WEAWEA 15:4 - ASII LAKDAP Bible (BSI)

^4-5 Jurwa sku ashi honglu na kuqtlaq riimakla chhechhi ashi ka chaqtlii-honglu na Tatiwe ma kuqtlaq, kriiti raq nyamse ashi krai bunwong win kilogram shi ka olip tai litar shi rai shot raüta wong-honglu na spiqtai litar shi krai adam na kechang.

Hawa Naga Bible 2001

^4-5 Yehowa muex khelbuenx rvmuq ngoz ruiux khelkhix kuex wvr maq jauk shomc kuy muex lvy jix waz rueq, vruiy vwungx shomc kuy tvraung olip puiz liter shiz rulc vshot taq wungwanx tawk shiz lvmc lvy rax, svpiq tix liter shiz muinz vdvmz nuex lvmc lvy rax.

WEAWEA 15:4 Referencias Cruzadas

EJRA 7:17

“Ara honglu kampho arka, ümniiraq athuk atsom wiq maq sham laq. Laüta minsaü pongwetiim ka, atha lamhü, skupongsetiim kra, kiimaq sku aransetiim kra, kiimaq hai awong kra, kiimaq che kra rithü laüta, Jerusalem na Shomjam berong-wacha na kewan miitu kuq laq.

DUNGWVNC 29:40

Apha na takuq tlaü kriiti rai ka bunwong win kamshok shok kilogram shi ka litar shi chiisan olip tai rai adam na triishot laüta kuqlaq. Kiimaq spiqtai ka litar shi honglu na nyuklaq.

ISAIA 66:20

Tsangshiq raq namshiqnok ka kunli pongmung thun wa Ngi ma kongphiq akuqho ikha tsuq wan raüta, nam mung na mishea wan. Tsangshiq raq tsangshiq ka Ngi raq asii hiqlam Jerusalem na riimtiikang kriijaq kumrang kong thaq na ngaraq raq, kumtoq kong thaq na ngaraq raq, kiimaq kumtsong kong thaq na ngaraq raq, kiimaq kumrang leng thaq na ngaraq raq kiimaq minsaü leng thaq na ngaraq raq mitsuq wan. Israilnok raq wong-honglu thun ka lairap thüchang hupsam ka asii mong na thü raüta Shomjam na kuq wan tlaq ikha mikuq wan.

EJEKIEL 46:14

Kiimahali bunwong wongwin ka kilogram anai ka litarshi olip tsai rai adam na shot raüta honglu na kechang. Riita Tatiwe ma ara honglu kewan tri arka pattup pat-sa lang wan ruq riichang.

LEWI 1:13

Kriiwe raq among wa apuk aji thun nai awühokpe wiinai thun kra kham maq he ratlo. Kiimaq ramwe raq honglu ngam thun ka Tatiwe ma mikuq. Raüta ngam tlotli ka berong-wacha na michaq. Ara phaqsea honglu khiimtsang ka Tatiwe ma tsan tiiheali.

LEWI 14:10

Ratiichat ngo ranaiq na apaiq raq wiishi sku pongse arese nai anai kiimaq skuse are se skushii akhum nyeajokjok, jamlai ami atsi ahü, kiimaq bunwong win kilogram atsam ka olip tai rai shot raüta lam wan chang, kiimaq olip tai ka litar shi wa mantsam na tiikho raüta manshi kra lam wan chang.

LEWI 2:1

Ümtiikiiwa maiq weshi ra raq wong honglu Tatiwe ma kuqtlaq, apaiq raq kra kongkhu wongwin ma thaü chang. Raüta apaiq raq olip tai nai homseng ka kriithaq na thiichang.

LEWI 2:15

Laüta olip tai kra kriithaq na thiilaq. Kiimaq kriithaq na homseng kra thiilaq.

LEWI 23:13

Kriirai namshiq raq kilogram anai bunwong win ka olip tai maq shot lanta phaqsea-honglu na kuq ronglaq. Ara honglu Khiimtsang ka Tatiwe ma tsan tiiheali miraq. Kiimaq namshiq raq kriirai litar shi spiqtai kiimin honglu na kuq ronglaq.

LEWI 3:7

Kiimaq maiq weshi ra raq sku ashi kuq raüla,

LEWI 6:14

Wong-honglu thungtri raütu ka arthun ara. Aron phan ramwe raq wong-honglu ka Tatiwe ma berong-wacha khaki na kechang.

MALAKI 1:11

Mangjong maiqse shedong maq riita shenyap mung na saüli raq, ngi shrengtlo. Tsangshiq raq barapse maq ngi ma homseng honglu athuk atsom kuqtlo. Tsangshiq tarü raq ngi shrengtlo!

WEAWEA 28:12

Wong-honglu niika bunwong win olip tai rai shot laüta kuqlaq: minsaü pongsetiim loweatek rai, bunwong win kilogram atsam tsam chhaq; sku pongre se krai ka bunwong win kilogram anai kuqlaq;

WEAWEA 28:4

Ashi ka ranap na takuqlaq. Kiimaq anai ngojati ka raji na takuqlaq.

WEAWEA 29:6

Arthun arka, tri na chongtlaq kra phan phan jipi jinye ranaiq na chaqtlii-honglu kuqtlaq kiimaq, kriirai wong-honglu kuqtlaq, kiimaq akhingtek na chaqtlii-honglu kuqtlaq kiimaq kriirai wong-honglu kuqtlaq, kiimaq spiqtai-honglu kuqtlaq, kriithun kriithaq na kuqtlo. Ara phaqsea-honglu thun ara khiimtsang ka Tatiwe ma tsan tiiheali miraq.

Romans 15:16

Shiikeawe raq ngi ka Khristo Jesuq jaqshi se ma shongto. Arka ngi raq, namshiq Pongnok phan maiqse ma, Khristo Jesuq tsütsa ahea kra chongke wan miitu shongto. Ngi ka Shiikeawe raq akuq Tsütsa Ahea ara chongketi ramwe. Ara ramwe jaqsham tiikang arka, Pongnok phan maiqse wa maiq ümchuwa sitlaq kra thun ka, Shiikeawe ma akuq honglu ikha misi laq nguta ngo maq sham tiikang. Raüta, Asii Wenyi raq tsangshiq ka siirairai she ngamrea ikhiishe, Shiikeawe ma mikuq wan.

Hebrews 13:16

Kiimahali, nashiq raq kongti kiimti ma khrum shan kewan jaqsham ahea ka, ümtiikiimin naq laq rongkiq. Ara kongti khrum tiikai jaqsham ahata, Shiikeawe tiichochi chang honglu ngamrea shaütu.

PHOWEBI 9:9

Olip chong raq treto, ‘Ngi ka namshiq hokham ma jaha jiila, sumla phra nai maiqse shreng chang, ikhum wa itsai tiidong ka, atsaq kai chang she miraq.’