လူမျိုး​တို့​သည် ကွဲလွင့်​သွား​ကြ​၏​။

ယေ​ဇ​ကျေ​လ 5:2

မြို့​ကို​ဝိုင်း​ထား​သော​နေ့​စေ့​သောအခါ ထို​အထဲ​မှ သုံးပုံတစ်ပုံ​ကို မြို့​ထဲ​တွင် မီးရှို့​ပစ်​လော့​။ နောက်ထပ်​သုံးပုံတစ်ပုံ​ကို မြို့​ထဲ​လှည့်လည်​၍ ဓား​ဖြင့်​ခုတ်ဖြတ်​လော့​။ နောက်ထပ်​သုံးပုံတစ်ပုံ​ကို လေ​ထဲသို့​လွှင့်ပစ်​လိုက်​လော့​။ ငါ​သည် ထို​အစု​နောက်​သို့ ဓား​ကို​လွှတ်​လိုက်​မည်​။

ဒံ​ယေ​လ 2:35

ထိုနည်းတူ သံ​၊ ရွှံ့စေး​၊ ကြေးနီ​၊ ငွေ​၊ ရွှေ​တို့​သည်​လည်း တစ်စစီကျိုးပဲ့​သွား​၍ နွေကာလ​တွင် တလင်းပြင်​ရှိ​အဖျင်းအမှော်​ကဲ့သို့ ဖြစ်​လေ​၏​။ လေတိုက်​သောအခါ လွင့်ပါ​သွား​သဖြင့် အစအန​ပင် မ​တွေ့​တော့​ပေ​။ ရုပ်တု​ကြီး​ကို ဝင်တိုက်​သော​ကျောက်တုံး​မူကား တောင်​ကြီး​ဖြစ်လာ​ပြီး မြေ​တစ်ပြင်လုံး​၌ ပြည့်​လေ​၏​။

တော​လည် 10:35

သေတ္တာ​တော်​ခရီးပြု​သောအခါ မောရှေ​က “​အို ထာဝရဘုရား​၊ ထ​တော်မူ​ပါ​။ ကိုယ်တော်​၏​ရန်သူ​တို့​သည် ကွဲလွင့်​ကြ​ပါစေသော​။ ကိုယ်တော်​ကို​မုန်း​သော​သူ​တို့​သည် ကိုယ်တော့်​ထံ​မှ ထွက်ပြေး​ကြ​ပါစေသော​”​ဟု လျှောက်ဆို​၍

တ​ရား​ဟော 7:10

ကိုယ်တော်​ကို မုန်းတီး​သော​သူ​တို့​ကို​ကား ပျက်စီး​စေ​ခြင်း​ဖြင့် ဒဏ်ခတ်​သော​ဘုရား​ဖြစ်​တော်မူ​ကြောင်း သိမှတ်​ကြ​လော့​။ ကိုယ်တော်​သည် မိမိ​ကို​မုန်းတီး​သော​သူ​တို့​အား အလျင်အမြန် ဒဏ်ခတ်​တော်မူ​မည်​။