Biblia Todo Logo
La Biblia Online
- Anuncios -




THARC TVLUINGC 9:3 - Hawa Naga Bible 2001

3 Kvruex lotlaz kamc kuex vshiz maq vshiz rv-ngvlc dvyx rvtueq nuiyc kvruex kuex vruex mungkawx nuex yaungx wvnc yaq lvmz phvnx ruip saz nuex yaq yaq. Miqsaz vtvraungx wawwawx tsuingshiq rueq kvmungx yaq kuex layx bac nuiyc vruc vngaz mvrc vtueq tsuingshiq kuex huingc rvhek laz maq thueyc kaz wuez yaq.

Ver Capítulo Copiar

ASII LAKDAP Bible (BSI)

3 Maiqse wiitarü ka kharii ashi na sup wa chang siisaq. Arka riikhaqli ka riimak. Tsangshiq ka atra si ruq wiiwii, tsang khutsai, ka abi ati tiima tsantsii riili ama sitlo. Kiimaq angi nola tsii riili ama sitlo. Raüta tiihanghiiq miili she tsangshiq ka tsai kitlo.

Ver Capítulo Copiar




THARC TVLUINGC 9:3
30 Referencias Cruzadas  

Ghaq htauk wawc miqsaz htenc kuex mtanc lac layx bac vtueq, vkhing ruip rawx nuex tsuingshiq rueq tvmaung yaq lvmz mtanc lac honc bac yaq nguinx kuex Yehowa rueq khiz vtueq,


Yehowa rueq vhomc vtumc thuingc kuex raungc raq yaq rvtueq, “Ngaz rueq miq honc vyaungc ningkhvnc nuex yix maq mkaq muinz ghaq muex tuemc kuq shaungx rvmuq; miq kuex nosaz maq phuex honc vyaungc vbac kuex ngaz rueq tuiuz yaq. Ngaz rueq vtvraungx yungsuiuz yawxsaz htenc kuex majuiuc lauk vkhoc mkaq muinz laukshiz tvbac gay yek shaungx rvmuq.


Miqsaz rueq layx vbac phvnx kuex yuix ikhoc nuingx wuez yaq; rvtueq, tsuingshiq honc bac yaq; tsuingshiq khuec guez yaungx yaq.


Yuq muinz lotlaz kuex vthueyc jvnc raz tueq luip gay rvhumc yaq; tsuingshiq lotlaz kuex vyung rueq puingc wvnc tueq.


Ngaz jawx phuex raungnuiyq maq dvyx ngaz kuex honc bac yaungx vtaungx; inyuiuz wuk mungx maq phuex mvrax vhttax rvtauk.


Yuq muinz Tishox rueq vpiq laq-svnz htenc maq tsuingshiq kuex gap vtueq, vhuingc rvhek maq tsuingshiq phiz vshuz rvhumc wuez tueq.


Layx bac jix htenc kuex tsuingshiq honc vbac yauk shuimc nuex dvy wvnc lvmx tvyaungc yaq; yuq muinz miq hvlx jix miqsaz htenc kuex tsuingshiq tsuingrux lvmx kuex tvguing tvwungx rvtueq.


Ngaz rueq phaqjic nuiyc miqyaq rv-ngvlc muq kvmuinz, taksux tharc nuiyc vruc vngaz rv-ngvlc muq lvmx kvmuinz tvrv-phvlc tuiuz tvkoc htvp htaz wvnc tauk. Yuq muinz kvruex muinz raungguil yurc shix ikhoc dvyx rvtueq kuex ngaz rueq khiz tauk.


Naungshiq gvnngvmx htenc kuex bokkhuyx nuex yek kaz yek ruiux, rullungx thuiuzthuic pauk kuex naungshiq muex kuy jix waz Tishox kox nuex httuiuc waung yek tuex.


Taksux httaz jix waz rueq vkay juing lvmx khiz lot yaq, vngaz jix rueq kuex khiz lot muq.” Yuq muinz naungshiq lotlaz tvkoc bvmc yaq vtvsuip wawc lvmx kuex rv-ngvlc dvyx rvtueq ngaz rueq tuiuz tauk.


Phuiuz svy moalx nuex lomx kay htauk nuex maungx jix yuimx nuex kay kuex vhvlx pinhtumc rvtueq, yvmx khoc lac ngoz ruiux lec tvraungx httax jix rueq miqmac kuex vthueyc vmvy rueq bvmc thvt yaq kuex mkaq muinz honc tvsvmc juing rvtueq.


Yuq muinz ngvy shauk pumz kuex phaqjic nuiyc tvluingc lvmz nuex thuinz waung yaq; taksux tharc thuiyc nuex muinz, ngvy bomc wiz htenc tvralc lvmz nuex layx bac nuiyc kvnvnc svnc rueq mtanc lac miqyaq yauk shuimc htenc kuex tvluingc tvkoc muinz ngaz rueq htvp htaz wvnc tauk.


Miqsaz rueq vbac khuec vkhac htenc kuex yvmx ngoz tueq lac yoalx rek rek shuimx wuez yaq nguinx? Yvmx khoc lac ngoz ruiux lec khuec vkhac kuex yauk lox maq murx tvgurc muq ningkhvnc nuex rvtueq.


Ngaz rueq khiz tuiuz tauk vganc yauk shuimc phvnx httax yaq: kvruex kuex mungkawx vyuq vyuz phaq hvlc jix htenc kuex vyuz rvlongx moalx nuex mkaq muinz taungx muq, shvrvyx nolaungx bix ralx lungc nuex mkaq muinz taungx hvt dvyx rvmuq; taksux httaz jix rueq phuiuz vsvy mkaq muinz lvp hvt dvyx rvyaq rvmuq; wvtharc jix kuex mkaq muinz rungwanx muq, vshuimc vkay thenc jix rueq piq yauk shuimc mkaq muinz yungx luz wvnc tuex rvmuq. Kamc vbac kuex miq pumz tek vtueq httax yaq.


Kvruex kuex yvmx muinz kvtuiuz tay muq dvyx rvtueq. Tsuingrux nuiyc layx bac, vhvlx nuiyc vbac, nawk palx kvmluimx nuiyc kvmluimx muq, shomc nawk kuy shomc kuq yaq nuiyc shomc kuq muq jix htenc vtvsuip kox nuex kuex rv-ngvlc dvyx rvtueq. Miq hvlx waz kuex mvrax kop yaq waz htauk nuex jvnc vtueq hvlx yaq rvmuq, mvnhttonc jix waz muinz mvnhttonx muq waz htauk nuex jvnc vtueq hvlx yaq rvmuq.


Yuq muinz mungkawx nuex tvraungx httaz jix ukhaq muinz rullungx lvmx nuex tvluimc juing httax wuez yaq; vtvraungx guyhex kuex vthueyc kay wuez hangsic htauk nuex muinz vhvlx rvtueq.


Yuq muinz mnoz kuex mjix m-waz hez htauk nuex muinz vjvnc vbac shuimx vshuiux. Nuimshiq lotlaz kuex khux tsanz ruiux layx bac vtueq, ngvy kvjaz kuex tay wuez muit.


Ngaz Yehowa rueq miq thuinz nuex kvmungx yaq kuex thuiyx konx vtueq miqsaz thuinz vmungx htenc kuex taruiyx lawc vshaungx. Ngaz rueq miq tek vtueq tsuingshiq honc vyaungc nuiyc tsuingshiq rueq shuimx lvmz yaq kuex tv-phvnc vmauk kuq shaungx,” ngoz tueq jungx tueq.


“Miq thuinz vmungx kuex uraq lac tuiuz tay lot yaq nguinx? Vrot vkaq maq lvy vtueq yvmx muinz vguez; kvruex tvhvlc tvkoc kuex thuiuz hvlc shex rvtueq.


Tvsuip nuex piq rueq tvmaung wvnc tueq kuex, ‘Iwaz yauk shuimc jix htenc rueq doc muinz phoay laz phauk saq yaq, ngaz kuex vruex yuq rvmc thuiuz rvhumc vtaungx nyix!


Tsuingshiq kuex pinhtumc khaq vtueq Yesu muex yvmx khoc maq mvrax tvgurc juing lac ngoz tueq rvjungc phvnc wuez tueq.


Kvkaq dvyx Herod rueq Tishox muex tvtsanc nganc muq ningkhvnc nuex, Taungjix raungkamx waz rueq piq kuex tvrul gay ruiux vyung rueq phauk vtueq thueyc wvnc tueq.


Vjux thoz yuimx htenc maq muinz, ngaz rueq tsuingshiq kuex paunghvlc lauk guirguenc tvrvhumc vtueq, tsuingshiq rueq phvnx yaq lvmx kuex tuip gay tvkoc hunglaungx wvnc tauk. Tsuingshiq htauk nuex thuinz tvkhaq vtueq, pungmungx wawc miqghaq htenc nuex httuiuc laz kaz vtueq tsuingshiq kuex guirguenz wvnc tauk.


Polu rueq piq gvnz kvgawc kvjaz jungx yaq nuex Festu rueq, “Polu lex, mnoz kuex vngaz shex rvkaz vtuiux, mnoz phaqjic lvy laz thenc ningkhvnc nuex vngaz shex rvwvnc vtuiux!” ngoz tueq guyc tueq.


Yvmx khoc lac ngoz ruiux lec mvnnuex naungshiq muinz vngauk vngaz muex yaungx vtueq kvjaz tay miq maq lvmx mawc wvnc tiq. Naungshiq vroc lvmz nuiyc thuinz hvlc lvmx phvnx ruip saz shuimc wvnc tiq, kvruex dax muex muinz yaungx wvnc tiq. Naungshiq nuex mkaq muinz vshuiuc vpac nuiyc vkhvnx vnyvnx thuinz httaz wvnc tiq, miq rueq naungshiq shuiuc pac phuex rulc rv-ngvlc naungshiq rueq muinz tsuingshiq kuex shuiuc pac wvnc tiq.


piq mvrax laung nuex tvhonc tvtharc rvhumc jix waz rvtueq. Piq loze kuex miqsaz kvjaz maq kvjak vtueq shvmmax waz ngauk ngaz yaq kuex tvthauk kuq gay tueq.


Síguenos en:

Anuncios


Anuncios


¡Síguenos en WhatsApp! Síguenos