WEAWEA 28:10 - ASII LAKDAP Bible (BSI)

¹⁰ Riita ara chaqtlii-honglu arka Asii Niitiitsak Ranaiqtek na joli ranaiqtek honglu spiqtai-honglu rai kuqtlaq kriithaq tiitsuq ke chang.

Hawa Naga Bible 2001

¹⁰ Kvruex kuex svpiq tix shomc kuy nuiyc wvraungx nuiyq tek shomc kuy juing maq lvy vtueq, Vguilc Raungnuiyq tek wvr maq jauk shomc kuy juing rvtueq.

WEAWEA 28:10 Referencias Cruzadas

2 KAÜWA WERAÜ 2:4

Ngi raq i Tatiwe Shiikeawe shreng chang Shomjam ashi haitiikang. Kriika asii jam miraq. Kiijaq isenginok nai ngi raq apaiq ka homseng honglu süse tapan chaq laita mishom noqhai. Kiijaq naishiq raq asii winsii honglu thun ka atsaq min tsaq mai phan maq honglu mikuq hai. Kiimaq kiijaq naishiq raq wa na chaqtlii-honglu thun ka ranaptek na kiimaq rajitek na mikuq hai. Kiimaq Niitiitsak ranaiq thun niimin, Jinye Dong Poi thun niimin, kiimaq laihin asii ranaiq thun niimin, Tatiwe naishiq Shiikeawe shreng ma mikuq hai. Apaiq raq Israilnok ma arka pattup pat-sa kewan chang nguta aming kuqto.

2 KAÜWA WERAÜ 8:13

Apaiq raq wa na wiipumtam maq chaqtlii honglu thun ka Mosheq Thung tri na waiqtaq kra phan phan asii ranaiq tek na: Niitiitsak ranaiq na, Jinye Dong Poi thun na, kiimaq rawiitek na laktsam poi jonghea - Pi Maq Shohü Winsii Phaq Poi, Tsamwi Poi, kiimaq Lamjap Tiip Poi akhing na klotlo.

ISAIA 1:13

Ümniiraq ümchuwa honglu kuq wan tlaü kriika jamlai athü arii min ahü she. Ümniiraq homseng honglu kuqtlaü tsangngii kra shulata Ngi ka ishuli she sikito. Ümniiraq Jipi Jinye Poi thun, kiimaq Apii Ranaiq Poi thun, kiimaq noqku na shomnoq wan thungtlan thun kra chhilata ümchaü sanha ninlot mangshe. Arthun klowan tlaü arka ümngarai phong krai triishot laüta kuq wan tlaü.

WEAWEA 28:23

Arthun arka ranaptek chaqtlii-honglu kuqtlaü kriithaq na tiitsuq kechang.

WEAWEA 28:3

Tatiwe ma phaqsea-honglu kechang thun ka arthun ara: Ranaiqtek chaqtlii-honglu miitu ka, arawii wiishi skuse anai akhum nyeajokjok ami atsi ahü kra kechang.

WEAWEA 28:9

Asii Niitiitsak Ranaiq honglu ka arawii wiishi sku pongse anai akhum nyeajokjok ami atsi jamin ahü kra bunwong win kilogram anai ka olip tai rai adam shot laüta wong-honglu kiimaq spiqtai-honglu na kuqlaq.

WEAWEA 29:11

Kiimahali ngarai-honglu chhechhi ashi kuqlaq, arka mungmaiqse khum tiisii wan mrochhi chhechhi kuqtlaü kriithaq na, kiimaq joli ranaiqtek chaqtlii-honglu krai wong-honglu kiimaq spiqtai-honglu kuqtlaü kriithun kriirai kuqlaq.

WEAWEA 29:16

Kiimahali chhechhi pongwe ashi ka ngarai-honglu na kuqlaq. Arthun arka ranaiqtek joli chaqtlii-honglu nai wong-honglu krai kiimaq spiqtai-honglu kuqtlaü kra thaq na tiitsuq ma kuqlaq.

WEAWEA 29:6

Arthun arka, tri na chongtlaq kra phan phan jipi jinye ranaiq na chaqtlii-honglu kuqtlaq kiimaq, kriirai wong-honglu kuqtlaq, kiimaq akhingtek na chaqtlii-honglu kuqtlaq kiimaq kriirai wong-honglu kuqtlaq, kiimaq spiqtai-honglu kuqtlaq, kriithun kriithaq na kuqtlo. Ara phaqsea-honglu thun ara khiimtsang ka Tatiwe ma tsan tiiheali miraq.