ဆာ​လံ 33:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ ထာဝရဘုရား​သည် တိုင်းနိုင်ငံ​တို့​၏​အကြံဉာဏ်​ကို ပယ်ဖျက်​၍ လူမျိုး​တို့​၏​အကြံအစည်​များ​ကို ဟန့်တား​တော်မူ​၏​။

Common Language Bible

¹⁰ ထာ​ဝ​ရ​ဘု​ရား​သည်​လူ​မျိုး​တ​ကာ​တို့​၏ ရည်​မှန်း​ချက်​များ​ကို​ပျက်​ပြား​စေ​တော်​မူ​၏။ သူ​တို့​၏​အ​ကြံ​အ​စည်​များ​ကို​လည်း အ​ထ​မ​မြောက်​စေ​ရန်​ဆီး​တား​တော်​မူ​၏။

Garrad Bible

¹⁰ ထာ ဝ ရ ဘု ရား သည်၊ လူ မျိုး ခြား တို့၏ ပြ ဋ္ဌာန်း ချက် ကို အ ချည်း နှီး၊ လူ မျိုး တို့၏ အ ကြံ အ စည် များ ကို အ ကျိုး မဲ့ ဖြစ် စေ တော် မူ ၏။

Judson Bible

¹⁰ ထာ​ဝ​ရ​ဘု​ရား​သည် တစ်​ပါး​အ​မျိုး​သား​တို့၏​တိုင်​ပင်​ခြင်း​ကို​ပယ်​တော်​မူ၏။ လူ​စု​တို့၏​ကြံ​စည်​ခြင်း​ကို​လည်း ဖျက်​ဆီး​တော်​မူ၏။

ဆာ​လံ 33:10 Referencias Cruzadas

ကမ္ဘာ​ဦး 11:8

ထိုသို့ ထာဝရဘုရား​သည် သူ​တို့​ကို ထို​အရပ်​မှ မြေ​တစ်ပြင်လုံး​သို့ ကွဲလွင့်​စေ​တော်မူ​သဖြင့် သူ​တို့​သည် မြို့​တည်ဆောက်​ခြင်း​ကို ရပ်တန့်​ကြ​၏​။

၂ ရာ 15:31

တစ်စုံတစ်ယောက်​က ဒါဝိဒ်​မင်းကြီး​အား “​အဗရှလုံ​နှင့်အတူ ပူးပေါင်းကြံစည်​သူ​တို့​ထဲတွင် အဟိသောဖေလ​လည်း ပါ​သည်​”​ဟု ကြားပြော​၏​။ ထိုအခါ ဒါဝိဒ်​မင်းကြီး​က “​အို ထာဝရဘုရား​၊ အဟိသောဖေလ​၏​အကြံ​ကို မိုက်မဲ​သော​အကြံ​ဖြစ်​စေ​တော်မူ​ပါ​”​ဟု ဆုတောင်း​လေ​၏​။

၂ ရာ 15:34

မြို့​သို့​ပြန်သွား​ပြီး အဗရှလုံ​အား ‘အကျွန်ုပ်​သည် အရှင်မင်းကြီး​၏​အမှုထမ်း ဖြစ်​ပါ​၏​။ ယခင်​က အရှင့်​ခမည်းတော်​၏​အမှုထမ်း​လည်း ဖြစ်​ခဲ့​ဖူး​ပါ​၏​။ သို့သော် ယခုမှာ အရှင်​၏​အမှုထမ်း လုပ်​ပါ​မည်’​ဟု လျှောက်​လျှင် အဟိသောဖေလ​ပေး​မည့်​အကြံ​ကို ငါ့​အဖို့ သင်​ဖျက်ဆီး​ပေး​နိုင်​လိမ့်မည်​။

၂ ရာ 17:14

ထိုအခါ အဗရှလုံ​နှင့် အစ္စရေး​အမျိုးသား​အပေါင်း​တို့​က “​အာခိ​လူမျိုး ဟုရှဲ​ပေး​သော​အကြံ​သည် အဟိသောဖေလ​ပေး​သော​အကြံ​ထက် ကောင်း​သည်​”​ဟု ထောက်ခံ​ကြ​၏​။ အကြောင်းမှာ အဗရှလုံ​ကို ဘေး​တွေ့​စေ​မည့်​အကြောင်း အဟိသောဖေလ​ပေး​သော​အကြံ​ပျက်ပြား​ရန် ထာဝရဘုရား စီစဉ်​တော်မူ​ပြီ​။

၂ ရာ 17:23

အဟိသောဖေလ​သည် မိမိ​ပေး​သော​အကြံ​အတိုင်း မ​လုပ်​သည်​ကို သိမြင်​လျှင် မြည်း​ကို ကုန်းနှီးတင်​ပြီး နေရင်းမြို့​ရှိ မိမိ​အိမ်​သို့ ပြန်​ကာ အိမ်သား​တို့​အား မှာစရာ​ရှိ​သည်​ကို မှာကြား​ပြီး မိမိကိုယ်ကို ကြိုးဆွဲချ​သေ​လေ​၏​။ သူ့​ကို ဘိုးဘေး​တို့​၏​သင်္ချိုင်း​တွင် သင်္ဂြိုဟ်​ကြ​၏​။

၄ ရာ 6:9

ထိုအခါ ဘုရားသခင်​၏​လူ​က အစ္စရေး​ဘုရင်​ထံ လူ​လွှတ်​၍ “​ဤ​နေရာ​ကို ဖြတ်သွား​လျှင် သတိပြု​ပါ​။ ဆီးရီးယား​စစ်သည်​တို့ ဤ​နေရာ​သို့ ဆင်းလာ​ကြ​ပြီ​”​ဟု မှာလိုက်​၏​။

နေ​ဟ​မိ 4:9

ငါ​တို့​သည် ငါ​တို့​ဘုရားသခင်​ထံ​ဆုတောင်း​ပြီး သူ​တို့​ရန်​ကြောင့် နေ့ရောညပါ ကင်းချ​ထား​၏​။

ဆာ​လံ 140:8

အို ထာဝရဘုရား​၊ ဆိုးယုတ်​သော​သူ​၏​အလိုဆန္ဒ​ကို ဖြည့်ဆည်း​ပေး​တော်​မ​မူ​ပါ​နှင့်​။ သူ​၏​အကြံ​ကို​ထမြောက်​စေ​တော်​မ​မူ​ပါ​နှင့်​။(​စေလာ)

ဆာ​လံ 21:11

သူ​တို့​သည် ကိုယ်တော့်​အပေါ် မကောင်း​ကြံ​၍ ကောက်ကျစ်​သော​အကြံအစည်​ကို ကြံစည်​ကြ​သော်လည်း အောင်မြင်​ကြ​လိမ့်မည်​မ​ဟုတ်​။

ဆာ​လံ 9:15

လူမျိုးတကာ​တို့​သည် မိမိ​တို့​တူး​ထား​သော​တွင်း​ထဲသို့ ကျ​ကြ​ပြီ​။ သူ​တို့​ခြေ​သည် မိမိ​တို့​လျှို့ဝှက်​စွာ​ထောင်​ထား​သော ပိုက်ကွန်​၌​မိ​လေ​ပြီ​။

သုတ္တံကျမ်း။ 21:30

မည်သည့်​ဉာဏ်ပညာ​၊ ထိုးထွင်းဉာဏ်​၊ အကြံဉာဏ်​မျှ ထာဝရဘုရား​ကို​ဆန့်ကျင်​၍ မ​တည်​နိုင်​။

ဟေ​ရှာ​ယ 19:3

အီဂျစ်​ပြည်သား​တို့​သည် စိတ်ပျက်​ကြ​လိမ့်မည်​။ သူ​တို့​၏​အကြံအစည်​ကို​လည်း ငါ​ဖျက်ဆီး​မည်​။ ထိုအခါ သူ​တို့​သည် ရုပ်တု​၊ နတ်​၊ နတ်ဝင်သည်​၊ နတ်ထိန်း​တို့​ထံ မေးမြန်း​ကြ​လိမ့်မည်​။

ဟေ​ရှာ​ယ 44:23

အို မိုးကောင်းကင်​၊ ထိုသို့ ထာဝရဘုရား ပြု​တော်မူ​ပြီ​ဖြစ်၍ ရွှင်လန်း​စွာ​သီချင်းဆို​လော့​။ မြေကြီး​၏​နက်ရှိုင်း​သော​အရပ်​တို့​၊ ဝမ်းမြောက်​စွာ​ကြွေးကြော်​ကြ​လော့​။ အို တောင်​တို့​၊ ဟစ်ကြော်​ကြ​လော့​။ တော​နှင့်တကွ သစ်ပင်​အပေါင်း​တို့​၊ သီချင်းဆို​ကြ​လော့​။ အကြောင်းမူကား ထာဝရဘုရား​သည် ယာကုပ်​အမျိုး​ကို ရွေးနုတ်​တော်မူ​ပြီ​။ အစ္စရေး​လူမျိုး​၌ ဘုန်းထင်ရှား​တော်မူ​ပြီ​။

ဟေ​ရှာ​ယ 44:25

ငါ​သည် ပရောဖက်​အတုအယောင်​တို့​၏​နိမိတ်လက္ခဏာ​များ​ကို ပယ်ဖျက်​၏​။ ဂမ္ဘီရပညာ​တတ်မြောက်​သူ​တို့​ကို ရူးသွပ်​စေ​၏​။ ပညာရှိ​တို့​ကို နောက်ပြန်​လှန်​စေ​၍ သူ​တို့​၏​အသိပညာ​ကို မိုက်မဲ​စေ​၏​။

ယေ​ရ​မိ 19:7

ဤ​အရပ်​၌ ယုဒ​ပြည်သူ​၊ ဂျေရုဆလင်​မြို့သား​တို့​၏​အကြံအစည်​များ​ကို ပျက်ပြား​စေ​မည်​။ သူ​တို့​ကို ရန်သူ​တို့​ရှေ့​တွင် ဓား​ဖြင့်​ကျဆုံး​စေ​မည်​။ သူ​တို့​၏​အသက်​ကို ရန်ရှာ​သော​သူ​တို့​လက်​ဖြင့် ကျဆုံး​စေ​မည်​။ အလောင်းကောင်​တို့​ကို မိုးကောင်းကင်​ငှက်​နှင့် မြေ​တိရစ္ဆာန်​တို့​အတွက် အစာ​ဖြစ်​စေ​မည်​။

ယေ​ဇ​ကျေ​လ 20:32

လူမျိုးခြား​တို့​ကဲ့သို့​၊ တိုင်းတစ်ပါးသား​တို့​ကဲ့သို့ သစ်သား​ဘုရား​၊ ကျောက်​ဘုရား​တို့​ကို ကိုးကွယ်​မည်​ဟု ကြံစည်​သော​သင်​တို့​အကြံ​သည် မည်သည့်​အခါ​မျှ ဖြစ်လာ​မည်​မ​ဟုတ်’​ဟု မိန့်​တော်မူ​၏​။

မာ​လ​ခိ 1:4

ဧဒုံ​ပြည်သား​တို့​က​လည်း “​ငါ​တို့ ဖျက်ဆီး​ခံရ​လျှင် ငါ​တို့​ပြန်လာ​၍ အပြိုအပျက်​တို့​ကို ပြန်လည်​တည်ဆောက်​မည်​”​ဟု ဆို​ကြ​၏​။ ကောင်းကင်​ဗိုလ်ခြေ​အရှင်​ထာဝရဘုရား​က​လည်း “​သူ​တို့ ပြန်လည်​တည်ဆောက်​လျှင် ငါ​ဖြိုဖျက်​မည်​။ သူ​တို့​ပြည်​သည် ဆိုးယုတ်​သော​ပြည်​၊ သူ​တို့​သည် ထာဝရဘုရား​၏​အမျက်​တော်​သင့်​ခြင်း​ကို ခံရ​သော​လူမျိုး​ဟု အစဉ်​အခေါ်​ခံရ​ကြ​လိမ့်မည်​။