THARC TVLUINGC 4:1 - ASII LAKDAP Bible (BSI)

¹ Kiimahali ngi raq ara mangjong hiq na miitsan maiqsetiim ka ajong alabi raq ji maq nishishi haihiitlo chhitiikang. Tsangshiq ka aho anyi riichanchan, makphai sawali. Tsangshiq khrumketi jumin ahü. Jamkhano ngukla tsangshiq haihiitibi ka ajong alabi rai pongdamti siisaq.

Hawa Naga Bible 2001

¹ Kvruex yimaq ngaz rueq vruex mungkawx nuex yaungx yaq tvrac vlvmz rvmuq kuex lawc wvnc tauk. Htuingtuing rvhumc yaq jix khoar wuez yaq tsuingshiq muex uraq muinz romc kuq muq. Htuingtuing jix hez kuex luimc vkawc httaz hvlc ningkhvnc nuex tuinghtuing rvhumc jix muex uraq muinz romc kuq wuez muq.

THARC TVLUINGC 4:1 Referencias Cruzadas

YOBA 16:4

Namshiq ka ngi kharii na kiimaq ngi ka namshiq kharii na nguraü ka, ngi riimin kiikhiidea tra miho kuq ha na. Ngi raq ikhupo ka taksmawe ikha bai lata namshiq ka ibom chong jüchhang wa maq tlüm lata mitiiche baiq ha wa.

YOBA 35:9

Maiqse ka ji maq nishishi haihii raüla, tsangshiq ka ahan anyi mihoqsii trang; tsangshiq hoqtrang tlaq kra maiq weshi ra raq tiichhiikuq haü jaq nguta hoqtrangtlo.

YOBA 6:29

Namshiq ka luhea niishe kiholan. Hongto she atin lishe, ajiq ka naq bom rongkiq she. Ngi ka naq tiishut rongkiq. Ngi ka riikhaqli.

YOBA 9:24

Shiikeawe raq mangjong hiq ka abi maiqse ma kuqto. Apaiq raq phowebi thun tlotli ka makchuk kloto. Kiimaq Shiikeawe raq kiikha tiija mak dea jiika, juro tiijata?

Tvtsvmc 12:5

“Shatmaq ümchaü ka ngi she mikiha,” nguta Tatiwe raq ngutlo, “Jamkhano ngukla tsangshiq raq jehin norebi ka haihiitlo, kiimaq tsangshiq raq tiichamchaotlaq thun ka atsitsi ma hoqtrangtlo. Tsangshiq raq tsantsi mongtsi atiikhup wongketi rittlaq kra ngi raq mikuqha.”

Tvtsvmc 142:4

Ngi raq ngi tro na liikangla, ngi khrumketi ka jumin ahü chhimang, ngi tiiwongketi ka jumin ahü. Ngi liiketi ka jumin ahü.

Tvtsvmc 142:5

Tati lei, ngi ka khrumjaü ümniimiili hoqsii tiikang; Tatiwe lei, ümniika ngi khupwongti; ngi ma irilung niika ümnaq sitlaü kli.

Tvtsvmc 42:3

Ranaiq rawa ngi ka ahoseali she, kiimaq imakphai ka ngi ma dungjada; ijaqtinok raq wranaiqshe ngi ma waitlo, “Üm Shiikeawe ka ümbano?”

Tvtsvmc 42:9

Shiikeawe ma, ngi tiiwongketi ma, ngutiikang, “Ümniiraq ngi ka jamto laqbaiqlaü? Ngi ka ijaqtinok jaq na atinkhan jam nguto tiichamchaosiqho laü?”

Tvtsvmc 69:20

Shummii thoda horaq itsan she bun wanto, itsai iji wiita she doq wanto. Ngi raq mangchan tsii miitu rankang, shatmaq jurmin mangchan mak; tsaiji doketi ritkang, shatmaq jumin ahü.

Tvtsvmc 69:21

Iramtsi raq tsaikang na, tsangshiq raq ngi ma maiqchok chang khoti kuqto; letsi raq tsaikang na, tsangshiq raq ngi ma akhapwiq lai che khoti kuqto.

Tvtsvmc 80:5

ümniiraq naishiq ka ajon ajü miilishe dungtlaü, makphai khap ajong kaü na tiinyang laüshe.

DUNGWVNC 1:16

“Namnai raq Hibrunok nyungre ka nowüchhi na khrum kuqtlan akhing na, maiqwese la chii raüla, no ka atsea riibaiq ronglaq. Shatmaq jechakse la chii raüla, atra tiisi ronglaq.”

DUNGWVNC 1:22

Atiisup niishe hokhamwe raq asenginok tlotli ma aming ashi akha kuqto, “Hibrunok sere noshii setiim maiqwe sere chiitlaq kra doho lanta Nail Rai na baiqki rongkiq. Shatmaq jechaksere chiitlaq kriili atra misilaq.”

TAKSU LAK 19:7

Miitsan maiqse khrumti jumin ahü; aphu anotiim riimin wiita tiishaütlo. Chiihong chiiha rit raü min, akhrumti ahü.

TAKSU LAK 28:3

Mungkhu thaq na siti tuwejong raq, miitsan maiqsetiim ka, nanshan tiichamchao raüla, rajun henghea raq tsam ajut chowa, shiithenbaiq tlaq ikha miraq.

TAKSU LAK 29:2

Kechu maiqse raq, mung peng raüla, mungmaiqse michochi. Shatmaq mung pengti ka, abi raüla, mungmaiqse ka, aho anyi riichanchan miraq.

THARC TVLUINGC 3:16

Kriithaq niimin, ngi raq chhikang, mangjong hiq na ashut klotlo, tri ka tingting maq langrii na, tri jin raüta ajiq khoti klotlo.

THARC TVLUINGC 5:8

Atsujaq jaqshamti ajong alabi raq miitsan miijanti ka nanshan rea chhihaü jiila, naq wang thang kiq. Kiimaq tsangshiq raq lap chang ka kuq mak chhi haüla, naq wangkiq. Siihiip weshi ka apaiq ma ajongwe raq tiiwong kuqtlo. Kiimaq tsangnai wiita ka tuwe jongbi raq tiiwong kuqtlo.

THARC TVLUINGC 7:7

Maiqshaqti raq maiq laolii raüla, apaiq ka angiwe ma jakitlo. Kiimaq ümniiraq tsiiqlap siq haüla, ümtsantsii ka tiinambaiq tlaü.

THARC TVLUINGC 8:9

Ngi raq ara mangjong hiq na, ratakiq na, jamai wa klo wan tlaq kra chhiwan kang. Ara mangjong hiq na maiq wiijam raq maiqse khu thaq na aming kuqtlo. Raüta maiqse ka tsangshiq wokhong na chamchaotlo.

ISAIA 5:7

Israil ka Ajong Pinthum Tati spiqro; Juda mungti ka apaiq raq achhi jang spiqro, Tsangshiq raq ahea jaqli misham nguta tiimato; shatmaq tsangshiq raq maiq khoti tsatto. Tsangshiq riika athuk atsom jaq misham nguta apaiq raq tiimato, shatmaq tsangshiq jaqsho maiqse thun raq kha phokuqlaq nguta hoqtrangto.

ISAIA 51:23

Ngi raq kra ümniika ji maq nishishi haihiitinok miishe mikuqha, ümniika lam jong mong na tiibum raüta, botkhulai nitiikai ikha ji maq nishishi niwantinok miishe mikuqha.”

ISAIA 59:7

Namshiq raq ranaiqtek abi kiimung sürii wantlan. Kiimaq namshiq raq kra abi jaqsham kra klo wanhü miika namshiq ka sanglili maq ngalot man. Namshiq raq maiqtu ngampiiti thun kra tseabaiq wan miitu akhiismin kankop man. Namshiq ümnüno kitlan, namshiq jai niika athen ajen wan lamlu kli sitlo.

JEREMIA 16:7

Maiqmii jamti tsaiki raü min, apaiq rai adam na ngaraüta tsaido jido mangchan tiichhiketi abom damti maiq ka jumin ahü she miraq. Anyung lo riimakla awe lo tsaikaiti miimin tsaiji tiijong ma riibom damwati maiq ahüshe miraq.

AJONJÜ 1:16

“Ngi ka arkha na hoqjü tiikang, imakphai sawa raq makhü jaqhü. Ngi ma tsaido jidoketi jumin ahü, ngi ma ningkun shoqketi jumin ahü. Rewe raq ngi ka longto she, raüta tangto. Isenginok jaq na jammin ahü siipe.

AJONJÜ 1:17

“Ngi khrumkuq wa rong ra, nguta hoqtiikang, shatmaq ngi khrumti jumin ahü. Tatiwe raq ngi ngengti chiqse rewe, mangrap mangrii hea wanto. Tsangshiq tarü raq ngi ka, ashe ashi apiichang kheatam ikhlishe liitlo.

AJONJÜ 1:2

Jerusalem mantinyung ikha waruwaru jonjütlo, amakphai sa atheaphi na rajun ikha. Kongtichü weshi ra riimin, apaiq tiijaiq wamak she. Pongmung hokhambi reraüshiti raq tiishaübaiqto, Kiithun wiita ümchaü apaiq ngengti siisaq.

AJONJÜ 1:9

Apaiq raq ngarai tangtaq kriika, ra na tiichhi ra-shra. Apaiq dea wan chang ngarai kho, apaiq raq chhimak riito. Kriikha na tsailam riihumto, Ajaqtinok raq khat raüta tangto, apaiq ümchaü Tatiwe man na, tiipaiqnea hoq tlo.

AMO LUIK DVP (AMOS) 3:10

Tatiwe raq ngtulot, “Tsangshiq raq tri kappe tingting sham mak. Mattsiiq tsatsiiq siq raüta, kiitelong jam hai wantlo

AMO LUIK DVP (AMOS) 3:9

Chiiriim lanta Ashdod chelati nai Ejip mungti ma, tiitai chongkuq ronglaq. “Namshiq tarü Samaria chela tro na, hiqlam thun kiijaq thung ronglaq. Lanta kiijaq tsangshiqnok liipan na, jasam piqsii riitsea riita siwan kra, liirong laq. Sephii nojii wiita tsasha wan.”

MALAKI 2:13

Kiimahali namshiq ara ajiq kiimung ashi klo tlan ka ara. Namshiq ka aho asii hoq trang lanta, Tatiwe berong-wacha ka wiita tiipiim baiq tlan. Jamkhano ngukla, namshiq raq akuqhan honglu ka Tatiwe raq tao mak she.

MALAKI 3:18

Isenginok raq thongshi ri hali, kechu maiqse nai ashut maiqse, jurwa ngi shomnoq tlaq kiimaq jurwa ngi shomnoq mak, kra liipan na ahea abi trairii wan tlaq kra tsangshiq raq mak michhi wan,” nguta Tatiwe raq ngutlo.

MALAKI 3:5

Tati Ningkun Ajong Pinthumwe raq ngutlo, “Ngi ka namshiq phong na midongkiha. Lata namshiq kha ka miphoha. Mintin loqle kloti, maiqchak rai srati, rung na arot saqse keti, ningchang jaqmaq kuq mak haihiiti, kiimaq thümwaq manti-nyungre nanshanti, jechi-nomi kiimaq wanshawe haihiiti kha, kiimaq ngi ma shreng manto thüwan makti thun kha kra miphoha.

Matthew 26:56

Shatmaq ümchaü arthun hongtha rai wantaq arka, Asii bomtsi na shammibi raq ngi miitu awaiq thü bomtsi kra riikhaqli tiikupi miitu she hongtha wanto.” Kiijiishe ajaqshisetiim raq Jesuq ka miimbaiq thü raütiishe, pongpin riipin she pintrangto.

TRI CHONGKE 28:33

Maiq pong mungti raq ümniiraq riingoq ra ra minshiiq anü haü kriiwa tü atsam thun kra mijut siq. Shatmaq ümniiraq lap chang ka jammin ahü miraq. Shatmaq wranaiqshe ümniika maiq jaq khon mong na ji maq nishishi raütli mihaihii.

TRI CHONGKE 28:48

Kra ningkhan she, Tatiwe raq üm khuthaq na chiqse rewenok tiikitlaq kriishe mishomnoq wan haü. Ümniika ramtsi, kham nyangtsi, kiimaq kheahü, phanrap na athüm alit she misi wan haü. Tatiwe raq ümniika nyat shat shat not shot shot lishe chongthum ma mija haü shaq wiiwii mitiicham chao wan.

James 5:4

Namshiq raq namwak na ningchang tham phaqti, tsamhan jaq maq kampho ka kuq man maq haihii lan. Tsangshiq raq aholülü maq tiipaiqnea jaü tlaq kra tai man sha! Tsangshiq hoq trang tlaq kra Tatiwe, Ajong Shiikeawe raq taito she.

PHOWEBI 4:3

Jabin jaq niika jin kumrang leng shitiikaü asi. Kiimaq apaiq raq Israilnok ka ji maq nishishi kiimaq jasam piqsii maq wiiroqnai jamshato. Kiijiishe Israilnok ka Tatiwe man na pinthum hoqsii trang raüta khrum kuq liidea nguta achu jaüto.