THARC TVLUINGC 1:2 - ASII LAKDAP Bible (BSI)

² Rilung ka thiihü. Thiihü thaq nü nin miinan thiihü! Wiita tlotli ka thiihü siisaq.

Hawa Naga Bible 2001

² Kvruex kuex khuec guez dvyx, khuec guez dvyx, ngoz tueq Wvtharc waz rueq jungx tueq. Rullungx tvraungx lvmz kuex khuec guez dvyx, lotlaz khuec guez dvyx rvtueq.

THARC TVLUINGC 1:2 Referencias Cruzadas

YOBA 11:12

Angi nolabi riika tsangshiq dea maiqshaq nguta mitiima, kriika rum na siti kumtoq kong raq shiipuqje se kong nyungkuq raütiq miraq.

Tvtsvmc 144:4

Apaiq ka miinan tsitsühea rahai ikhli; arilung ka tsaiji mokitlaq ikhli.

Tvtsvmc 89:47

Tsan na tiitsanglaq, irilung ka atoq se; ümtsan na tiitsanglaq ümniiraq naishiq kunli ka atsaiti siisaq tiiqlaü!

THARC TVLUINGC 11:10

Jamlai miitu min naqchapakiq. Lo, tsanbi wokti min naqsikiq. Ümniiraq jero rilung ka luhea siwan lumaü she mirhaü.

THARC TVLUINGC 11:8

Rawiitek ümrilung siwan tlaü kra miitu honkamshat maq silaq. Ümrilung ka luhea li siwan haüjii min, tsan na tiitsangshat maq thülaq, ranaiqshishi ümniika atsai chang dongdii miraq. Khaki nü na liichang ka jamin ahü.

THARC TVLUINGC 12:8

Atuli, atuli, phanrap ka atuli, nguta Phaqchi Shrawe raq ngutlo. Phanrap ka atuli.

THARC TVLUINGC 2:11

Kra latiishe, ngi raq ümtinkhan wa sham lam wan kang kiimaq ong wan kang thun ka, tiima liikangta atuli. Kra thun ka rahai jaijo ikhli riito. Rashe raq aham ra takiq na jam achu min ahü.

THARC TVLUINGC 2:15

Kiijiishe, ngi nai ngi she itsan mong na, “Riita ngi armin angiwe kiikha khoshi na dea wa chang siili jiika, ngi ka taksu we ma jalata, jamlai liip wa lapkang? Jam min ahü,” ngutiishe tiima wan kang.

THARC TVLUINGC 2:17

Arningkhan, ngi ma irilung ka jam thiirii min ahü, hiqtili ikhli she jakito. Jamkhano ngukla, rilung na ümchuwa shamwan kang, wiita ka chamchao chapa tiipati siisaqli. Arthun wiita thiihü atuli siisaq. Irilung na rahai jaili josiq wan kang.

THARC TVLUINGC 2:19

Kiimaq jursap apaiq ka maiqshaq shea, maiqkhü wa dongjiiq riila jursap? Li jiimin, ngi raq ara mungkang hiq na, itaksu tsii maq, ümtinkhan wa hunnii wan kang, ijaqsham tsingo ka, apaiq riishe miphaqsiq wan. Arthun arka atuli. Jamliip min ahü.

THARC TVLUINGC 2:21

Jamkhano ngukla, maiq ashi raq taksu tsii maq, phaqchi maq, kiimaq tsiimwe khiiqwe jaqsham wiita kuq raüta aklo wan kra, tachong hupsam tsiiqtum ka jai na juwa dong tlaq kriiwe raq, hunhiihü miishe miphaqsiq wan. Arka liiwan raüla atuli. Arka tri na ang mak!

THARC TVLUINGC 2:23

Maiqse rilung na atra sikai wiiwii jaqsham laita sichang. Kra jaqsham mintsa raq chapa kiimaq khuli tiitsi wantlo. Rawa mong na dongdii min, ümkhutsai ka kon mak. Arka atuli.

THARC TVLUINGC 2:26

Shiikeawe riili, apaiq tiichochiti ma, taksu tsii, kiimaq anyan phaqchi, kiimaq khoqriiq shishiiq rilung shiiman kuqtlo. Shatmaq apaiq raq ngarai maiqse miika, jaqsham minshiiq na tiihun niitlo. Raüta tsiiq nai nyamtum riichom raüta tiitotlo. Raüta kra tsangshiq tsiiq tum ka apaiq tiichochiti ma kuqtlo. Arthun arka atuli. Rahai jaijoli.

THARC TVLUINGC 2:8

Kiimaq ngi raq mung peng wan tiikang kiiwa hokham tsiiqtum thun na chaq kampho ama asho awo riito. Ngi shiipeo wanti jechak re nai maiqwere, ashi ashunti pahea thü wan kang. Maiqwe ashi raq achak ümchu lamchang wa kriithaq na apa achan ngi raq chakliip nyungre pahea thü wan kang.

THARC TVLUINGC 3:19

Jamkhano ngukla, maiqse nai nyamse ka adam dam siili. Maiqse jamkho tsaitlaq kiikhiisii, nyamse kiimin tsaitlo. Wiitsitsü phan ngusaq, maiqse nai ngamsaü ngiqse ka adamli tsaitlo. Tsangshiq ka aphan sang arwan siisaq. Maiqse rilung kiimin, ngamse rilung kiikha thiihüli. Jamkhano ngukla rilung ka phan nai ri wiita ma thiihüli.

THARC TVLUINGC 4:16

Hokham weshi raq tsangmung peng wantlaq kiijiika, mungmaiqse ka pahea, awea lot mai min mirsham. Shatmaq apaiq tsai kai jaishe ka, tsangshiq miitu ümtinkhan wa, apaiq raq jaqsham kuq wantaq kra miitu kechutumketi, maiq ka ahü she miraq. Arka thiihü atuli. Arka rahai jaijoli.

THARC TVLUINGC 4:4

Kiimahali maiqse ka ongwan hajaq nguta pinthum minshiiq shiichaqtlo chhitiikang. Arka tsangshiq raq nanok chiiti kra lümha jaq nguta amakshu tsi ma shiichaqtlo. Shatmaq armin atuli, rahai jaijoli.

THARC TVLUINGC 4:8

Maiqse weshi ka apaiq laqlaq seli, Ase maiqwese min ahü. Anung ano min ahü. Kra taü maq dongdii min, apaiq ka naiqhü wasü mintsa shea mintsa, minshiiq wali arilung ka tiisungtlo. Ajaq na tsiiq ümchuli siraü min, hongto she ngumak phan. Kiitinkhan langlang ka ju miitu wa hunnii raitla? Arka atuli. Arka jamlai achu min ahü rilung.

THARC TVLUINGC 5:10

Ümniika kampho ma süram haüla, ümsütsi ka ümtiikii min tsaq mak. Ümniika chiithe ma ja wan lungwii tlaü jiila, ümniiraq ümchu wa rittlaü kriika lapmaü mirhaü. Arka atuli.

THARC TVLUINGC 6:11

Apa riikhiilea wan wan, thiihü ma jawan wan li miraq. Ümniima jamlai phan aliip apha dong chang min ahü. Atuli.

Romans 8:20

Arka, Shiikeawe raq ümchuwa phansang wantaq, kra raq tsangshiq ka jamlai miitu aphansang wan wa, kra riikhaqli thin wan mak miili she, thiihü miili she sumphaq wanto. Kriika tsangshiq maiqmii raq arit wan ka riimak. Shatmaq, Shiikeawe raq jamkho thapthi wantlaq, kra phanphan hongtha wanto. Kiikha sumphaq wantli jiimin, tsaiji riichoro wan chang lam lu kla, ümchaü min asi.