WEAWEA 19:11 - ASII LAKDAP Bible (BSI)

¹¹ Jurwa maiq maa na ajaq maq shamtlaq kriiti ka ramiishi na saüli akhum ka ashe apii misi.

Hawa Naga Bible 2001

¹¹ Miq maungx shuimc gay jix waz kuex nawk palx htungx maq raungx mvshix nuex httuiuc laz sawc muq httax yaq.

WEAWEA 19:11 Referencias Cruzadas

ISAIA 52:11

Bebilon mung baiqthü miitu khekham sironglaq, namshiq wiita Shomjam hupsam pitibi raq! Apii chang phan hupsam riiqkhiq jaq maq naqsham rongkiq; namkhum ka asii maq thüronglaq. Lantea kra mung wa laü wan tlo ronglaq.

AJONJÜ 4:14

Mungtubi ka makhü jaqhü ikha, bangram biimra chela lam na tiijaidali, tsangshiq han na jurmin thanki kham mak. Chiihea wea lam thun na mangmii raitlo.

EJEKIEL 39:12

Kra maiq maa phong thun saiqsam miitu Israilnok ma rahiq ka jipi lümiishi miraa. Raüta Israil mung ka mitiisii wan nong.

EJEKIEL 44:26

Apaiq ka akhum tiisiilot jai min, apaiq raq ramiishi hali khenong ratlo.

LEWI 11:31

Jurwa arthun ara ajaq maq shamtlaq, riimakla atsai arki amaa ka jaq maq shamtlaq, kriiti ka raji na saüli ashe miraq.

LEWI 21:1

Tatiwe raq Mosheq ma Aron phan ramwebi ma akha chong kuq laq nguta aming kuqto, “Ramwebi wa maiq juli jiimin tati seno tsaiki raü jaq, maalap kai lomki raüta apaiq khum ka tiishe shi raamak.

LEWI 21:11

Apaiq ka Ngi ma akiinongke kun she. Kiimaq apaiq khum ka apii ashe tiija baiq mai mak. Riimakla apaiq raq ijam asii Tombutiip kiiwa kiho raüta, kiimaq maiq atsaiki jam kiijaq kiraüta asii Tombutiip ka tiishe maimak. Apaiq ma aweshaq riimakla anyung shaq li tsaiki raü min, akhum ka tiishe maimak.

LEWI 22:4

“Aron saüsetiim phong wa juwa akhum na thabitsi ami atsi asi riimakla akhum wa kham dongtlaq atsi siraüla, asii honglu thun ka akhum ka apii mitiisii shaq wiiwii phaq sea maimak. Ramwebi jurwa jamlai phanli jiimin maiq maa niishe tiithantaq hupsam kra ajaq maq thantaq jiila, riimakla apaiq khum wa akham ka dongtlaq jiila, apaiq ka ashe she miraq.

LEWI 5:2

Kiimaq maiq ashi ra raq hemak lam maq apii ashe phan kra ajaq maq than sham rat raüla, bom shiiton atsai arki ngam maa ngu i, kra ngu raüla apaiq ka ashe miishe mijaki. Kiimaq apaiq raq kra thoheri li she apaiq ka ashutwe miishe mijaki.

HAGAI 2:13

Kiijiishe Hagai raq tsangshiq ma hali, “Ikhla, bom shiiton ngu i, maiq weshi ra raq, maiq maa ka ajaq maq shamkai ningkhan, apaiq khum ka, apii ashe miishe mijaki. Ikhla, apaiq raq ümchaü chong kai phaq nai sea thun kra ajaq maq sham raü jiika, arthun arka ashe miishe shea mijaki?” nguta waito. Kiijiishe Ramwebi raq, “Kriika ashe miishe mijaki,” nguta treto.

WEAWEA 19:16

Kiimaq maiq ashi ra raq maiq ashi ra ka maiq raq atsat lo, riimakla apaiq tsai tsai chiiphai na atsaiki lo, riimakla maiq ashi ra raq maiq rii ka jaq maq sham raüla, apaiq ka ramiishi na saüli apii ashe miishe mijaki.

WEAWEA 31:19

Ümchaü min namshiq wiitarü jurwa re na maiq tsat lanti thun kra, riimakla maiq maa na jaq maq sham lanti thun ka, piitiip phai na ramiishi sikai ratlo. Ranaiqtsam angu na nai ramiishi ranaiq na namkhum kra tiisii ronglaq. Kiimaq shumwi kong jechakre lap wan lan thun kra tiisii wan khuliiq ronglaq.

WEAWEA 5:2

“Israilnok ma aming kuqlaq, namshiq piitiip mong wa maiq thabitsiti, riimakla akhumwa ashe kham dongtlaqti kiimaq maiq loweatek juwa maiq amaa dü na tiithantaqti maiq thun ka piitiip wa kinphai na jobaiq ronglaq.

WEAWEA 6:6

Apaiq khu alu thütlaq kriika apaiq raq akhum ka Tatiwe ma kiinong kuqtaq kra saqse miithii. Kra ningkhan apaiq raq akhum ka maiq maa tho na ki raüta tiishe shi baiq maimak. Awe nai anyung, kiimaq aphu ano riimakla ano jechakse tsaiki raü min kai maimak.

WEAWEA 9:10

Israilnok ma bom ka akha chongkuqlaq nguta, “Ümtiikiiwa namshiq phong wa maiq weshi ra ka, riimakla namsaü namsetiim ka maiq maa shamki raüta apii ashe raüla, riimakla maiq hiq na wanhiq khum aluwiq na cha raüla, shatmaq Tiichhiiwan Poi kra lang wan ro raüla,

WEAWEA 9:6

Shatmaq tsangshiq phong na maiq wiijamti ka maiq maa na tiithan kha na apii ashe riito. Kra ningkhan tsangshiq raq kra ranaiq na Tiichhiiwan Poi ka klo wan lot mak dea riito. Kra ningkhan, tsangshiq ka Mosheq nai Aron phana wato.

Acts 21:26

Krai mren, Paul raq naiqjai ranaiq niishe, tsangshiq kra shea raüta, tsangshiq rai adam maq, khum tiisii mrochhi poi ka kloto. Raütiishe, apaiq ka Shomjam na wa raüta khum tiisii wan mrochhi apii hai ka ümchu ranaiq jai tiq wa mithum, kra thum jaitiq she, tsangshiq weblai khumtek raq honglu kewa chang miraq, kra tsütsa ka tiitai chong wato.

Acts 21:27

Shatmaq, kra apii ramiishi haitaq kra athum wan nini niishe, Asia wang wa aki, Jehudinok maiq wiijamti raq Paul ka Shomjam mong na chhito. Kra chhi raütiishe tsangshiq raq mungmaiqse wiita ka riisii she tiishai baiqto. Raüta Paul ka rangho tlii maq laphoto.

Romans 5:12

Ngarai ka ara mangjong hiq na maiq weshi lümaq li saükito. Kiimaq apaiq ngarai riili maiqse ma tsailam kli tan kuq wanto. Ara ningkhan, tsailam pi da raq mangjong maiqse kunli she nyam wanto. Ara jamkhano nyam wanta ngukla, maiqse angu tarü raq ngarai tang wanto.

2 Corinthians 6:17

Kiimaq ara chongtlaq arai mren, TATIWE raq akha asengi ma chongtlo, “Namshiq raq thatsang maiqse ka baiqthü raa dongdii; Lanta, namshiq ka pong na trai lanta sirong laq; Ashe ashi rai kongshi ka naqsi rongkiq. Namshiq ka trai lanta asii maq sihan jiila, ngi raq namshiq ka I wokhong na mitiisiha.

Ephesians 2:1

Man na ji na, namshiq ka wenyi na amaa siwan lan. Namshiq raq Shiikeawe kiq khü lanta, ngarai mong na silan kha maq, namshiq ka wenyi na amaa silan.

Hebrews 9:14

Riita ija, akha mrochhi raüta mra ka tiisii kuq tlaq jiika, Khristo raq, akhum ka honglu na kuq raüta, atiijai raübaiqtaq kriika wiitarü thaq na araa pinthum she! Apaiq raq akhum ka pattup pat-sa Shiikeawe Wenyi sitlaq kra lümaq, asii pinthum honglu she kuqto. Apaiq tiijai raq nashiq hon atsii, nashiq mong nai jii ara thiihü, thatsang tri kharü mong wa, apii ashan lang tiikai thungtri kharü mong wa tiisii kuq tlo. Arka nashiq raq, atra Shiikeawe ka tiima tsantsii khangriri maq shomnoq miitu she tiisii kuqto.