WEAWEA 10:9 - ASII LAKDAP Bible (BSI)

⁹ Ümtiikiiwa nammung ka re raq long wantlaq, kiitiikaq namshiq raq maiqmii tiichhii wan re rai riikhat ho ma, ara lerong ara tsü ronglaq. Ngi, Tatiwe, namshiq Shiikeawe raq, namshiq ka mikhrum kuq kang. Lata namshiq ka nam jaqtinok jaqkhon mong wa mitiichhii kuq kang.

Hawa Naga Bible 2001

⁹ Nuimshiq mungtan kuex ralx rueq khvt wvnc ruiux yuq, ralx kuex khvt tvkoc bolic htenc vruex tuimz vtueq honc tvsvmc kuy rax. Ngaz kuex Yehowa nuimshiq Tishox rvtauk, nuimshiq kuex rvwvlc tvmaung vtueq ralx yauk wawc palc wvnc phaungx.

WEAWEA 10:9 Referencias Cruzadas

RAPHA HIQWA LAK 8:1

Shiikeawe raq Nowaq nai apaiq rai lai mong na nyamse thun sitlaq kra laqbaiq mak riito. Kiimaq apaiq raq ra tiihaito. Kiimaq jü ka riiwan wan she riiwanto.

2 KAÜWA WERAÜ 13:12

Shiikeawe apaiq kli naishiq Pengti welawe. Kiimaq apaiq ramwebi thun ka paison lerong thun jaq na atsüho ma dorachhaq maq, naishiq ka namshiq khat miitu rechap wan ma khekham maq khetlo. Israilnok lei, namtitiim Tatiwe, Shiikeawe rai naq riikhat rongkiq! Namshiq riika tang man!”

2 KAÜWA WERAÜ 13:14

Kiimaq Juda mungti raq tsangshiq tro na liito. Raüta tsangshiq ka re raq akom wan wishe chhito. Tsangshiq ka Tatiwe jaq wa khrum jaü hoq trangto. Kiimaq ramwebi raq paison lerong kra tsü trangto.

Tvtsvmc 106:4

O Tati lei, ngi ka ümtsan na tiitsanglaq; ümniiraq ümsenginok khrumtlaü akhing na; ümniiraq tsangshiq tiichhiitlaü na ngi ri tlomdamlaq.

Tvtsvmc 106:42

Tsangjaqtinok raq tsangshiq jimaq nishishi riito tsangshiq ka tsangshiq jaqkhon na dikong sito.

Tvtsvmc 136:23

Apaiq raq nashiq ka re na sumkai na laqbaiqmak dea; apaiq lungwii ka pattup pat-sa;

ISAIA 18:3

Taironglaq, mangjong hiq na siti maiqse angu wiita raq! Pumkaütiim thaq na miithii tanglap ashi she mishong wan! Tiitsang taishat maq rekhat ho ma aranphan paison lerong tsütlo she!

ISAIA 58:1

Tatiwe raq ngutlo, “Tiihong laüta agilülü riimlaq! Isengi Israilnok ma tsangshiq ngarai thun kra chongkuqlaq!

JEREMIA 4:19

Atsi! Ngi raq atsi ka ninlot mang she! Imongjii le! Imongjii wiita bun wanto! Ngi ka kaiqshak ngalot mang; Ngi raq nüchhong lerong thun tsü trang kiimaq reriikhat rüriiq trang taikang.

JEREMIA 4:21

Ümtincho na saüli wa ngi raq redong ara miliisiqha kiimaq nüchhong lerong thun tsütrang phoktlaq kra mitaisiq hata?

JEREMIA 4:5

Juda mung tlotli na lerong tsülaq! Tiihong laüta agi lülü maq riimlaq! Juda mungti nai Jerusalemti kiitelong maq trotam maq rukje chela thun kiina juronglaq nguta chonglaq.

JEREMIA 49:2

Shatmaq akhing ashi she misaü wan. Kra akhing she saüwan raüla, Ngi raq Ammon mung nyungchong Rabba chelati ma rekhat trang kriishe mitiitaiha. Krai mren redong raüta Rabba chela ka botkhulai rai mishot baiq. Kiimaq tsang mung wa maiqhiq shong thun ka wa maq chaq baiq raüta hiqrai mishot baiq. Kra akhing na Israilnok raq tsangshiqnok hiqshong maiqnok raq ajii wan kra wiita hali tsangshiq raq mijii wan nong.

JEREMIA 6:1

Benjamin wangti lei, maiqmii khupi jutlo ronglaq! Jerusalem wa chiim jintlo ronglaq! Tekoa hiq na redong hünong buktlo ronglaq. Kiimaq Beth-Hakherem hiq na redong wanii tu tiinyaitlo ronglaq. Shekhu nü maq mungthen wan chang nai mungbun wan chang rahai ka saü wantlo she.

JEREMIA 6:17

Kiijiishe Tatiwe raq rawa kintsongtibi shongto. Kriika honlam boli tsütlaq kra tai miitu. Shatmaq tsangshiq raq nguto, “Naishiq raq kriika taimai.”

EJEKIEL 7:14

Rekhat ho ma boli ka tsütlo she. Maiq loweatek ka tiijeje siisaq she. Shatmaq rekhat kaiti maiq ka ahü miraq. Jamkhano ngukla Shiikeawe tsankhiq ka tarü ma pili chhaq misaü wan.

Hosea 5:8

Gibea chela na rechap wan hünong buk ronglaq! Rama chela na redong lerong ka tsü ronglaq. Bethawen chela maq redong chiiriim tlo ronglaq. Benjamin wangti lei re na watlo ronglaq!

AMO LUIK DVP (AMOS) 3:6

Redong lerong tsühaü jaq, chelati mungmaiqse haimak shea? Tatiwe raq tiikaihü maq, chamchao litkot chela na mipinshea?

JEPHANIA 1:16

Kra ranaiq ka chiqchap rechap ranaiq, lerong tsü wan trang li she miraq. Rechap wan ma rewe giwa trang, re raq chela peruk thun run baiq ranaiq, rekhe kongmong chong thun, daqbaiq ranaiq miraq.

WEAWEA 31:6

Mosheq raq tsangshiq ka rekhat kaiti rewe thun ka Eleajar se ramwe Phinehas, asii hupsam thun arang hotiwe kiimaq lerong thun kra tsüho ma atiichhiketi arang hotiwe wokhong na tiikito.

1 Corinthians 14:8

Kiimaq jurwa hünong tsü tlaq, kra riikhaqli khangriri hea maq buk mak ngu raü jiika, nokmaiqse raq chiq se rewe khat kai ka jamkho miki?

TRI CHONGKE 20:1

Mosheq raq Israilnok ma nguto, “Ümtiikiiwa namshiq ka rekhat kai kitlan, kiimaq renok kumrang leng phong nai kumrang kong phong ka michhihan kiimaq namshiq thaq na rewe phenlabi ka pahea michhi han, namshiq ka naq hai rongkiq. Tatiwe namshiq Shiikeawe namshiq ka Ejip mungwa tiichhii kewanti ka namshiq rai kongshi miraq.

JOSHUA 6:5

Kiijiishe, tsangshiq raq lerong ka adam na tiihong raüta dang alu maq tsü chang. Namshiq raq kra tairi, maiqwere tarü raq tiihong lanta gitrang ratlo. Kra raüla, chela tro wa ruk ka wiita mithamki. Kiijiishe nolabi kunli ka chela mong na phongtsok she khat wan chang.”

PHOWEBI 10:12

Sidonnok raq, Amalakaiqnok raq, kiimaq Maonaiqnok raq, namshiq ka man na jamsha raüta tiichamchao wanto. Kiimaq namshiq ka I man na hoqsii trang wan lan. Riita ngi raq namshiq ka tsangshiq jaqkhon mong wa tiikhup wongkuq wan mang shea riikang?

PHOWEBI 10:8

Kiimaq tsangshiq raq Jordan rai maq shedong nü na Gilead wang na Amoraiqnok mung na siti Israilnok ka wiiroqshi ri wiitiichat jamshato. Raüta kai tiichamchao siqto.

PHOWEBI 2:18

Ümtiikiiwa Tatiwe raq Israilnok ma wela ashi shongkuq tlaq, Tatiwe raq apaiq kra khrumkuq tlo. Raüta apaiq atra sishat wiiwii mungmaiqse ka chiqse rewe jaqkhon mong wa tiiwong kuqtlo. Tatiwe raq chiqse rewe jaqkhon mong na tsangshiq chamchao kaidi hansii trang nai aho trang kra tairaüta, tsangshiq ma tiihang wan mangchan kuqtlo.

PHOWEBI 3:27

Raüta apaiq ka ku akin tonglong hiq Ephraim wang kiiniishe saüto. Raüta apaiq raq reshun Israilnok hea lerong tsüto. Raüta apaiq raq tsangshiq ka kin thun kiimaq lamhong nü kiiniishe sheahoto.

PHOWEBI 6:34

Kiitiika Tatiwe wenyi raq Gideon ka kunli rom wanto. Krai mren, apaiq raq rekhat kai miitu Abiejar weraü phan maiq thun ka apaiq jai phan kirong ra nguta tsangshiq hea boli tsüto.

PHOWEBI 6:9

Ngi raq namshiq ka Ejip mungti jaqkhon mong wa kiimaq ara Kanan mung na sitinok raq namshiq khattlaq kiiwa tiichhii kuqkang. Namshiq raq jamkho Kanan mungti khat wan lan, kra phan phan ngi raq tsangshiq ka jobaiqkang lata tsang mung ka namshiq ma kuqkang.

1 SAMUEL 10:18

Raüta, tsangshiq ma akha nguto, “Tatiwe, Israilnok Shiikeawe raq ngutlo, ‘Ngi ra namshiq ka Ejip mung wa tsuq wankang lata Ejip mungti nai maiq mung ahinti thun raq namshiq tiichamchao tlaq kriiwa tiichhiikuq wan kang.