TAKSU LAK 16:2 - ASII LAKDAP Bible (BSI)

² Ümniiriika phanrap ka, riikhaqli shamtiikang nguta mitiima haü, shatmaq Tatiwe riika, jamlai tiima laüto shamtlaü, kra kappe maq shintlo.

Hawa Naga Bible 2001

² Mnoz rueq shuimx kaz vshuiux lotlaz kuex vlvmx jvnc ngoz tueq tvmaung vshuiux, yuq muinz miqsaz tvmaung htenc kuex Yehowa rueq wisoz lawc yaq.

TAKSU LAK 16:2 Referencias Cruzadas

Tvtsvmc 36:2

Jamkhano ngukla apaiq ka ajong alawe nguta tiimatlo, apaiq raq angarai ka Shiikeawe raq khon lot mak kiimaq apaiq ka shra mak nguta tiimatlo.

TAKSU LAK 12:15

Maiqjiqti riika maiqmii kli, riikhaqli nguta tiimatlo. Shatmaq taksu maiqse riika, nanok raq tsii achongkuq taitlo.

TAKSU LAK 16:25

Ümniiraq riikhaqli lam phantiikang angu ka, atiisup na tsai lam thiikho ma moja miraq.

TAKSU LAK 17:3

Chaq nai kampho ka, wa na chaq raüta chentlo. Kiimaq maiqse tsantsii ka, Tatiwe raq maitai raüta liitlo.

TAKSU LAK 21:2

Maiqse raq apaiq jaqsham ka, athukwiq sham tiikang nguta tiimatlo. Shatmaq Tatiwe riika, apaiq tsantsii kra shintlo.

TAKSU LAK 24:12

Arka naishiq ri sapmai nguta mongo mirhan. Shatmaq Shiikeawe raq namshiq tiima nai tsantsii ka asap, kiimaq namshiq tiima tsantsii ka shintlo, Apaiq raq namshiq ka liishat kiimaq asap. Namshiq jaq shamtlan kra phan phan Apaiq raq namshiq jaqshamtlan kra phan phan poksi mikuq.

TAKSU LAK 30:12

Maiq wiijam raq tsangshiq tsan ka asii sitiikai nguta tiimatlo. Shatmaq tsangshiq tsan ka anyaq pinthum.

TAKSU LAK 5:21

Ümniiraq jamlai wa riitlaü ka, Tatiwe raq wiita achhi siisaq. Ümniika ümbano kiwa tlaü kra, apaiq raq wiita chhishat.

ISAIA 26:7

Tatiwe lei, ümniiriika maiqshaqti khum ma lam aheawiq tantlaü; tsangshiq khum chang lam ka lampii.

JEREMIA 17:10

Ngi, Tatiwe raq maiqse khutsai thun ka sidi liitiikang, kiimaq maiqse tsantsii thun kra maitai tiikang. Ngi raq maiqse ka loweatek jamkho singatlaq kiimaq apaiq raq jamlai wa shamtlaq kra phan phan thapthi kuqtiikang.”

DANIEL 5:27

TEKEL, ümniika kappe maq shinje she kiimaq tok ka ngin maü dea ajom;

WEAWEA 22:32

Rase raq apaiq ma akhiishe shiitepto, “Ümniiraq üm kumtoq kaü ka jangtsam jam nguto tsat laü? Ngi ka ümlam tangbaiq kai akiha. Jamkhano ngukla ümniika ana kimaü chang kitlaü.

Luke 16:15

Kriikha maq, Jesuq raq tsangshiq ma nguto, “Namshiq ka maiqse makki na athuk atsom maiqse ikha tiichan ne lanta sitlan. Shatmaq, namtsan tsii kriika, Shiikeawe raq asap. Jamkhano ngukla, maiqse raq jamlai wa pinthum ara phan nguta shreng tlaq, kriika Shiikeawe makki na thiihü.”

Revelation 2:18

“Thajatira na phungtu sitlaq kra liiti rase ma ara waiq laq: “Ara tsütsa arka Shiikeawe Se, amak chhai walü wa ikha litlaq, kiimaq ahokphi ka nairai ngam apan rea jai chhai rai tlaq ikhiiwe raq atiiwan.

Revelation 2:23

Ngi raq asetiim ka wiita mitsat baiq ha. Krai mren maiqse tsan mong na, ahea abi tiima rüm tlaq kra, kiimaq tsangshiq raq jamlai phan wa ro tlaq kra, wiita ngi raq asapha siisaq nguta phungtuti wiita raq misap. Krai mren, ngi raq namshiq tarü ma loweatek raq maiqmii jaqsham ka jamkho sham lan, kra phan phan jaq maq mikuq ha.

PHOWEBI 17:6

Kra akhing na Israil mung na hokham ka ahü riito. Kriikha na mungmaiqse loweatek raq, maiqmii raq aroro kra klo raüta sito.

PHOWEBI 7:6

Riita maiqmii jaqphi na kham ka khusaqsaq raüta tsoqhihi nyangti thun ka maiq shitsam riito. Kiiwa chantlaq maiq abiti thun tlotli riika tsang lakü maq ngasaq raüta khamchum kiina bumtlii maq nyangto.

1 SAMUEL 16:7

Shatmaq Tatiwe raq apaiq ma nguto, “Apaiq ka ajong alu kiimaq atsomwiqwe nguta naq liikiq. Ngi raq apaiq ka ashthoq baiq kun she. Ngi riika maiqse raq shintlaq kiikha shin mang. Maiqse riika maiq ka asham ari na liitlo. Shatmaq ngi riika atsantsii na liitiikang.”

1 SAMUEL 2:3

Shiikong miilong naq gisii rongkiq, Shiikong bomchong tsaq rong laq. Tatiwe ka phaqchi Shiikeawe, maiqse raq klotlaq lotli, kha kra apaiq raq photlo.