THARC TVLUINGC 9:3 - ASII LAKDAP Bible (BSI)

³ Maiqse wiitarü ka kharii ashi na sup wa chang siisaq. Arka riikhaqli ka riimak. Tsangshiq ka atra si ruq wiiwii, tsang khutsai, ka abi ati tiima tsantsii riili ama sitlo. Kiimaq angi nola tsii riili ama sitlo. Raüta tiihanghiiq miili she tsangshiq ka tsai kitlo.

Hawa Naga Bible 2001

³ Kvruex lotlaz kamc kuex vshiz maq vshiz rv-ngvlc dvyx rvtueq nuiyc kvruex kuex vruex mungkawx nuex yaungx wvnc yaq lvmz phvnx ruip saz nuex yaq yaq. Miqsaz vtvraungx wawwawx tsuingshiq rueq kvmungx yaq kuex layx bac nuiyc vruc vngaz mvrc vtueq tsuingshiq kuex huingc rvhek laz maq thueyc kaz wuez yaq.

THARC TVLUINGC 9:3 Referencias Cruzadas

RAPHA HIQWA LAK 6:5

Riita Tatiwe raq hiqraikhü na siti maiqse angu kunli ka pinthum abi siisaq chhito kiimaq tsangshiq tiima tsantsii ka wranaiqshe pinthum abi siisaq chhito.

RAPHA HIQWA LAK 8:21

Kra honglu ataakuq wa na chaqtaq kra khiimtsang ka Tatiwe ma tsan tiiheali riito. Kiimaq apaiq nai apaiq akha tiingoto, “Maiqse raq jamlai wa klotlaq kra ningkhan, Ngi raq ümtiikiimin mangjong hiq ma manson mang she. Ngi raq asapha maiqse ka noseji miiphü dongdii apaiq tsantsii ka abi. Li jiimin Ngi raq atra phan sitlaq kriika ümchaü lak na tiithen baiqkang akiika ümtiikiimin tiithenbaiq mang she.

YOBA 15:16

Kiimaq maiqse raq abi ngarai ka kham nyang tlaq ikha nyangtlo; tengto, maiqse ka ashut pinthum; maiqse ka thiihü ma ajakai wishe.

YOBA 21:26

Shatmaq tsangshiq tarü tsaitlo kiimaq amaa ka laptlo; tsangshiq tarü maa phong ka ajong raq phaqtlo.

Tvtsvmc 51:5

Ngi ka irawü chhi ranaiq miiphü dongdii abi; inyung wok mong na kop wan pha akhing miiphü ngi ka ngaraikaü.

Tvtsvmc 64:7

Shatmaq Shiikeawe raq aliq maq tsangshiq hiiptlo, krai mren tiihanghiiq tsangshiq ka biiphaqtlo.

TAKSU LAK 14:32

Abi ati kiimungti ka maiqmii jaqsham, ashut thiikhobok na dea watlo. Shatmaq mitting maiqse ka, apaiq tingting jaqsham riili, tiikhup wongkuqtlo.

THARC TVLUINGC 1:17

Ngi ka itsan na taksu tsii nai angok angi tsii liipan na, jamkho tiikhothiq tsin tlaq, kiimaq taksma tsii nai angi nola jong tsii kra sap wan hajaq nguta shiichaq wan kang. Shatmaq ara tiikhothiq wan tlaq arman rahai jaijo ikhli riikang.

THARC TVLUINGC 12:7

Kiimaq nashiq khum arka hiqda ma hali mijakinong. Kiimaq nashiq rilung tsitsü ka nashiq phansangtiwe, Shiikeawe phana hali mijang nong.

THARC TVLUINGC 2:14

Taksu maiqse ka khutsai asi. Shatmaq angok angiti ka ranyaq mong na khumtlo.” Shatmaq ngi raq asapha. Nashiq tarü ka khoshi na dea wanti siisaq.

THARC TVLUINGC 7:2

Poi klo raüta phaqsea chamtraq sitlaq jam na kai nam miika, maiqtsaiki taq jam kiijaq kairiiwe ka ahea lin. Jamkhano ngukla, maiqse rilung ka akhiisii then run wan chang siisaq. Kiimaq maiqse atrati tarü tsantsii na, ara bomtsi arka thüshat maq sichang.

THARC TVLUINGC 7:25

Shatmaq ngi raq irilung ka phaqchi apa sap wan hajaq, kiimaq taksu tsii ka apa tsin wan hajaq, kiimaq phanrap maiqse rilung na chhiwan tiikai kra liichum ka konchon wan hajaq nguta tsinngin wan kang. Kiimaq maiqse rilung na ajiq aphiq rilung nai angok angi rilung ka jamno supwa tla, kra liichum ka tak wan hajaq nguta tsinngin wan kang.

THARC TVLUINGC 8:11

Maiqse raq mat atsa ka jeriiqriiq hea jam nguto tangtla? Tri jinti ashutti ka jaqlo thit thit tsangshiq kha kra phokuq mak, raüta tsasha mak kha maq, mat atsa pahea tang wan tlo.

THARC TVLUINGC 9:11

Ngi raq bomtsi ashi hali sap wan nongkang. Ara mangjong hiq na phiqhea juti raq aju riilong akhingtek ka tang mak. Kiimahali, nolawe riimin rekhat ka tangruq ka tang mak. Taksu maiqse li jiimin, tsuq anyam ka lap wan ruq ka lap mak. Khutsai asiti maiqse kiimin chiithe ma jawan ruq ka ja mak. Kiimahali, asap atsin maiqse kiimin, akhingtek ajong ala miika jawan ruq jawan lot mak. Maiqse rilung na kiimhü ranaiq akhing ka wiitarü raq riihumtlo.

THARC TVLUINGC 9:2

Maiqse liipan na jamlai tiikhothiq chang min ahü. Wiitarü ma kharii ka ashi li saütlo. Kechu maiqse miimin kiimaq ngarai maiqse miimin, kharii ka adamli. Maiqshaqti miimin, kiimaq ngarai maiqse miimin, ajiq maiqse miimin, maiqshaqwe miimin, kiimaq abi ashutwe miimin, akam alam maiqse miimin, kiimaq kammak maiqse miimin, kiimaq honglu keti maiqse miimin, kiimaq honglu kuqmak maiqse miimin, adam li saütlo. Maiqshaqwe kiimin ngarai maiqse kra thaq na ahea lin ka riimak. Atiitumtiwe ka, tiitum makwe thaq na holi riimak.

THARC TVLUINGC 9:4

Shatmaq maiqse juwa mangjong hiq na atra siti phong na, atra sitlaq kriiti miika rilung na aranphan chang lamlu asi. Atra hikaü ka, amaa hangsi kaü nam ma athii asi.

JEREMIA 16:12

Shatmaq kriithaq niimin namshiq riika namtitiim thaq na thittlaiphok she ashut klo wantlan. Namshiq tarü ka nilan wanshakshak kong kiimaq abi siisaq, kiimaq namshiq raq ibom taiman.

JEREMIA 17:10

Ngi, Tatiwe raq maiqse khutsai thun ka sidi liitiikang, kiimaq maiqse tsantsii thun kra maitai tiikang. Ngi raq maiqse ka loweatek jamkho singatlaq kiimaq apaiq raq jamlai wa shamtlaq kra phan phan thapthi kuqtiikang.”

JEREMIA 17:9

“Maiqse tsantsii ka juro mikhon lot? Atinkhan laopha pinthum ka ahü; Arka ahealot chang riimak tsihea.

Luke 15:17

Atiisup niishe, apaiq tsii ka samto. Raütiishe, apaiq nai apaiq ka akha nguta tiibotto, ‘Ai, i we jaqshisetiim ümchuwa sitlaq thun kriika, tsangshiq wok phetaktak, aphaq asea li lot mak sitlo. Shatmiitiq, ngi ara nangnga, arjaq ram raq haü lata, tsai tiikang nya!

Luke 6:11

Kra chhi raütiishe, tsangshiq ka walüwa ikhiishe khiq trangto. Kiimaq, tsangshiq liipan na, Jesuq ka tsangshiq thiikho na jamkhii tiithap chang wa miraq nguta, bom ka riichongto.

Acts 12:23

Kiijiishe tiihanghiiq miili, Tatiwe rase raq apaiq ka tiikhiqlaq tsat baiqto. Apaiq ka Shiikeawe raq jamkhano tsatbaiqtaq ngukla apaiq kra khoti Shiikeawe ikha tiishom ra wanto. Kriikha na tsatbaiqto. Apaiq ka ajong ajii raq phaq raüta tsaito.

Acts 26:11

Ngi raq tsangshiq ka akhing pahea, sinagok thun maq tsat wan kang. Lata tsangshiq raq Jesuq ma kamtsantsii thü tlaq, tsangshiq kamtsantsii kra, tiipan baiq miitu, tiiphiip miijiip longliiq wan kang. Ngi ka tsangshiq ma, i tsankhiq ninlot mangshe kha maq, tsangshiq ka pongmung chela thun na saülili she tiikot trot jowan lata, tsangshiq pahea tiichamchao wan kang.

Acts 26:24

Paul raq apaiq khum tiikhe wan traho bom chongke wan kra chhi raütiishe, Phestas ka hong raütiishe, agi rai lam maq, “Paul ümnaq ara angi she riiki laü! Ümphaqchi jong riishe, ümniika angi ma tiija hoto!” nguta Paul ma bomto.

Titus 3:3

Jamkhano ara chongtiikang ngukla, man na lea wankai akhing ashi na, nashiq tarü ka maiqjiq, angok angikong ikha siwan kai. Shiikeawe lamphan sapmai, nilan kong siwan kai. Kiimaq ashut ashe rilung li siwan kai. Nashiq ka ngarai sükha tsii kharü mong na siwan kai. Kiimaq phanrap phanrii, ngarai han-ngam sükha polo lam phan wan laitli siwan kai. Nashiq raq nashiq rilung ka maiq chongsea nai maiq ngengseng lam miili rilung shaphaq wan kai. Nanok raq nashiq ka shuliito. Kiimaq nashiq riimin nanok ka shulii wan laitli rashe jipi tiicha wan kai.

2 Peter 2:16

Shatmaq apaiq ka apaiq ngachang kumtoq kaü se raq, maiq bom maq bom raüta, apaiq ngarai lamphan na kairai kiiwa tiitsaqto. Kiimaq atijong we raq ngarai tang kha na apaiq ka sonto.