TAKSU LAK 1:33 - ASII LAKDAP Bible (BSI)

³³ Shatmaq jurwa ibom chong taitlaq, Kriiti ka khu asang maq misi. Apaiq ka tiikhup wong shat miraq. Kiimaq apaiq haisong chang, jammin ahü she.”

Hawa Naga Bible 2001

³³ Yuq muinz ngvy kvjaz tay phvnc jix htenc kuex vhvlx kvwungx httax tuex, piq kuex vhiz sungx juing lvmx yvmx muinz rvhumc tuex rvmuq.”

TAKSU LAK 1:33 Referencias Cruzadas

YOBA 36:11

Kiimaq tsangshiq ka Shiikeawe wokhong na siraüta apaiq shiikum pan raüla, tsangshiq ka hansang maq rilung alu misi kiimaq rongboq miraq.

Tvtsvmc 81:13

Ngi raq Isenginok raq ibom tai raüjaq nguta tsinngin wankang; tsangshiq ka Iwokhong na si raüjaq nguta pinthum tsinngin wan kang!

TAKSU LAK 12:21

Kechu maiqse miika tsaimiq khusiq chamchao saü mak. Shatmaq maiq ma ashut kiimungti miika, chamchao sangrai miili rilung misung.

TAKSU LAK 14:26

Tatiwe ma haisong tsantsii thüti jamkun ka, Tatiwe raq khup wong kuqshat.

TAKSU LAK 9:11

Anyan phaqchi raq ümrilung mitlukuq.

THARC TVLUINGC 8:12

Ngarai maiqse ashi riika, jangroq shishi ngarai mitang wan. Kra taü maq dongdii min apaiq ka atrali misi. Tengto: Ngi raq asap ha, tsangshiq raq akha mingu, “Ümniiraq Shiikeawe aming lang laüta sihaüla, ümniima jammin ngusiq mak miraq.

ISAIA 26:3

Tatiwe, ümniiraq hansang maq riimtlaü; jurwa tsangshiq miitung pharang rang thütlaq; raüta tsang kamtsantsii ümniima thütlaq.

ISAIA 32:17

Maiqse angu tarü raq tri na riikhaqli kli jaq misham. Krai mren mung na hansang kiimaq mungtsing mungngang miraq.

ISAIA 48:18

“Namshiq raq Ngi aming lang lantea silan nguraüka! Arthun achu shiiman arka namshiq ma khamrai ikha saü wan chang wa, jüserai ümtiikiimin rükimak phan ikha mirwa! Rekhat tang wan khushü ka sammok tra chum blun wantlaq ikha tareko na milüm wan wa.

ISAIA 55:3

“Taironglaq ümchaü, isenginok lei, lantea Ngi phana warong ra; warong ra, raüla namshiq raq rilung milap han! Ngi raq namshiq rai pattup pat-sa miitu tong mishongha, lata achu shiiman mikuqha, Ngi raq Dawit ma kiq akham kuqha kra.

LEWI 25:18

Tatiwe thungtri thun nai aming thun kra kunkun lang rong laq. Kra riihantiq namshiq ka maiqmii hiq na khusang rakhang maq misi han.

LEWI 25:19

Hiq raq tü atsam, petsi wiqtsam ka pahea mitiitsi ngo kuq. Krai mren namshiq ma ümchu wa aphaq asea chang rongraa tlaq kra chamtraq midong man. Kiimaq namshiq ka khusang maq mishong nga han.

Matthew 17:5

Apaiq ka abom rai liipan kiijiiniili, tiidong chhaq maq phongtsok ra wa chhaihea langlang phumlü da ashi deaki raüta, tsangshiq tarü ka pang baiqto. Kiimaq phumda mong wa maiq bom ashi akha taito, “Ahata I tsantsii ran chang I Se. Ngi ka apaiq ma pinthum khoqriiq wan tiikang. Apaiq bom ka tai rong laq!”

Luke 21:19

Namshiq jaqkhon ka naq tiihiim rongkiq. Pharang rang maq chap wan ruq li si rong laq. Kra riihan jiila, namshiq raq riikhaqli maiqmii rilung kra milap wan han.”

Luke 21:9

Namshiq raq chiq are dong nai hokham riinya redong tsütsa ka tai han jiila, naqhai song rongkiq. Akha mung aman brak shaq wan, mra thun arka kongkhu na pin wan chang dongdii. Shatmaq, kra chhi lanta, phangthum wan miika ajeli she dea sham nguta tiima wan chang ka riimak.”

1 Peter 1:5

Shiikeawe raq namshiq ka, apaiq ningkun jonghea rüm tlaq kriimaq, namshiq ka tiiwong shat maq rüm tlo. Arka namshiq raq Khristo ma kamtsantsii rüm tlan kriikha maq, Shiikeawe raq namshiq ka tiikhup wongkuq shat maq rüm tlo. Krai mren namshiq ka tsailam jilam miishe Shiikeawe raq mitiichhii kuq dongdii nguta kamto maq sirong laq. Riita, ara chongtiikai tiichhii wan rilung ka, namshiq ma Phangthum ranaiq niishetiq kunkun mitiihong kuq wan.