WEAWEA 11:17 - ASII LAKDAP Bible (BSI)

¹⁷ Ngi ka kiijaq misat kikang. Lata ümniirai kiijaq mirbom kang. Kiimaq Ngi raq ümniima akuqha wenyi kiiwa wiijam lam lata tsangshiq ma mikuqha. Kra riiha jiila, tsangshiq raq mungmaiqse miitu hekiilai ümniiraq hotlaü kra wiijam tsangshiq raq riisha hodam raüta ümniika mikhrumlot. Kiimaq kra holai ka ümnaq laqlaqse riili horea ka raamak miraq.

Hawa Naga Bible 2001

¹⁷ Ngaz kuex kaz vtueq mnoz rulc kvyuq kvjak kaz raungx, ngaz rueq mnoz muex kuq phaungx siyac kvwawc wvyvmc kuex lvmz vtueq tsuinghez muex kuq shaungx. Kvkaq miq htenc vruex tvkoc gurc pic juing yauk shuimc kuex tsuinghez rueq mnoz muex romc shuimc kuy naungc ningkhvnc nuex, yauk shuimc kuex mnoz washiz rueq dvyx gurc pic rac muq shex.

WEAWEA 11:17 Referencias Cruzadas

RAPHA HIQWA LAK 11:5

Kiijiishe Tatiwe ka chela kra nai tsangshiq raq ahai kongmong chong kra liikai satkito.

RAPHA HIQWA LAK 17:22

Ümtiikiiwa Shiikeawe raq Abraham rai riibom ka lottaq, apaiq raq Abraham ka baiqthüto.

RAPHA HIQWA LAK 17:3

Kiimaq Abram raq manto tiichhi atheaphi ka hiq na bumtlii bumto. Kiimaq Shiikeawe raq nguto,

RAPHA HIQWA LAK 18:33

Apaiq ka Abraham rai riibom lot raüta. Tatiwe ka awashe riiwanto. Kiimaq Abraham min ajam niishe jang wanto.

2 HOKHVMX 2:15

Jeriko wa aki shammibi roqbiingi kriiraq apaiq ka chhito. Raüta akha nguto, “Elija ningkun tu ka Elisha miishe kuqto!” Tsangshiq ka apaiq rai riihumkai kito. Raüta apaiq khaki na hiq na kurangrang raüta noqto.

2 HOKHVMX 2:9

Kiijiishe Elija raq Elisha ma waito, “Ngi ma chonglaq, ngi ara mishea wan shaq na, ngi raq ümniima jamlai phan kloke chang wa?” “Ngi ka ümpungsongtiwe ma jawan li chang ümningkun ka ngi ma kran kuq laq” nguta Elisha raq treto.

NEHEMIA 9:20

Ümlungwii tsii khong maq, tsangshiq raq jamlai jaqsham chang wa, kra chongkuq laü. Ümniiraq tsangshiq ka manna dungpin maq, dunghiq wan laü. Kiimaq tsangshiq letsi na, kham tiiphok laüta letsi tiitsaq kuq laü.

DUNGWVNC 18:18

Ümniika anü raili mirhaü. Kiimaq ara mungmaiqse armin aniiraili miraq. Arka ümnaq laqlaqse riili shammiika holai jonghea.

DUNGWVNC 18:22

Tsangshiq ka rilung pattup mung khuthaq phowebi jaq sham chang. Tsangshiq riitiq kha tsinhea heati kriili ümniima mishokwa. Shatmaq khü akha aran setiim thun kriika tsangshiq raq phoke chang. Kra riihaüla holai ka ümniima achii miraq. Jamkhano ngukla holai ka tsangshiq riishe riishaho damtlo.

DUNGWVNC 19:11

Raüta shinap ranaiq miitu tiijeshat misilaq. Kra ranaiq Ngi ka Sinai Pum na misat kiha. Kiijaq mungmaiqse tlotli raq Ngi ka michhi.

DUNGWVNC 19:20

Tatiwe ka Sinai Pum khupo na satkito. Kiimaq Mosheq ka pum khu thaq na heato. Mosheq ka kiina wawanto.

DUNGWVNC 34:5

Kiimaq Tatiwe ka phumda mong maq satkito. Raüta kiijaq apaiq rai chapkito. Raüta apaiq asii mang chong, Tatiwe kra chongto.

ISAIA 44:3

“Ngi raq khamnyang tsitlaq mung na kham mikuqha, kiimaq shinriiqriiq hiqraikhü na jüseraisetiim mitiikiha. Ngi raq iwenyi ümsetiim khum na miraükuqha, kiimaq ümsaütiim ma ram miramkuqha.

ISAIA 63:11

Shatmaq tsangshiq raq richüpat wa manphan kra tsan na tiitsangto, Tatiwe jaqshise, Mosheq pat wa akhing ka tsan na tiitsangto. Raüta tsangshiq raq akha waito, “Ümchaü Tatiwe ka ümbano asenginok welabi khamjong chum mong wa tiichhii kuqtaq ira? Tatiwe, Mosheq ma apaiq asii wenyi ketiwe ira ümbano?

Yoel 2:28

Arjai niishe, ngi raq iwenyi ka isenginok khuthaq na miraükuqha. Kra akhing namsetiim maiqwesere, kiimaq jechaksere raq riisham bom maq itsütsa ka, chiiriim raüta michongkuq wan. Namwetiim tikiibi riimin rawa ma maq michhi wan. Kiimaq namsetiim jerobi riimin, riisham mak maq michhi wan.

WEAWEA 11:25

Kiijiishe Tatiwe ka phumda kaü mong na satkito. Raüta apaiq rai riibom damto. Raüta apaiq raq Mosheq ma akuq wenyi kiiwa wiijam lamto. Raüta kra welabi roqmiishi ma kuqto. Ümtiikiiwa wenyi ka tsangshiq khuthaq na saütaq, tsangshiq ka shammibi ikhiishe siitranghoto. Shatmaq akhing alu miitu ka riimak.

WEAWEA 12:5

Kiimaq Tatiwe ka ra wa phumda kham mong na sat kito. Raüta Tombutiip kilamchong na chap kito. Raüta tsang nai ka akha heato, “Aron! Miriam!” Krai mren, tsangnai ka khaki nü na kiim wiisaq raüta khaki na chapto.

WEAWEA 12:8

Kra ningkhan, Ngi raq apaiq rai ka mantut na tiqtaq riibom dam tiikang. Linham linhok riibom dam tiikang. Shiiwang bomtsi miika riimak. Apaiq raq Ngi sham ka jam khiiwa kriimin chhito! Ikhla namnai raq ijaqshise khuthaq na bombi kiqsü ka jaram wa kuq tlan?”

WEAWEA 27:18

Tatiwe raq Mosheq ma nguto, “Nun se Joshua ka tsealaq, apaiq ka phanrap na asap atsin. Laüta akhu na ümjaq maq shamlaq.

WEAWEA 7:89

Ümtiikiiwa Mosheq ka Tombutiip mong na Tatiwe rai riibom wa wawantaq, apaiq raq Tatiwe ka Tongshong Tek pang chang hap kriithaq maq cherubim kaü nai chaptlaq heawea maq apaiq rai riibomdam ka taito.

John 3:13

Kiimaq, ramungtan wa aki Maiq Se kra tlea raütiika, ümchaü niitaq maiqse phongwa jumin ramungtan niika wamak shaq li.”

John 7:39

Jesuq raq ara chong taq arka, apaiq ma kamwantibi ma jai maq, Asii Wenyi kewan chang asi kra nangnga chongtlo. Kra akhing na Jesuq ma kamwanti maiqse ma, Asii Wenyi ka mikuq shaqli riito. Jamkhano mikuq shaqli ngukla, Jesuq ka ra na mitsom thü shaqli riito. Kiimaq apaiq khushü ngao kiimin mitiijong wan shaqli.

Romans 8:9

Shatmaq, namshiq ka ümchaü sanha, namshiq han-ngam tiima tsantsii raq thaü tlaq, kra phanphan ka singa man she. Kra rii na, namshiq ka Asii Wenyi raq shunshea tlo. Riita, namshiq khum na Asii Wenyi sitlaq jiila, akha miraq. Ümriiti khum niiwa Khristo Wenyi ka ahü, kriiti ka Jesuq rii ka riimak.

1 Corinthians 2:12

Nashiq khum na ara mangjong hiq ara jamshati wenyi ka rüm mai. Shatmaq Shiikeawe raq atiiki, Asii Wenyi lap kai kra sitlo. Kra kuq tiika Shiikeawe raq, nashiq ma kongphiq ümchuwa kuq taq kra saptsin wan miitu kuqto.

1 Thessalonians 4:8

Krai mren, jurwa ara chong tiikai tri ara jin tlaq, kriiti riika, maiqse aming jin riimak, shatmaq, Shiikeawe tri, Asii Wenyi keti we tri jintlo ngushat.

1 Peter 1:22

Riita ümchaü sanha, namshiq raq Khristo aming thun ka lang lantiishe sitlan. Krai mren, namshiq ngarai ka diikuqto she. Kiimaq namshiq ka ümchaü sanha wenyi na asii maiqsetiim ngutiishe sitlan. Ümchaü sanha asii maiqsetiim ngo kha maq, namshiq kamasham maiqsetiim liipan na riilung riiwii maq sitlan. Krai mren, ümchaü sanha namshiq raq, kongti ka tsan nai mongjii wiita kuq lanta lungwii rong laq. Kiimaq namshiq lungwii tsantsii rüm tlan kriika siirairai riichang.

Jude 1:19

Tsangshiq arka, Phungmaiqse tu sitlaq kra tiikho baiq wanti miraq. Tsangshiq ka, ngarai han-ngam sükha lamphanti kong miraq. Tsangshiq mongjii na Asii Wenyi ka ahü miraq.

1 SAMUEL 10:6

Tiidongchhaq miili Tatiwe wenyi raq ümniika arom mirwan. Kiimaq ümnii riimin tsangshiq rai Shiikeawe shomnoq wiinum wiinea she agi asii watrang liishe mipong wan dam haü. Kiimaq ümniika pong miishe mijaki haü.