TAKSU LAK 10:21 - ASII LAKDAP Bible (BSI)

²¹ Kechu maiqse bomtsi ka, maiq pahea ma achu shiiman asi. Shatmaq angi nolati ka, maiqmii bom miili khlaqtlo.

Hawa Naga Bible 2001

²¹ Miq hvlx waz bomc nyamc rueq miq paunghvlc muex vjux tvlvp kuq yaq, yuq muinz miqyaq lvmx rueq miqmac pumz rullungx tvsumx gay yaq.

TAKSU LAK 10:21 Referencias Cruzadas

YOBA 23:12

Shiikeawe raq ngi ma jamlai aming wa kuqtlaq kriili ngi raq wranaiqtek shamtiikang; apaiq raq aroro kli shamtiikang, ngi raq aroha na riimak.

Tvtsvmc 37:30

Maiqshaqwe riika taksu bomtsi bomtlo; kiimaq apaiq riika riikhaqli bomtlo.

TAKSU LAK 1:29

Ümniiraq nyan phaqchi ka ümtiikiimin rit wan maü riilaü. Kiimaq ümniiraq Tatiwe bomtsi ka, jang wrap she atlea riiwan laü.

TAKSU LAK 1:31

Kra ningkhan ümniiraq jamlai phan lapchang wa, kra phan kli milap wan haü, Ümniiraq jamlai jaq wa sham laü, kra tsingo ka phaqsiq laütli she mibii haü.

TAKSU LAK 1:32

Taksu tsii ritmak, tamtang maiqse ka tsailam mirhum. Jamkhano ngukla tsangshiq raq, nyan phaqchi shipoqto. Angi nolakong ka athen mirki, tsangshiq tsii ahü kha maq.

TAKSU LAK 10:11

Kechu maiqse bom chong ka rilung tsitsü; Shatmaq ashut kiimungti riika, tatso wawoli niqtlo.

TAKSU LAK 12:18

Thaüpakpak bomti raq, jasai maq ashuk ikha maiqtsan tiibitlo. Shatmaq sobsob bombom bomtsi ka, maiqtsan tiiheatlo.

TAKSU LAK 15:4

Sobsob bombom maq achongkuq ka, tsan na mong na washasha. Shatmaq bombi paqpaq akuq ka, maiqse tsantsii tiibuntlo.

TAKSU LAK 15:7

Taksu maiqse riika, nanok ma phaqchi wan kuqtlo. Shatmaq angiti raq riimak.

TAKSU LAK 17:16

Maiqjiqti raq phaqchi tsin miitu, laktlang kai kampho wanbaiq ka atuli. Jamkhano ngukla atsii sintla ahü.

TAKSU LAK 5:12

Kra akhing na, “Ngi dea shut kang. Itsii chhiwan mang riikang. Ngi ma hon atsii achongkuq, taimang shipoq wan kang.

TAKSU LAK 5:2

Haüla ümhon ümja ka riikhaqli miraq, kiimaq ümbomtsi kra riili, ümniika taksma maiqse dea nguta, maiq raq misap.

TAKSU LAK 5:23

Apaiq stiq skhaq simak kha na, apaiq tsailam riihum tlo. Apaiq ngok ngirai tlaq kra riili, apaiq ka maakho na sheahotlo.

TAKSU LAK 6:32

Shatmaq maiqchak rai srakaiti ka, tsiihü pinthum. Apaiq raq maiqmii rilung ka, atu na shiithen baiqtlo.

THARC TVLUINGC 12:11

Taksu maiqse bomchong ka skurümti raq sku rümchang nyeakii siraüraü shamtlaq ikha, siraü raü. Kiimaq taksma bomtsi archom wan kriika, khili phataqtaq atübaiq ikha. Pattup miitu atsing angang bomtsi. Arthun arka nashiq tarü riimti. Shiikeawe raq akuq riito.

ISAIA 5:13

Akha ngarai klo lantea sitlan ningkhan namshiq ka munglu shumwikong miishe pongmung na mitsuq wan. Namwelabi thun ka ram raq haü raüta mitsaiphaq. Kiimaq nyungwe nosekong ka khamnyangtsi raq mitsai wan.

JEREMIA 15:16

Ümniiraq ngi ma ümbomtsi chongkuq laü. Kiimaq ngi raq ümbomtsi ka atsi awea tsan na washasha tiitsang taikang. Ngi ka ümniirii, Tati Ajong Pinthum Shiikeawe lei. Arningkhan, ümbomtsi raq imongjii na pinthum chochi kiimaq khoqriiq shishiiq asho awo tiima kuqtlo.

JEREMIA 3:15

Lata ngi raq namshiq pengti welabi ibom taiti mishong wanha. Kiimaq tsangshiq raq namshiq ka taksu tsü maq nai lungwii tsantsii miishe mipeng wan.

Hosea 4:6

Isenginok ka thento she. Tsangshiq raq ngi ka juwa sapmak kha na. Namshiq ramwebi raq ngi sapman shishe wan lan. Kiimaq ngi raq ashrinkuqha tri shishe wan lan, kra ningkhan ngi riimin namshiq ka shleqbaiq tiikang, kiimaq namsetiim ka ka ngi ramwebi ma nguta thüwan mang she mirha.

Matthew 12:35

Tsantsii asii rümti we riika, abom asa min aheawiq bom tlo. Maiq abi we riika, atsan tsii kiimin abi rüm tlo. Kra phan phan, abom asa kiimin abi ati li bom tlo.”

Matthew 13:19

Maiq ümriiti riiwa Ramungtan ka saükito nguta tsütsa ahea bomtsi chongkuq tlaq kra tai tlaq, shatmaq tak mak maq sitlaq, kriiti ka tsamlai lamjong mong na arok kiikha nguta chongtlo. Abi Thawe wa raüta, bomtsi ka tsangshiq tsan mong wa tsunhit lishe tsunsiq tlo.

Romans 1:28

Tsangshiq raq, riikhaqli Shiikeawe tiima tsantsii ka, tsangshiq tsan na thü mak maq, shishe tlaq kriikha niishe, apaiq raq tsangshiq ka ashe ashi tsantsii walü tlaq kra miili she likuq baiqto. Kra likuq baiqtaq kriika, tsangshiq raq sham mak chang phan thun wiita misham laq, nguta ngo maq likuq baiqto.

1 Peter 5:2

Shiikeawe raq apaiq skuse kong namshiq ma trüm tlaq kra, chochikhiq maq shiikum pan lanta rüm ronglaq. Adam ajo lam miika naq rüm rongkiq. Shiikeawe raq tsangshiq ka jamkhii tiichhan chhi wan ro wa, kiikha tiichhan chhi ronglaq. Sku rüm jaqsham ka laqkhaq lap ma süram lanta naq rüm rongkiq. Shatmaq lungwii tsantsii maq skuse kong ka rüm ronglaq.