TAKSU LAK 16:1 - ASII LAKDAP Bible (BSI)

¹ Nashiq raq phanrap sham-akai ka misürii i, Shatmaq Shiikeawe bom na supwa chang miraq.

Hawa Naga Bible 2001

¹ Naungshiq rueq naungshiq kvmungx kuex shuimx vshix, yuq muinz tvsuip nuex kuex Tishox thuinroc dvyx yaungx wvnc yaq.

TAKSU LAK 16:1 Referencias Cruzadas

2 SAMUEL 7:5

“Kilaq. Laüta ijaqshise Dawit ma ngi raq apaiq ma akha chongtiikang nguta chongkikiq: ‘Ümniika ngi si ma shomjam haitiwe ka riimak.

2 KAÜWA WERAÜ 18:31

Krai mren tsangshiq raq Hokhamwe Jehoshaphat ka chhiraüta, tsangshiq tarii raq apaiq kiidea sham Israil mung hokhamwe nguta tiima raüta tsangshiq tarii raq apaiq kriilishe tamho raüta khat wanto. Shatmaq Jehoshaphat raq ka lülü she gito. Kiimaq Tati Shiikeawe raq apaiq ka tiichhii kuqto. Kiimaq apaiq kom wantibi re kong ka ahin nü niishe tiiki baiqto.

EJRA 7:27

Ejra raq Shiikeawe ka akha shomnoqto, “Nanyung nawe Tati Shiikeawe kli tiitsam rong i! Apaiq raq Jerusalem Shomjam ka shreng wan miitu ajong hokham tsantsii ka pinthum tiininja wanto.

NEHEMIA 1:11

Ümchaü ngi achu jaü ara trekuq laq. Kiimaq, ümjaqshisetiim ahinti ümmang shreng wantibi thun achu jaü tlaq kra tre kuq laq. Ngi ma ümchaü ranaiq tiihongkuqlaq ara hokhamwe man na achu jaütiikang ara!” Kiitinchoji, ngi ka hokhamwe jam na, apaiq ma che tsümketi luqkhap riikang.

YOBA 17:11

Irilung ka thum wanto she; ijaq sham sürii wan kang thun ka thenkito she; ijaq ran chang kheara paq kiimin tiipan kito she.

Tvtsvmc 10:17

O Tatiwe lei, ümniiraq mitai kuq haü, wepuq wese kong raq achu jaütlaq kra mitrekuq haü; ümniiraq tsangshiq ma tsaiji midokuq haü.

Tvtsvmc 119:36

Ngi ma chiithe ma jawan tsantsii la na ümtri raütu thun lang wanro tsantsii kuqlaq.

DUNGWVNC 4:15

Ümniiraq apaiq ma chonglaq. Laüta jamlai chong chang wa kra apaiq ma chonglaq. Ngi raq namnai wiita ma jamlai chong chang wa kra mikhrum kuqkang. Kiimaq Ngi raq namnai wiita ma jamlai klo chang wa kra achong mirkuqkang.

TAKSU LAK 15:33

Tatiwe ma haisong tsii thü ka, phaqchi tsin wan lam. Kongkhu ümniika aranse ma jalaq, haütiq shreng manto milap haü.

TAKSU LAK 16:9

Ümniiraq jaqsham ka mihang haü sham, Shatmaq Shiikeawe riitiq, jaqsham ka mithapthi kuq.

TAKSU LAK 19:21

Maiqse riika phanrap sham-akai mithapthi. Shatmaq Tatiwe raq, tiimatlaq kriili mihong wa.

TAKSU LAK 20:24

Tatiwe raq, nashiq rilung lam ka atankewi she. Ikhii jiika maiqse raq, ümra lam mo kihotlaq, kra jamkho misap?

TAKSU LAK 21:1

Tatiwe raq hokhamwe, khutsai ka traprutlo, raüta jeriiqriiq heali jüse rai kok ikha, sheaho tlo.

JEREMIA 10:23

Tatiwe, ngi raq asapha jurmin maiqmii ningthoi ka sap mak; jurmin maiqmii rilung ka riimlot mak.

2 Corinthians 8:16

Titas ka naishiq rai kiqshi tsiimshi maq, namshiq khrum kuq tlaq kriikha maq, Shiikeawe ma pinthum kechu tum tiikai!

Philippians 2:13

Ara jamkhano chongtiikang ngukla, Shiikeawe raq namshiq ma apaiq bomchong ka, phaqchii nichii maq lang wan miitu, namshiq tsan tiichhii kuqtlo. Kiimaq, namshiq raq apaiq jaqsham miitu, ningkun kuq tlo.