WEAWEA 10:10 - ASII LAKDAP Bible (BSI)

¹⁰ Kiimahali poi awii chojong chise sitlan akhing niimin, namshiq raq Jinye Dong Poi akhing na kiimaq laihin kamasham poi akhing na, namshiq raq chaqtlii-honglu takuq tlan akhing na, kiimaq namshiq raq rintii-honglu kuqtlan akhing na, lerong ka tsü ronglaq. Raüla Ngi raq namshiq ka mikhrum kuqha. Ngi ka Tatiwe namshiq Shiikeawe.”

Hawa Naga Bible 2001

¹⁰ Ekvmaq vkoz vkez juing htenc rvtueq yac nyalx moalx htenc nuiyc vganc nawk palx htungx vlayx moalx htenc nuex wvr maq jauk shomc kuy nuiyc lux rvyaungc shomc kuq ruiux yuq, nuimshiq rueq bolic kuex tuimc rax. Kvkaq ngaz rueq nuimshiq kuex romc lawc kuq phaungx. Ngaz kuex Yehowa nuimshiq Tishox rvtauk,” ngoz tueq jungx tueq.

WEAWEA 10:10 Referencias Cruzadas

2 HOKHVMX 4:23

“Riita ümniika ümchaü ranaiq lala jam nguta kai wa?” nguta awese raq waito. “Ümchaü ranaiq ka Niitiitsak ranaiq min riimak, kiimaq Jinyedong Poi min riimak kata.” “Jam raamak,” nguta apaiq raq treto.

1 KAÜWA WERAÜ 15:28

Krai mren Israil mungti tlotli ka Tongshong Tek krai kongshi maq Jerusalem na saüli arü ariiq watrang la, chojong chise, paison lerong tsüwa trangla, ngirong tsüwa trang la, kiimaq süpseng tsüwa trangla kiimaq phaqlamtoro tsüwa trang la hiima hiqma wawanto.

1 KAÜWA WERAÜ 16:42

Heman nai Jeduthun miika paison lerong tsü wan nai süpseng tsü wan kiimaq laihin atsü angii chang phan hupsam tiitsamkam shinge akhing na langtlaq kriithun kra liiwan miitu min arang kuqto. Kiimaq Jeduthun weraü phan maiq sitlaq kra miika kilamchong thun kra khewan miitu sontri jaqsham arang kuqto.

2 KAÜWA WERAÜ 29:26

Kiimaq atsü angii chang Hokhamwe Dawit raq lang wantaq thun kra sham raq chhaq tiichapto. Kiimaq ramwebi kiimin kiijaq paison lerong doraq chhaq maq kheto.

2 KAÜWA WERAÜ 29:28

Maiqse angu wiita jiiwa kiijaq asiti raq noqku kra lomdamto. Kiimaq ashi angeti kong rai shinge damto. Kiimaq ashi ange tibi nai atsü angutibi riika honglu na akuq ngam kra wa raq wiita mikhiimbaiq shaq wiiwii shinge ruq li shingeto.

2 KAÜWA WERAÜ 7:6

Ramwebi ka tsangshiq chap chang tiihongje ba na chapto. Kiimaq tsangshiq khaki khariire niika Lewinok chapto. Raüta atsü angii chang hupsam thun Dawit raq atiihong thaq kuq thun kra sham raüta ashi ange watrangla Tatiwe ka tiitsam kamto. “Apaiq lungwiitsii ka pattup pat-sa thummak!” nguta tiitsamto. Arka tsangshiq ma Dawit raq shong wantaq kra phan phan kloto. Ramwebi riika paison lerong thun ka tsüto kiimaq mungmaiqse kunli ka chap raq chhaq li riito.

EJRA 3:10

Riita Shomjam haiwantibi raq khamlawe thun kra shong wan chang jamkhii ka sürii pha wanto she angu na, ramwebi thun ka tsangshiq miirii samtongjong kaü thun kra samraq maq, tsangshiq raq Shiikeawe noqku akhing na, jamkho chap nga tlaq, kra phan phan she, tsangshiq jaq na lerong ka doraq maq, maiqmiimii chapchang ba na chap wan rang she riitlo. Kiimaq hali, Lewi phan wa Asaph weraü phan ka kiijaq hali, maiqmii jaq na süpseng doraq maq, chap wanto. Raütiishe Hokhamwe Dawit raq, Shiikeawe shomnoq wan chang thungtri akuqthü kra aming phanphan miishe, tsangshiq raq Tatiwe ka noq wanto.

Tvtsvmc 150:3

Apaiq tiitsam ronglaq lerong tsü maq, apaiq tiitsam ronglaq phaqlamtoro nai torokong thun tsü maq!

Tvtsvmc 81:3

Poi miitu paison lerong tsü ronglaq, jiha dong wan pha na kiimaq jikham ranaiq na.

Tvtsvmc 81:4

Arka Israil mung na thungtri, Jakob Shiikeawe raq aming akuq.

Tvtsvmc 89:15

Pinthum peohea jurwa ümniika ashi ange maq shomnoqtlaq, kiimaq juwa ümmangchan rawüli na sitlaqti ma!

DUNGWVNC 28:29

“Riita ümtiikiiwa Aron ka Asii Khok mong na nyap watlaq, apaiq raq ara khuk na samchang kheaphu na Israilnok maiq phan thun mang waiqje kra sam raüta minyap wa. Raüla, Ngi, Tatiwe raq isenginok ka itsan na wranaiqshe tiitsangshat mirha.

DUNGWVNC 30:16

Ara tri kampho ka Israilnok jaq wa riichom jaülaq. Laüta ara kampho ka Ngi asi Tombutiip kra shiililii ma langlaq. Ara phunta arka tsangshiq rilung tri ma miraq. Kiimaq Ngi raq tsangshiq ka itsan na thüshat maq mitiikhup wong kuqha.”

ISAIA 27:13

Kra ranaiq akhing she saüwa raüla, nüchhong lerong tsü raüta, Israilnok ka tlotli Asiria mung wa nai Ejip mung wa munglu shumwi ma atsuq wan kra mihea. Kiimaq tsangshiq ka miwa. Raüta asii hiqlam Jerusalem maq Tatiwe ka mishomnoq wan.

WEAWEA 10:9

Ümtiikiiwa nammung ka re raq long wantlaq, kiitiikaq namshiq raq maiqmii tiichhii wan re rai riikhat ho ma, ara lerong ara tsü ronglaq. Ngi, Tatiwe, namshiq Shiikeawe raq, namshiq ka mikhrum kuq kang. Lata namshiq ka nam jaqtinok jaqkhon mong wa mitiichhii kuq kang.

WEAWEA 28:11

Tatiwe ma jinye dong wantek na chaqtlii-honglu kuqlaq: Minsaü pongre se anai, sku pongre se ashi, arawii wiishi sku pongsetiim miishi, arthun tarü ka akhum nyeajokjok adü na ami atsi ahü siisaq riichang.

WEAWEA 29:1

Jipi lümiishi angu na kra jipi wa apha wan ranaiq na namshiq ka noqku lom riitam ronglaq. Kiimaq laihin jaqsham maimak. Kra ranaiq lerong thun ka tsü chang.

Matthew 11:28

“Namshiq homa lai raq patrai lanta hunnii rai tlanti thun tarü, ana i phana warong ra. Ngi raq namshiq niitsi kra mitiitsak kuq kang.

Acts 10:4

Apaiq raq rase ka ahai lam maq liito. Raüta, “Chaü lei, jamlai wa?” nguta treto. Kiijiishe rase raq apaiq ma, “Shiikeawe ka ümniima tsanhea sitlo. Ümniiraq achu jaü tlaü kra taito she. Kiimaq ümniiraq miitsan maiqse khrum kuq tlaü kriimin chhito she. Riita, Shiikeawe raq ümchaü ka ümbom tre miitu tiijeje she.

1 Thessalonians 4:16

Kra akhing na, rawang win maq, rasetiim khuthaq na wela sitlaq rase kra raq, agilülü maq aming mikuq. Kiimaq Shiikeawe lerong ka mitsü. Kiijiishetiq, Tatiwe ka ramungtan wa ana misaüho. Kra akhing na, Khristo ma kam raüta maiq ümchuwa tsai wantaq, kriiti thun ka kongkhu midong.

1 Thessalonians 4:18

Ara chongtiikai arai mren, phunainotiim lei, weshi raq weshi tsaiji dokuq lanta, shongnga lili rong laq.

JOSHUA 4:7

Namshiq raq tsangshiq ma, Tatiwe Tongshong Tek raq Jordan rai jin wan kiita, Jordan rai kham ka süroq rükito nguta michongkuq han. Ara longkaü phong arka Israilnok ma pattup miitu ümchaü akhing na Jordan rai ka jamkho jin wantaq kra manphan tiitsang chang manphan miraq.”

JOSHUA 6:4

Tongshong Tek khaki na, ramwebi wemiishi, tsangshiq jaq na lerong chü achhuq chhuq shamraq chhaq maq, riikong riikong khum chang. Ramiishi ranaiq na, ümsengi srea nolabi thun shea laüta, ramwebi min nongshnong maq chela tro na jang miishi tro khum chang. Kra akhing na ramwebi riika tsangshiq lerong kra tsü raüta khum chang.

Revelation 22:17

Asii Wenyi nai junrii Nyung raq heatlo, “Kira!” Ara tsütsa ara taiti loweatek raq ngo raa tlo, “Kira!” Juwa khamnyangtsi, warong ra! Rilung tsitsü kongphiq kham ka, jurwa ro tlaqti raq, nyang ronglaq!

1 SAMUEL 20:5

“Anap ranaiq ka Jinye Dong Poi,” nguta Dawit raq treto. “Kiimaq ngi ka hokhamwe rai dungsea damchang. Shatmaq ümniinga ahea jam ramak nguhaüla, ngi ka wakram na rum kiijaq shinap rajiko na saüli tiipaü ngaki pha.