THARC TVLUINGC 4:1 - Hawa Naga Bible 2001

¹ Kvruex yimaq ngaz rueq vruex mungkawx nuex yaungx yaq tvrac vlvmz rvmuq kuex lawc wvnc tauk. Htuingtuing rvhumc yaq jix khoar wuez yaq tsuingshiq muex uraq muinz romc kuq muq. Htuingtuing jix hez kuex luimc vkawc httaz hvlc ningkhvnc nuex tuinghtuing rvhumc jix muex uraq muinz romc kuq wuez muq.

ASII LAKDAP Bible (BSI)

¹ Kiimahali ngi raq ara mangjong hiq na miitsan maiqsetiim ka ajong alabi raq ji maq nishishi haihiitlo chhitiikang. Tsangshiq ka aho anyi riichanchan, makphai sawali. Tsangshiq khrumketi jumin ahü. Jamkhano ngukla tsangshiq haihiitibi ka ajong alabi rai pongdamti siisaq.

THARC TVLUINGC 4:1 Referencias Cruzadas

YOBA 16:4

Mnoz kuex ngvy baung vyuq httax ruiux ngaz muinz mnoz baung kvyuq httax ruiux yuq, mnoz rueq ngoz vshuiux kvkhoc ngaz rueq muinz ngoc mvy yaq. Ngaz kuex wvtharc jix miq ikhoc ngvy khux kuex buil vtueq, kvjaz pukpuingc yuix maq mnoz kuex tvluimz gay khvmz phaungx.

YOBA 35:9

Miq htenc kuex vguirc vguenc rvhumc tuex nuex kvbot nyvnx rvyaq; tsuingshiq kuex tsuingshiq palc wvnc tvkoc miq vshiz shiz muex ramc yaq.

YOBA 6:29

Nuimshiq kuex thauk aungx yaq shex. Khuec guez lvmz guez kuex tvthauk gay shuinz. Ngaz muex nauk phox kuq wuez vkueq. Ngaz kuex vlvmx rvtauk.

YOBA 9:24

Tishox rueq mungkawx kuex miqyaq jix muex lekuq tueq. Vpiq rueq phoc waz bix lotlaz kuex muik mawz tvyaungc tueq. Vruex kuex Tishox rueq ruez muq ngoz ruiux uraq lac rvshvnx?

Tvtsvmc 12:5

Yehowa rueq, “Yuq muinz htem-suiuz rvmsaz jix tvkuilc daz rvhumc yaq ningkhvnc nuex muinz, vguirc vguenc rvhumc jix kuex vthuiuz vsac nuiyc vhuinc vsez rvyaq ningkhvnc nuex muinz, ngaz majuiuc dvyx kaz raungx. Tsuingshiq rueq raungc raq yaq vhiz rac muq kvwungx juing kuex ngaz rueq kuq shaungx,” ngoz tueq jungx tueq.

Tvtsvmc 142:4

Ngvy hep nuex ngaz rueq lawc koq tueq, ngaz muex romc kuy jix washiz muinz khiz mauk, ngaz muex tvguing tvgawx kuy jix washiz muinz vguez. Ngaz kuex bvmc lawc jix ukhaq muinz vguez.

Tvtsvmc 142:5

Yehowa lex, romc kuy tvkoc mnoz muex ramc vphaungx; Yehowa lex, mnoz kuex ngaz tvkhup wungx kuy jix waz rvtoq; vruex rullungx vyuq ngaz rueq roc shaungx lotlaz kuex mnoz dvyx rvtoq.

Tvtsvmc 42:3

Ngaz kuex raungnuiyq raungwvrx khoarc htuez rueq muik phic kuex phuiuz vsvy juing muex yaungx wvnc vtuex; ralx htenc rueq, “M-Tishox kuex m-yuq lac?” ngoz tueq vkhing ruip rawx ngaz muex wisoz yaq.

Tvtsvmc 42:9

“Mnoz rueq yvmx ngoz tueq lac ngaz kuex lauk gay vphux? Ngvy ralx htenc rueq guirguenz yaq nuex ngaz jamjaux kuex yvmx ngoz tueq rvhumc wvnc yek juing lac?” ngoz tueq ngvy kvwungx juing Tishox muex jungx vshaungx.

Tvtsvmc 69:20

Wvlc guez waqguez lvmz htenc rueq ngvy thuinz vmungx kuex tvbunx gay yaq ningkhvnc nuex ngaz thuinz htumx yaq. Menjenc kuy jix miq kuex ngaz rueq tvluimc tauk, yuq muinz vshiz muinz httax muq; sitenc yatenc tvkoc rvwvl tauk, yuq muinz ngaz rueq vshiz muinz humc mauk.

Tvtsvmc 69:21

Ngaz rvmc svy rvhumc taungx nuex tsuingshiq rueq vyangx kuq phuex; ngaz khvmx sac hvlc nuex tsuingshiq rueq vhix tix kuex tvnuingc phuex.

Tvtsvmc 80:5

Mnoz rueq nuiyshiq yonzyec kuex phuiuz vsvy ikhoc kuq saq vtueq, muikphic kuex kok yunghvlc maq tvnuingc vphux.

DUNGWVNC 1:16

“Hebre nyuiuz tamx muex nox tvjawc kuq ruiux yuq, miqwaz saz jawx ruiux kuex vthvy rvgay shuinz; yuq muinz yalxjuik saz ngoz ruiux kuex vtvraungx taq shuinz,” ngoz tueq jungx tueq.

DUNGWVNC 1:22

Kvkhoc ningkhvnc nuex hokhvmx rueq, “Hebre nyuiuz tamx rueq vjawx miqwaz saz vngoz htenc kuex Sinai yuix yungx kvyuq tuip gay rax, yalxjuik sahez kvdvyx vtvraungx tvy rax,” ngoz tueq piq miq muex bomc tvdvy kuq tueq.

TAKSU LAK 19:7

Htemc saz jix waz phuz vnox htenc rueq doc muinz piq kuex roc muq; piq nuex kungjix lvp muq kuex vwangc juing rvmuq. Piq mtanc hunnyex vtueq thuiyx ruiux muinz kungjix lvp muq.

TAKSU LAK 28:3

Vrangx vpangx lvp vtueq htemc saz jix htenc tuinghtuing jix waz kuex tuiz lix tsvmz lix hut gay yaq raungyunc rulc rv-ngvlc yaq.

TAKSU LAK 29:2

Tsuingrux jix rueq guimz lawc ruiux yuq mungx miqsaz htenc kokez wuez yaq. Layx bac jix rueq guimz lawc ruiux yuq mungx miqsaz htenc thuinbac rvhumc wuez yaq.

THARC TVLUINGC 3:16

Kvmaq raz tueq, vruex mungkawx vyuq tvrac vlvmz nuiyc tsuingrux lvmz httaz aungx yaq baung nuex layx vbac dvyx nuimshiq rueq khiz vshuinx kuex ngaz rueq honc lvmz lvp tauk.

THARC TVLUINGC 5:8

Mungx yauk shuimc jix bix rueq htemc saz jix htenc kuex tuinghtuing guirguenz yaq kvmuinz, tsuingshiq rueq lvp aungx yaq htenc nuiyc tvrac vlvmz kuex kuq muq maq taq yaq kvmuinz, mnoz rueq khiz ruiux yuq nauk kawc yawc kaz. Vyungx vlaungx bix tek vtueq tsuingshiq htauk wawc waz rueq tvkhup wungx lvp yaq, tsuingnueyc kvmuinz johvlc vyungx vlaungx rueq tvkhup wungx lvp wuez yaq.

THARC TVLUINGC 7:7

Wvtharc jix waz rueq miq washiz shiz muex laulawc ruiux yuq, piq kuex miqyaq waz rueq ikhoc dvyx shuimx kaz yaq. Khauloayc lvmc kuex mhonc m-yaungc tvbac gay vshuiux.

THARC TVLUINGC 8:9

Vruex mungkawx nuex yaungx wvnc lvmz ngaz rueq rvwvl koq yuq, miqsaz wvyvmc kuex luimc vkawc httax ruiux, wvyvmc kuex tsuingshiq khung nuex vkuilc vdaz rvhumc yaq mungkawx rvtueq kuex ngaz rueq khiz tauk.

ISAIA 5:7

Israel kuex Tvphaungc Tvsuip Yehowa svpiq sunc rvtueq; Yuda miqsaz kuex vpiq rueq vkhic svpiq ruiuz htenc rvtueq. Tsuingshiq rueq vhvlx shuimx shuex ngoz tueq vpiq rueq tvluimc wvnc tueq, yuq muinz kvkhoc shuimc tvraung tsuingshiq rueq miq thvt gay tueq. Tsuingshiq rueq vlvmz shuimx shuex ngoz tueq vpiq rueq tvluimc wvnc tueq, yuq muinz guirguenc rvhumc yaq hez rueq kuex tvrac vrungx vraz tvkoc ramc wuez yaq.

ISAIA 51:23

Kvruex kuex nuimshiq muex guirguenc jix hez, nuimshiq kuex lvmx htenc nuex tvrul tvwoalc vtueq bokkhuyx ikhoc nuiuz jix hez muex ngaz rueq kuq gay shaungx,” ngoz tueq.

ISAIA 59:7

Nuimshiq rueq vbac phvnx shishiz kuex mkaq muinz dvnc dawc vtueq, mvrax kuex thauk muit maq shuimx kaz vshuinx. Nuimshiq rueq mvrax vguez miq thvy gay tvkoc mkaq muinz lv-nyvnx muit. Nuimshiq httuiuc vtuinx baung htenc nuex tvbac tac gay dvyx kvjungx yaq,

JEREMIA 16:7

Miqmac rueq lungwawx yaq miq vshiz thueyc kaz ruiux yuq, piq thuinz tvhvlc kuy tvkoc ukhaq muinz piq rulc vdvmz phauk saq naungx shuex rvmuq; vnyuiuz nuiyc vwaz thueyc kaz ruiux doc muinz uraq muinz piq tvkoc menjenc thuinz tvkhic shuex rvmuq.

AJONJÜ 1:16

“Kvkhoc rvtueq ngvy muik htenc maq muik phic yvlx yaq. Vshiz raung rueq muinz ngaz muex sitenc yatenc lot muq; vshiz raung rueq muinz ngvy thuinz tvyungc kuq lot muq. Ralx htenc rueq ngaz kuex taungx gay phuex; ngvy miqsaz htenc rueq yvmx muinz lvp muq.

AJONJÜ 1:17

“Ngaz rueq ngvy yauk htenc tenz tauk, yuq muinz vshiz raung rueq muinz ngaz muex romc kuq phuex rvmuq. Yehowa rueq ngaz kuex samx wvguip maq khawc lvlc muex ralx htenc kuex gvl taq tueq; Tsuingshiq rueq ngaz kuex miq suirc vsac phvnx muex htvp htaz gay phuex.

AJONJÜ 1:2

Piq kuex wvrx taungx khoar vtueq; piq muik phic kuex vhtvlx phawc maq svrc yaq. Kungkhux wawc piq kungjix lot- laz kuex piq muex sitenc yatenc jix vshiz muinz vguez. Piq rulc rungx raz jix htenc rueq piq maq tvmtuing kv-phelc wvnc vtueq majuiuc piq kuex khawx lvlx wuez yaq.

AJONJÜ 1:9

Piq sawc muq kuex yoalx rek dvyx kvkhic yaq, yuq muinz piq khaungx tvmax kox tvkoc rvwvlc tvmaung lvmz tvkhic muq. Piq rul wvnc tueq kuex vkawc yawc juing rvtueq; vshiz raung rueq muinz piq muex sitenc yatenc lot shuex rvmuq. Piq ralx hez rueq piq kuex taungx gay koq tueq, menjenc kuy tvkoc Yehowa kox wawc guyc sez thoz tueq.

AMO LUIK DVP (AMOS) 3:10

Yehowa rueq, “Vruex miq htenc kuex tsuingshiq httax juing htenc kuex nyvlc ruiux yauk laungc yalawx phvnx dvyx mvrc yaq. Tsuingshiq kuex mkhoc tsuingruik httaz juing wueq tuiuz wuez muq.

AMO LUIK DVP (AMOS) 3:9

Ejip nuiyc Ashdod wawc hoc htenc nuex httax yaq hez muex vkhoc tvtay shuiuz: “Samaria tvroz wawc ghaqluimx htenc nuex vdvmz rvtuimx vtueq kvruex baung kvyuq yunghvlc rvthuip rvkhvt yauk shuimc nuex yaq gay tueq khac htenc kuex lawc wuez shuinz.”

MALAKI 2:13

Vruex kuex nuimshiq rueq shuimx vshuinx vganc phvnx shiz rvtueq. Nuimshiq miqmac rueq lvmz laq shuinx shomc kuy juing htenc kuex Yehowa rueq lvmz muq ningkhvnc nuex khoar nyerx wuez vtueq vpiq shomrawx kuex muik phic maq tvluimz vshuinx.

MALAKI 3:18

Mvnnuex jauz ngvy miqsaz htenc rueq tsuingrux jix waz nuiyc layx bac waz rvhumc wvnc tueq kuex rv-ngvlc muq lvmz muinz, ngaz muex nawk jix nuiyc nawk muq jix tsuingshiq rvhumc wvnc tueq kuex rv-ngvlc muq lvmz muinz, tuiuz wvnc wuez shuex,” ngoz tueq jungx tueq.

MALAKI 3:5

Tvphaungc Tvsuip Yehowa rueq, “Nuimshiq muex khac phoc tvkoc ngaz httuiuc kaz vtueq, luinglawc jix htenc, miqjuik miqwaz senc lvy jix htenc, vyaq vphaq hakhix khvmc jix htenc, yauk shuimc jix hez yauk mauk kuex laulawc phuiuz svy jix htenc, mvntix nyuiuz tamx, nojix sahez nuiyc pungnuk miqsaz htenc kuex yomnamc jix htenc maq phaungc vtueq, ngaz muex hiyaz tvtsanc nganc muq jix htenc muex lvmx lvy dvyx tvkhic tvtay shaungx.

Matthew 26:56

Yuq muinz vruex lvmz lotlaz yaungx wvnc tueq kuex shvmmax bix rueq vwuiyq shec Rumvrc luik kuex hungx wvnc vtuex rvtueq,” ngoz tueq. Kvkaq dvyx sangac bix lotlaz rueq vpiq kuex gay shec ruiux yuz wvnc wuez tueq.

TRI CHONGKE 28:33

Nuimshiq hunnyec hvlc maq vkhic yuingc pulx thuey waq thuimx htenc kuex mungganc phvnx htenc rueq lvp wvnc shuex. Nuimshiq kuex tuinghtuing gay rvhumc vtueq vguirc vguenc rvhumc tuinx.

TRI CHONGKE 28:48

Kvkhoc rvtueq nuimshiq khvt tvkoc Yehowa rueq vtvkaz ralx hez muex shuimx kaz kuq shuinx; kvkhoc rax wvnc tuex phvnx ruip saz nuex phuiuz laung, svy laung, svmc laung maq phaungc vtueq kuilc daz wvnc tuinx. Yehowa rueq nuimshiq tvbac gay nuex httuiuc laz nuimshiq kuex tuinghtuing gay kv-phuinx.

James 5:4

Nuimshiq rueq nuimshiq wuik vnax htenc nuex yauk shuimc jix hez muex yvmx yauk mauk muinz kuq muit. Tsuingshiq kvbot nyvnx yaq kuex tay shuinz! Nuimshiq tuiz vtsvmz gvnc kuy jix htenc guyc sez tvruingc kuex Tvphaungc Tvsuip Taungjix Tishox nac nuex nyuip waung vtuex.

PHOWEBI 4:3

Jabin kox nuex yanx renc 900 httax yaq, piq rueq Israel miqsaz kuex wawc rok nueyc tup tvkuilc tvdaz maq guirguenz vtueq guimz wvnc tueq. Kvkaq Israel miqsaz rueq Yehowa kox wawc romc kuy tvkoc guyc sez thoz wuez tueq.