TAKSU LAK 30:12 - ASII LAKDAP Bible (BSI)

¹² Maiq wiijam raq tsangshiq tsan ka asii sitiikai nguta tiimatlo. Shatmaq tsangshiq tsan ka anyaq pinthum.

Hawa Naga Bible 2001

¹² Miq wvyvmc kuex pinhtumc miqsuirc vsac httax yaq rvhvt maq, vsawc waq httax vtix ngoz tueq tvmaung jix httax yaq.

TAKSU LAK 30:12 Referencias Cruzadas

YOBA 33:9

“Ngi ka shut mang; Ngi raq jam min ashut klo mang. Ngi ka chiisan maiqse kiimaq idü na ngarai ahü.

Tvtsvmc 36:2

Jamkhano ngukla apaiq ka ajong alawe nguta tiimatlo, apaiq raq angarai ka Shiikeawe raq khon lot mak kiimaq apaiq ka shra mak nguta tiimatlo.

Tvtsvmc 51:2

Ikhum wa abi thun ka hebaiqlaq kiimaq ngi ka ngarai mong wa tiisiirai helaq!

Tvtsvmc 51:7

Ingarai ka lambaiqlaq, raüla ngi ka asii she mirha; ikhum ka hekuqlaq, raüla ngi ka tsakhiiq nam ma alü she mirha.

TAKSU LAK 16:2

Ümniiriika phanrap ka, riikhaqli shamtiikang nguta mitiima haü, shatmaq Tatiwe riika, jamlai tiima laüto shamtlaü, kra kappe maq shintlo.

TAKSU LAK 21:2

Maiqse raq apaiq jaqsham ka, athukwiq sham tiikang nguta tiimatlo. Shatmaq Tatiwe riika, apaiq tsantsii kra shintlo.

ISAIA 1:16

Ümkhum ka kongkhu tiisii helaq. Ümniiraq atinkhan abi ashut kiimung wan tlaü imakki na tiichhi rai tlaq ara kongkhu thaqbaiq tlolaq. Ngutiikang, ashut jaqsham tlaü thun ara thaqbaiqtlo laq.

ISAIA 65:5

Kra raütiishe tsangshiq raq nanok ma akha ngutlo, ‘Namshiq ka naishiq tho wa alu na ngarong laq. Naishiq ka pinthum asii maiqsetiim. Namshiq raq naishiq khum na jaq maq sham maimak!’ Ngi raq akhnok maiqsetiim ka liilot mang. Tsangshiq khuthaq na itsankhiq ka walütu nyaitlaq ikha nyaitlo. Kriika ümtiikiimin matki mak phan.

JEREMIA 2:35

namshiq raq ngutlan, ‘Ngi ka maiqsang la; tengteng, Tatiwe ka ngi rai tsan riikhiq mak she.’ Shatmaq Ngi, Tatiwe raq, namshiq ka mitsat ha. Jamkhano ngukla namshiq raq ngarai tanglanta nang nga tangmai dea nguta rottlan.

JEREMIA 4:14

Jerusalem lei, ümtsan mong na abi kra hebaiqlaq. Kra riihaü jiiqtiq ümniika mitiichhiilot haü. Ashut ashai ngarai tsantsii ka ümtincho na saüli wa mithii haü?

EJEKIEL 36:25

Ngi raq namshiq khum na kham asii maq mibatha. Lata namshiq raq sumla phra thun noq lanta kiimaq phanrap ashe ashi klo wan lanta, namkhum tiisheshi baiq lan kra, Ngi raq wiita atiisii mirkuqha.

Hosea 12:9

Shatmaq, ngi ka namshiq Tati Shiikeawe. Ngi raq namshiq ka Ejip mung wa shea wan kang, rumnyangkhi kumtsaiphii lam maq sheawan kang. Ngi raq namshiq ka tombutiip na mitiijap nongha, man na ngi namshiq pha na, kumtsaiphii na kikang ikha.

JEKERIA 13:1

Tati Ningkun Ajong Pinthumwe raq ngutlo, “Kra akhing saü wan raüla, hiqtang maq jütangkham miphok. Kra kham raq Dawit saüse phan nai Jerusalem na siti raq ngarai nai ashe sumla noq wantaq kriiwa mitiisii heakuq wan.

Luke 16:15

Kriikha maq, Jesuq raq tsangshiq ma nguto, “Namshiq ka maiqse makki na athuk atsom maiqse ikha tiichan ne lanta sitlan. Shatmaq, namtsan tsii kriika, Shiikeawe raq asap. Jamkhano ngukla, maiqse raq jamlai wa pinthum ara phan nguta shreng tlaq, kriika Shiikeawe makki na thiihü.”

Luke 18:11

“Phorisi we ka apaiq honhonse li chap raüta, ‘Shiikeawe le, ngi raq ümniima kechutum tiikang. Ngi ka sükha maiqse riimang; monglap tsii min rüm mang; lo, nanok wiitarü sitlaq ikha, maiqchak maiqse rai min sra kimang. Ngi ka ara phunta hitiwe akhiika riimang.

1 Corinthians 6:11

Namshiq phong wa maiq wiijamti ka, man na akha siwanti. Shatmaq namshiq ka ngarai mong wa tiisii hekuq wanto she. Namshiq ka Shiikeawe ma apaiq rii she nguta akiinongke wan kun she. Namshiq ka Tati Jesuq Khristo raq nai Asii Wenyi raq Shiikeawe jam niishe tiidiito. Raüta Shiikeawe rai wehea she tiijato.

2 Timothy 3:5

Tsangshiq ka rakhütsiri na Phungmaiqse nguta mitiingo. Shatmaq, tsangshiq rilung na, tsangshiq chap anga maq, tsangshiq kamasham ka hiqtili ikhli mitiija baiq. Ümniika akhnok maiq rai ümtiikiimin naq lom damkiq. Ümniika alu na hailaq.

Titus 3:5

Apaiq raq nashiq chhii wantaq kriika, nashiq raq shamhea kaiwa jaqsham laita chhiike wan ka riimak. Shatmaq, Shiikeawe apaiq tsan mong na, nashiq tiihangke mangchan tsii rüm tlaq kriimaq chhiito. Apaiq raq nashiq chhii wantaq arka, Asii Wenyi raq nashiq khum ka hetse kuq wantaq kra, lümaq chhii kuq wanto. Ara chong tiikai, Asii Wenyi raq nashiq khum hetse kuq wantaq ara lümaq, nashiq khum na, anye rawii tiichhi kuqto she. Raüta rilung anye she kuqto.

Revelation 1:5

kiimaq Jesuq khristo, tsapkap maq Shiikeawe bomtsi chongketi we raq, apaiq ka tarü thaq na apha shaq shaq amaa wa atiidong wanti we, kiimaq apaiq ka mangjong hiq na honyung hokham ümchuwa sitlaq kriithaq na, hupkhang wanti we raq, namshiq ma ara lungwii bomtsi ara tiisaü tlo. Jurwa nashiq lungwii tlaq, raüta nashiq ka nashiq ngarai kharü mong wa apaiq tiijai maq dokdaa wantaq,

PHOWEBI 17:13

Mika raq nguto, “Riita, ümchaü kla, ngi ma Lewi weshi ramwe jaqshamti asi she. Ngi raq asapha, ümchaü kla Tatiwe riimin, ngi ma achu shiiman mikuq she. Ahea she misiha.”

PHOWEBI 17:5

Riita Mika raq phra shomnoq chang khok ka ajam na tiihongto. Kiimaq apaiq raq phra sumla thun haito kiimaq asii miirii min ashi kloto. Raüta asetiim phong wa weshi ka apaiq ramwe ma shongto.