WEAWEA 5:2 - ASII LAKDAP Bible (BSI)

² “Israilnok ma aming kuqlaq, namshiq piitiip mong wa maiq thabitsiti, riimakla akhumwa ashe kham dongtlaqti kiimaq maiq loweatek juwa maiq amaa dü na tiithantaqti maiq thun ka piitiip wa kinphai na jobaiq ronglaq.

Hawa Naga Bible 2001

² “Israel miqsaz wawc vshungx vshoyx kop jix, rvmuq ngoz ruiux shawz lvmx nuex phuingx vtueq tvjuiuz svrc yaq jix, miq maungx nuex kvthoay ningkhvnc nuex sawc muq jix htenc kuex jerak phic nuex yurc gay tvkoc jungx shuiuz.

WEAWEA 5:2 Referencias Cruzadas

2 HOKHVMX 7:3

Maiq weblai thabitsi raq chamchaoti ka Samaria chela ruk phai na riito. Tsangshiq liipan na bom ka akha riichongto, “Nashiq ka arjaq ngalaitli jaram tsai wa?

LEWI 13:45

Maiq ümriiti khum niiwa thabi tsi asi, kriiti riika wunthaü riinaü khu akhea kriili sam ratlo. Raüta akhu ka thaihü miili thü chang. Raüta atheaphi ka hiq nü nü ba ka khea maq pangshat riichang. Raüta apaiq raq nanok ma, “Ashe, ashe!” nguta chiiriim raüta khumchang.

LEWI 13:46

Apaiq khum na kra thabi tsi ka sishat wiiwii, apaiq ka ashe miraq. Kiimaq apaiq ka nokwe piitiip maq chiiphai na, alu na sichang.

LEWI 13:8

Raüla ramwe raq apaiq khum ka thongshi ri hali mishri ra liinong. Raüta ngohea dea ami ka akhum bahin niishe dea nyam wan tlaq jiika, ramwe raq apaiq ka ashe nguta bom ka mitan nong. Arka thabi tsi ngushat she.

LEWI 14:8

Raüta kriiwe raq akhea kriishe mihe. Raüta akhu ka loktam asi mirbaiq. Kiimaq ajü she mihe. Kra lot jai shetiq apaiq khum ka asii she miraq. Pii mak she. Kiimaq apaiq ka piitiip mong na nyap wa nong mimai she. Shatmaq apaiq ka apaiq tombutiip mong niika nyap wa raamak. Tiipphai na apaiq ka ramiishi sichang.

LEWI 21:1

Tatiwe raq Mosheq ma Aron phan ramwebi ma akha chong kuq laq nguta aming kuqto, “Ramwebi wa maiq juli jiimin tati seno tsaiki raü jaq, maalap kai lomki raüta apaiq khum ka tiishe shi raamak.

LEWI 23:29

Jurwa kra ranaiq phanshi ra phaqsiqtlaq kriiti ka Shiikeawe sengi nguta weamak she miraq.

WEAWEA 12:10

Kiimaq Tombutiip khuthaq wa phumda ka ra na wawanto. Kiimaq Miriam khum niika rampun tsi mi phong li she riito. Raüta akhum wa ahan na akhü thun ka tsakhiiq ikha lüdiidii she riito. Riita Aron raq Miriam khum na liikiita, apaiq khum ka rampun mitam tonglong lishe riito.

WEAWEA 12:14

Kiijiishe Tatiwe raq treto, “Awe raq apaiq theaphi na tho maq tho raüla, apaiq raq apaiq jeasi kha tiichhit miitu ka ramiishi na saüli munjuk maq sichang miraq. Krai mren, apaiq ka piitiip mong wa dongho raüta kinphai na ramiishi na saüli bamsi kilaq. Kra jai miitiq apaiq ka piitiip mong na hali sheakai nong mimai.”

WEAWEA 31:19

Ümchaü min namshiq wiitarü jurwa re na maiq tsat lanti thun kra, riimakla maiq maa na jaq maq sham lanti thun ka, piitiip phai na ramiishi sikai ratlo. Ranaiqtsam angu na nai ramiishi ranaiq na namkhum kra tiisii ronglaq. Kiimaq shumwi kong jechakre lap wan lan thun kra tiisii wan khuliiq ronglaq.

WEAWEA 5:1

Tatiwe raq Mosheq ma nguto,