TAKSU LAK 2:1 - ASII LAKDAP Bible (BSI)

¹ Ise lei, ngi raq jamlai wa shrinkuq tiikang, kra saptsin laq. Ngi raq jamlai jaqsham wa chong tiikang, kra ümtiikiimin naq laqkiq.

Hawa Naga Bible 2001

¹ Isaz lex, ngvy kvjaz kuex tay shuiuz, ngaz rueq mnoz muex jungx phaungx kvkhoc shuimc tvkoc mkaq muinz nauk lauk kaz.

TAKSU LAK 2:1 Referencias Cruzadas

YOBA 23:12

Shiikeawe raq ngi ma jamlai aming wa kuqtlaq kriili ngi raq wranaiqtek shamtiikang; apaiq raq aroro kli shamtiikang, ngi raq aroha na riimak.

Tvtsvmc 90:12

Shrinkuqlaq naishiq rilung ka ümtinkhan toq wa, laita naishiq ka taksu maiqse ja miitu.

TAKSU LAK 1:3

Taksu bomtsi ka maiqse ma, nyan phaqchi shrinketi, kechu rilung lam shrinketi, tri raütu tingting maq shamketi, maiqse liipan na tingting tri lam tiichhiketi.

TAKSU LAK 28:7

Thungtri wokhong na siti ka seshaq. Shatmaq maiqjiq kong rai haiseati ka, anyungwe ma jeasi tiingaüti.

TAKSU LAK 3:1

Ise lei ngi ümwe bom chong naq laq kiq, ngi raq chong tiikang kra phanphan shamlaq.

TAKSU LAK 4:1

Isetiim lei namwe bomchong taironglaq, tsan tiitsi lanta tiitsang dada tai ronglaq; raüla, taksu tsii mihum han.

TAKSU LAK 4:10

Ise lei, ümwe bomchong tailaq, Laüta tiitsidada maq ibomtsi ka langlaq. Raüla ümrilung alu miraq.

TAKSU LAK 6:21

Nyungwe bomchong tsan na shaq laüta silaq, Lakshiitum ikha dang na lak laüta thülaq.

TAKSU LAK 7:1

Ise lei, ibom chong ka tsan na tiitsang laq; kiimaq ara lang laüta silaq. Ümtiikiimin naq laqkiq.

TAKSU LAK 8:1

Tailaq! anyan phaqchi raq heatlo. Taksu nyung raq chiiriim raüta heatlo.

TAKSU LAK 9:1

Nyan phaqchi raq ajam haito, kiimaq apaiq jam kham toqpum miishi shongto.

Matthew 13:44

“Ramungtan ngutlaq ka akha: Maiq weshi raq wak jam na longseng po kaü ashi humratto. Kra hum raüta, apaiq raq kra samhea wiq maq apang raüta thüto. Raütiishe apaiq ka chochikhiq ajam na waraüta, ajam kun wa tachong wiira hupsam ümchuwa sitlaq kra sha raüta, kra kampho maq kra wak dam kriishe riwanto.”

Luke 2:19

Meriq raq arthun bomtsi chongtaq thun ara tai raüta, apaiq raq pinthum atsan mong na, rashi hiqwea tiimato.

Luke 2:51

Riita, Jesuq ka anyungwe rai, Najareth hiq na hali jang wan damto. Raüta apaiq ka anyungwe wokhong na phaqchii nichii maq sito. Anyung raq arthun bomtsi lea wantaq arka, atsan mong na tiitsang dada maq shiwea wan raüta shaqthüto.

Luke 9:44

“Ara ümchaü ngi raq namshiq ma jamlai bom wa chongkuq tiikang arka, namshiq raq tsan na tiitsang dada lanta, shaq ronglaq! Maiq Se ka ümchaü maiqjaq khon mong niishe mikuq baiq,” nguta chongkuqto.

TRI CHONGKE 30:13

Riimakla arka sammok tra chum reko niimin riimak. Ümniiraq, ‘Sammok tra chum reko na ki raüta naishiq ma kra bomtsi ka juro milam kuqki? Kra nguraü jaq naishiq raq kra alang hai chang?’ nguta wai chang min riimak.

1 Timothy 1:15

Riita arkha maq, Khristo Jesuq ka mangjong hiq na, ngarai maiqse chhii kai nguta satkito, nguta chongtlaq arka tengteng dea ngutiishe sap tiikai. Ara tengtlaq bomtsi arka maiqse angu wiitarü raq lang chang. Raüta Khristo ma kamwan chang. Riita ngarai maiqse phong na, ngi ahata naolaq pinthum, ngarai bu hoti, akaü ashi nguta siwan kang.