TAKSU LAK 27:18 - ASII LAKDAP Bible (BSI)

¹⁸ Jurwa phupmup chong chhintsii tlaq, kriiti raq phupmuptsi misiq. Jurwa atijongwe shiili liitlaq, atijongwe raq apaiq mishreng.

Hawa Naga Bible 2001

¹⁸ Phuiuq muiuq jungx tsvp kvp jix waz rueq phuiuq muiuq thuey lvp saq shuex. Piq jiyungx waz muex tsvp kvp kuy jix nvrc waz muinz tvtsanc nganc rvhumc tuex.

TAKSU LAK 27:18 Referencias Cruzadas

2 HOKHVMX 18:31

Hejekia bom ka naqtai rongkiq. Asiria mung riimti ajong hokhamwe raq namshiq ka chela mong wa kin phai na dongho lanta apaiq puk na nyaptlo rong laq nguta aming kuqtlo. Kra riihan jiila namshiq tarii ka namshiq maiqmii spiqro wa spiqtsi ka mitii phaqsiq wan. Kiimaq namshiq ka maiqmii phupmup tsi chong wa mitii pansiq. Kiimaq namshiq maiqmii khappong thun wa kham ka mitiinyang.

2 HOKHVMX 3:11

Kiijiishe Hokhamwe Jehoshaphat raq waito, “Riita arjaq shammiwe weshi ra min ahüsha nashiq raq apaiq lümaq Tatiwe rai bom riiwaiso miitu?” Kiijiishe Hokhamwe Joram sengi phentubi phong wa ajong weshi raq treto, “Shaphat se Elisha ka arjaq asi. Apaiq ka Elija khiiq witiwe.”

2 HOKHVMX 5:25

Raüta apaiq ka jam niishe jang wan nongto. Kiijiishe Elisha raq apaiq ma waito, “Ümniika ümbano kilaü?” “O, shiilangwe lei, ngi ka ümba niimin kimang lea” nguta apaiq raq treto.

2 HOKHVMX 5:27

Riita arningkhan, ümchaü sanha, Naaman thatsi ka ümkhu thaq niishe milü wan. Ümkhuthaq na kiimaq ümsaü ümsetiim thaq na pattup pat-sa she mirlü wan!” Krai mren, Gehaji ka kiiwa tiido wantaq akhing na, akhum na kra thatsi ka akop wa kun she riito. Akhum wa akhü thun ka tsakhiiq ikha lüriirii ma she riito.

ESTHAR 6:11

Kiijii san, Haman raq samtong jong kaü nai kumrang ka lamho raüta, Mordekai ma tiimiikuqto. Raüta Mordekai ka kumrang thaq na tiinga raüta, chela mong na chiihea wea kiijaq konchi koncha she shea raüta, “Tai rong laq, singmung maiqse lei, hokhamwe raq ju miiwa shreng tiichhike lungwiitlaq, kriiwe miika akha shrengtlo jo!” nguta agi lülü maq chiiriim wan wan raüta nokwe ma chongkuq wanto.

Tvtsvmc 123:2

Ajaqshi se raq atijongwe jaq liitlaq ikha, ajaqshi se jechakse raq atijong nyung jaq liitlaq ikha; naishiq riimin ümjaq miliihai, Tati naishiq Shiikeawe lei, ümniiraq naishiq ma tiihang mangchan mitiichhikuq haüshaq wiiwii.

DUNGWVNC 24:13

Kiimaq Mosheq nai apaiq jaq treti Joshua ka tiijeto. Kiimaq Mosheq ka asii pum kiina düpha wanto.

TAKSU LAK 17:2

Khonglaq jaqshise riika, sengi atijongwe se kra jiibaiq raüta, tijongwe tachong wiijam milap wan.

TAKSU LAK 22:29

Ümniiraq howe minwe chhitlaü shea? Apaiq ka hokhamwe rai nga raüta jaq misham. Manghü rahüti rai ka simak.

TAKSU LAK 27:17

Jin ka jin miitiq tiisi min chang; maiqse ma tsii chongke ka, maiqse riitiq chongke chang.

TAKSU LAK 27:19

Khamchum na liihaila, nasham kli michhi i. Natsan mong na liihaila, na tiima ka michhi i.

ASHICHONG 8:12

Solomon lei hingshi ka ümrii, kiimaq shinai ka ningchangti rii, Ara spiqro ka ngi rii!

ISAIA 36:16

Hejekia bom ka naqtai rongkiq! Asiria hokham ajongwe raq namshiq ka chela mong wa dongho lantea apaiq puk na nyap ronglaq nguta aming kuqtlo. Apaiq raq namshiq tarü ma maiqmiimii spiqro kiiwa pansea miitu kiimaq maiqmiimii phupmuptsiro kiiwa pansea miitu aming mikuq. Kiimaq namshiq raq maiqmii khappong kiiwa kham nyang miitu aming mikuq.

Matthew 24:25

Taironglaq! Ngi raq namshiq ma akhing misaü shaq na chongkuq tiipha ara tsan na samhea tiitsang rong laq.”

Matthew 24:46

Kechu jonghea miraq ara jaqshise ma, atijong we raq apaiq jaqsham rea loho haü jaq!

Mark 10:43

Shatmaq, namshiq liipan niika, akha sichang ka riimak. Namshiq phong wa, juwa ajong ma jaro tiima tlan, kriiti ka tarü jaqshise ma ja ra tlo.

Luke 12:37

Kopan jonghea miraq, ajaqshisetiim phong wa ümriiti wa tsangtijong we ka jangki tlaq akhing na, apaiq ka asam, kiimaq tiijeshat miloho! Ngi chongpha. Apaiq raq asamtong ka chhut raüta, tsangshiq ka atiinga miraq. Raüta, apaiq raq tsangshiq ma aheawiq maq tü adung thun kra mitiiphaqsiq.

Luke 12:42

Kiijiishe, Tatiwe raq treto, “Ngi chongpha, maiqshaq nai setsii jaqshi ka akha miraq. Apaiq miika atijong we raq, apaiq wanhiq kaiho ma ajam ka mitiikhethü. Atijongwe raq apaiq ma ajaqshisetiim abi sitlaq kiima tü adung ka akhing khaqkhaq na tiiphaq siq laq nguta michong thü.

Luke 19:17

Kiijiishe, ‘Riikhaqli, ahea,’ nguta apaiq raq bom ka treto. ‘Ümniika maiqshaq jaqshi se ashi dea! Riita, ümchaü min, ümniiraq jaqsham ka akhüse li jiimin, tsapkapkap maq sham wan laü, kriikha maq, ngi raq ümniika chela roqshi thaq na wela miishe mishong kang’ nguta ajaqshi se bom ka treto.

John 12:26

Kiimaq jurwa i jaqshi ma jawan raüta, ngi shiililii wan lungwii tlaq, kriiti ka, i jai phan phan wa wawan raa tlo. I jaqshi ka, ngi rai nong nong maq sichang. Kiimaq, jurwa ngi shiililii tlaq, kriiti ka i We raq mishreng.”

Acts 10:7

Raüta, rase ka wawan nongto. Kiimaq Kornelias raq apaiq jam na jaqsham damti, aluqkhap se nai wenai ka heato. Kiimaq apaiq shiililiiti kiimaq tsapkapkap maq Shiikeawe shomnoqti phenla weshi kriiri heato.

1 Corinthians 3:8

Tsam jangti nai tsamcham na kham nyukti liipan niika, atiikhothiq chang ka ahü. Shiikeawe raq tsangnai wenai wiita ma maiqmii jaqsham minshiiq jamkhiiwa sham wantaq, kra tiiphan phan poksi mikuq

1 Corinthians 9:13

Namshiq wiitarü raq asap han, jurwa Shomjam na jaqsham tlaq, kriiti riika Shomjam wa phaqsiq tlo. Kiimaq jurwa aluchiim na alu ta kuq tlaq, kriiti riika Shomjam wa honglu kra phaqsiq tlo.

1 Corinthians 9:7

Phen jati riika maiqmii lamsea homak. Laqkhaq siq raüta phen jaq sham tlo. Kiimaq wak jaqsham seati riika tsam jutsiq tlo. Sku rümti riika sku nyakpü sonyang raüta tiidung hiq tlo.

Colossians 3:22

Disetiim lei, namshiq ma han- ngam tijong wetiim bom ka, phanrap na phaqchii nichii maq tai ronglaq. Tsangshiq makki na lamlamli ka riimak. Shatmaq, namshiq raq Tatiwe shreng tlan kiikhiisii, tsapkapkap maq, tsangshiq ka shreng lanta sham ronglaq.

2 Timothy 2:6

Kiimahali jurwa wak jaqsham minshiiq shiichaq tlaq, kriiti riika, apaiq minshiiq wantaq kiiwa tsam apa milap.

1 Peter 2:18

Namshiq maiq jaqshisetiim ümchuwa sitlan kriika, namtijong wetiim wokhong na silanta, tsangshiq bom ka phaqchii nichii maq tai rong laq. Lanta tsangshiq ka kai shreng lanta si ronglaq. Namshiq ka ahea maq mangchan raüta rümkomtibi miili ka riimak, shatmaq namshiq ma kiqla hiip-hii, asea akaq bom tlaqti miimin shreng manto thü lanta siraa tlo.

1 Peter 2:21

Namshiq akha chamchao tlan arka, Shiikeawe raq namshiq ma rilung holai akuq hekiilai. Jamkhano ngukla, Khristo raq namshiq miitu arilung na chamchao homa howan raüta lamshea tiichhikuq wanto. Khristo raq namshiq miitu jamkho chamchao wantaq, kra namshiq riimin apaiq jaiphan phan chamchao homa kra nin wan ruq maq howan raa tlo.

1 SAMUEL 2:30

Ngi, Israilnok Tati Shiikeawe raq, man na ümta nai ümwe raü raq, pattup iramwebi ma ja lanta, ngi mishiili wan han nguta kiq khamkuq kang. Shatmaq ümchaü, ngi raq namshiq ka ramwe jaq tiisham mangshe! Kra rii na, jurwa ngi shreng tlaq kriiti ka mishrengha, kiimaq jurwa ngi shummiitlaq, kriiti ka ngi riimin thophi riiqphi misaisiha.