THARC TVLUINGC 8:5 - ASII LAKDAP Bible (BSI)

⁵ Hokham aming lang laüta sihaü jiila, ümniima jam haisong chang ahü, tiiwong shat misi haü. Taksu maiqse riika ümra akhing na jamlai klo chang wa kiimaq jamkhii klo chang wa kra asap.

Hawa Naga Bible 2001

⁵ Piq rueq nvr yaq htenc kuex mnoz rueq phvnx shuiux wawwawx mnoz kvwungx httax lvp tuiux, wvtharc waz rueq kvruex yvmx khoc shuimc juing lac nuiyc mtanc jauz shuimc juing lac kuex tvrv-phvlc tuiuz yaq.

THARC TVLUINGC 8:5 Referencias Cruzadas

Tvtsvmc 119:6

Ngi raq ümnaq aming thun kunli kra langlata siha jiila, ngi ma jea tiingaümak miraq.

DUNGWVNC 1:17

Shatmaq kra nowüchhi na achhü kamketi nyung nai ka Shiikeawe ma ahai. Kra ningkhan hokhamwe aming ka lang mak dea riito. Shatmaq tsangnai raq maiqwe sere chiitlaq kra atra tiisito.

TAKSU LAK 12:21

Kechu maiqse miika tsaimiq khusiq chamchao saü mak. Shatmaq maiq ma ashut kiimungti miika, chamchao sangrai miili rilung misung.

TAKSU LAK 17:24

Taksuti riika tingting jaqsham kli lungwiitlo, shatmaq maiqjiq angi ti riika, atsantsii ka aphing aphang thütlo.

THARC TVLUINGC 10:2

Taksu maiqse riika jamlai wa athuk atsom kriili misham. Shatmaq maiqjiqti riika ashut jaqsham kli miklo.

THARC TVLUINGC 12:13

Atiithum bomtsi ka arlishe: Shiikeawe kli she shrenglaq. Laüta apaiq aming thun kra langlaq. Shiikeawe raq maiqse phansang wantaq ka ara miituli riito.

THARC TVLUINGC 2:14

Taksu maiqse ka khutsai asi. Shatmaq angok angiti ka ranyaq mong na khumtlo.” Shatmaq ngi raq asapha. Nashiq tarü ka khoshi na dea wanti siisaq.

THARC TVLUINGC 8:2

Hokham aming ka lang laq. Shiikeawe man na taü laükhiq kiq naqkhamkiq.

Hosea 5:11

Israilnok maiq jaq na pinthum chamchaotlo. Tsanghiq tsangra thun rewe riishe nyeawanto. Jamkhano ngukla tsangshiq raq ngi ka miimthü raüta, athii ahü maiqtijong howanto,

Luke 20:25

Kiijiishe, “Ikhiijiika, Hokhamwe la ka Hokham we ma kuq rong liina. Kiimaq Shiikeawe la ka Shiikeawe ma kuq rong liina,” nguta Jesuq raq tsangshiq bom ka treto.

Acts 4:19

Kiijiishe, Petar nai Johan raq, “Shiikeawe maklii na, apaiq aming tai raüta si kra sha ahea miraq, sha namshiq aming kra tai raüta siraü wa ahea miraq, kriika namshiq welabi raq tri ka shin rong laq.

Acts 5:29

Kra tairaütiishe, Petar nai akongti kiimwebi raq bom ka akha treto, “Naishiq raq Shiikeawe aming tai chang. Maiqse aming ka riimak.

Colossians 1:9

Ara chongtiikai, namshiq raq Shiikeawe mangchan sap wan lan thun ara ningkhan, naishiq raq namshiq tsütsa ahea kra tai kai ranaiq miiphat, namshiq miitu achu jaükuq wan ruq miili sitiikai. Naishiq raq Shiikeawe jaq wa, namshiq tsan nai mongjii ka apaiq raq jamlai wa tiima tlaq, kra poshi min tiikhea man maq, sap wan miitu anyan phaqchi ama asho awo mithü kuq laq nguta achu jaü tiikai. Kiimaq Asii Wenyi raq ümchuwa phaqchi jonghea rüm tlaq, kiimaq ümchuwa taksu tsii rüm tlaq, kra namshiq ma asho awo thap raüta miphea kuq laq nguta achu jaü tiikai.

Hebrews 5:14

Dung chungkaq seati kriika maiqla she ngushat. Kriika maiqmii rilung na, Shiikeawe bomtsi kra lang raüta, Shiikeawe maklii na, jamlai wa ajiq nai alam kra tseatsiiq wan angam she. Kiimaq atsin she ngushat.