WEAWEA 11:16 - ASII LAKDAP Bible (BSI)

¹⁶ Tatiwe raq Mosheq ma nguto, “Mungmaiqse raq wela dea nguta shrengtlaqtibi wa maiq nyungwere roq miishi kra adam na triitamlaq. Laüta tsangshiq ka Ngi phana Ngi asi Tombutiip kiijaq shea wanlaq. Kiimaq tsangshiq ka kiijaq ümtho na michaplaq nguta chonglaq.

Hawa Naga Bible 2001

¹⁶ Yehowa rueq Moshe muex ngoc, “Israel miqsaz wawc muingc jungc vhttax walaungx bix rok mvshix kuex ngaz httax yaq Tap vyuq mnoz rulc vdvmz jvp kay naungx tvkoc jungx shuiuz.

WEAWEA 11:16 Referencias Cruzadas

RAPHA HIQWA LAK 46:27

Joseph ka Ejip mung na siji na asenai wenai humto. Kriimin romshaq na Jakob jamtitiim Ejip mung na alaüho maiq tlotli ka tsangshiq maiq roqmiishi riito.

DUNGWVNC 18:25

Raüta Israilnok tlotli liipan wa maiq asap atsintibi thun ka tseato. Raüta apaiq raq tsangshiq ka welabi ma ahing thun thaq na, ashi thun thaq na, roqbiingi thun thaq na, kiimaq aroq thun thaq na apengti thun ma shongto.

DUNGWVNC 24:1

Tatiwe raq Mosheq ma nguto, “Pum na dü wan lanta Ngi phana wa rongra. Ümnaq rai Aron, Nadab, Abihu, kiimaq Israilnok welabi roq miishi kra shea wan laüta wara. Kiimaq namshiq ka phanshi alu lin miili hiq na bum lanta Ngi ka shomnoq ronglaq.

DUNGWVNC 24:9

Kiimaq Mosheq, Aron, Nadab, Abihu, kiimaq Israilnok welabi roqmiishi ka pum kiina wa wanto.

DUNGWVNC 4:29

Krai mren Mosheq nai Aron ka Ejip mung na kihoto. Raüta Israilnok welabi ka wiita adam na tiithungto.

JEREMIA 19:1

Tatiwe raq ngi ma hamlii tak ashi rikikiq nguta thaüto. Kiimaq apaiq raq ngi nangnga shiilangbi wiijam kiimaq ramwebi phongwa nyungwere wiijam kri sheaho laüta kilaq nguta thaüto.

EJEKIEL 8:11

Kiijaq Israilnok welabi roqmiishi asi. Tsangshiq rai Shaphan se Jaajania kiimin asi. Tsangshiq loweatek raq honglu homseng chaq chang sindea lakkong kra sham raqraq riito. Kiimaq honglu homseng chaq tlaq kriiwa wakhuk mong wa ka phum apong wan ikha riito.

WEAWEA 11:24

Krai mren Mosheq ka kihoto raüta Tatiwe raq jamlai wa chongtaq kra mungmaiqse ma chongto. Apaiq raq welabi roq miishi ka adam na triitam heato. Raüta Tombutiip tro na triitamto.

WEAWEA 16:25

Kiijiishe Mosheq raq apaiq rai Israilnok welabi thun ka shea raüta, Dathan nai Abiram phaniishe kito.

Luke 10:1

Arjai maq hali, Tatiwe raq ajaqshisetiim roqmiishi ri wenai kra tseato. Raüta wenai nai maq, apaiq kai chang chela thun nai maiqhiq shong thun kiina, apaiq ma sinkhu na trahokai tiikito.

Luke 10:17

Ajaqshisetiim roqmiishi ri wenai trahokai tiikitaq kriika, pinthum chojong chise miishe jang wanto. Raüta, “Tatiwe! naishiq raq ümmang na aming kuqkaita, shotsai winji thun wiita raq, naishiq aming ka taito!” nguta tsangshiq raq apaiq ma chongto.

TRI CHONGKE 1:15

Krai mren dea ngi riimin namshiq raq atsea han taksubi nai asap atsintibi thun ka namshiq khuthaq na welabi ma shong wan kang. Welabi wiijam ka mungmaiqse hingshi khuthaq na wela, wiijam ka shishi khuthaq na wela, wiijam ka maiq roq biingi khu thaq na wela, kiimaq wiijam ka maiq roqshi khuthaq na wela ma shong kang. Kiimaq hali ngi raq maiq phan thun tlotli khuthaq na ahin siihiipbi thun kiimin shong wan kang.

TRI CHONGKE 16:18

Mosheq raq Israilnok ma mung ka riikhaqli peng ra nguta chongto, “Tatiwe namshiq Shiikeawe raq namshiq ma mung kuqtlaq kiijaq chelatek na tuwebi nai siihiipbi ka mung peng wan miitu shong ronglaq. Ara welabi thun raq mungmaiqse ka tingting kappe maq shin raüta peng wan ratlo.

TRI CHONGKE 31:28

Namshiq maiq phan thun khuthaq na welabi thun kra kiimaq siihiipbi thun kra, ana ikhaki na thung ronglaq. Krai mren, ngi raq arthun ara tsangshiq ma chong kuqpha. Ngi raq ra mungtan nai mangjong hiqkhu rakhu ka tsangshiq tiishutti ngi rai saqse ke wan damti ma tiichap tiikang.