TAKSU LAK 10:22 - ASII LAKDAP Bible (BSI)

²² Tatiwe achu shiiman raq, maiqse ka chiithe ma tiijatlo. Japhü wasü minshiiq raüta, chiithe jamak.

Hawa Naga Bible 2001

²² Yehowa ruimrix kejux rueq mnoz muex tvrungx wanx ruiux, yauk shuimc hunglaungc rueq mtsak nyvmx yonzyex juing tvrvp kuq yaq rvmuq.

TAKSU LAK 10:22 Referencias Cruzadas

RAPHA HIQWA LAK 12:2

Ngi raq ümniima ümsaü ümsetiim ka pahea mikuq kang. Kiimaq tsangshiq ka maiq mung jonghea ashi miishe mija wan. Ngi raq ümniika mishman kuqha. Lata ümmang ka jonghea ratsa ikha mitiijongha. Krai mren ümniika shiiman kaü ashi ma mija wan haü.

RAPHA HIQWA LAK 13:2

Abram ka pinthum chiithejong riito. Sku kong, chhechhi kong, kiimaq minsaü kong thun kiimaq ajaq na kampho nai chaq kiimin pahea asi riito.

RAPHA HIQWA LAK 14:23

ngi raq ümhupsam ka akhiismin thümang, railo loshi ra riimakla hokpa paqse ashi jiimin thü mang. Kra riiha jiitiq ümniiraq ümtiikiimin, ‘Abram ka ngi raq tiina chiithe ma tiijakang’ nguta ngulot maü mirhaü.

RAPHA HIQWA LAK 24:35

Tatiwe raq itijongwe ka pinthum achu shiiman kuqto. Raüta apaiq ka chiithejong tiijato. Tatiwe raq apaiq ma sku kong kiimaq chhechhi kong, minsaü kong, kampho, chaq, dise kong jechakre kiimaq maiqwe re, kumtsong kong, kiimaq kumtoq kong kuqto.

RAPHA HIQWA LAK 26:12

Isak raq kra mung na tsam lai wanto. Raüta kra rawii apaiq raq tsam ka alai ümchuwa wantaq kriithaq na aliip shishi rongboq jutto. Jamkhano ngukla Tatiwe raq apaiq ma shiimanto.

RAPHA HIQWA LAK 26:13

Apaiq ka chiithe jong ma jawan ruq li riito. Raüta pinthum chiithe jong she jawanto.

1 HOKHVMX 21:19

Apaiq ma chonglaq, Ngi Tatiwe raq apaiq ma akha ngutiikang, ‘Ümniiriika atatiwe kra tsat baiq laütiishe, ümniiraq apaiq tachong hupsam kriimin she nyeaho tlaü nya?’ Apaiq ma Ngi raq ngutiikang nguta chongkuq laq: ‘Ümra hiq ba niiwa hikong raq Naboth tiijai mesiqtaq, kriiba kiijaq hali hikong raq ümtiijai kriimin mimesiq!’”

1 KAÜWA WERAÜ 4:10

Shatmaq Jabej raq Israilnok Shiikeawe jaq wa akha achu jaüto, “Shiikeawe lei, ngi ma achu shiiman kuq laq. Laüta ngi ma hiq khu rakhu ajong kuq laq. Ümniika ngi rai adam silaq. Kiimaq ngi ka abi ati maiqse maklii wa, i dü na chamchao lit kot tiisaü chang wa tiichhii kuq laq.” Krai mren, apaiq raq jamkho achu jaüta kiikha Shiikeawe raq apaiq ma kuqto.

2 KAÜWA WERAÜ 25:9

Kiijiishe Amajia raq shammiwe ma waito, “Shatmaq ngi raq tsangshiq jaq maq kampho kuqbaiq kang kriiha?” Shammiwe raq treto, “Tatiwe raq ümniima kriithaq niimin apalin mikuq lot!”

2 KAÜWA WERAÜ 32:27

Hokhamwe Hejekia ka pinthum chiithejong miishe jawanto. Kra ningkhan maiqse wiita raq apaiq ka kai shrengto. Apaiq raq khok pahea hairaüta atsiiq anyam tum thun chaq, kampho, huru longseng, süse tapan, liiq thun, kiimaq laihin athü tsinhea phan hupsam kra khok thun na thüto.

2 KAÜWA WERAÜ 32:29

Arthun arthaq niimin Shiikeawe raq apaiq ma skukong kiimaq jam nyamse kong kiimaq laihin tsiiq anyam pahea kuqto. Krai mren apaiq raq chela thun pahea tei wanto.

Tvtsvmc 107:38

Apaiq raq asenginok shiimanto, kiimaq tsangsetiim kong ka tere rüjong ma tiijato; apaiq raq tsangshiq nyamse kong tiijommak riito.

Tvtsvmc 127:2

Wok miitu minshiiqsea ranaiq rawa hunniirai ka atuli, ranap chumaq tiido raüta wathung niitiq konwan lili. Jamkhano ngukla Tati raq lungwiitlaqti miika, tsangshiq akonshon niili apaiq raq kuqtlo.

Tvtsvmc 37:22

Tatiwe raq ju miiwa shiiman kuqtaq kriiti thun raq mung ka milap wan, shatmaq apaiq manson hotibi thun ka kra mung wa ajo mirbaiq wan.

TAKSU LAK 14:24

Taksu maiqse ka tsiiqlap nyamkapti, angok angiti ka jangi wan wan li miraq.

TAKSU LAK 20:21

Jeriiqriiq maq alap wan tsiiq ka, tachong tsiiq nai nyam ma jamak.

TAKSU LAK 28:22

Maiq sükhaheati ka, chiithe ma ja kli taülaütlo; Miitsan tum saütlaq, kriimin sapphaq mak.

TAKSU LAK 8:21

Ngi lungwiiti ka chiithe jong ma tiija tiikang, tsangshiq jam na tsiiqtum ama tokuq tiikang.

DANIEL 1:15

Kra kiq riikhamtaq akhing thum jai she liikiita, tsangshiq sham ka nanok ahinti hokhamwe raq akuq phaqsea khamnyang phaqseati thaq na, tsangtsam sham ka phintsaqtsaq kiimaq ahong ala siisaq riito.

JEKERIA 5:4

Tati Ningkun Ajong Pinthumwe raq, arjaq waiq tlaq manson ka apaiq raq armung na siti ahuk jatibi jam na mitiisaüha nguta chongtlo. Kiimahali armung na jurwa rung na atiitum raüta, arot saqse kuq tliiti jamkun na mitiisaü ha nguta chongtlo. Arjaq chongtlaq rai mren, tsangshiq ashut aphittibi jamkun kriika wiita mitiithen baiq,” nguta chongtlo.

TRI CHONGKE 26:10

Kra ningkhan, ümchaü ngi raq ara Tatiwe ma, apaiq raq ngi ma tsamnye pünyete akuq ara apaiq ma honglu na kuq tiikang.’ “Laüta kra tsam taükok ka Tatiwe man na tolaq. Laüta kiijaq apaiq ka shomnoqlaq.

TRI CHONGKE 28:11

Tatiwe raq ümniima mung ashi mikuqha nguta ümtitiim ma kiqkham kuqtaq mung kiijaq, ümniima ümsetiim kong, minsaü kong, ka pahea mitiipukuq. Kiimaq üm hiqshong mikuqha nguta ümtitiim ma kiqkham kuqtaq mung na ümniika rongboq mitiija wan.

JOSHUA 6:18

Shatmaq ashthenbaiq chang hupsam kra namshiq raq jaqkaiq maq shamkai raamak. Kra riihanla, namshiq raq Israilnok piitiip na chamchao kiimaq athen ajen mitiisaü han.