TAKSU LAK 1:5 - ASII LAKDAP Bible (BSI)

⁵ Ara taksu bomtsi arka taksmawe miimin, nyan phaqchi shrinketi, phaqchi pinja atsinti miimin, hon atsii chongketi.

Hawa Naga Bible 2001

⁵ Vruex kvjaz tvguip kuex phaqjic vhttax jix muex tharc tvpaung kuq yaq nuiyc tvluing wvnc tueq jix muex lvmx tvkhic kuq yaq,

TAKSU LAK 1:5 Referencias Cruzadas

2 KAÜWA WERAÜ 25:16

Kiijiishe Amajia raq apaiq bom tiipit kiq ka akha khiito, “Ümniika naishiq raq hokhamwe danhonti ma ümtiiko shongkai? Kaiqshak ngalaq, riimakla ngi raq ümniika mitiise baiqha!” Shammiwe ka tsaq kito. Shatmaq apaiq riika akha nguraütiitiq tsaqto, “O, ikhla ümchaü ngi raq sapkang she. Shiikeawe raq ümniika ashthen baiq miitu atoqtan wishe. Jamkhano ngukla ümniiraq arthun ashut klo wan laü. Kiimaq ümniiraq idanhon ka shipoq baiq laü.”

YOBA 34:10

Ibom chong ara tai ronglaq, namshiq maiq asap atsintitiim raq! Ningkun Ajong Shiikeawe raq ashut miklo shea?

YOBA 34:16

Ümchaü min ibomtai ronglaq, namshiq ka taksu maiqse dea jiila.

YOBA 34:34

Maiqshaqti nguraü jiikla tengto dea nguta mingu; taksuti raq ibom chong ara tai raü kla

TAKSU LAK 12:1

Phaqchi saproti riika, ashut raüjaq atrantsii lungwiitlo. Maiqjiqti riika atrantsii raüjaq athai riitlo.

TAKSU LAK 14:6

Kumrong kumraqti ka, ümtiikiimin maiqshaq ma jalot mak. Shatmaq maiqshaqti riika jaqloseli, phanrap saptsin hotlo.

TAKSU LAK 18:15

Phaqchi maiqse raq phaqchi tsin ruq; Taksu maiqse raq binwiiq win ruq.

TAKSU LAK 19:25

Chuphit nüphit maiqkiq khiiti ka, sintsang maq hot-hot tsat laq; kra chhi raüta tsiihüti rii min, atsii michhi. Atsii asiti ka ason riilaq, raüla taksu maiqse ma mija wan.

TAKSU LAK 21:11

Maiqjiqti ka sintsang maq tsat raüla, tsiihüti raq atsii mihum. Maiqshaqti ma tsii chongkuq raüla, apaiq ka taksu ma mija.

TAKSU LAK 8:33

Ngi raq tsii chongkuq kang kra, tiitsang taironglaq. Maiqshaq ma ja rong laq, Taksma bomtsi ka naqshi she rongkiq.

TAKSU LAK 9:8

Akhü tiingashat maq khumtiwe ma, ümtiikii jumin tsii naq chongkuqkiq. Apaiq raq ümnaq khoti mingengho. Shatmaq atsang atsiiwe ka, ason laüta tsii chongkuq haüla, apaiq raq ümniika mishreng.

TAKSU LAK 9:9

Maiq wiitsiiti ma tsii chongkuq haüla, apaiq tsii ka khang wan wan miraq. Kechu maiqse ma tsü chongkuq raüla, apaiq ma phaqchi shoqke li miraq.

THARC TVLUINGC 9:11

Ngi raq bomtsi ashi hali sap wan nongkang. Ara mangjong hiq na phiqhea juti raq aju riilong akhingtek ka tang mak. Kiimahali, nolawe riimin rekhat ka tangruq ka tang mak. Taksu maiqse li jiimin, tsuq anyam ka lap wan ruq ka lap mak. Khutsai asiti maiqse kiimin chiithe ma jawan ruq ka ja mak. Kiimahali, asap atsin maiqse kiimin, akhingtek ajong ala miika jawan ruq jawan lot mak. Maiqse rilung na kiimhü ranaiq akhing ka wiitarü raq riihumtlo.

1 Corinthians 10:15

Ngi raq namshiq ma chong tiipha arka, phanrap asap atsin han she nguta ngo maq chong kuq tiikang. Ngi raq jamlai wa chongkuq tiipha arka, namshiq chapnai nga maq shin wan lili rong laq.

TRI CHONGKE 4:6

Kriithun thungtri ka tsapkapkap maq lang ronglaq. Kra klo han jiila, maiq mung phan hintinok raq namshiq ka taksu maiqsenok dea nguta michhi. Kiimaq tsangshiq raq arthun thungtri kra tai raüta, tsangshiq raq, ‘Ara mungti arka pinthum taksu kiimaq phaqchi jonghea phan maiqse!’ nguta mingu.