THARC TVLUINGC 1:3 - ASII LAKDAP Bible (BSI)

³ Maiqse rilung ka mintsali mintsali. Rilung pattup mintsali. Maiqse ma jamlai liipwa dongtla?

Hawa Naga Bible 2001

³ Mnoz kuex mrullungx nuex yauk shuimc ruiux, yauk shuimc jungphvnx vtueq vkhing tvhtumx vshuiux, kvruex shuimx tvkhic vtueq mnoz rueq yvmx lac lvp vshuiux.

THARC TVLUINGC 1:3 Referencias Cruzadas

THARC TVLUINGC 2:11

Kra latiishe, ngi raq ümtinkhan wa sham lam wan kang kiimaq ong wan kang thun ka, tiima liikangta atuli. Kra thun ka rahai jaijo ikhli riito. Rashe raq aham ra takiq na jam achu min ahü.

THARC TVLUINGC 2:18

Ngi raq ümtinkhan wa hunnii wan kang, lata kampho ümchuwa lap wan kang thun ka ngi ma jam achu min ahü. Jamkhano ngukla, itsai jai arthun arka, ijai na juwa ipum songtiwe kiima baiqthü chang li miraq.

THARC TVLUINGC 2:19

Kiimaq jursap apaiq ka maiqshaq shea, maiqkhü wa dongjiiq riila jursap? Li jiimin, ngi raq ara mungkang hiq na, itaksu tsii maq, ümtinkhan wa hunnii wan kang, ijaqsham tsingo ka, apaiq riishe miphaqsiq wan. Arthun arka atuli. Jamliip min ahü.

THARC TVLUINGC 2:22

Maiqse rilung na, pattup atinkhan sham raüta, rilung tiisung wan jai na ümniima amet ka jamlai wa sitla?

THARC TVLUINGC 3:9

Nashiq raq minshiiq hunniitiikai kiiwa jamlai amet wa lap tiikai?

THARC TVLUINGC 4:3

Shatmaq ara chongtiikai kongnai arthaq niimin, kiim jongheati ka ümchaü niitaq mangjong hiq na rawü michhiki shaqtibi riiwe ka pinthum ahea. Tsangshiq riika ara mangjong hiq na atinkhan anin lotchang riimak maiq nai maiq liipan na riihaihii tlaq ashut kiimung arka tsangshiq mak maq chhiki mak dongdiiwe ka ahea.

THARC TVLUINGC 4:7

Maiqse rilung na jam achu min ahü atu na hunnii rai wankli chhi wan kang. Armin atuli.

THARC TVLUINGC 5:16

Armin riikhaqli ka riimak! Nashiq jamkho jaqmii saükikai, kiikhiisii jaqmii maq miwa wan rong i. Nashiq ka ümtinkhan wa hunnii tiikai kriika rahai thoqseali. Nashiq raq jamlai wa lapkai?

THARC TVLUINGC 5:18

Ngi raq maiqse rilung khuthaq na phanrap konchon wan kang. Lata bomtsi ka arjiishe sup wato: Shiikeawe raq maiqse ma rilung ka ara mangjong hiq na siwan miitu atoqse li kuqto. Kriikha na jaqsham minshiiq ümtinkhan wa hunnii tiikai, kra phanphan, phaq asea chamtraq wok phetak phaqsiq raüta, chochikhiq maq narilung ka tiisung wan changli. Kriili maiqse ma ahea pinthum. Maiqse rilung kharii ka arli she.

THARC TVLUINGC 6:12

Maiqse raq arilung ka ara mangjong hiq na jaqlose kiimaq thiihü sithü tlaq liipan na, apaiq ma ahea pinthum ka jamlai wa miraq, kra apaiq raq jamkho misap? Ara maiqse rilung ka rashekii na khum raüjaq, natsaiji dongtlaq ikhli. Maiqse raq apaiq tsaikai jai, ara mangjong hiq na jamlai mra wa mipin wan kra misap lot shea?

THARC TVLUINGC 7:11

Maiqse atra sitlaq kriika wiitsii maq sichang, Arka nyungwe jaq wa tachong hupsam alap ikha.

THARC TVLUINGC 9:13

Ara mangjong hiq na ngi raq taksu maiqse ashi rilung shiiton chhikang. Mangjong maiqse raq taksu maiqse ashi ka jamkho liitla kra chhikang.

THARC TVLUINGC 9:3

Maiqse wiitarü ka kharii ashi na sup wa chang siisaq. Arka riikhaqli ka riimak. Tsangshiq ka atra si ruq wiiwii, tsang khutsai, ka abi ati tiima tsantsii riili ama sitlo. Kiimaq angi nola tsii riili ama sitlo. Raüta tiihanghiiq miili she tsangshiq ka tsai kitlo.

THARC TVLUINGC 9:6

Tsangshiq lungwii tsantsii, tsangshiq makshu rashe tsantsii, tsangshiq jaq sham kaiwa miitu tsantsi tlaq thun ka tsangshiq miisaq thumtaq krai she thumto. Tsangshiq raq ara mangjong hiq na jaqsham kaiwa lom wan lot mak she. Thumtoshe.

ISAIA 55:2

Wok phemak chang phan kiijaq kampho jaram sumwa? Nam ningchang kra shaphaq jai min ram tsishatli chang jiika kampho jaram sumwa? Ibom tai ronglaq, lanta Ngi raq achongha kra sham ronglaq, kra riihan jiila namshiq raq phaqsea ahea pinthum miphaqsiq han.

HABAKUK 2:13

Ümniiraq maiqmung thun khat laüta, jiiwan laü. Tsangshiq raq jaqsham atuli hunnii wanto, kra thun ka wiita wa raq butja, mikhiimbaiq wan. Arka Tati Ningkun Ajongwe Pinthumwe jaqsham.

HABAKUK 2:18

Phra sumla aliip asi shea? Arka maiq jaq maq ahai kata. Ariiraq ümniima jamlai wa michong? Arot bomli khata michong! Sumla raq apaiq tiiqtiwe ma, jamlai wa mikuq? Phra nguraü abom min ahü!

Matthew 16:26

Maiq weshi raq mangjong tlotli ka lap wan raü jiimin, apaiq tsitsü ka tiimo baiq raü jiika jamlai liip wa misi? Ahü, jamliip min ahü! Apaiq tsitsü ka thongshi lapkai nong miitu jamlai min kuqwanlot mak she miraq.

John 6:27

Abi kai chang phaqsea miitu minshiiq ka naq niiko rai rongkiq. Shatmaq, pattup pat-sa rilung phaqsea miitu minshiiq ka shiichaq rong laq. Arka Maiq Se raq namshiq ma mikuq. Ara jamkhano chongtiikang ngukla, Awe Shiikeawe raq ahup akhang wan arang hotlaq kriika apaiq ma ake kun she.”

1 Corinthians 16:16

akha phukhu welabi sitlaq jai ka phan ronglaq. Akhiisii nanok ahinti juwa phukhu welabi sitlaq, kriiti jai phan lanta shongnga ronglaq.