THARC TVLUINGC 12:7 - ASII LAKDAP Bible (BSI)

⁷ Kiimaq nashiq khum arka hiqda ma hali mijakinong. Kiimaq nashiq rilung tsitsü ka nashiq phansangtiwe, Shiikeawe phana hali mijang nong.

Hawa Naga Bible 2001

⁷ Naungshiq gvnngvmx htenc kuex bokkhuyx nuex yek kaz yek ruiux, rullungx thuiuzthuic pauk kuex naungshiq muex kuy jix waz Tishox kox nuex httuiuc waung yek tuex.

THARC TVLUINGC 12:7 Referencias Cruzadas

RAPHA HIQWA LAK 18:27

Abraham raq jangshi ri hali nguto, “Ngi raq haimang maq ümniima bomruq bomrai kha na ngi mra ka diikuqlaq, Tatiwe lei. Ngi ka miiman maiqse lam lamli. Ngi raq ümman na bomrai ka thek mang.

RAPHA HIQWA LAK 2:7

Kra raütiishe Tati Shiikeawe raq hiq ka phanshise tsunto. Raüta kriimaq maiq weshi kloto. Raüta apaiq raq tsitsü rilung ka akhüpu wiinai na meikuqto. Kiimaq maiqwe ka atra miishe jawanto.

RAPHA HIQWA LAK 3:19

Ümniika wak shamsea kai niiko laüta ralamsa raütiitiq hiq wa aphaq sea chang ka midong. Arka ümrilung pattup ümkhum lochang hiq da ma mijaki nong haü shaq wiiwii niiruq misihaü.”

YOBA 20:11

Apaiq khum ka jero jong kiimaq ahong alawe riito, shatmaq jaqlo li botkhulai ma mijaki.

YOBA 7:21

Namshiq raq ngi ngarai ka diikuqlot man shea? Ngi raq shutphit kang kra diikuqlot man dea shea? Ngi ka jaqlo liipan niili she imaakho na miraq, Kiimaq namshiq raq ngi rit han jiimin, ngi ka awa wanwi she miraq.

Tvtsvmc 103:14

Apaiq raq nashiq ka jamlai maq atiiqwan kra asap; apaiq raq nashiq ka botkhulai nguta asap.

Tvtsvmc 104:29

Ümtiikiiwa ümmak liika jainong shungtlaü, tsangshiq ka ahai riitlo; ümtiikiiwa ümtsitsü ka ajang riiwantlaü, tsangshiq ka atsai riitlo, kiimaq tsangshiq dongchang hiqda ma hali jaki nongtlo.

Tvtsvmc 146:4

Ümtiikiiwa tsangshiq ka tsaikijiiq, tsangshiq ka hiqda ma mijaki nong, kra ranaiqli tsangshiq raq jaqsham ümchuwa süriiwantaq kra wiita mithumki.

Tvtsvmc 31:6

Ümniiraq arot phra kong shomnoqti tsaihai tlaü, shatmaq ngi ka ümniima kamtiikang.

Tvtsvmc 90:3

Ümniiraq maiqse ka jamlai wa aphan sangwa kiijaq tiijangbaiqtlaü; ümniiraq apaiq hiqda ma tiijabaiq nongtlaü.

ISAIA 57:16

Ngi raq isenginok ma rilung kuqkang. Kiimaq Ngi raq tsangshiq ka tiishut wan ruq ka tiishut mangshe. Riimakla tsangshiq rai pattup pat-sa tsan tiikhiq ruq ka khiq mang she.

JEREMIA 38:16

Kra ningkhan, Hokhamwe Jedekia raq ngi ma ahukse maq akha kiqkham kuqto. “Ngi raq atra Shiikeawe man na, nashiq ma tsitsü ketiwe Shiikeawe man na, atiitum lata ngutiikang, ngi raq ümniika tsat baiq mang, riimakla ümnaq tseabaiq tankhantibi maiq jaq niimin kiinong kuqbaiq mang.”

DANIEL 12:2

Maiq pahea ümchuwa tsai wantaq thun ka, atra midong wan nong. Maiq wiijam ka pattup pat-sa atra she misi wan. Kiimaq maiq wiijam ka, pattup pat-sa jea ngaü raüta misi wan.

JEKERIA 12:1

Arka Tatiwe bomtsi Israil mung miitu achongkuq: Ra nai hiq klotiwe Tatiwe, maiqse ma tsitsü thiiketi raq akha ngutlo:

WEAWEA 16:22

Shatmaq Mosheq nai Aron ka hiq na bum rang bum kito. Raüta akha nguto, “O, Shiikeawe lei, ümniika tlotli ma rilung tsitsü raü chong. Ngarai ka maiq weshi riili tangto. Riita ümniiraq mungmaiqse tlotli miisha mikhiq haü?”

WEAWEA 27:16

“Tati Shiikeawe, tlotli ma tsitsü raü chong lei, ara mungmaiqse ara shea wan lotti, maiq weshi wela ma shonglaq.

Luke 23:46

Kiimaq, Jesuq raq tiihong raüta, “I We lei, i wenyi ka ümjaq khon na kiinong kuq tiikang!” nguta gito. Apaiq raq ara ngu raütiishe, alang ka tiipitto.

Acts 7:59

Tsangshiq raq apaiq ka long maq thong tlaq liipan na, Stephen raq Tatiwe jaq wa, “Tati Jesuq Khristo lei, i tsai ji ara ümniiraq tao laq!” nguta achu jaüto.

Hebrews 12:23

Namshiq ka, ümchaü sanha, Shiikeawe setiim, chhikhu se kong sitlaq, kra triitam hea tlaq akhing poi ajong ranaiq lom dam ngutiishe saü wan tlan. Kiijaq watlaqti mang ka, ramungtan na awaiq thü wishe. Namshiq ka ümchaü sanha, maiqse angu kunli khaphoketi we, Shiikeawe wokhong niishe sitlan. Kiimaq man na, tsaitaq phong wa maiqshaq shaqti ka, Shiikeawe raq kechu maiqsetiim miishe tiija wanto. Namshiq ka tsangshiq rai adam misi wan han.

Hebrews 12:9

Riita, nashiq ma han-ngam na, nanyungwe riiminla trantsii tsatson tlo kata. Krai mren, nashiq raq tsangshiq shreng tiikai. Ikhiijiika, nashiq raq nashiq ma Wenyi We sitlaq kra wokhong na pinthum phaqchii nichii maq si chang kata!