WEAWEA 18:16 - ASII LAKDAP Bible (BSI)

¹⁶ Nosere ka arawii jipi lüshi she angu na thungtri na athü kampho ngam siibiingi, mung raq langtlaq thii kriimaq ri raüta daa wan ratlo.

Hawa Naga Bible 2001

¹⁶ Yapix lex shiz nox htenc kuex rungx kaqpex shenc maq kuimphox sawx bv-ngac maq daungc wvnc yek rax.

WEAWEA 18:16 Referencias Cruzadas

DUNGWVNC 30:13

Maiqwea na tlomdamtlaqti maiq loweatek raq mung raq langtlaq tok maq shin raüta apaiq tri kampho ka ke ratlo. Maiq loweatek raq ara apaiq tri ka Ngi ma honglu na ke ratlo.

DUNGWVNC 38:24

Asii Tombutiip kra hai miitu Tatiwe ma akiinong kuq wan chaq tlotli ka mung raq langtlaq tok maq shin kiita kilogram hingshi riito.

EJEKIEL 45:12

“Riita namshiq raq tok langtlan kriika akha riichang: 20 gera ka=1 shekel 60 shekel ka=1 mina

LEWI 27:25

Athii arii ümchuwa sitlaq kriika mung raq langtlaq kappe maq wea raüta siisaq tanlili riichang.

WEAWEA 18:15

“Ase chhikhuse riimakla nyamse chhikhuse Israilnok raq Ngi ma kiinong kuqtlaq kriithun ka ümnii riishe. Shatmaq ümniiraq maiqse chhikhuse loweatek daa wan miitu ari athii kuqtlaq kriika ajaü ratlo. Kiimaq nyamse ashe phan chhikhuse nyungtlaq kra daa wan miitu ari, athii kuqtlaq kra kampho kiimin ümniiraq jaü ratlo.

WEAWEA 18:17

Shatmaq minsaü chhikhu se, sku chhikhu se, kiimaq chhechhi chhikhu se nyungtlaq thun kriika ari kuq raüta daa wan raamak. Kriithun ka Ngi riili dongdii kha maq honglu na take ratlo. Kra ngam tiijai thun ka berong-wacha kiijaq raübaiq laq. Kiimaq kra ngam pü thun kriika phaqsea-honglu akuq la na wa na chaqlaq. Kra khiimtsang ka Ngi ma tsan tiiheali honglu.

WEAWEA 3:46

Riita Israilnok maiq wesere chhikhu setiim ka Lewi phan maiqwe sere thaq na 273 achan apa. Kra nosere achan ümchuwa sitlaq kriika ümniiraq adaa wan ratlo.

WEAWEA 3:47

Maiqwesere loweatek daa wan miitu mung raq langtlaq tri maq no ashi khum ri miitu ka kampho ngam siibiingi kuqlaq.