TAKSU LAK 1:6 - ASII LAKDAP Bible (BSI)

⁶ Krai mren tsangshiq raq apaü raüta athü, taksu bomtsi liichum kra, tsangshiq raq mikhon wan lot. Raüta taksma maiqse raq, uqkhiima bomtsi chong tlaq kra liichum ka mitak wanlot.

Hawa Naga Bible 2001

⁶ wvtharc jix htenc muex vhttuiyq vruez thuiuz sungx hvlc bomc tvguip vlvmz htenc nuiyc tharc vhttax jix rueq wiz yaq khuec vkhac htenc kuex tuiuz lot yaq.

TAKSU LAK 1:6 Referencias Cruzadas

Tvtsvmc 49:4

Itsantsii ka taksu bomtsi thun na mitiitsiha, lata kriithun liichum ka hünongtoro tsülam maq michongha.

Tvtsvmc 78:2

Ngi raq taksma shiiwang bomtsi michongha lata richü pat wa amao chang manphan liichum michong kuqha,

TAKSU LAK 24:23

Taksmabi raq, arthun bomtsi armin chongto: phowe raq maiq ka, tsea tsiiq maimak, kriika ajiq.

THARC TVLUINGC 12:11

Taksu maiqse bomchong ka skurümti raq sku rümchang nyeakii siraüraü shamtlaq ikha, siraü raü. Kiimaq taksma bomtsi archom wan kriika, khili phataqtaq atübaiq ikha. Pattup miitu atsing angang bomtsi. Arthun arka nashiq tarü riimti. Shiikeawe raq akuq riito.

DANIEL 8:23

“Kra mungtan thun ka then wan, akhing she saüwan raüla, tsangshiq ngarai ka ra ma hiq ma she miraq, tsangshiq raq mo ka hochang dongdii she miraq, kiimaq hokham weshi ka, atsan tsii wanshakshak, shotsan lumtsan, kiimaq laopha pinthum she midong wan.

WEAWEA 12:8

Kra ningkhan, Ngi raq apaiq rai ka mantut na tiqtaq riibom dam tiikang. Linham linhok riibom dam tiikang. Shiiwang bomtsi miika riimak. Apaiq raq Ngi sham ka jam khiiwa kriimin chhito! Ikhla namnai raq ijaqshise khuthaq na bombi kiqsü ka jaram wa kuq tlan?”

Mark 4:11

Jesuq raq treto, “Shiikeawe mungtan bomtsi apaü raüta athü ka namshiq raq sap wan miitu tiichhi kuqto she. Shatmaq, maiq ahinti, Shiikeawe wura maq mitiiham wan shaqtibi miika, kra tengteng bomtsi ka, shiiton bomtsi setiim manphan miili chongkuqtlo.

Mark 4:34

Apaiq raq tsangshiq ma tra hokuq wantlaq akhing na, akha shiiton manphan setiim maq siisaq chong kuqto. Shatmaq, ajaqshisetiim rai tsangshiq honhon sitlaq liipan niika, tsangshiq ma kra shiiton wantaq liichum thun kra tru chongkuq tlo.

Hebrews 5:14

Dung chungkaq seati kriika maiqla she ngushat. Kriika maiqmii rilung na, Shiikeawe bomtsi kra lang raüta, Shiikeawe maklii na, jamlai wa ajiq nai alam kra tseatsiiq wan angam she. Kiimaq atsin she ngushat.

2 Peter 3:16

Paul raq lak awaiq thun na, bomtsi wiijam ka liichum atsaü wiq maq waiqto. Kra liichum ka atak ma ahawiq. Shiikeawe bomtsi tri raü thun ka tiitho tiipha samhea tak makti nai wenyi rilung lamphan na hon atsii miku shaq li shrabi riika, ara chongtiikai liichum atsin wiq baba lakjaq thun wiika lamjiq nü na shiijon raüta, Phungmaiqse ma shrinkuq tlo. Tsangshiq riika, Asii bomtsi lakjaq ahin wiimin akhiisii lamjiq nü na shiijon raüta shrinkuq tlo. Raüta ara tsangshiq raq ajiq shrinkuq tlaq kra lümaq, Phangthum Ranaiq tsangshiq maiqmii then wan chang thiikho kli tiije thu tlo.