TAKSU LAK 14:8 - ASII LAKDAP Bible (BSI)

⁸ Taksu maiqse ka jaro khonglaq? Jamkhano ngukla apaiq ka phanrap asap. Maiqjiqti ka jaro ngitla? Jamkhano ngukla apaiq ka, asap atsinwe nguta tiima tlaq kata.

Hawa Naga Bible 2001

⁸ Yvmx rvtueq lac miqjat lat miq kuex wvtharc yaungx yaq nguinx? Piq rueq shuimc juing kuex piq rueq tuiuz yaq ningkhvnc nuex rvtueq. Yvmx rvtueq lac kvnvnc svnc jix waz kuex miqyaq yaungx yaq nguinx? Yvmx khoc lac ngoz ruiux lec piq rueq tuiuz hvlc ngoz tueq tvmaung ningkhvnc nuex rvtueq.

TAKSU LAK 14:8 Referencias Cruzadas

Tvtsvmc 111:10

Taksu ma jawan lam ka Tati shrengkli; apaiq aming thun langtibi ma apaiq raq riikhaqli tri sham phaqchi kuqtlo. Apaiq ka pattup pat-sa tiitsam chang.

Tvtsvmc 119:5

Ngi ka pinthum ranphan tiikang tsapkapkap maq ümniiraq tsii achongkuqhaü thun kra langwan hajaq nguta!

Tvtsvmc 119:73

Ümniiraq ngi phansanglaü, kiimaq hansang maq rümkomtlaü; ngi ma taksu tsii kuqlaq, ümtri raütu kra saptsin wan miitu.

Tvtsvmc 143:8

Wranaptek ngi ma ümlungwii tiipitmaü phan kra bliiq chongkuq lili riilaq, jamkhano ngukla ngi raq ümniima kamtiikang. Ngi achujaü ka ra na ümpha na saütlo; ngi khumchang lam kra tiichhikuqlaq.

TAKSU LAK 11:18

Abi ati kloti riika maji tsamli mijut. Shatmaq kechu minshiiqti riika, kechu tsam mijut.

TAKSU LAK 12:5

Mittingti raq ümniika, maklii shi maq miliikuq. Shatmaq laopha maiqse riika, ümniili milaophaq.

TAKSU LAK 15:21

Angok angiti ka, maiqmii ngokngi niili mojiitlo. Shatmaq maiqshaqti riika, tingting jaqsham raüta sitlo.

TAKSU LAK 2:9

Ümniiraq ümtsantsii ngi ma kuq haüla, jamlai wa riikhaqli, jamlai wa tingting, kiimaq jamlai wa maitlaq bomtsi kra misap haü. Kiimaq ümniiraq jamlai kiimung chang wa, kra riikhaqli misap haü.

TAKSU LAK 8:20

Ngi ka kechu lamphanti, ngi ka tingting tri raü shamti.

THARC TVLUINGC 2:13

Kiijiishe, ngi raq ara tak kang. “Taksu tsii ka, angi nola thaq na ahea lin. Ranyaq nam miika rawüli ka ahea lin.

THARC TVLUINGC 2:16

Taksuwe tsaikai jai, jur min apaiq tiima tummak she. Angiwe tsaikai jai min, jur min apaiq tiima mak she. Nashiq wiita ka alaqbaiq chang siisaq miraq. Nashiq wiita atsaiti siisaq. Taksuwe min kiimaq angiwe min atsai wanti siisaq.

JEREMIA 13:20

Jeremia lei, liilaq! Namshiq khat kaiti rewe thun ka shekhu nü mung nü maq saü hotlo! Ümnaq shiikumpanti maiqthun ka ümbano? Ümsenginok miitu ümniika kai srasiq laü ihata?

1 Corinthians 3:19

Ara jamkhano chongtiikang ngukla, mangjong hiq tri maq juwa tsüwe tsitwe nguta sitlaq, kriiti ka Shiikeawe makki na ajiq. Asii bomtsi na akha chongtlo, “Jurwa tsangshiq ka taksma tsüwe tsitwe nguta tiingo tlaq, kriiti ka Shiikeawe raq tsangshiq phaqchi thiikho kra miili tiimin baiq tlo,” nguta chongtlo.

Ephesians 4:22

Krai mren, ümchaü sanha, namkhum na rilung achü sitlaq kriika alam she riibaiq ronglaq. Namkhum na, man niiwa phung na mishang shaq na sitlan rilung ka, namnyung pukdong ngarai pum, laopha tsii nai sükha tsii raq, namkhum ka wiita atriim phaq wishe riito.

Ephesians 5:17

Krai mren, angok angi kong ikha naqsi rongkiq. Tatiwe raq namshiq ma jamlai jaqsham wa thaü tlaq, kra sap wan miitu, achu jaü maq si ronglaq.

2 Timothy 3:13

Kiimaq arot abi shrabi, tiibainge rai tlaqtibi ka, tsangshiq kamasham rilung na, diikiq dea wan wan li she miraq. Tsangshiq raq nanok kiimin laolii tlo. Kiimaq maiqmii kiimin tlaophaq raütli she sitlo.

James 3:13

Namshiq phong na taksu maiqse, kiimaq anyan phaqchi rümti sitiikai nguta tiingoti weshi ra asi sha? Sitlan jiila, apaiq raq, apaiq ka taksu maiqse kiimaq anyan phaqchi rümti we dea nguta, apaiq rong arai ka ahea rüm raüta, nanok ma tiichhike chang. Kiimaq maiq rai sobsob bombom maq riibom nai tlaq kiimaq tiichhike chang. Nok abin ma athuk atsom jaqshamke ka tsapkapkap maq sham raüta misi laq.