TAKSU LAK 27:18 - Hawa Naga Bible 2001

¹⁸ Phuiuq muiuq jungx tsvp kvp jix waz rueq phuiuq muiuq thuey lvp saq shuex. Piq jiyungx waz muex tsvp kvp kuy jix nvrc waz muinz tvtsanc nganc rvhumc tuex.

ASII LAKDAP Bible (BSI)

¹⁸ Jurwa phupmup chong chhintsii tlaq, kriiti raq phupmuptsi misiq. Jurwa atijongwe shiili liitlaq, atijongwe raq apaiq mishreng.

TAKSU LAK 27:18 Referencias Cruzadas

2 HOKHVMX 18:31

Hezekia kvjaz kuex nauk tay kaz. Ghaqyungx kvwawc dung kaz vtueq koz vlaq kuex httvrc gay tvkoc Asiria honoc waz rueq mnoz muex jungx yaq. Kvkaq nuimshiq mungtan rulc rv-ngvlc yaq nuimshiq tvkoc svpiq kuq yaq svpiq sunc htenc, wanx tvhungx tvkoc tuiuz vtsvmz, olip puiz tvkoc olip jungx htenc nuiyc nyaq ngurx dung yaq mungx nuex honoc waz rueq shvlx wvnc kv-phuinx nuex httuiuc laz, nuimshiq rueq nuimshiq svpiq ruiuz htenc wawc svpiq thuey htenc muinz, nuimshiq pulx jungx htenc wawc pulx thuey waqthuimx htenc kuex lvp luz vtueq, nuimshiq yuix tumz htenc wawc yuix kuex khoay vkhangx lvp wvnc shuinx. Piq rueq nvr yaq rulc rv-ngvlc nuimshiq rueq shuimx kaz ruiux yuq, nuimshiq kuex thueyc muit, tvraungx httax lvp tuinx, yuq muinz Yehowa rueq naungshiq kuex palc wvnc lot phuex ngoz tueq nuimshiq rueq tvmaung vshuinx lvmz Hezekia rueq nuimshiq kuex vngaz muex tvyaungx kv-phuinx.

2 HOKHVMX 3:11

Hokhvmx Jehoshaphat rueq, “Yehowa muex naunghez rueq wiz tvkoc vruex hong vyuq shvmmax washiz raung httax muq haz?” ngoz tueq wiz tueq. Kvkaq Hokhvmx Yoram nolaungx phungc wawc vyungx washiz rueq, “Shaphat saz Elisha kuex vyuq httax yaq. Piq kuex Elia muex romc kuy jix waz rvtueq,” ngoz tueq tvralc tueq.

2 HOKHVMX 5:25

Piq kuex yuimx mungx nuex nyuip waung yek koq tueq Elisha rueq piq muex, “Mnoz mnuex lac yuz kaz tonx?” ngoz tueq wiz tueq. Piq rueq, “Jiyungx waz lex, ngaz mnuex muinz kaz mauk,” ngoz tueq tvralc tueq.

2 HOKHVMX 5:27

Majuiuc Naman thuiuz vsac kuex mhtauk nuex httuiuc wvnc vtueq, mnoz nuiyc msuiuz msaz hez nuex pattup rvhumc wvnc tuinx!” ngoz tueq jungx tueq. Gehazi kuex dung kaz tueq nuex piq gvn nuex vshungx kop vtueq tv-nguirx ikhoc luiz wvnc tueq.

ESTHAR 6:11

Kvkhoc rvtueq Haman rueq hungluz khvy nuiyc mvre kuex laq vtueq Mordekai muex hungluz kuex tvsvmc kuq tueq. Mordekai kuex mvre htauk nuex tv-ngaungc ruiux ghaqyungx lvmx maq piq kuex shvlx wvnc vtueq tsuinghez khuemx wvnc yaq nuex miq htenc muex vkhoc ngoz tueq tvjungc tueq, “Hokhvmx waz rueq tvtsanc nganc kuy roc yaq waz muex piq rueq vkhoc somraungc yaq kuex lawc shuinz!” ngoz tueq guyc ruiux mvre kuex het vtueq ghaqyungx nuex kvroz khuemx tueq.

Tvtsvmc 123:2

Nvrc waz kuex piq jiyungx waz htauk nuex, nvrc nyuiuz kuex piq jiyungx nyuiuz htauk nuex kvguing kvgawx yaq ikhoc, nuiyshiq Yehowa Tishox rueq menjenc yaq kejux kuex lvp wvnc nuex httuiuc laz, naungshiq muinz vpiq muex lawc tvtsuingc vshix.

DUNGWVNC 24:13

Moshe nuiyc piq yauk tvguip jix Yoshua rueq tvyoalc lot vtueq, Moshe kuex vsawc kanx nuex duiz waung tueq.

TAKSU LAK 17:2

Kenrix rix hvlc nvrc waz rueq jiyungx waz saz khuec guez miq kuex guimz lvp vrangx vpangx lvp vtueq tsak jungx nyvmx jungx vhtaq kuex lvp wvnc shuex.

TAKSU LAK 22:29

Yauk shuimc tsvp kvp jix miq kuex ngaz muex tvkhic kuq kuit, kvkaq hokhvmx kungjix yaungc aungx yaq nuiyc vganc jix paunghvlc htauk nuex muinz vhvlx pinhtumc waz kuex mnoz muex tvkhic phaungx.

TAKSU LAK 27:17

Yanx kuex yanx maq tvhttez yaq ikhoc, miqsaz muinz vdvmz dvmz tharc rvkuy mvy yaq.

TAKSU LAK 27:19

Yuix nuex vyac khawx khiz vshuiux kuex mhtvlx rvtueq, mthuinz vmungx maq mnoz rueq khiz vshuiux yac kuex mshauk pumz rvtueq.

ASHICHONG 8:12

Solomon kuex piq rueq lvp aungx yaq kuimphox hingshiz kvmuinz, sunc bvmc jix hez tsuinghez rueq lvp aungx yaq shac nueyc phok kuex lvmz wuez tueq; ngaz kuex ngvy svpiq sunc dvyx httax yaq!

ISAIA 36:16

Hezekia kvjaz nauk tay kaz! Asiria honoc waz rueq kvruex ghaqyungx kvmaq dung kaz vtueq koz vlaq tvdvy tvkoc nuimshiq muex nvr yaq. Nuimshiq lotlaz rueq miqmac svpiq ruiuz wawc svpiq thuey htenc, miqmac phuiuq muiuq jungx wawc vthuey htenc kuex puinz saq, miqmac yuix tumz wawc yuix kuex khuz nuingx vkhangx lvp shuinx.

Matthew 24:25

Tay shuinz! Vruex lvmz htenc max yaungx wvnc nuex ngaz rueq nuimshiq muex jungx kuq vphaungx.

Matthew 24:46

Piq jiyungx waz httuiuc waung yek ruiux yuq, kvkhoc shuimx lvmz yaq nvrc waz kuex pinhtumc thuinhvlx yaq!

Mark 10:43

Nuimhez vdvmz dvmz nuex kuex kvkhoc kuex yaungc mvy muq. Nuimhez wawc vyungx pinhtumc yaungc roc jix waz ukhaq yuq muinz, piq kuex vganc jix nvrc waz muex yaungx tuex;

Luke 12:37

Jiyungx waz httuiuc waung ruiux yuq honc lvmz hvt maq httax yaq kuex jiyungx waz rueq khiz waung tuex nvrc waz kuex thuinhvlx httax yaq. Ngaz rueq nuimshiq muex jungx kuq ix, jiyungx waz kuex keshuit shuit ruiux raz tueq piq nvrc waz hez kuex wuinz waz ikhoc tv-ngaungc ruiux tv-phauk saq shuex.

Luke 12:42

Taungjix rueq tvralc tueq, “Kvkhoc ngoz ruiux tvmtuing vhttax nuiyc kenririx httax jix nvrc waz kuex mruex jix lac? Yuimx taungjix waz rueq nvrc waz hez guimz lawc tvkoc nuiyc phuiuz svy juing phvlc kuy tvkoc vthvl taq nvrc waz kvruex rvtueq.

Luke 19:17

Piq taungjix waz rueq, ‘Vhvlx nvrc waz mnoz rvtoq! Mnoz kuex yauk shuimc vruinx nuex tvmtuing rvtoq ningkhvnc nuex, ngaz rueq mnoz muex ghaqyungx rokshiz kuex tvguimz lawc phaungx,’ ngoz tueq jungx tueq.

John 12:26

Ngvy yauk shuimc vruex gurc pic jix ukhaq yuq muinz, ngvy yix nuex phvnx naungx vtueq ngaz httax taungx kvyuq ngvy nvrc waz muinz httax tuex. Iwaz rueq ngvy yauk shuimc kuy jix ukhaq muex muinz tvtsanc nganc kuq shuex.

Acts 10:7

Kvruex raungkamx waz kuex kay wvnc yix, Korneliu rueq piq nvrc wanueyc rac piq rulc rvnvp hvt jix hez wawc nawk palx htungx tvtsanc nganc phvnc jix nolaungx washiz kuex gvl vtueq,

1 Corinthians 3:8

Vlix yuingc jix waz nuiyc yuix shvy jix waz kuex rv-ngvlc dvyx rvtueq; vshiz maq vshiz rueq shuimx lvmz wvnc tueq yauk mauk kuex Tishox rueq kuq shuex.

1 Corinthians 9:13

Shomc Yuimx nuex yauk shuimc jix htenc rueq Shomc Yuimx wawc phuiuz vsvy phauk saq lvp yaq kvmuinz, shomrawx nuex shomc nawk kuy juing shomc kuy jix htenc rueq shomc nawk kuy juing wawc mvnjuz lvp yaq lvmz kuex nuimshiq rueq vsuing tuiuz vshuinx.

1 Corinthians 9:7

Mruex jix nolaungx waz rueq lac miqmac lvmsvy gurx vtueq ralx khvt yaq nguinx? Svpiq sunc taungjix waz rueq miqmac sunc wawc vthuey puinz saq muq waz kuex ukhaq lac httax yaq nguinx? Kvmaq khelbuenx remc jix waz rueq muinz miqmac rueq remx yaq khelbuenx puix sur nuingx muq jix vhttax haz?

Colossians 3:22

Dax hez lex, nuimshiq jiyungx waz tamx muex lvmx ruip saz htauk nuex tay kuq shuinz; nuimshiq rueq htvlx phawc lvp tvkoc tsuingshiq khaungkac nuex dvyx kvjaz tay kuy jix muex yaungc rvmuq maq, Taungjix muex hisungx tvtsanc nganc thuinz maq tsuingshiq kvjaz kuex thuinz vtsuing maq tay kuq shuinz.

2 Timothy 2:6

Hunnyec hvlc wuik yauk shuimc jix waz rueq vthuey vngoz kuex vphaungc shauk shauk phuiuz svy aungx yaq.

1 Peter 2:18

Nvrc waz bix lex, nuimshiq muex jiyungx yaungx yaq bix khung nuex httax wuez kuinz, menjenc kuy tuiuz yaq jix muex dvyx rvmuq maq, bahvlc jix htenc muex muinz pinhtumc hiyaz tvtsanc nganc kuq shuinz.

1 Peter 2:21

Kvruex rv-ngvlc nuimshiq rueq shuimc kay phvnc tvkoc Tishox rueq nuimshiq kuex gvl taq shec kv-phuinx, yvmx khoc lac ngoz ruiux lec Christu vpiq shauk pumz muinz nuimshiq tvkoc nuex kuilc daz rvhumc ruiux, vpiq yaz yvmx nuex nuimshiq rueq phvnc wvnc lvp muex tv-ngvlc juing taq shec tueq.

1 SAMUEL 2:30

M-yuimx wuinz nuiyc m-waruiuz kuex shomc waz yaungx vtueq pattup ngaz muex mshuimx kuq phueq ngoz tueq, Ngaz, Yehowa Israel Tishox rueq lvy wvnc tueq pat nuex bomkhvmc taq tauk. Yuq muinz majuiuc bomkhvmc kvruex mkaq muinz phaungx tuex rvmuq shex ngoz tueq ngaz rueq jungx vphaungx! Kvkhoc ruec tvraung, ngaz muex tvtsanc nganc jix kuex ngaz rueq tvtsanc nganc kuq shaungx, ngaz muex wvlc guez tvyaungc jix kuex ngaz rueq vsuirc sac rvshaungx.