ဆာ​လံ 35:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ အကျွန်ုပ်​၏​အရိုး​ရှိသမျှ​တို့​က “​အို ထာဝရဘုရား​၊ မည်သူ​သည် ကိုယ်တော်​နှင့်​တူ​ပါ​သနည်း​။ ကိုယ်တော်​သည် အဖိနှိပ်​ခံရ​သော​သူ​ကို သူ့​ထက်​အားကြီး​သော​သူ​၏​လက်​မှ ကယ်နုတ်​တော်မူ​၏​။ အကယ်စင်စစ် အဖိနှိပ်​ခံရ​သော​သူ​နှင့် နွမ်းပါး​သော​သူ​ကို လုယူ​တတ်​သော​သူ​၏​လက်​မှ ကယ်နုတ်​တော်မူ​၏​”​ဟု လျှောက်​ကြ​လိမ့်မည်​။

Common Language Bible

¹⁰ ``ကိုယ်​တော်​နှင့်​အ​ဘယ်​သူ​တူ​ပါ​သ​နည်း။ အ​ဘယ်​သူ​သည်​ကိုယ်​တော်​ကဲ့​သို့​အား​နွဲ့ သူ​ကို အား​ကြီး​သူ​၏​ဘေး​မှ​လည်း​ကောင်း၊ ဆင်း​ရဲ​နွမ်း​ပါး​သူ​ကို​ဖိ​စီး​နှိပ်​စက်​တတ်​သူ​၏ ဘေး​မှ​လည်း​ကောင်း ကွယ်​ကာ​စောင့်​ရှောက်​ပါ​သ​နည်း'' ဟု ထာ​ဝ​ရ​ဘု​ရား​အား​ခံ​စား​ချက်​အ​ပြည့် အ​ဝ​ဖြင့် ငါ​လျှောက်​ထား​မည်။

Garrad Bible

¹⁰ အို ထာ ဝ ရ ဘု ရား၊ ခွန် အား မ မျှ သူ့ လက် မှ၊ ဆင်း ရဲ သူ့ ကိုလည်း ကောင်း၊ လု ယက် ဖျက် ဆီး သူ့ လက် မှ၊ ဆင်း ရဲ နွမ်း ပါး သူ့ ကို လည်း ကောင်း၊ ကယ် လွှတ် တော် မူ သော ကိုယ် တော် နှင့် မည် သူ တူ ပါ သ နည်း ဟု၊ ငါ့ အ ရိုး ရှိ သ မျှ တွန် ဆို လိမ့် မည်။

Judson Bible

¹⁰ အ​ကျွန်ုပ်​အ​ရိုး ရှိ​သ​မျှ​တို့​က​လည်း၊ အို​ထာ​ဝ​ရ​ဘု​ရား၊ အ​စိုး​တ​ရ​ပြု​သော​သူ၏​လက်​မှ ဆင်း​ရဲ​သား​ကို နုတ်​တော်​မူ၍၊ လု​ယူ​ဖျက်​ဆီး​တတ်​သော​သူ၏​လက်၌ ဆင်း​ရဲ​ငတ်​မွတ်​လျက် ခံ​နေ​ရ​သော​သူ​ကို ချမ်း​သာ​ပေး​တော်​မူ​တတ်​သော ကိုယ်​တော်​နှင့် အ​ဘယ်​သူ​တူ​ပါ​သ​နည်း​ဟု လျှောက်​ဆို​ကြ​မည်။

ဆာ​လံ 35:10 Referencias Cruzadas

၂ ရာ 22:18

ငါ​မပြိုင်​နိုင်​လောက်အောင် ခွန်အား​ကြီးမား​သော ငါ့​ရန်သူ​၏​လက်​မှ​လည်းကောင်း​၊ ငါ့​ကို​မုန်း​သော​သူ​တို့​၏​လက်​မှ​လည်းကောင်း ငါ့​ကို​ကယ်နုတ်​တော်မူ​၏​။

ဆာ​လံ 10:14

သို့သော် ကိုယ်တော်​သည် အခက်အခဲ​ပြဿနာ​နှင့် ပူဆွေး​ခြင်း​တို့​ကို​မြင်​၍ လက်​တော်​ဖြင့်​ဖြေရှင်း​ရန် ကြည့်ရှုဆင်ခြင်​တော်မူ​၏​။ ခိုကိုးရာမဲ့သောသူ​သည် ကိုယ်တော်​ထံ၌ မိမိကိုယ်ကို​အပ်နှံ​ပါ​၏​။ ကိုယ်တော်​သည် မိဘမဲ့သူ​ကို ကူညီမစ​သော​အရှင်​ဖြစ်​တော်မူ​၏​။

ဆာ​လံ 102:3

အကြောင်းမူကား အကျွန်ုပ်​၏​နေ့ရက်​များ​သည် မီးခိုး​ကဲ့သို့​ကုန်လွန်​သွား​ကြ​ပြီး အကျွန်ုပ်​၏​အရိုး​များ​သည် မီးကျီးခဲ​များ​ကဲ့သို့ တောက်လောင်​ကြ​ပါ​၏​။

ဆာ​လံ 103:6

ထာဝရဘုရား​သည် နှိပ်စက်​ခြင်း​ခံရ​သူ အပေါင်း​တို့​အတွက် ဖြောင့်မတ်​ခြင်း​နှင့် တရားမျှတ​ခြင်း​ကို စီရင်​ပေး​တော်မူ​၏​။

ဆာ​လံ 109:31

အကြောင်းမူကား ကိုယ်တော်​သည် နွမ်းပါး​သော​သူ​၏​စိတ်ဝိညာဉ်​ကို အပြစ်စီရင်​သော​သူ​တို့​ထံမှ​ကယ်တင်​ရန် ထို​သူ​၏​လက်ယာ​ဘက်​၌ ရပ်​နေ​တော်မူ​၏​။

ဆာ​လံ 140:12

ထာဝရဘုရား​သည် အဖိနှိပ်​ခံရ​သော​သူ​တို့​၏ အမှုကိစ္စ​ကို ဆောင်ရွက်​ပေး​၍ နွမ်းပါး​သော​သူ​တို့​အတွက် တရားမျှတမှု​ကို​ဆောင်ကြဉ်း​ပေး​တော်မူ​ကြောင်း ငါ​သိ​၏​။

ဆာ​လံ 140:13

ဖြောင့်မတ်​သော​သူ​တို့​သည် ကိုယ်တော်​၏​နာမ​တော်​ကို အမှန်ပင်​ချီးမွမ်း​ကြ​ပါ​လိမ့်မည်​။ ဖြောင့်မှန်​သော​သူ​တို့​သည် ကိုယ်တော်​၏​ရှေ့​တော်​၌ နေထိုင်​ရ​ကြ​ပါ​လိမ့်မည်​။

ဆာ​လံ 146:7

နှိပ်စက်​ခြင်း​ခံရ​သော​သူ​တို့​အတွက် တရားမျှတမှု​ကို​ဆောင်ကြဉ်း​ပေး​၍ ဆာလောင်မွတ်သိပ်​သော​သူ​တို့​အား အစားအစာ​ကို​ပေး​တော်မူ​၏​။ ထာဝရဘုရား​သည် ချုပ်ထား​ခြင်း​ခံရ​သော​သူ​တို့​ကို လွှတ်ပေး​တော်မူ​၏​။

ဆာ​လံ 18:17

ငါ​မ​ပြိုင်​နိုင်​လောက်အောင် ခွန်အား​ကြီးမား​သော ငါ့​ရန်သူ​၏​လက်​မှ​လည်းကောင်း​၊ ငါ့​ကို​မုန်း​သော​သူ​တို့​၏​လက်​မှ​လည်းကောင်း ငါ့​ကို​ကယ်နုတ်​တော်မူ​၏​။

ဆာ​လံ 22:14

အကျွန်ုပ်​သည် ရေ​ကဲ့သို့​သွန်ချ​ခြင်း​ခံရ​၍ အကျွန်ုပ်​၏​အရိုးအဆစ်​ရှိသမျှ​တို့​သည် ပြုတ်​ကုန်​ပါ​၏​။ အကျွန်ုပ်​၏​နှလုံး​သည် ဖယောင်း​ကဲ့သို့​ဖြစ်၍ အကျွန်ုပ်​ရင်​ထဲ​၌ အရည်ပျော်​သွား​ပါ​၏​။

ဆာ​လံ 22:24

အကြောင်းမူကား ကိုယ်တော်​သည် အဖိနှိပ်​ခံရ​သော​သူ​ကြုံတွေ့​ရ​သည့်​ဖိနှိပ်မှု​ကို မထီမဲ့မြင်ပြု​တော်​မ​မူ​။ ရွံရှာ​ခြင်း​လည်း​ရှိ​တော်​မ​မူ​။ မျက်နှာ​တော်​ကို​လည်း သူ့​ထံမှ​လွှဲ​တော်​မ​မူ​ဘဲ အကူအညီ​အော်ဟစ်​တောင်းခံ​သောအခါ သူ့​ကို​နားညောင်း​တော်မူ​၏​။

ဆာ​လံ 32:3

အကျွန်ုပ်​သည် တိတ်ဆိတ်​စွာ​နေ​သောအခါ တစ်နေ့လုံး​ညည်းတွား​ရ​၍ အကျွန်ုပ်​၏​အရိုး​တို့​သည် ဆွေးမြည့်​ကြ​ပါ​၏​။

ဆာ​လံ 34:20

သူ​၏​အရိုး​ရှိသမျှ​တို့​ကို​စောင့်ရှောက်​တော်မူ​၍ ထို​အရိုး​တစ်ချောင်းမျှ​ချိုးဖဲ့​ခြင်း​မ​ခံရ​။

ဆာ​လံ 34:6

အဖိနှိပ်​ခံရ​သော​ဤ​သူ ခေါ်​သောအခါ ထာဝရဘုရား​သည် နားထောင်​၍ သူ​၏​ဆင်းရဲဒုက္ခ​အပေါင်း​တို့​မှ သူ့​ကို​ကယ်တင်​တော်မူ​၏​။

ဆာ​လံ 37:14

ဆိုးယုတ်​သော​သူ​တို့​သည် အဖိနှိပ်​ခံရ​သော​သူ​နှင့် နွမ်းပါး​သော​သူ​ကို လဲကျ​စေရန်​လည်းကောင်း​၊ ဖြောင့်မှန်​စွာ​ပြုမူကျင့်ကြံ​သော​သူ​တို့​ကို သတ်ဖြတ်​ရန်​လည်းကောင်း ဓား​ကို​ထုတ်​၍ လေး​ကို​တင်​ကြ​၏​။

ဆာ​လံ 38:3

ကိုယ်တော်​၏​အမျက်​တော်​ကြောင့် အကျွန်ုပ်​၏​ကိုယ်ခန္ဓာ​၌ အနာတရကင်း​သော​နေရာ​မ​ရှိ​ပါ​။ အကျွန်ုပ်​၏​အပြစ်​များ​ကြောင့် အကျွန်ုပ်​၏​အရိုး​တို့​သည် သန်စွမ်း​ခြင်း​မ​ရှိ​ပါ​။

ဆာ​လံ 51:10

အို ဘုရားသခင်​၊ အကျွန်ုပ်​အထဲ​၌ စင်ကြယ်​သော​စိတ်နှလုံး​ကို ဖန်ဆင်း​တော်မူ​ပါ​။ အကျွန်ုပ်​အတွင်း​ထဲ၌ တည်ကြည်​သော စိတ်သဘော​ကို အသစ်​ပြုပြင်​တော်မူ​ပါ​။

ဆာ​လံ 51:8

အကျွန်ုပ်​အား ရွှင်မြူး​ခြင်း​နှင့်​ဝမ်းမြောက်​ခြင်း​ကို ကြား​စေ​တော်မူ​ပါ​။ ကိုယ်တော်​ကြေမွ​စေ​သော​အရိုး​တို့​ကို​လည်း ရွှင်လန်း​စေ​တော်မူ​ပါ​။

ဆာ​လံ 69:33

အကြောင်းမူကား ထာဝရဘုရား​သည် နွမ်းပါး​သော​သူ​တို့​ကို နားညောင်း​တော်မူ​၏​။ အချုပ်အနှောင်​ခံရ​သော​မိမိ​၏​လူ​တို့​ကို​လည်း မထီမဲ့မြင်ပြု​တော်​မ​မူ​ပေ​။

ဆာ​လံ 71:19

အို ဘုရားသခင်​၊ ကိုယ်တော်​၏​ဖြောင့်မတ်​ခြင်း​သည် အထက်ကောင်းကင်​တိုင်အောင်​ရောက်​ပါ​၏​။ ကြီးမြတ်​သော​အမှု​တို့​ကို​ပြု​တော်မူ​သော ဘုရားသခင်​၊ မည်သူ​သည် ကိုယ်တော်​နှင့်​တူ​ပါ​သနည်း​။

ဆာ​လံ 86:8

အို ဘုရားရှင်​၊ ဘုရား​များ​ထဲတွင် ကိုယ်တော်​နှင့်တူသော​ဘုရား​မ​ရှိ​ပါ​။ ကိုယ်တော်​ပြု​တော်မူ​သော​အမှု​များ​နှင့်တူသော အမှု​လည်း မ​ရှိ​ပါ​။

ထွက်​မြောက် 15:11

အို ထာဝရဘုရား​၊ ဘုရား​တို့​တွင် အဘယ်မည်သော​ဘုရား​သည် ကိုယ်တော်​နှင့်​တူ​ပါ​သနည်း​။ သန့်ရှင်း​ခြင်း​ကြောင့် ဘုန်းကြီး​တော်မူ​သော​၊ ဘုန်းအသရေ​ကြောင့် ကြောက်ရွံ့ဖွယ်​ဖြစ်​တော်မူ​သော​၊ အံ့ဖွယ်​သော​အမှု​ကို​ပြု​တော်မူ​သော ကိုယ်တော်​နှင့် အဘယ်သူ​တူ​ပါ​သနည်း​။

ဟေ​ရှာ​ယ 40:18

ဘုရားသခင်​သည် မည်သူ​နှင့်​တူ​သနည်း​။ သင်​သည် ဘုရားသခင်​ကို မည်သည့်​ပုံသဏ္ဌာန်​နှင့် နှိုင်းယှဉ်​မည်နည်း​။

ဟေ​ရှာ​ယ 40:25

သန့်ရှင်း​သော​အရှင်​က “​သင်​တို့​သည် ငါ့​ကို မည်သူ​နှင့်​နှိုင်းယှဉ်​မည်နည်း​။ မည်သူ​သည် ငါ​နှင့်​တူ​သနည်း​”​ဟု မိန့်​တော်မူ​၏​။

ယေ​ရ​မိ 10:7

အို လူမျိုးတကာ​တို့​၏​ဘုရင်​၊ ကိုယ်တော်​သည် ကြောက်ရွံ့ရိုသေ​ခြင်း​ကို ခံထိုက်​တော်မူ​ပါ​၏​။ မည်သူ​သည် ကိုယ်တော့်​ကို မ​ကြောက်ရွံ့​ဘဲ​နေ​ပါ​သနည်း​။ လူမျိုးတကာ​တို့​၏​ပညာရှိ​အပေါင်း​တို့​တွင်​လည်းကောင်း​၊ တိုင်းနိုင်ငံ​ရှိသမျှ​တို့​တွင်​လည်းကောင်း ကိုယ်တော်​နှင့်​တူ​သော​သူ​တစ်ယောက်​မျှ​မ​ရှိ​ပါ​။

ယေ​ရ​မိ 20:13

ထာဝရဘုရား​ထံ သီချင်းဆို​ကြ​လော့​။ ထာဝရဘုရား​ကို ချီးမွမ်း​ကြ​လော့​။ အကြောင်းမူကား ကိုယ်တော်​သည် နွမ်းပါး​သူ​၏​အသက်​ကို ဆိုးညစ်​သူ​လက်​မှ ကယ်နုတ်​တော်မူ​၏​။