THARC TVLUINGC 12:7 - Hawa Naga Bible 2001

⁷ Naungshiq gvnngvmx htenc kuex bokkhuyx nuex yek kaz yek ruiux, rullungx thuiuzthuic pauk kuex naungshiq muex kuy jix waz Tishox kox nuex httuiuc waung yek tuex.

ASII LAKDAP Bible (BSI)

⁷ Kiimaq nashiq khum arka hiqda ma hali mijakinong. Kiimaq nashiq rilung tsitsü ka nashiq phansangtiwe, Shiikeawe phana hali mijang nong.

THARC TVLUINGC 12:7 Referencias Cruzadas

RAPHA HIQWA LAK 18:27

Abraham rueq laukshiz hulawx, “Yehowa lex, mnoz muex khvmc thuinz httaz hvlc maq jungx thvt phaungx lvmx kuex mvrax nauk tvtsuingc kuq vkueq. Ngaz kuex miqsaz washiz rvtauk ningkhvnc nuex, yvmx jungphvnc vkhangx muinz lvp mauk waz rvtauk.

RAPHA HIQWA LAK 2:7

Kvruex yimaq Yehowa Tishox rueq ghaq wawc miq shvmx kuex tvhungx ruiux, miq khuiz puc nuex tvraungx thuiuzthuic kuex muy koq tueq miq kuex thuiuzthuic tvraungx miq muex yaungx kaz tueq.

RAPHA HIQWA LAK 3:19

Mnoz kuex ghaq wawc yaungx kaz vtueq, ghaq nuex yek kaz tuiux nuex httuiuc laz ghaq wawc vthuey vngoz dungc tvkoc raungluimc dung laz hunnyex shuimx kaz shuiux. Mnoz kuex ghaq wawc vtvhungx ningkhvnc nuex ghaq muex yaungx kaz yek tuiux,” ngoz tueq jungx kuq tueq.

YOBA 20:11

Tsuingshiq shauk gvnz kuex yalxrox ikhoc hungc vlaungc httax yaq, yuq muinz tsuingshiq kuex mtanc httax muq nuex bok khuyx muex yaungx wvnc tuex.

YOBA 7:21

Mnoz rueq ngvy mvrax kuex mkaq muinz dawc kuq lot muq haz? Ngaz rueq shuimc tvyaq tauk kuex mnoz rueq httvr kuq lot muq haz? Mtanc httax mauk nuex ngvy luip ruiuz khux nuex ngaz kuex httax taungx, mnoz rueq ngaz thuiyx ruiux yuq, ngaz kuex vguez shex.

Tvtsvmc 103:14

Naungshiq kuex yvmx maq lac tvhungx shec tvnx vpiq rueq tuiuz yaq; naungshiq kuex ghaq daungx rvtiq lvmz vpiq rueq tvmaung lvp yaq.

Tvtsvmc 104:29

Mnoz tsuingshiq kox wawc htvlx phel wvnc koq tueq tsuingshiq kawc yawc wuez yaq; mnoz rueq tsuingshiq thuiuzthuic lvmz gay koq tueq tsuingshiq thueyc kaz vtueq, tsuingshiq dung kaz tueq ghaq daungx kvyuq dvyx tsuingshiq yek kaz yek tueq.

Tvtsvmc 146:4

Tsuingshiq thueyc kaz ruiux yuq ghaq daungx nuex yek kaz yek yaq; kvruex raungnuiyq dvyx tsuing-shiq rueq kvmungx yaq htenc kuex htumx kaz yaq.

Tvtsvmc 31:6

Vrot vkaq tishox htenc muex nawk palx jix kuex mnoz rueq shuiuc vshuiux, yuq muinz ngaz kuex mnoz muex tvluimc vphaungx.

Tvtsvmc 90:3

Mnoz rueq miqsaz kuex ghaq bokkhuyx nuex tvyek yek vtueq; tsuingshiq muex kungkhux wawc baung kvyuq yek wuez kuinz, ngoz tueq mnoz rueq ngoz toq.

ISAIA 57:16

Ngaz rueq ngvy miqsaz htenc muex thuiuzthuic tvraungx kuq tauk, ngaz rueq tsuingshiq muex tvhttoarc vtueq mvrax tvgurc ruiux pattup khaq taungx rvmuq.

JEREMIA 38:16

Kvkhoc rvtueq Hokhvmx Zedekia rueq ngaz muex vyumx maq bomkhvmc kuq phuex kuex, “Naungshiq muex rullungx kuy jix Tishox, vtvraungx httax yaq Tishox muex ngaz kvtuemc vtaungx, ngaz rueq mnoz kuex thvt gay mauk, mnoz thvy gay tvkoc thuiyx yaq hez yauk nuex muinz lekuq gay phaungx rvmuq,” ngoz tueq jungx phuex.

DANIEL 12:2

Vthueyc kay wuez miq paunghvlc muinz kvtenc yuing wvnc wuez tuex: wvyvmc kuex rullungx thuiuzthuic lvp wvnc shuex, wvyvmc kuex pattup yvlc svy rvhumc vtueq kuilc daz tuex.

JEKERIA 12:1

Vruex bomjungc kuex Israel miqsaz htenc tvkoc Yehowa kox wawc vkaz kvjaz rvtueq. Raungx htenc tvparc ruiux ghaq kuex tvdung sung vtueq, miqsaz muex thuiuzthuic kuy jix Yehowa jungx tueq.

WEAWEA 16:22

Yuq muinz Moshe nuiyc Arun kuex ghaq nuex bumx vtueq, “O Tishox lex, mnoz kuex lotlaz thuiuzthuic pauk rvtoq. Miq washiz shiz mvrax ningkhvnc nuex wv-phvnx tuimx muex thuinz haz khaq vtuiux?” ngoz tueq tvtay jungx tueq.

WEAWEA 27:16

Yehowa Tishox lex, vruex miq htenc kuex shunshvlx vtueq

Luke 23:46

Yesu kuex kvjaz yunghvlc maq guyc vtueq, “Iwaz lex, ngvy siyac kuex mnoz muex lekuq vphaungx!” ngoz tueq jungx lot yix vpiq thuiuzthuic kuex pat wvnc tueq.

Acts 7:59

Kvkhoc tsuingshiq rueq lung maq tuip yaq nuex Stephen rueq, “Taungjix Yesu lex, ngvy siyac kuex lvp wvnc koq!” ngoz tueq vjux thoz tueq.

Hebrews 12:23

Nuimshiq kuex raungmungx wvlwvlc nuex lomx jix pekhux sahez vkoz vkez maq rvtuimx kvyuq httuiuc wvnc wuez vtuinx. Nuimshiq kuex miq lotlaz muex khac phoc kuy jix waz Tishox kox nuex muinz, tvhungx tvhtaungx rvhumc tueq tsuingrux jix htenc siyac kox nuex muinz httuiuc wvnc wuez vtuinx.

Hebrews 12:9

Naungshiq muex tvhonc tvtharc kuy jix gvnngvmx lvmx nuex vnyuiuz vwaz yaungc jix kuex naungshiq rueq tvtsanc nganc vshix. Kvkhoc rvtueq naungshiq rueq Siyac nuex seng vtueq, Vwaz yaungc jix waz rueq tvhonc tvtharc yaq kuex pinhtumc phvnx ruiux raz tueq rullungx tvraungx juing rvtueq!