THARC TVLUINGC 8:6 - ASII LAKDAP Bible (BSI)

⁶ Phanrap kiimung miitu riikhaqli akhing asi. Kiimaq riikhaqli klowan miitu lamlu asi. Shatmaq nashiq raq ralangse li saptiikai!

Hawa Naga Bible 2001

⁶ Phvnx ruip saz shuimc tvkoc vkuq vlvmx vkhing nuiyc vlvmx lvmx httax yaq, yuq muinz naungshiq rueq tuiuz kuex raungluingx saz dvyx nyix!

THARC TVLUINGC 8:6 Referencias Cruzadas

YOBA 10:13

Shatmaq ümchaütiq ngi raq saptiikang kriithun liipan na ümniiraq ahukse maq ngi tiichamchao miitu sürii wan laü.

YOBA 33:17

Shiikeawe raq tsangshiq rai riibomtlaq kriika, tsangshiq raq ngarai tangtlaq kra tiitsaq miitu bomdamtlo kiimaq tsangshiq ka shiikong thiikho na dea wan wa tiichhiike miitu bomdamtlo.

YOBA 33:19

Shiikeawe raq maiqse ka atsi asi tiisaü raüta hon atsii tru chongkuqtlo kiimaq apaiq khum na chamchao kaidi tiisaü raüta chongkuqtlo.

THARC TVLUINGC 11:9

Jerowe lei, peokhiq maq rilung ka tiisung laq. Jero bala chojong chise maq silaq. Tsan raq aroro kra sham laüta silaq. Ümtsan raq jamlai wa jaütlaq kra phanphan polokhiq maq silaq. Tsan na tiitsangshat maq silaq. Ümniiraq jamlai wa sham wan laü, kra wiita Shiikeawe raq kappe maq shin raüta kha ka mipho wan.

THARC TVLUINGC 3:1

Mangjong hiq na phanrap phanrii miitu maiqmiimii akhing Shiikeawe raq tiihongje siisaq. Kra tiihong thataq kra phanphan siisaq hongtha wantlo.

THARC TVLUINGC 3:11

Apaiq raq phanrap miitu maiqmiimii akhing tiihongkeje. Apaiq raq nashiq ma rawiichii akhing kra sap wan haijaq nguta tsantsii kuqto. Shatmaq natsan sangli chang apaiq jaqsham kra liichum sap wan miitu phaqchi ka ümtiikiimin kuq mak dea.

THARC TVLUINGC 3:17

Ngi nai ngi ka akha tiingo kang, “Shiikeawe raq kechu maiqse nai ashut maiqse ka kappe ashi maq shin raütli tsangshiq kha ka mipho. Jamkhano ngukla, jaqsham kaiwa aweatek ka, maiqmiimii akhing na kha ka miphoqkuq.”

Luke 13:25

Jamchongti we ka tiido raüta, kilü ka ashaq she mirbaiq. Kiijiishe, namshiq ka kilam da na chap lanta, kilü na mibuk han. Kiimaq akha mingu han, ‘Shiilang we le, naishiq ma kilü dikuq laq!’ Shatmaq, apaiq raq namshiq ma, ‘Ngi raq namshiq ka ümba wa awa han wa sapmang!’ nguta mitre.