WEAWEA 28:11 - ASII LAKDAP Bible (BSI)

¹¹ Tatiwe ma jinye dong wantek na chaqtlii-honglu kuqlaq: Minsaü pongre se anai, sku pongre se ashi, arawii wiishi sku pongsetiim miishi, arthun tarü ka akhum nyeajokjok adü na ami atsi ahü siisaq riichang.

Hawa Naga Bible 2001

¹¹ Yapix yac nyalx vtsvnc raungnuiyq tek Yehowa muex vmac vtsac vguez manx roalc pung vnueyc, khelbuenx pungshiz, wawcshiz khelbuenx pung mvshix kuex wvr maq jauk shomc kuy rax.

WEAWEA 28:11 Referencias Cruzadas

2 HOKHVMX 4:23

“Riita ümniika ümchaü ranaiq lala jam nguta kai wa?” nguta awese raq waito. “Ümchaü ranaiq ka Niitiitsak ranaiq min riimak, kiimaq Jinyedong Poi min riimak kata.” “Jam raamak,” nguta apaiq raq treto.

1 KAÜWA WERAÜ 23:31

Kiimaq Asii Niitiitsak ranaiq na ümtiikiiwa honglu wa na chaq chang kuq wan tlaq kra, kiimaq Jinye Dong Poi na, kiimaq laihin poi awii klo wan tlaq akhing na jaqsham thun kra tsangshiq arang riito. Kiimaq arthun jaqsham wan akhingtek na Lewinok ka maiq ümchuwe raq sham chang wa kra miitu tri ka hairaüta thüto. Kiimaq Lewinok raq Tatiwe shomnoq wan jaqsham ka pattup sham wan chang nguta arang kuqto.

2 KAÜWA WERAÜ 2:3

Solomon raq Tajar Hokhamwe Hiram ma tsütsa ka akha tiiwanto: “Ümniiraq iwe Hokhamwe Dawit rai apaiq hokham jamhai miitu maisak pepan lunkuq laü ikha, ngi rai min piikiilaq.

2 KAÜWA WERAÜ 2:4

Ngi raq i Tatiwe Shiikeawe shreng chang Shomjam ashi haitiikang. Kriika asii jam miraq. Kiijaq isenginok nai ngi raq apaiq ka homseng honglu süse tapan chaq laita mishom noqhai. Kiijaq naishiq raq asii winsii honglu thun ka atsaq min tsaq mai phan maq honglu mikuq hai. Kiimaq kiijaq naishiq raq wa na chaqtlii-honglu thun ka ranaptek na kiimaq rajitek na mikuq hai. Kiimaq Niitiitsak ranaiq thun niimin, Jinye Dong Poi thun niimin, kiimaq laihin asii ranaiq thun niimin, Tatiwe naishiq Shiikeawe shreng ma mikuq hai. Apaiq raq Israilnok ma arka pattup pat-sa kewan chang nguta aming kuqto.

2 KAÜWA WERAÜ 8:13

Apaiq raq wa na wiipumtam maq chaqtlii honglu thun ka Mosheq Thung tri na waiqtaq kra phan phan asii ranaiq tek na: Niitiitsak ranaiq na, Jinye Dong Poi thun na, kiimaq rawiitek na laktsam poi jonghea - Pi Maq Shohü Winsii Phaq Poi, Tsamwi Poi, kiimaq Lamjap Tiip Poi akhing na klotlo.

EJRA 3:5

Kiimaq, arthaq niimin, ara chongtiikai honglu kuqwan tlaq niimin, tsangshiq raq rahinjaq joli Shiikeawe shomnoq akhing na, atra nyamse ka wiipumtam maq, honglu wa na chaq wan tlaq, kiimaq hali Jinye Tsan Wan Poi akhing na alu kuq wantlaq, kiimaq rahinjaq joli akhing na mungmaiqse thung raüta, shomnoq wantlaq noqku akhing na, honglu ümchuwa kuq wantlaq, kiimaq hali, Tatiwe ma lungwii raüta maiqmii tsantsii maq kuq wan tlaq, kra thun ka kuq wan nongto.

NEHEMIA 10:33

Kiimahali, nashiq raq Shomjam na Shiikeawe noq wan miitu, huk asam arthun ara mikuq wan rong i: asii winsii kra, ranaiqtek rai awong honglu na kewan chang kra, ranaiqtek wa maq chaq raüta nyamse take wan chang raa wan tlaq kra, Asii Niitiitsak Ranaiq ranaiq akhingtek na asii honglu kewan chang kra, kiimaq Jipi Jinye Dong Poi na kewan chang honglu kra, kiimaq Poi ahin sitlaq akhing na kewan chang honglu thun kra, kiimaq laihin asii honglu kewan chang sitlaq kra, kiimaq Israilnok ngarai tiikhoi miitu honglu kewan chang sitlaq kra, kiimaq arthun thaq niimin, Shomjam na lang wan miitu jamlai huk sam wa rongraa tlaq kra michom kuq rong i.

Tvtsvmc 40:6

Ümniiraq nyamse honglu na ataakuq thun nai laihin honglu akuq thun kriika rariq maü; ümniiraq nyamse thun ka berong-wacha na wiipumtam maq chaq chang honglu kriika jaü maü riimakla ngarai shiikhoi honglu thun kriimin jaü maü. Kra rii na ümbom tai miitu ngi ma nilok thun kuqlaü.

Tvtsvmc 40:8

Ngi raq ümtsanroro jaqsham ka kai lungwiitiikang, i Shiikeawe lei! ümniiraq ngi ma shrinkuqtlaü ka imongjii na shaqtiikang.”

Tvtsvmc 81:3

Poi miitu paison lerong tsü ronglaq, jiha dong wan pha na kiimaq jikham ranaiq na.

Tvtsvmc 81:4

Arka Israil mung na thungtri, Jakob Shiikeawe raq aming akuq.

ISAIA 66:23

Jipi Jinye Dong Poitek na kiimaq Niitiitsak ranaiqtek na, mungmaiqse ka mungtek wa Ngi shomnoq wa arjaq Jerusalem na miwa,” nguta Tatiwe raq ngutlo.

EJEKIEL 46:1

Tati Rakaü Hiqwe raq ngutlo, “Shomjam wang mongti rinkea na shedong nü kilü ka jaqshamtlaq ratrok liipan niika ashaq raüta thüchang. Shatmaq Asii Niitiitsak Ranaiq na nai Jinye Dong Poi akhing niika adi raüta thiichang.

EJEKIEL 46:6

Jinye Dong Poi niika apaiq raq minsaü saüre pongwe ashi, sku aransetiim trok, kiimaq sku alashe ashi thun wiitarü nyeajokjok jamlai ami atsi ahü siisaq kechang.

EJEKIEL 46:7

Minsaü saüre pongwe ashi kiimaq sku ala ashi honglu kuqtlaq kriirai ka, püwong win ka litar roqshi ri miishi ri athiq, kiimaq skusetiim kuqtlaq kriirai ka sku loweatek rai mungtuwe apaiq raq aroro kra ke chang. Ara wong-honglu kuqtlaq kra aweatek na olip tsai ka litar tsam ke chang.

Hosea 2:11

Ngi raq apaiq raq poi thun klotlaq kra, rawiitek nai jipitek poi klotlaq thun kra, kiimaq apaiq raq Asii Niitiitsak Ranaiq poi klotlaq kra, kiimaq apaiq raq Shiikeawe shomnoq akhing poi klotlaq thun kra, wiitashe mitiithen baiqha.

LEWI 1:13

Kriiwe raq among wa apuk aji thun nai awühokpe wiinai thun kra kham maq he ratlo. Kiimaq ramwe raq honglu ngam thun ka Tatiwe ma mikuq. Raüta ngam tlotli ka berong-wacha na michaq. Ara phaqsea honglu khiimtsang ka Tatiwe ma tsan tiiheali.

LEWI 1:3

Apaiq raq aminsaü kong wa ashi ka wiipumtam maq chaqtlii honglu na takuqtlaq akhing na, apaiq raq minsaü pongwe ka nyeajokjok hea jamlai ami atsi min ahü kechang. Apaiq raq kra Tatiwe asi Tombutiip rinkea na kewan ratlo. Kra raütiq Tatiwe raq apaiq ka mitao wan.

LEWI 1:9

Kriiwe raq among wa apukji thun nai ahok thun kra kham maq heraatlo. Raüta kiijaq jaqshamti ramwe raq kra honglu ngam thun kra berong-wacha na wiita michaq baiq. Ara phaqsea-honglu khiimtsang ka Tatiwe ma tsan tiiheali.

AMO LUIK DVP (AMOS) 3:5

Tsii ka kütsikaü maq tsanhü maq, wushi mimin shea? Bi atsan ngam raq tiichamhü maq, bi ka micham shea?

AMO LUIK DVP (AMOS) 8:5

“Jinye Poi pii ara jaqlo chawan tlo haü jaq, nashiq raq tü tsam arka shata hai chang wa. Asiihai Ranaiq ara jaqlo chawan tlo raüjaq ahea riichang, bunwong thun kra shaphaq wan tlo haichang wa. Tok ka ajiq aphiq kriimaq shalailaita, bunwong riti kra amobphaq wan haichang wa, laita bunwong ka ajom shatmaq athii ka atsin linlin maq shaphaq wan hai changwa

WEAWEA 10:10

Kiimahali poi awii chojong chise sitlan akhing niimin, namshiq raq Jinye Dong Poi akhing na kiimaq laihin kamasham poi akhing na, namshiq raq chaqtlii-honglu takuq tlan akhing na, kiimaq namshiq raq rintii-honglu kuqtlan akhing na, lerong ka tsü ronglaq. Raüla Ngi raq namshiq ka mikhrum kuqha. Ngi ka Tatiwe namshiq Shiikeawe.”

WEAWEA 28:19

Tatiwe ma chaqtlii-honglu ka phaqsea-honglu ikha kuqlaq: minsaü pongwe are anai, sku pongre se ashi, kiimaq arawii wiishi sku pongsetiim miishi, arthun wiitarü ka akhum nyeajokjok ami atsi jamlai min ahü siisaq riichang.

Galatians 4:10

Namshiq riika, ümchaü sanha, rahiq jipi thun ka, “akha ranaiq arka ahea,” “akha ranaiq arka abi,” “ara jipi lü arka ahea,” “ara jipi lü arka abi,” nguta jurai liirai thun ka wiita tsea tsiiq lanta lang tlan.

Colossians 2:16

Ara chongtiikang Khristo raq thawe kharü ka adii baiq kun she kha maq, ümchaü sanha, maiq raq namshiq ma arphan arka aphaq asea mimai, arphan arka aphaq asea maimak, apii chang nguta tri raü arun baiq wishe kra thongshiri hali, namshiq ma khakuq tlaq kriika, naq tiikha nong rongkiq. Rahiq jipi kiimin, arka jihea ranaiq, arka jibi ranaiq nguho. Kiimaq Jinye Dong Poi ka alang chang nguho. Asii Niitiitsak ranaiq ka alang chang maa nguho.

Colossians 2:6

Namshiq raq Khristo Jesuq ka namshiq Tatiwe dea ngutiishe apaiq puk na nyap wan lan kata. Krai mren, apaiq rai tiipum lanta sirong laq.

1 SAMUEL 20:5

“Anap ranaiq ka Jinye Dong Poi,” nguta Dawit raq treto. “Kiimaq ngi ka hokhamwe rai dungsea damchang. Shatmaq ümniinga ahea jam ramak nguhaüla, ngi ka wakram na rum kiijaq shinap rajiko na saüli tiipaü ngaki pha.

1 SAMUEL 9:12

“Apaiq ka asi,” nguta jechaksere raq treto. “Apaiq ka ümchaü namnai ma sinkhu na wawan li tlo. Namnai ka kiimchii maq juju wawan hanla, apaiq ka milowan. Namnai ka chela mong na saüwan han jiila, apaiq ka kiijiili mihum han. Apaiq ka ümchaü ranaiqtiq chela na saükito. Jamkhano ngukla nokmaiqse raq hiqlam na berong-wacha kiijaq honglu mitaakuq. Kiijaq lomwadamti maiq tiiheatiiti thun raq, apaiq ka kiijaq misaü shaq wiiwii phaqsiq mak maq mikhe. Jamkhano ngukla apaiq raq ramkham maq tiibok chang miraq. Namnai ka ümchaü leaphok wawan hanla, apaiq ka hiqlam na phaqsea lomwa miwa wan shaq niili milo wan han.”