WEAWEA 15:3 - ASII LAKDAP Bible (BSI)

³ Minsaü pongwe ashi, skure pongwe ashi, sku ashi, riimakla chhechhi ashi kra Tatiwe ma chaqtlii-honglu na ke mimai. Riimakla sinkham tiikhoi honglu na mimai, riimakla maiqmii tsantsii honglu riimakla akhing khing na kamasham poi klotlaq kiijaq ke mimai. Ara phaqsea-honglu akuq khiimtsang ka Tatiwe ma tsan tiiheali miraq.

Hawa Naga Bible 2001

³ Nuimshiq rueq Yehowa muex wvr maq jauk shomc kuy juing muinz, bomkhvmc vtaq shomc kuy juing muinz, yauk noalc kuy roc shomc kuy juing muinz, nuimshiq rueq mkaq muinz shuimc lvmz ruiux shuinx nawk palx htungx vlayx moalx nuex shomc kuy juing htenc shomc nawk kuq ruiux yuq, manx pung vshiz, khelbuenx pung vshiz, khelbuenx rvmuq ngoz ruiux khelkhix vshiz maq shomc kuy mvy yaq; kvkhoc phuiuz vsvy maq shomc kuq yaq vhomc vtumc kuex Yehowa rueq raungc raq yaq.

WEAWEA 15:3 Referencias Cruzadas

RAPHA HIQWA LAK 8:21

Kra honglu ataakuq wa na chaqtaq kra khiimtsang ka Tatiwe ma tsan tiiheali riito. Kiimaq apaiq nai apaiq akha tiingoto, “Maiqse raq jamlai wa klotlaq kra ningkhan, Ngi raq ümtiikiimin mangjong hiq ma manson mang she. Ngi raq asapha maiqse ka noseji miiphü dongdii apaiq tsantsii ka abi. Li jiimin Ngi raq atra phan sitlaq kriika ümchaü lak na tiithen baiqkang akiika ümtiikiimin tiithenbaiq mang she.

EJRA 7:17

“Ara honglu kampho arka, ümniiraq athuk atsom wiq maq sham laq. Laüta minsaü pongwetiim ka, atha lamhü, skupongsetiim kra, kiimaq sku aransetiim kra, kiimaq hai awong kra, kiimaq che kra rithü laüta, Jerusalem na Shomjam berong-wacha na kewan miitu kuq laq.

Tvtsvmc 54:6

Ngi raq chojong chise maq ümniima honglu mikuqha, O, Tatiwe lei; Ngi raq ümniima kechu mitumha jamkhano ngukla ümniika ahea.

DUNGWVNC 29:18

Laütiishe sku pongse ngam thun tlotli ka berong-wacha kiijaq phaqsea honglu ke la na wa maq chaqbaiqlaq. Ara honglu khiimtsang ka Ngi ma tsan tiiheali miraq.

DUNGWVNC 29:25

Kra laütiishe kriithun ka tsangshiq jaq wiishe ümniiraq jaülaq. Laüta berong-wacha na chaqtlii-honglu kuqtaq kriithaq na phong laüta Ngi ma phaqsea-honglu na kuqlaq. Ara honglu khiimtsang ka Ngi ma tsan tiiheali miraq.

DUNGWVNC 29:41

Kiimaq skuse anai ngojati ka raji na takuqlaq. Kriirai min ranap na honglu kuqlaü kiikhiisii hali bunwong win, olip tai, kiimaq spiqtai kiimin honglu na kuqlaq. Arka, Ngi, Tatiwe ma phaqsea honglu. Kiimaq ara khiimtsang ka Ngi ma tsan tiiheali.

LEWI 10:13

Arka asii hiq ba kiimaq phaqsiq ronglaq. Arka Tatiwe ma phaqsea honglu akuq kiiwa ümniirii nai ümsenai rii. Tatiwe raq ngi ma akha aming kuqto.

LEWI 27:2

arthun thungtri ka Israilnok miitu kuqto. Ümtiikiiwa maiq ashi ra ka sinkham raüta Tatiwe ma kiinong kuqtlaq, kra sinkham mra shiikhoi miitu kampho kechang miraq.

LEWI 7:16

Kiimaq maiq weshi ra raq, sin kiitiq kiq akham kra shiipai riimakla atsanro maq rintii-honglu kuq raüla, ngam ka kra honglu ke ranaiq li tiithum pak phaqrea ngomin raamak. Abung tiichongki tlaq kriika anap ranaiq niimin phaq sea mimai.

WEAWEA 28:27

Tatiwe ma chaqtlii-honglu ka akhiimtsang tsan tiiheali chang kuqlaq: minsaü pongwe are anai, sku pongre se ashi, kiimaq sku pongsetiim arawii wiishi shi shi ka miishi, arthun wiita ka akhum nyeajokjok ami atsi ahü siisaq riichang.

WEAWEA 29:8

Tatiwe ma chaqtlii-honglu kuq ronglaq, akhiimtsang tsan tiiheali chang: minsaü pongre ashi, sku pongse are ashi, kiimaq arawii wiishishi sku pongsetiim miishi, arthun wiitarü ka nyeajokjok akhum na ami atsi ahü siisaq riichang.

WEAWEA 6:15

Kiimaq apaiq raq taükok shi pi maq shohü maq alum winsii thun: atheawiq bunwong win na olip tai maq shot raüta ako winsii thun kra, kiimaq biskut olip tai maq nyat je thun kra, kiimaq arthun arthaq na ratlaq bunwong win nai spiqtai honglu thun kriimin kechang.

Matthew 3:17

Kiijiishe ramungtan wa bomtsi ashi akha saüto, “Arka i Se. Ngi raq apaiq ka kai lungwii tiikang. Ngi ka apaiq ma pinthum khoqriiq tiikang.”

2 Corinthians 2:15

Ara jamkhano chongtiikang ngukla, naishiq ara ahomwiq homseng honglu na achaq ikha. Khristo raq naishiq ara, Shiikeawe ma apkuq wantlo. Riita ara ahomtsang arka, ümriiti riiwa rilung lam na wawan tlaq, kiimaq ümriiti riiwa tsailam rilung lam na kiho tlaq, kra thun phong na tiinyam tiihomkuq wan tlo.

2 Corinthians 2:16

Ümriiti riiwa tsailam na kiho tlaq, kriiti miika, ara ahom tsang arka, maiq tsea baiq chang liipu ikha jaki tlo. Shatmaq, ümriiti riiwa tiichhii wan rilung lap wan tlaq, kriiti miika, amaa wa tsitsü tiijang wan chang homseng. Riita, ikha jiika, ara chongtiikai ningkun ajong jaqsham lotti arka juwiita?

Ephesians 5:2

Khristo raq namshiq ka kai lungwii tlo. Raüta arilung ka nashiq miitu, honglu na kuq raüta tsaito. Apaiq tsaitaq ka, Shiikeawe ma honglu ngamrea ashu ikha, ahomwiq Shiikeawe tsan tiiheali riito. Krai mren, ümchaü sanha, namrilung ka lungwii tsii ma lam tiishea lantli she si ronglaq.

TRI CHONGKE 12:11

Tatiwe raq apaiq shomnoq chang hiq ka bashi tiitsang dada she mitsea. Raüta mithü wan. Kra hiqba kiijiili apaiq ka namshiq raq shomnoq chang. Kiimaq ngi raq namshiq ma aming kuq kang kra phan phan, wiita namshiq raq lam wan lanta, kiijaq apaiq ma kewa ratlo: Namshiq raq wa na chaqtlii chang honglu kuqtlan kra kiimaq laihin honglu kuqtlan thun kra, namshiq raq aroq khu wa honglu kuqtlan thun kra, kiimaq namshiq raq Tatiwe ma akhek atiitsang kongphiq mikuqha nguta kiqkham kuqlan thun kra mikuq wan han.

TRI CHONGKE 12:17

Namshiq sitlan hiqshong kiijaq Tatiwe ma honglu na akuq han kriiwa jamlai phan jiimin phaqsea wan maimak: aroq khuwa bunwong wong honglu kuqtlan kra, spiqtai honglu kuqtlan kra, riimakla olip tsai kuqtlan kra, riimakla namshiq jam nyamse kong minsaü se chhikhu nyungtlaq kra kiimaq skuse chhikhu nyungtlaq kra, Tatiwe ma akhek atiitsang kongphiq mikuqha nguta kiq kham honglu kra, namshiq maiqmii tsantsii maq honglu kuqtlan kra, riimakla laihin honglu kuqtlan thun kra, namshiq sitlan ba kiimaq phaqsea maimak.

TRI CHONGKE 12:6

Kriiba kiijaq namshiq raq wa na chaq chang honglu takuq tlan thun kra mikuq han, kiimaq namshiq raq ahin honglu kuqtlan thun kra, namshiq raq aroq khuwa kuqtlan honglu thun kra, kiimaq namshiq raq honglu thun kuqtlan kra, kiimaq namshiq raq Tatiwe ma mikuqha nguta kongphiq akha han thun kra, kiimaq namshiq tsantsii maq honglu kuqtlan thun kra, kiimaq nashiq nyamse minsaü nai skukong raq chhikhu anyung chhikhu-honglu kuqtlan thun kra hiq bashi niili kewan chang.

Philippians 4:18

Lo ta, arjaq arshe namshiq kongphiq bomtre tiijang kuq tiikang ara. Namshiq raq ngi ma phanrap ümchu wa tiiho wan lan, irka wiita lap kang she. Arka ngi ma, ahong thaq niimin achan ana, asho awo she! Namshiq raq Epaphroditas jaq na, tiiho wan lan kongphiq irka, ahong thaq niimin achan ana she ngo li kha. Namshiq raq kongphiq ümchu wa, kuq lan thun kriika, Shiikeawe ma ahomwiq phan honglu ngamrea akuq ikha. Ara honglu kuq lan arka, Shiikeawe man na athuk atsom, kiimaq apaiq tiichochi chang honglu.