WEAWEA 5:3 - ASII LAKDAP Bible (BSI)

³ Ara tsangshiq khum na apii ashe phan asi maiq kong thun ka wiita chiiphai na tiikibaiq ronglaq. Kra riihantiq tsangshiq raq Ngi isenginok rai sidam tiikang piitiip ka tiisheshi mak miraq.”

Hawa Naga Bible 2001

³ Ngvy phvnx miq rulc vdvmz ngaz httax vtaungx jerak kuex shuy shac muq tvkoc nawk palx htungx maq sawc muq jix miq htenc kuex jerak phic nuex yurc gay rax,” ngoz tueq jungx tueq.

WEAWEA 5:3 Referencias Cruzadas

Tvtsvmc 68:18

Apaiq ka pum diiluhea ba kiina, apaiq rai shumwikong pahea tsuq wan raüta wawanto; apaiq raq akiq khiitibi maiq pahea jaq wa kongphiq thun jaütlo. Tati Shiikeawe ka kiijaq misi wan.

DUNGWVNC 25:8

Mungmaiqse raq Ngi miitu asii tombutiip ashi hai ratlo. Kriika Ngi tsangshiq rai sidam miitu.

DUNGWVNC 29:45

Ngi ka Israilnok phong na misi damha. Kiimaq Ngi ka tsangshiq Shiikeawe ma mirha.

ISAIA 12:6

Jajon na siti wiitarü raq rütrang ronglaq, lantea shi ronglaq! Israilnok asii Shiikeawe ka jonghea, kiimaq apaiq ka asenginok rai sitlo.”

LEWI 14:8

Raüta kriiwe raq akhea kriishe mihe. Raüta akhu ka loktam asi mirbaiq. Kiimaq ajü she mihe. Kra lot jai shetiq apaiq khum ka asii she miraq. Pii mak she. Kiimaq apaiq ka piitiip mong na nyap wa nong mimai she. Shatmaq apaiq ka apaiq tombutiip mong niika nyap wa raamak. Tiipphai na apaiq ka ramiishi sichang.

LEWI 15:31

Tatiwe raq Mosheq ma chongto Israilnok ka tsangshiq khum ashe sitlaq bala tiihai shat maq siraatlo nguta. Kriika tsangshiq raq apaiq asi Tombutiip tsangshiq piitiip thun mong na sitlaq kra tiisheshi mak chang miitu honlam bom chongtlo. Tsangshiq raq kra tiishe shi raüla, tsangshiq ka Tatiwe raq atsea mirbaiq.

WEAWEA 16:3

Tsangshiq ka adam na Mosheq nai Aron khaki na thungto. Raüta tsangnai ma akha nguto, “Namnai ka chan hea she tiichan ne kilan! Israilnok mungmaiqse kunli ka Tatiwe sengi siisaq. Kiimaq Tatiwe ka naishiq tarü rai adam na asi. Kra taü maq, Mosheq ümniika Tatiwe sengi mungmaiqse thaq na ajong nguta jam nguto tiitsaki tlaü?”

WEAWEA 19:22

Akhum ashe we raq jamlai phan hupsam wa ajaq ma shamtlaq, kriithun ka ashe apii she miraq. Kiimaq kriithun hupsam ka maiq jurwa ajaq maq than shamtlaq kriiwe kiimin raji na saüli ashe miraq.

WEAWEA 35:34

Namshiq sitlan hiqshong ka naq tiishe rongkiq. Jamkhano ngukla Ngi ka Tatiwe. Kiimaq kra Israilnok mungmaiqse rai sitiikang.”

WEAWEA 5:4

Krai mren, Israilnok raq ara aming ka langto. Raüta maiq ashe ashiti thun ka piitiip mong wa chiiphai na jobaiqto.

TRI CHONGKE 23:14

Üm sichang piitiip ka apii ashan chang ahü asii maq thülaq. Jamkhano ngukla Tatiwe üm Shiikeawe ka ümniirai piitiip na ümnaq tiikhup wongke miitu sitlo. Kiimaq ümjaqtinok khuthaq na ümniima rekhat tiitangke wan miitu sitlo. Tatiwe raq lungwiimak phan, apaiq raq ümniika jai nong shungthü chang phan ashe ashi jaq ka naq shamkiq.

TRI CHONGKE 23:15

“Maiq dise ashi ka atijongwe jam wa juho raüta, ümpuk na nyapki raüla, apaiq ka atijongwe phana naq tiijang wankiq she.

2 Thessalonians 3:6

Phunainotiim lei, naishiq raq Tati Jesuq Khristo mang maq aming tat tiikai, namshiq ka riininti Phungmaiqse rai ümtiikiimin naq riishonron rongkiq. Tsangshiq riika, naishiq raq tsii chongkuq tiikai kra taimak sitlo. Tsangshiq ka riinin, jaqsham mak haisiq tlo.

Titus 3:10

Phungtu siiqti miika, laknai na saüli tsii li chongkuq laq. Laknai tsii chongke jai miimin, atsii chhi mak li riishatshat jiika, apaiq ka phungtu wa ashleq riibaiq laq.

Revelation 21:27

Ashe ashi ngarai thun ka ara chela na tiinyap mak she miraq. Kiimaq, jurwa jeasi chang sham tlaq kiimaq jurwa arot akiq chong tlaq, kriiti thun ka ara chela na walot mak she. Ju mang wa Skuse atra rilung lakdap na waiqje asi, kriiti thun kli she ara chela mong na miwa lot.

Revelation 21:3

Ngi raq hokham ngachang ngacho maq tiihong raüta abom, maiq bom ashi akha taikang, “Ümchaü Shiikeawe jam ka maiqse rai she! Apaiq ka tsangshiq raishe misi. Kiimaq tsangshiq ka apaiq sengi she miraq. Shiikeawe apaiq ka tsangshiq rai nong nong she misi wan dam. Kiimaq apaiq ka tsangshiq Shiikeawe miraq.