TAKSU LAK 14:22 - ASII LAKDAP Bible (BSI)

²² Nanok ma ahea jaqsham kuq haü la, shreng manto milaphaü. Kiimaq maiq raq ümniima mitlam. Shatmaq abi kiimung tlaü jiila, kriika ashut klo tlaü.

Hawa Naga Bible 2001

²² Vhvlx yauk shuimc kuex mnoz rueq shuimx ruiux yuq, vganc jix miq rueq tvluimc nuiyc tvtsanc nganc lvmx kuex mnoz rueq lvp wvnc shuiux; honc vbac kvmungx jix waz kuex lvmx tvyaq jix waz rvtueq.

TAKSU LAK 14:22 Referencias Cruzadas

RAPHA HIQWA LAK 24:27

Apaiq raq nguto, “Tatiwe, itijongwe Abraham Shiikeawe li tiitsam i. Apaiq raq itijongwe ma akiq kham kuqtaq kra tsapkapkap maq tiihong kuqto. Tatiwe raq ngi ka itijongwe jamtati jam na riikhaqli shea wanto.”

2 KAÜWA WERAÜ 6:8

Shatmaq Tatiwe raq apaiq ma akha nguto, ‘Ümniiraq ngi miitu shomjam ashi haihajaq nguta thapthi wan laü kriika riikhaq li thukto.

Tvtsvmc 25:10

Apaiq tongshong tri wokhong na sitibi nai apaiq aming thun langtibi ka tsapsaü kapse nai lungwii tsantsii maq shunsheatlo.

Tvtsvmc 36:4

Apaiq ka chang na awe lam maq abi kiimung thun süriitlo; apaiq raq jamlai wa shamtlaq ka ahea riimak, kiimaq apaiq raq abi kiimung ka abi ngumak.

Tvtsvmc 61:7

Apaiq raq pattup pat-sa mipeng laq ümniirai mantut na, O Shiikeawe lei; apaiq ka tiipitmaü phan ümlungwii nai tsapkapkap mangchan maq tiiwongkuqlaq.

TAKSU LAK 12:2

Tatiwe raq maiqheati ka lungwiitlo; Shatmaq abi kiimungti ka tiishuttlo.

TAKSU LAK 12:26

Kechu maiqse ka, kongti ma tsii chongketi. Shatmaq ajiq kiimungti rilung ka, kongti lamjiq na sheati.

TAKSU LAK 14:17

Khiqsaq mokhiqkaiti riika, ajiq alam sapmak klo tlo. Shatmaq taksu maiqse riika, kaishak maq anin riitlo.

TAKSU LAK 14:23

Minshiiq shiichaqti ka, wok phetaktak misi. Shatmaq jaq tiihot raüta, angalam maq tsantsuti ka, miitsanli mitum phaq.

TAKSU LAK 19:22

Sükhati riika jea ngaü tlo; miitsan maiqse ka, arot akiqti thaq na ahealin.

TAKSU LAK 24:8

Jurwa abi kiimung kli süriitlaq, kriitika “mungshukti” mingu.

TAKSU LAK 3:29

Üm jamthoti tsanbi chang lam naqklokiq, apaiq ka ümniima kam raüta sitlo.

TAKSU LAK 3:3

Iwokhong na ngi rai tiipum tlii laüta, tsapkapkap maq silaq. Itsii chong bomtsi ka lakshiitum ikha, ümdang na lak laüta silaq. Kiimaq ümmong jii na san laüta thülaq.

TAKSU LAK 6:14

Tsangkhutsai ka abikai kun she, ajiq kiimung tiima li she, barap binrii na tatso niq wan li she sitlo.

Mikha 2:1

Hiqbi kho hiqbi kho! Rawa konhü mat-sü tsasü ngati hiqbi kho! Ranap rawü ho raüla matniq tsaniq jaqshamtlo!

Matthew 5:7

“Jurwa nanok ma tiihang mangchan tiichhi tlaq kriiti ma chochi; Shiikeawe raq tsangshiq ma tiihang mangchan mitiichhikuq!”

John 1:17

Shiikeawe raq Thungtri ka Mosheq lümaq kuqto. Shatmaq, kaphap mangchan nai tengteng rilung ka, Jesuq Khristo lumiitiq kuqtlo.

JOSHUA 2:14

Kiijiishe kriiwe nai raq, “Nainai miisaq ka namshiq miisaq maq song! Ümniiraq nainai arjaq jamlai miitu wa wakai ara nanok ma chongmaü dam laüta thü haüla, ümtiikiiwa Tatiwe raq, naishiq ma armung ara kuqjiiq, kra akhing na, naishiq riimin ümniirai kiimaq ümjamtitiim rai sinkham bomtsi ka riikhaqli mithü hai,” nguta kriinyung ma nguto.