WEAWEA 19:12 - ASII LAKDAP Bible (BSI)

¹² Apaiq raq akhum ka ranaiq tsam ngoja na kham maq pii tiishi hechang. Kiimaq ramiishi ngoja na akhum ka kham maq hechang. Kra raütiq akhum ka asii she miraq. Shatmaq apaiq raq akhum ka ranaiqtsam ngoja na nai ramiishi ngoja na jang nai wiita na akhum ka kham maq hemak raüla, akhum ka apii asheli miraq.

Hawa Naga Bible 2001

¹² Piq kuex raungnuiyq thuimx nuex nuiyc raungx mvshix nuex kvsawc nawc juing nuex seng yaq yuix maq miqmac shauk gvnz kuex tvsawc rax, kvruex yimaq jix piq kuex sawc wvnc tuex. Yuq muinz raungnuiyq thuimx nuex nuiyc raungx mvshix nuex kvsawc nawc yauk shuimc shuimx muq ngoz ruiux kuex piq sawc tuex rvmuq.

WEAWEA 19:12 Referencias Cruzadas

Tvtsvmc 51:7

Ingarai ka lambaiqlaq, raüla ngi ka asii she mirha; ikhum ka hekuqlaq, raüla ngi ka tsakhiiq nam ma alü she mirha.

DUNGWVNC 19:11

Raüta shinap ranaiq miitu tiijeshat misilaq. Kra ranaiq Ngi ka Sinai Pum na misat kiha. Kiijaq mungmaiqse tlotli raq Ngi ka michhi.

DUNGWVNC 19:15

Kiimaq Mosheq raq tsangshiq ma chongto, “Shinap ranaiq miitu tiijeshat ronglaq. Kiimaq namshiq ka jechakre rai adam hainga raamak.”

EJEKIEL 36:25

Ngi raq namshiq khum na kham asii maq mibatha. Lata namshiq raq sumla phra thun noq lanta kiimaq phanrap ashe ashi klo wan lanta, namkhum tiisheshi baiq lan kra, Ngi raq wiita atiisii mirkuqha.

Hosea 6:2

Ranaiqnai riimakla ranaiqtsam liipan niili, apaiq raq nashiq tsitsü mitiichümkuq, kiimaq nashiq ka apaiq wokhong na misi rong i.

LEWI 14:7

Apaiq raq wushi tiijai ka kra maiqwe akhum ka thabitsi aheaki wa apii tiishi ke chang we dü na jang miishi mibat. Kra raütiishe ramwe raq apaiq ka asii she nguta bom ka mitoqtan. Raüta apaiq raq wushi kaüshiti ka hiqsii thung ram kiiniishe lamho raüta atiibi mirbaiqki.

LEWI 7:17

Shatmaq kra ngam bum ka shinap ranaiq na saüli tiichongki raüla, kriika wa na chaq baiq chang dongdii she.

WEAWEA 31:19

Ümchaü min namshiq wiitarü jurwa re na maiq tsat lanti thun kra, riimakla maiq maa na jaq maq sham lanti thun ka, piitiip phai na ramiishi sikai ratlo. Ranaiqtsam angu na nai ramiishi ranaiq na namkhum kra tiisii ronglaq. Kiimaq shumwi kong jechakre lap wan lan thun kra tiisii wan khuliiq ronglaq.

Acts 15:9

Shiikeawe raq nashiq nok nai tsangshiq nok liipan na, jam lai min tiikhothiq mak dea. Tsangshiq raq Shiikeawe ma kamto. Krai mren apaiq raq tsangshiq ngarai ka diikuqto.

Revelation 7:14

“Shiilang we lei, ngi riiri sap mang. Ümniiraq asap haü,” nguta ngi raq trekang. Kiijiishe apaiq raq ngi ma chongto, “Arthun arka Phungmaiqse kong, kai chamchao wamong nyang maq alun wanti thun ahata. Tsangshiq raq tsangshiq miirii ka Skuse tiijai maq hewanto she. Raüta, ümchaü sanha lüdiidii hea she samtlo.